انار بۇلت \ شينجياڭ گازەتىنىڭ ٴتىلشىسى دۋ جيانحۇي
10 ـ ايدىڭ 6 ـ كۇنى تۇستەن كەيىن لوپنۇر اۋدانى اقسۇپا اۋىلى جاڭاباق قىستاعىنىڭ تۇرعىنى سۇن لين ايكۇلشە مەن شىلاندى كوتەرىپ، قىستاقتىڭ انا باسىندا تۇراتىن شيلىپحان سايىت شەشەيدىڭ ۇيىنە بەتتەدى.
ەسىكتەن كىرە سالىسىمەن 82 جاستاعى شيلىپحان پىسىرعان ساڭزىسىن كوتەرىپ شىعىپ: ”كۇنجۇتتى ارنايى كوبىرەك قوستىم، وسى ٴدامدى ۇناتىپ جەۋشى ەدىڭ“، ـ دەدى. كىشكەنە اس ۇستەلىنە ايكۇلشە، ساڭزى جانە مەيىز سياقتى ٴتۇرلى ٴدامدى تاعامدار تولتىرا قويىلعان، شيلىپحاننىڭ جۇزىنەن باقىت كۇلكىسى ەسەدى، ”ٴار جىلى جۇڭچيۋ مەرەكەسىندە ۇلىم قايتىپ كەلىپ مەنىمەن بىرگە مەرەكە وتكىزەدى“.
سۇن لين شاندۇڭ ولكەسى لين ـ ي قالاسىنان، 2012 ـ جىلى اقسۇپا اۋىلىنا كەلىپ ەگىنشىلىكپەن شۇعىلدانىپ، پارتيانىڭ ابزال ساياساتىنىڭ جانە جاپاعا شىداپ قاجىرلىلىقپەن ىستەۋىنىڭ ارقاسىندا بىرتە ـ بىرتە جەرگىلىكتى ورىندا اتى تانىلىپ كەلە جاتقان ماقتا ەگۋ مايتالمانى بولدى. 2013 ـ جىلى ٴبىر رەتكى كەزدەيسوق ورايدا ول شيلىپحاننىڭ ۇيىنە كەلەدى، الاكولەڭكە ۇيدەگى بىردەن ـ ٴبىر ەلەكتر جابدىعى كونە تەلەۆيزور ەدى، سۇپىنىڭ شەتىندە وتىرعان قاريانىڭ كوزىنەن ۋايىم ـ قايعى مۇندالاپ تۇردى. كەيىن كەلە ول قاريانىڭ جولداسىنىڭ ەرتە قايتىس بولعانىن، 7 بالاسىن ٴوزى جالعىز باعىپ، ەرجەتكىزگەنىن بىلەدى.
”مەنىڭ وسى ارادا قونىستانۋىم، بايۋىم پارتيانىڭ ابزال ساياساتىنان جانە اۋىلداستاردىڭ كوڭىل بولۋىنەن، كومەگىنەن ايرىلا المايدى، اۋىلداستاردىڭ قيىنشىلىعى بولعاندا مەن قول ۇشىن بەرۋگەٴتيىسپىن“، ـ دەدى سۇن لين.
سودان باستاپ سۇن لين شيلىپحان وتباسىنىڭ تۇراقتى قوناعىنا اينالدى. كۇرىش، ۇن، سۋماي، بالالار پايدالاناتىن وقۋ قۇرالدارىن ول ۇنەمى جەتكىزىپ بەرىپ تۇردى؛ شيلىپحاننىڭ ۇلى ازەز ٴيۇسۇپ مەملەكەتتە ٴبىر تۇتاس قولدانىلاتىن تىلدە جاتىق سويلەي المايتىن، سونىمەن ول اڭگىمەلەسۋ ارقىلى از ـ ازدان ۇيرەتتى؛ ماقتا اتىزىن سۋارۋدىڭ، تىڭايتقىش بەرۋدىڭ شەشۋشى مەزگىلىنە جەتكەندە، ول ازەزگە دەر كەزىندە اتىزىن ويداعىداي باپتاۋدى ەسكەرتەدى؛ قولى بوساي قالسا، قاريانىڭ نەمەرە ۇل ـ قىزدارىنا شاندۇڭ يمىڭ بايىرعى رايونىنىڭ اڭگىمەسىن ايتىپ بەرەدى.
”سۇن لين مەنىڭ تۋعان ۇلىم“، ـ دەيدى شيلىپحان ۇنەمى قىستاق تۇرعىندارىنا.
شيلىپحان ۇلىنىڭ ۇيلەنۋ تويىندا ٴۇي ىشىمەن سۋرەتكە تۇسكەندە سۇن ليندى جانىنا شاقىرىپ الادى، ”ول كىسى مەنىڭ قولىمدى مىقتاپ قىسىپ تۇرىپ ’ۇلىم مەنىڭ قاسىمدا تۇرۋى كەرەك‘ دەگەن ەدى“، ـ دەيدى سۇن لين سول ٴساتتى ەسكە العاندا جۇرەگى مەيىرگە بولەنىپ.
”ٴار جىلى جۇڭچيۋدى شەشەممەن بىرگە وتكىزەمىن“. سۇن لين: شەشەم ايكۇلشەنى ٴبولىپ ماعان بەرەدى، تاعى كەپتىرىلگەن مەيىزدى الىپ شىعىپ، ايكۇلشەگە مەيىز قوسىپ جەسە ٴدامى وتە جاقسى بولادى دەيتىن، ـ دەدى.
”اقسۇپا اۋىلى مەنىڭ ەكىنشى مەكەنىم. ٴار جىلعى كوكتەم مەرەكەسىندە شاندۇڭعا قايتىپ اكە ـ شەشەمە امانداسامىن، قالعان مەرەكە ـ مەيرامداردى شينجياڭدا شيلىپحان شەشەيمەن بىرگە وتكىزەمىن“. سۇن لين بىلاي دەدى: ”شيلىپحان شەشەيگە سەرىك بولىپ لوپنۇردا ايدى تاماشالاۋ مەن اۋىلىمدا مەرەكە وتكىزۋدىڭ ەشقانداي پارقى جوق“.
سوڭعى جىلدارى سۇن لين جەرگىلىكتى مەكتەپتەرگە جانە باسقا دا قيىنشىلىعى بار اۋىلداستارعا، كورشى ـ قولاڭدارىنا قارجى شىعارىپ كومەكتەستى، سونداي ـ اق اتىزدا اۋىلداعى ديقاندارعا ماقتا ەگۋ تەحنيكاسىن ۇيرەتتى.
ىمىرت ۇيىرىلە باستادى، شاعىن اۋلا دۋمانعا بولەندى. ”بيىل — اۆتونوميالى رايون قۇرىلعاندىعىنىڭ 70 جىلدىعى، مەملەكەت مەرەكەسى دەمالىسى جۇڭچيۋ مەرەكەسىنە تۋرا كەلىپ، قۋانىشتى ىستەر بىرىنەن سوڭ ٴبىرى جالعاسىپ جاتىر. پارتيانىڭ ابزال ساياساتىنىڭ ارقاسىندا تۇرمىسىمىز بارعان سايىن جاقساردى، بۇدان كەيىن ٴتىپتى دە شالقي تۇسەدى“. سۇن لين شيلىپحاننىڭ قولىن قىسا ۇستاپ، جانارىنان قۋانىش لەبى ەستى، ”شەشە، ٴبىز ٴار جىلى جۇڭچيۋدى وسىلايشا بىرگە وتكىزىپ، بىرگە باس قوسىپ، باقىتتى بولا بەرەمىز!“
