اۆتونوميالى رايوندىق حالىق ۇكىمەتى پارتيا باسشىلىق گرۋپپاسى كەڭەيتىلگەن ٴماجىلىس اشتى
قايراتتانا ۇمتىلىپ، سوتسياليستىك وسىزاماندانعان شينجياڭ قۇرۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 10 ـ ايدىڭ 1 ـ كۇنى ۇرىمجىدەن حابارلايدى. 9 ـ ايدىڭ 30 ـ كۇنى اۆتونوميالى رايوندىق حالىق ۇكىمەتى پارتيا باسشىلىق گرۋپپاسى كەڭەيتىلگەن ٴماجىلىس اشىپ، باس شۋجي شي جينپيڭنىڭ ورتالىقتىڭ ۋاكىلدەر ۇيىرمەسىن باستاپ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كەزدە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، بۇكىل رايوننىڭ كادرلار جينالىسىنىڭ جانە اۆتونوميالى رايوندىق پارتكوم تۇراقتى كوميتەتى كەڭەيتىلگەن ٴماجىلىسىنىڭ رۋحىن دايەكتىلەندىرىپ، تياناقتاندىرىپ، ٴىس جۇزىندىكپەن ۇشتاستىرا مۇقيات پىكىر اۋىستىردى، زەرتتەۋ ـ تالقى جۇرگىزدى. اۆتونوميالى رايوننىڭ ٴتوراعاسى، اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ شۋجيى ەركىن تۇنياز ٴماجىلىستى باسقاردى ٴارى ٴسوز سويلەدى.
اۆتونوميالى رايوندىق ۇكىمەت پارتيا باسشىلىق گرۋپپاسىنىڭ مۇشەلەرى پىكىر اۋىستىرىپ ٴسوز سويلەدى جانە جازباشا ٴسوز سويلەدى.
ٴماجىلىس مىنالاردى اتاپ كورسەتتى: اۆتونوميالى رايون قۇرىلعاندىعىنىڭ 70 جىلدىعى بايلانىسىمەن باس شۋجي شي جينپيڭنىڭ ورتالىق ۋاكىلدەر ۇيىرمەسىن ٴوزى باستاپ قۇتتىقتاۋ قيمىلىنا قاتىناسۋىنىڭ كەلەلى ٴمانىن جەتە تانۋ كەرەك. ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، باس شۋجيدىڭ ىقىلاستى تاپسىرماسىن مىندەت وتەپ جاۋاپكەرشىلىكتى ادا ەتۋدىڭ، ٴىس تىندىرىپ ناتيجە شىعارۋدىڭ قۋاتتى قوزعاۋشى كۇشىنە اينالدىرىپ، ونان ارى سەنىمدى بەكەمدەپ، قايراتتانا ۇمتىلىپ، ۇزدىكسىز قاجىماي كۇش سالىپ، ىنتىماقتى دا جاراسىمدى، گۇلدەنگەن ٴارى باي، وركەنيەتتى دە العا باسقان، تىنىش ٴومىر، شات ـ شادىمان تىرشىلىك كەشىرەتىن، ەكولوگياسى تاماشا سوتسياليستىك وسىزاماندانعان شينجياڭدى قۇلشىنا قۇرۋ كەرەك.
ٴماجىلىس مىنالاردى باسا دارىپتەدى: باس شۋجي شي جينپيڭنىڭ ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى ماڭداي الدى ساياسي مىندەت ەتىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە كۇش سالۋ كەرەك. قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، نازاردى پارتيا ورتالىق كوميتەتى بەلگىلەگەن ”بەس ۇلكەن ستراتەگيالىق ورىنعا“ شوعىرلاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، دامۋ مەن حاۋىپسىزدىكتى ٴبىر تۇتاس جوسپارلاپ، پارتيا ورتالىق كوميتەتىنىڭ، مەملەكەتتىك كەڭەستىڭ شينجياڭعا بەرگەن ٴبىر قىدىرۋ كەلەلى ساياساتتارىن باتىل تياناقتاندىرىپ، اناعۇرلىم جاقسى قىزمەت ساپاسىمەن، ونىمدىلىگىمەن باس شۋجيدىڭ، پارتيا ورتالىق كوميتەتىنىڭ كوڭىل بولۋىنە، قامقورلىعىنا جاۋاپ قايتارۋ كەرەك.
