باس شۋجي شي جينپيڭنىڭ شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسۋى ٴارقايسى دەموكراتيالىق پارتيا ـ توپتاردىڭ شينجياڭ رايوندىق كوميتەتتەرىندەگىلەردى، اۆتونوميالى رايوندىق ساۋدا ـ ونەركاسىپشىلەر بىرلەستىگىندەگىلەردى جانە پارتيادا، توپتا جوق قايراتكەرلەردى شابىتتاندىردى —
ٴبىر نيەتپەن كۇش سالىپ، شينجياڭنىڭ كوركەم بولاشاعىن بىرگە جاراتامىز
انار بۇلت \ شينجياڭ گازەتىنىڭ تىلشىلەرى جاڭ يانفاڭ، تويا
التىن كۇزدىڭ شۇلەن شۋاعى تيانشاندى نۇرعا بولەدى. اۆتونوميالى رايون قۇرىلعاندىعىنىڭ 70 جىلدىعى مەرەيلى ساتىندە، شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى رەتىندە، ورتالىق ۋاكىلدەر ۇيىرمەسىن باستاپ شينجياڭعا كەلىپ، شينجياڭ ۇيعۇر اۆتونوميالى رايونى قۇرىلعاندىعىن قۇتتىقتاۋ قيمىلىنا قاتىناسۋى پارتيا مەن مەملەكەت تاريحىندا تۇڭعىش رەت بولدى، بۇل پارتيا ورتالىق كوميتەتىنىڭ شينجياڭ قىزمەتىنە ايرىقشا ٴمان بەرەتىندىگىن، شينجياڭداعى ٴار ۇلت كادر ـ بۇقاراسىنا شىنايى قامقورلىعىن تولىق ايگىلەدى.
شىنايى قامقورلىق، اسا زور شابىت. شينجياڭ ىلگەرىندى ـ كەيىندى بۇكىل رايوننىڭ كادرلار جينالىسىن، اۆتونوميالى رايوندىق پارتكوم تۇراقتى كوميتەتى كەڭەيتىلگەن ٴماجىلىسىن اشىپ، باس شۋجي شي جينپيڭنىڭ ورتالىق ۋاكىلدەر ۇيىرمەسىن باستاپ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كەزدە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ جونىندە ورنالاستىرۋ جاسادى. ٴارقايسى دەموكراتيالىق پارتيا ـ توپتاردىڭ شينجياڭ رايوندىق كوميتەتتەرىندەگىلەر، اۆتونوميالى رايوندىق ساۋدا ـ ونەركاسىپشىلەر بىرلەستىگىندەگىلەر جانە پارتيادا، توپتا جوق قايراتكەرلەر مۇقيات ۇيرەنىپ، ەرەكشە شابىتتاندى، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭحۋا ۇلتى ورتاق تۇلعا تانىمىن بەكەمدەۋدى، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى مىقتاپ ارقاۋ ەتىپ، ”بەس ۇلكەن ستراتەگيالىق ورىندى“ كوزدەي وتىرىپ، اۆتونوميالى رايوندىق پارتكومنىڭ ورنالاستىرۋلارى، تالاپتارى بويىنشا ابزالدىلىقتارىن ساۋلەلەندىرىپ، مىندەت اتقارىپ، جاۋاپكەرشىلىكتەرىن ادا ەتىپ، ٴبىر نيەتپەن كۇش سالىپ، قول ۇستاسا ەكپىندەي ىلگەرىلەپ، سوتسياليستىك وسىزاماندانعان شينجياڭدى بىرگە قۇراتىندىقتارىن ٴبىلدىردى.
