شينجياڭ فۋتبول قىزمەتى ٴماجىلىسى اشىلدى
فۋتبولدىڭ گۇلدەنۋى مەن دامۋىن شىن مانىندە ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 10 ـ ايدىڭ 12 ـ كۇنى ۇرىمجىدەن حابارلايدى. شينجياڭ فۋتبول قىزمەتى ٴماجىلىسى 10 ـ ايدىڭ 12 ـ كۇنى تۇستەن بۇرىن اشىلدى، ٴماجىلىس باس شۋجي شي جينپيڭنىڭ دەنە تاربيە جانە فۋتبول قىزمەتى جونىندەگى ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، مەملەكەتتىك فۋتبول قىزمەتى ٴماجىلىسىنىڭ رۋحىن جەتكىزىپ، دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىنە تاباندى بولىپ، كەزەكتەگى جانە بۇدان بىلايعى ٴبىر مەزگىلدەگى قىزمەت مىندەتتەرىن ورنالاستىرىپ، شينجياڭ فۋتبولىنىڭ گۇلدەنۋى مەن دامۋىن ىلگەرىلەتۋ كەرەكتىگىن اتاپ كورسەتتى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: اۆتونوميالى رايوندىق پارتكومنىڭ، ۇكىمەتتىڭ ايرىقشا ٴمان بەرۋىندە شينجياڭ فۋتبولىنىڭ نەگىزدىك شارت ـ جاعدايى، قوعامدىق رايى بارعان سايىن جاقساردى. ساياسي دەڭگەيدى اناعۇرلىم جوعارىلاتىپ، فۋتبول قىزمەتىنىڭ ورنىن ٴدال يگەرىپ، عىلمي زاڭدىلىققا بويسۇنىپ، بيڭتۋان مەن جەرگىلىكتى ورىن ٴبىر تۇتاس جۇيە دەگەننەن جازباي، كومەسكى كۇشتەردى اشىپ، جەتەرسىزدىكتەردى تۇزەتىپ، ولقىلىقتاردى تولىقتاپ، قامال الۋ سيپاتتى، جۇيەلى، جارامدى، ناقتى شارالاردى العا قويىپ، شينجياڭ فۋتبولىنىڭ جوعارى ساپالى دامۋىن جەبەۋ كەرەك.
ٴماجىلىس مىنالاردى باسا دارىپتەدى: جاستار مەن ورەندەردى فۋتبولعا جاتتىقتىرۋ جۇيەسى قۇرىلىسىن جەدەلدەتىپ، ”اۋداندىق، قالالىق فۋتبول ەرەكشە مەكتەپتەرى جالپىلاستىرۋدى يگەرەتىن، ايماقتىق، وبلىستىق، قالالىق جاستار جاتتىعۋ ورتالىقتارى (كاسىپتەن سىرتقى دەنە تاربيە مەكتەپتەرى) جوعارىلاتۋدى يگەرەتىن، اۆتونوميالى رايون دارەجەلى جاستار جاتتىعۋ ورتالىقتارى ساڭلاقتاردى يگەرەتىن“ جاستار جاتتىعۋ جۇيەسى قۇرىلىمىن كۇش سالا قۇرىپ، ”دەنە تاربيە مەكتەبى فۋتبولدى كۇشەيتۋ ارەكەتىن“ ٴبىر تۇتاس جوسپارلاپ ىلگەرىلەتىپ، تەحنولوگيالىق توپتاردى نىعايتىپ، حالىقارالىق اۋىس ـ كۇيىستى، سەلبەستىكتى تەرەڭدەتىپ، جاستاردى فۋتبولعا جاتتىقتىرۋدى دامىتۋدىڭ حالىقارا، ەل ٴىشى سىندى قوس باعىتتاعى ىركىلىسسىز جاڭا ۇلگىسىن قالىپتاستىرۋ كەرەك. ىلە، قاشقار سىندى باتىس بولىك وڭىرىندەگى دەنە تاربيە مەن وقۋ ـ اعارتۋدى توعىستىرعان جاستار فۋتبول جاتتىعۋى جۇيەسى قۇرىلىسىن تۇيىندە سىناق ەتۋ بويىنشا ۇلگى كورسەتۋ، جەتەكتەۋ رولىن ويداعىداي ساۋلەلەندىرىپ، قارجى ۇسىنىلىمىن ارتتىرىپ، شينجياڭعا كومەكتەسەتىن ولكە، قالالارمەن اۋىس ـ كۇيىستى، سەلبەستىكتى