ٴماجىلىس مىنالاردى باسا دارىپتەدى: قوعام ورنىقتىلىعىن تيتتەي دە بوساڭسىماي مىقتى يگەرىپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن تىڭعىلىقتى ىلگەرىلەتىپ، قايشىلىقتاردى، داۋ ـ شارلاردى ىشكەرىلەي ٴبىر ـ بىردەن تەكسەرىپ، شەشىپ، قوعام ورنىقتىلىعى مەن باياندى تىنىشتىق نەگىزىن بەكەمدەۋ كەرەك. جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، ۇلتتار ىنتىماعى، العاباسارلىعىنداعى وزات ورىن قۇرۋدى تەرەڭدەتىپ، جاستار مەن ورەندەرگە قاراتىلعان ”نەگىز قالاۋ“ ينجەنەرياسىن ىشكەرىلەي ىلگەرىلەتىپ، ٴوزارا كىرىكپەلى قوعامدىق قۇرىلىم مەن الەۋمەتتىك اۋماق ورتاسىن بەلسەنە قۇرۋ كەرەك. ”بەس ۇلكەن ستراتەگيالىق ورىن بەلگىلەمەسى“ جونىندە ىشكەرىلەي زەرتتەۋ جۇرگىزۋدى كۇشەيتىپ، نەگىزگى تۇلعالىق رولدى تولىق ساۋلەلەندىرىپ، ىرىقتىلىقپەن وي جۇگىرتىپ، عىلمي جوبا جاساپ، جۇرەكتىلىكپەن ىستەپ، پارتيا ورتالىق كوميتەتى شينجياڭعا بەلگىلەپ بەرگەن ستراتەگيالىق ورىندى بار كۇشپەن تاماشا رەالدىققا اينالدىرۋ كەرەك. شينجياڭنىڭ بايلىق ارتىقشىلىعى، وڭىرلىك ورىن باسىمدىعى، كاسىپ سالاسىنىڭ نەگىزى سياقتىلاردى تياناق ەتىپ، مۇناي ـ گاز، كومىر، كەن بايلىعى، جاڭا ەنەرگيا سياقتى ەرەكشەلىككە، باسىمدىققا يە كاسىپ سالالارىن كۇش سالا دامىتىپ، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، جىبەك جولى ەكونوميكالىق بەلدەۋى وزەكتى رايونىن جوعارى ساپامەن قۇرۋ كەرەك. جۇمىستاندىرۋ، وقۋ ـ اعارتۋ، ەمدەۋ سياقتى نەگىزگى حالىق تۇرمىسى قىزمەتىن تىڭعىلىقتى ويداعىداي ىستەپ، دامۋ جەتىستىكتەرىنىڭ حالىق تۇرمىسىنا اناعۇرلىم ويداعىداي تيىمدىلىك جاساۋىن، جۇرت تىلەگىن ۇيىستىرۋىن ىلگەرىلەتۋ كەرەك. وڭتۇستىك شينجياڭعا ساياسات، قارجى، دارىندى، نىسان جاقتارىنان قولداۋ كورسەتۋ تەبىنىن ارتتىرىپ، كاسىپ سالالارىن جەبەۋدى، جۇمىستاندىرۋعا جەتەكتەۋدى ٴتۇيىندى تۇردە ارقاۋ ەتىپ، وڭتۇستىك شينجياڭ سىندى ”شاحمات كوزىن“ كۇش سالا جانداندىرۋ كەرەك. بولاشاق 5 جىلداعى كۇرەس نىساناسىن، قىزمەت وي جەلىسىن، ٴتۇيىندى مىندەتتەردى عىلمي جوبالاپ، ”15 ـ بەسجىلدىق“ جوبانى جوعارى ساپامەن جاقسى جاساۋ كەرەك. دۇرىس ناتيجە كوزقاراسىن بەرىك ورناتىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.
