جۇڭحۋا ۇلتى ورتاق تۇلعا تانىمىن بەكەمدەپ، جۇڭحۋا ۇلتى ورتاق تۇلعا قۇرىلىسىن ىلگەرىلەتەيىك
— شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن قۇتتىقتاۋ جونىندەگى جەلىلەس شولۋ⑤
گازەتىمىزدىڭ شولۋشىسى
باس شۋجي شي جينپيڭ اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداعان كەزدە ”جۇڭحۋا ۇلتى ورتاق تۇلعا تانىمىن بەكەمدەپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋ كەرەك“، ـ دەپ اتاپ كورسەتتى، بۇل جاڭا داۋىردەگى پارتيانىڭ شينجياڭدى باسقارۋ جالپى جوباسىن اناعۇرلىم بايىتتى جانە دامىتتى، ٴبىزدىڭ ۇلتتار ىنتىماعى، العاباسارلىعى ىستەرىن ۇزدىكسىز ىلگەرىلەتۋىمىزگە، جۇڭحۋا ۇلتىنىڭ ۇلى ىنتىماعىن بەكەمدەۋىمىزگە جانە دامىتۋىمىزعا جاڭا اناعۇرلىم جوعارى تالاپ قويدى.
شينجياڭدا ۇلتتاردىڭ ىنتىماقتى، تاتۋ بولۋى باستان ـ اياق باس شۋجي شي جينپيڭنىڭ ەڭ تەرەڭ كوڭىل ٴبولۋى بولىپ، 2 ـ رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە تۇڭعىش رەت ”جۇڭحۋا ۇلتى ورتاق تۇلعا تانىمى“ ۇعىمى ايقىن ورتاعا قويىلعاننان 3 ـ رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە: ”جۇڭحۋا ۇلتى ورتاق تۇلعا تانىمىن بەرىك ورناتۋدى — نەگىزگى جەلى ەتىپ، ۇلتتاردىڭ ۇلى ىنتىماعىن ۇزدىكسىز بەكەمدەۋ كەرەك“ دەپ اتاپ كورسەتىلگەنگە دەيىن، ونان اۆتونوميالى رايون مەن بيڭتۋاننىڭ قىزمەت مالىمەتىن تىڭداعان كەزدە ”جۇڭحۋا ۇلتى ورتاق تۇلعا تانىمىن بەرىك ورناتۋ — جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ٴارى ۇلتتار وڭىرلەرىندەگى ٴتۇرلى قىزمەتتەردىڭ نەگىزگى جەلىسى“ دەپ باسا دارىپتەگەنگە دەيىن ٴبىزدىڭ جاڭا داۋىردەگى پارتيانىڭ ۇلت قىزمەتىن جانە شينجياڭنىڭ ٴتۇرلى قىزمەتتەرىن ويداعىداي ىستەۋىمىزگە ايقىن بەتالىس نۇسقاپ، ٴتۇبىرلى بويسۇنۋ ولشەمىن ازىرلەدى.
باس شۋجي نۇسقاعان بەتالىستى بويلاپ، شينجياڭ جۇڭحۋا ۇلتى ورتاق تۇلعا قۇرىلىسىن تىڭعىلىقتى ىلگەرىلەتىپ، ورتاقتىقتى كۇشەيتۋ بەتالىسى بويىنشا ۇلت قىزمەتىن ويداعىداي ىستەپ، ٴار ۇلت حالقىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى ـ تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتىپ، ۇلى وتاندى بىرگە قۇرۋعا، تاماشا تۇرمىستى بىرگە جاراتۋعا تاربيەلەدى، جەتەكتەدى. بۇگىنگى شينجياڭدا ۇلتتاردىڭ ۇلى ىنتىماعى ۇزدىكسىز بەكەمدەلدى، تەرەڭدەتىلدى، جۇڭحۋا ۇلتى ورتاق تۇلعا تانىمى جۇرت جۇرەگىنە تەرەڭ ۇيالادى، ٴار ۇلت حالقى اناردىڭ دانىندەي تىعىز ۇيىسىپ، كوكىرەك كەرە جۇڭگو ۇلگىسىندەگى وسىزامانداندىرۋ جولىمەن ٴجۇرىپ، ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋى بۇرىن بولماعان دەڭگەيگە جەتتى. اماليات مىنانى تولىق دالەلدەدى: ۇلت قىزمەتىن ويداعىداي ىستەۋدە ەڭ شەشۋشى ٴتۇيىن — ۇلتتار ىنتىماعىن جاقسارتۋ، ەڭ ٴونىمدىسى — جۇرت تىلەگىنە قول جەتكىزۋ، ٴسوز جوق، جۇڭحۋا ۇلتى ورتاق تۇلعا تانىمىن بەكەمدەۋدى ٴتۇرلى قىزمەتتىڭ نەگىزگى جەلىسى ەتىپ، باستان ـ اياق ساباقتاستىرىپ، جۇڭحۋا ۇلتى ورتاق تۇلعا قۇرىلىسىن ىشكەرىلەي ىلگەرىلەتۋ كەرەك.