”باس شۋجي شي جينپيڭ بۇكىل رايونداعى ٴار ۇلت حالقىمەن بىرگە اۆتونوميالى رايون قۇرىلعاندىعىنىڭ 70 جىلدىعىن قۇتتىقتاپ، جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى ستراتەگيالىق جالپى جاعداي تۇرعىسىندا تۇرىپ، شينجياڭ قىزمەتى ٴۇشىن تاعى دا جاعداي باعامداپ، باعدار بەلگىلەدى، بۇل تەرەڭ سۇيىسپەنشىلىككە تولى بولىپ، جۇرت جۇرەگىن جەلپىندىردى“. 10 ـ ايدىڭ 1 ـ كۇنى، جۇڭگو دەموكراتيالىق وداعى شينجياڭ رايوندىق كوميتەتىنىڭ مەڭگەرۋشى مۇشەسى جاڭ حۇي مىنالاردى ٴبىلدىردى: 70 جىلدان بەرى، شينجياڭنىڭ قول جەتكىزگەن شۇعىلالى تابىستارىن پارتيا ورتالىق كوميتەتىنىڭ شىنايى قامقورلىعىنان، بۇكىل ەل حالقىنىڭ قالتقىسىز كومەگىنەن بولە قاراۋعا بولمايدى، ونان دا ماڭىزدىسى، وعان شينجياڭداعى ٴار ۇلت حالقىنىڭ ىنتىماقتاسا كۇرەس جۇرگىزۋى مەن قاجىماس قۇلشىنىسى سىڭگەن. جاڭا تاريحي باستامادا تاپسىرمانى ەستە بەرىك ساقتاپ، بۇكىل رايونداعى ٴار دارەجەلى جۇڭگو دەموكراتيالىق وداعى ۇيىمدارى مەن جۇڭگو دەموكراتيالىق وداعى مۇشەلەرىن باستاپ، جۇڭگو كوممۋنيستىك پارتياسىنىڭ باسشىلىعىن بۇلجىماي قولداپ، اۆتونوميالى رايوندىق پارتكومنىڭ وزەكتى قىزمەتىن مىقتاپ ارقاۋ ەتىپ، جۇڭگو دەموكراتيالىق وداعىنىڭ تاڭداۋلى ٴداستۇرىن جالعاستىرىپ، سىندارلى اقىل ـ كەڭەس بەرىپ، ورتاق تانىم ۇيىستىرىپ، دايەكتى تۇردە جۇڭگو كوممۋنيستىك پارتياسىنىڭ جاقسى اقىلشىسى، جاقسى كومەكشىسى، جاقسى قىزمەتتەسى بولامىز.
”باس شۋجي شي جينپيڭنىڭ اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداعان كەزدە سويلەگەن ماڭىزدى ٴسوزى شينجياڭ قىزمەتىنە تاعى دا ماڭىزدى جەتەكشىلىك ەتتى، بۇل جۇرت كوڭىلىن جەلپىندىرەدى، ەكپىندەي ىلگەرىلەۋگە جىگەرلەندىرەدى!“ جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتىنىڭ مەڭگەرۋشى مۇشەسى ما حۋادۇڭ تەبىرەنە بىلاي دەدى: جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ جەتەكشىلىگىندە، شينجياڭنىڭ ٴتۇرلى ىستەرىندە تاريحي سيپاتتى وزگەرىستەر تۋىلىپ، تاريحي سيپاتتى تابىستارعا قول جەتكىزىلىپ، دامۋى ەڭ جاقسى، وزگەرىس ەڭ زور، ٴار ۇلت بۇقاراسى ەڭ كوپ يگىلىككە كەنەلگەن تاريحي مەزگىلگە قادام تاستادى. اماليات جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ بۇكىلدەي دۇرىس ەكەندىگىن دالەلدەدى. ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، بۇكىل رايوننىڭ كادرلار جينالىسىنىڭ جانە اۆتونوميالى رايوندىق پارتكوم تۇراقتى كوميتەتى كەڭەيتىلگەن ٴماجىلىسىنىڭ ورنالاستىرۋلارى، تالاپتارى بويىنشا ٴىس جۇزىندىكپەن ۇشتاستىرىپ، مىندەت اتقارىپ جاۋاپكەرشىلىكتى ادا ەتىپ، ”تياناقتاندىرۋدى“، ”ۇيىستىرۋدى“ اناعۇرلىم ويداعىداي ورىنداپ، سوتسياليستىك وسىزاماندانعان شينجياڭ قۇرۋ ٴۇشىن قاجىماي ـ تالماي كۇرەس جۇرگىزۋ كەرەك.