كۇشەيتۋ كەرەك. مەكتەپ فۋتبولىن ٴمورال ارقىلى تاربيەلەۋ ٴتۇبىرلى مىندەتىن تياناقتاندىرۋداعى، جۇڭحۋا ۇلتى ورتاق تۇلعا تانىمىن بەكەمدەۋدەگى، فۋتبولدىڭ دامۋ دەڭگەيىن جوعارىلاتۋداعى نەگىزدىك ينجەنەريا رەتىندە يگەرىپ، مەكتەپ فۋتبول الاڭى قۇرىلعىلارىن جوبالاۋ، قۇرۋ تەبىنىن ۇزدىكسىز ارتتىرىپ، وقىتۋشىلار كۇشىن تولىقتاپ، كۇشەيتىپ، ۇزدىك جاتتىقتىرۋشىلاردىڭ، دوپشىلاردىڭ مەكتەپكە كىرىپ وقىتۋشى بولۋ ارناسىن ىركىلىسسىزدەندىرۋ كەرەك. دەنە تاربيە مەن وقۋ ـ اعارتۋدىڭ توعىسۋىن ۇزدىكسىز تەرەڭدەتىپ، فۋتبول دارىندىلارىنىڭ جوعارىلاپ وقۋ ارناسىن ىركىلىسسىزدەندىرىپ، جاڭاشا فۋتبول مەكتەپتەرى مەن جوعارى مەكتەپتەردىڭ جوعارى دەڭگەيلى فۋتبول كوماندالارى قۇرىلىسىن جەدەلدەتىپ، مەكتەپ فۋتبولىنىڭ ٴار دارەجەلى جاستار جاتتىعۋ ورتالىقتارىنا، دەنە تاربيە مەكتەپتەرىنە، كاسىپتىك كلۋبتارعا دارىندى جەتكىزۋىن قولداۋ كەرەك. جاتتىقتىرۋشىلاردى باۋلۋ تاسىلىنە جاڭالىق ەنگىزىپ، ”شاقىرىپ اكەلۋ“ مەن ”سىرتقا شىعارۋدى“ ۇشتاستىرۋعا تاباندى بولىپ، بۇكىل شينجياڭداعى جاستار مەن ورەندەردىڭ فۋتبول جاتتىقتىرۋشىلارى مەن فۋتبول وقىتۋشىلارىن كەزەكپەن تاربيەلەۋ جوسپارىن ويداعىداي اتقارۋ كەرەك. ٴار دارەجەلى، ٴار ٴتۇرلى جارىس قيمىلدارىن ويداعىداي وتكىزىپ، ساياساتتىق سۇيەمەلدەۋدى، قامتاماسىز ەتۋدى كۇشەيتىپ، جارىس ىستەرى ەكونوميكاسىن زور كۇشپەن دامىتۋ كەرەك. قوعامدىق فۋتبولدى جالپىلاستىرىپ، دامىتىپ، بيڭتۋان مەن جەرگىلىكتى ورىننىڭ ٴار جىگىن قامتىعان قوعامدىق فۋتبول جارىسى جۇيەسىن ورناتىپ، اقاۋسىزداندىرىپ، فۋتبول الاڭى قۇرىلعىلارىنىڭ اينالىم، باسقارۋ ۇلگىسىندە جاڭالىق اشىپ، بەلسەندى، العاباسار فۋتبول مادەنيەتىنىڭ مەكتەپكە كىرۋىن، الەۋمەتتىك اۋماقتارعا كىرۋىن، جارىس الاڭدارىنا كىرۋىن جەبەۋ كەرەك. يدەيا ـ ٴمورال تاربيەسىن كۇشەيتىپ، سوتسياليستىك وزەكتى قۇن كوزقاراسىن، جۇڭحۋا ۇلتى ورتاق تۇلعا تانىمىن شينجياڭنىڭ فۋتبول قىزمەتىنىڭ تۇتاس بارىسىمەن ساباقتاستىرىپ، ”بەستى شىنايى مويىنداۋدى“ شىنايى كۇشەيتۋ كەرەك.
ٴماجىلىس مىنالاردى تالاپ ەتتى: ۇيىمدىق باسشىلىقتى اناعۇرلىم كۇشەيتىپ، قىزمەت كۇشىن نىعايتىپ، ۇزدىكسىز ستيلدى دۇرىستاپ، ٴتارتىپتى قاتايتىپ، تياناقتاندىرۋدى يگەرۋدىڭ باياندى مەحانيزمىن كەمەلدەندىرىپ، ۇگىت سەرپىنىن ارتتىرىپ، تاماشا راي قالىپتاستىرۋ كەرەك.
قاتىستى تاراۋلاردىڭ، ايماقتاردىڭ، وبلىستاردىڭ، قالالاردىڭ، جوعارى مەكتەپتەردىڭ جاۋاپتى جولداستارى ٴسوز سويلەدى.
قايسار قيۇم ٴماجىلىستى باسقاردى، قايسار ابدىكەرىم، ليۋ جيانميڭ ماجىلىسكە قاتىناستى.