جاڭا ٴداۋىردىڭ جاڭا جورىعىندا پارتيانىڭ وزەكتى مىندەتى — بۇكىل ەلدەگى ٴار ۇلت حالقىن ىنتىماقتاستىرىپ، باستاپ جاپپاي سوتسياليستىك وسىزاماندانعان قۇدىرەتتى ەل قۇرىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ، ال شينجياڭنىڭ وسىزامانداندىرۋ قۇرىلىسى دا جاڭا تاريحي باستامادا تۇر. 70 جىلدان بەرى، ٴار ۇلت حالقى تىنىستاس، تاعدىرلاس بولىپ، وشپەس ناتيجەلەردى جاراتتى، بولاشاقتا دا ٴار ۇلت حالقىنىڭ ىنتىماقتاسا كۇرەس جاساۋىنا سۇيەنىپ ٴۇرتىس تىڭ شۇعىلالى ناتيجەلەردى جاراتۋ كەرەك. ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدىڭ ٴتۇزىم ـ مەحانيزمىن اقاۋسىزداندىرىپ، ٴدىن ىستەرىن زاڭ ارقىلى باسقارۋدى كۇشەيتىپ، ۇلتتاردىڭ كەڭ كولەمدە ارالاسۋىن، ىشتەسۋىن، توعىسۋىن جەبەپ، بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى ـ تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتۋ كەرەك. جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، ۇلتتار ىنتىماعى، العاباسارلىعىنداعى وزات ورىن قۇرۋدى تەرەڭدەتىپ، مەملەكەتتە ٴبىر تۇتاس قولدانىلاتىن ٴتىل ـ جازۋدى جاپپاي كەڭەيتىپ، جالپىلاستىرىپ، ٴار ۇلت بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ٴدىن كوزقاراسىن ورناتىپ، مەملەكەت تانىمىن، ازامات تانىمىن، زاڭمەن باسقارۋ تانىمىن كۇشەيتىپ، جۇڭحۋا ۇلتىنىڭ ورتاق رۋحاني مەكەنىن قۇرۋعا جەتەكتەۋ كەرەك.
”جۇڭحۋا ۇلتى ورتاق تۇلعاسىنىڭ قالىپتاسۋى مەن دامۋى — حالىقتىڭ قالاۋى، ۇلكەن اۋقىم، تاريحي سوزسىزدىك“. جۇڭحۋا ۇلتى ورتاق تۇلعا تانىمىن بەرىك ورناتىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتىپ، ٴار ۇلت حالقىنىڭ ويدى ٴبىر اراعا شوعىرلاندىرىپ، كۇشتى ٴبىر جەرگە جۇمساپ، جۇدىرىقتاي جۇمىلىپ، كۇش ـ قۋاتتى ۇيىستىرىپ، قيىن ـ قىستاۋدان تايسالماي العا ىلگەرىلەيتىن بولساق، ىنتىماقتى دا جاراسىمدى، گۇلدەنگەن ٴارى باي، وركەنيەتتى دە العا باسقان، تىنىش ٴومىر، شات ـ شادىمان تىرشىلىك كەشىرەتىن، ەكولوگياسى تاماشا سوتسياليستىك وسىزاماندانعان شينجياڭ قۇرۋدىڭ قۇدىرەتتى بىرىككەن كۇشىن ۇيىستىرىپ، وتانىمىزدىڭ شينجياڭىن بارعان سايىن كوركەم ەتىپ قۇرىپ شىعاتىندىعىمىز داۋسىز.