سوڭعى كۇندەرى جۇڭگو شارۋا ـ جۇمىسشى دەموكراتيالىق پارتياسى شينجياڭ رايوندىق كوميتەتىنىڭ مەڭگەرۋشى مۇشەسى مىڭ چيڭساي باس شۋجي شي جينپيڭنىڭ ماڭىزدى ٴسوزىنىڭ رۋحىن مۇقيات ۇيرەنگەننەن كەيىن، جاۋاپكەرشىلىگى اۋىر، بورىشى داڭقتى ەكەندىگىن تەرەڭ سەزىندى. ”باس شۋجي شي جينپيڭنىڭ ماڭىزدى ٴسوزى ٴبىزدىڭ بۇدان كەيىنگى قىزمەتىمىزگە ٴتۇبىرلى بويسۇنۋ ولشەمىن ازىرلەدى، باعىتىمىز اناعۇرلىم ايقىندالدى، قىزمەتكە دەگەن ارىنىمىز ٴتىپتى دە كۇشەيدى“. ول باتىل تۇردە مىنالاردى ٴبىلدىردى: اۆتونوميالى رايوندىق پارتكومنىڭ ورنالاستىرۋلارىن، تالاپتارىن ويداعىداي دايەكتىلەندىرىپ، تياناقتاندىرىپ، باس شۋجي شي جينپيڭنىڭ ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ٴبىر مەزگىلدەگى ماڭداي الدى ساياسي مىندەت ەتىپ، جاۋاپكەرشىلىك ارقالاۋدى ونان ارى كۇشەيتىپ، ٴوز قىزمەتىمدى تياناق ەتىپ، ارتىقشىلىعىمدى ساۋلەلەندىرىپ، ۇكىمەت ىسىنە ارالاسۋ، ۇكىمەت ٴىسىن كەڭەسۋ، دەموكراتيالىق باقىلاۋ جانە قوعامدىق قىزمەت وتەۋ قىزمەتىنە بەلسەنە ات سالىسىپ، بۇكىل رايونداعى جۇڭگو شارۋا ـ جۇمىسشى دەموكراتيالىق پارتياسى مۇشەلەرىن باستاپ ۇكىمەت ىسىنە اقىل ـ كەڭەس بەرۋ، حالىق تۇرمىسىنا قىزمەت وتەۋ، جاراسىمدىلىقتى جەبەۋ بارىسىندا بەلسەنە ىسكەرلىك كورسەتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋگە كۇش قوسامىز.
”باس شۋجي شي جينپيڭنىڭ ورتالىق ۋاكىلدەر ۇيىرمەسىن باستاپ شينجياڭعا ٴوزى كەلۋى پارتيا ورتالىق كوميتەتىنىڭ شينجياڭ قىزمەتىنە ايرىقشا ٴمان بەرەتىندىگىن، شينجياڭداعى ٴار ۇلت كادر ـ بۇقاراسىنا شىنايى قامقورلىعىن تولىق ايگىلەدى، كوپشىلىك مۇنان ەرەكشە شابىتتاندى“. اۆتونوميالى رايوندىق پارتكوم بىرلىكساپ ٴبولىمىنىڭ ورىنباسار باستىعى، اۆتونوميالى رايوندىق ساۋدا ـ ونەركاسىپشىلەر بىرلەستىگى پارتيا باسشىلىق گرۋپپاسىنىڭ شۋجيى ليۋ بين بىلاي دەدى: حالىقتىق شارۋاشىلىق شەبىنە قىزمەت وتەۋشى رەتىندە، شينجياڭنىڭ شارۋاشىلىق ـ ساۋدا ورتاسىنىڭ ۇزدىكسىز جاقسارعاندىعىن جانە حالىقتىق شارۋاشىلىقتىڭ قاۋلاعان ومىرشەڭ كۇشىن تەرەڭ سەزىندىم، سونداي ـ اق بۇكىل رايونداعى ساۋدا ـ ونەركاسىپشىلەر بىرلەستىگى ۇيىمدارىنىڭ وزەكتى ارقاۋ ەتىپ، كەلەلى جاعدايعا قىزمەت وتەپ، ”ەكى اقاۋسىزدىقتى“ جەبەۋ سەنىمى مەن بەكىمىن اناعۇرلىم نىعايتتى. بۇلجىماستان باس شۋجي شي جينپيڭنىڭ قامقورلىعىن، تەرەڭ سۇيىسپەنشىلىگىن قۋاتتى قوزعاۋشى كۇشكە اينالدىرىپ، اۆتونوميالى رايوندىق پارتكومنىڭ ورنالاستىرۋلارىن ويداعىداي دايەكتىلەندىرىپ، تياناقتاندىرىپ، بۇكىل رايونداعى حالىقتىق شارۋاشىلىق قايراتكەرلەرىن دامۋ سەنىمىن كۇشەيتۋگە جەتەكتەپ، ۇلتتار ىنتىماعىن، ەكونوميكانىڭ، قوعامنىڭ جوعارى ساپالى دامۋىن جەبەۋ بارىسىندا اناعۇرلىم زور جاۋاپكەرشىلىك ارقالاپ ىسكەرلىك كورسەتۋدى ايگىلەيمىز.
جاڭا شارۋاشىلىق قايراتكەرلەرىنىڭ ۋاكىلى رەتىندە، قاشقار جياڭگوگو اۋىل شارۋاشىلىعى عىلىم ـ تەحنولوگيا شەكتى سەرىكتەستىگىنىڭ باس جوراسى چىن ۋىنجۇن بىلاي دەدى: جياڭگوگو — وڭتۇستىك شينجياڭدا تامىر تارتقان حالىقتىق كاسىپورىن، 2015 ـ جىلى قۇرىلعاننان بەرى دامىپ، اۆتونوميالى رايوننىڭ اۋىل شارۋاشىلىعىن كاسىپ سالالاندىرۋداعى ٴتۇيىندى باستاماشى كاسىپورىنعا اينالدى، 2024 ـ جىلى ساتۋ سوماسى 400 ميلليون يۋانعا جەتتى. الداعى جەردە ”شينجياڭ باعباندارىنا كومەكتەسىپ، شينجياڭ قوعامىن باقىتقا كەنەلتۋ“ بورىشىنان جازباي، ونىمدەردى زەرتتەۋ ـ اشۋ، بازاردى كەڭەيتۋ، ماركانىڭ ىقپال كۇشىن جوعارىلاتۋ جاقتارىندا ۇزدىكسىز كۇش سالىپ، ٴتىپتى دە كوپ تۇتىنۋشىنىڭ شينجياڭنىڭ قاۋىن ـ قاربىز، جەمىس ـ جيدەكتەرىنىڭ ٴتاتتى ٴدامىن تاتۋىنا مۇمكىندىك جاسايمىز.
”باس شۋجي شي جينپيڭنىڭ قابىلداۋىندا بولعان كۇنى مەن شەكسىز تەبىرەنىپ، شەكسىز باقىت سەزىندىم“. پارتيادا، توپتا جوق قايراتكەر، شينجياڭ اۋىل شارۋاشىلىق داشۋەسى ەكونوميكالىق، قوعامدىق دامۋدى زەرتتەۋ ورتالىعىنىڭ مەڭگەرۋشىسى بۇاجار ابىلا بىلاي دەدى: اۆتونوميالى رايون قۇرىلعان 70 جىلدان بەرى، جۇڭگو كوممۋنيستىك پارتياسىنىڭ باسشىلىعىندا شينجياڭداعى ٴار ۇلت بۇقاراسىنىڭ تۇرمىس ورەسى بارىنشا جوعارىلاپ، تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيىپ، ۇلتتاردىڭ ارالاسۋى، ىشتەسۋى، توعىسۋى اناعۇرلىم نىعايا ٴتۇستى. الداعى جەردە ٴبىلىم بەرىپ ادام تاربيەلەۋ قىزمەتىن قۇلشىنا جاقسى ىستەپ، عىلمي زەرتتەۋ مەن قوعامدىق قىزمەت وتەۋدى بەلسەنە ورىستەتىپ، شينجياڭنىڭ اۋىل شارۋاشىلىعىن وسىزامانداندىرۋى ٴۇشىن جاۋاپكەرشىلىگىمدى ادا ەتەمىن، كۇش قوسامىن. كوپشىلىك ٴبىر نيەتپەن ىنتىماقتاسىپ، قول ۇستاسا ەكپىندەي ىلگەرىلەسە عانا شينجياڭنىڭ اناعۇرلىم كوركەم بولاشاعىن، ٴسوز جوق، اشاتىندىعىنا سەنەمىن!
