انار بۇلت \ شينجياڭ گازەتىنىڭ ٴتىلشىسى سۇي يۇنيان 10 ـ ايدىڭ 21 ـ كۇنى ۇرىمجىدەن حابارلايدى. 10 ـ ايدىڭ 21 ـ كۇنى جۇڭگو - ورتا ازيا زاڭمەن باسقارۋ وركەنيەتى بويىنشا اۋىس ـ كۇيىس جاساۋ، ٴوزارا ۇلگى الۋ جينالىسى ۇرىمجىدە وتكىزىلدى. ٴادىليا مينيسترلىگىنىڭ ورىنباسار مينيسترى ۋ زىڭ، جۇڭگو زاڭ عىلىمى قوعامىنىڭ ورىنباسار باستىعى چيان فىڭ، اۆتونوميالى رايوندىق پارتكومنىڭ ورىنباسار شۋجيى، ساياسي ـ زاڭ كوميتەتىنىڭ شۋجيى چىن ميڭگو اشىلۋ سالتىنا قاتىناستى ٴارى ٴسوز سويلەدى.
اۆتونوميالى رايوندىق پارتكومنىڭ تۇراقتى مۇشەسى، ۇگىت ٴبولىمىنىڭ باستىعى ۋاڭ جيانشين قاتارلىلار اشىلۋ سالتىنا قاتىناستى. اۆتونوميالى رايوننىڭ ورىنباسار ٴتوراعاسى پان شي باسقاردى.
بۇل رەتكى جينالىستى اۆتونوميالى رايوندىق حالىق ۇكىمەتى مەن جۇڭگو ساياسي ـ زاڭ داشۋەسى بىرلەسىپ باسقارىپ وتكىزدى، ماقساتى — ”جۇڭگو - ورتا ازيا رۋحىن“ اسقاقتاتىپ، زاڭمەن باسقارۋ وركەنيەتى بويىنشا اۋىس ـ كۇيىستى، ٴوزارا ۇلگى الۋدى جەبەۋ.
چىن ميڭگو اۆتونوميالى رايوندىق پارتكوم مەن حالىق ۇكىمەتى اتىنان جينالىسقا قاتىناسقان سيلى قوناقتاردى قىزۋ قارسى الاتىندىعىن ٴبىلدىردى. ول مىنالاردى ٴبىلدىردى: شينجياڭ جۇڭگونىڭ باتىسقا ەسىك اشۋداعى الدىڭعى شەبى رەتىندە، جۇڭگو - ورتا ازيا زاڭمەن باسقارۋ وركەنيەتى بويىنشا اۋىس ـ كۇيىستى، ٴوزارا ۇلگى الۋدى ىلگەرىلەتۋدە ۇزدىكسىز كوپىرلىك، دانەكەرلىك رولىن ساۋلەلەندىرەدى. ورتا ازيا ەلدەرىندەگى ارىپتەستەرمەن بىرگە زاڭمەن باسقارۋدى بىرگە قۇرۋدى تەرەڭدەتىپ، زاڭمەن باسقارۋ ورتاق تانىمى ارقىلى سەلبەستىك نەگىزىن بەكەمدەۋدى؛ عىلمي اۋىس ـ كۇيىستى كۇشەيتىپ، زاڭمەن باسقارۋدا ٴوزارا ۇلگى الۋ ارقىلى قۇن ورتاق تانىمىن ۇيىستىرۋدى؛ دارىندىلاردى باۋلۋدى ىلگەرىلەتىپ، دارىندىلاردى بىرگە جەتىلدىرۋ ارقىلى جاڭالىق اشۋ قوزعالىس قۋاتىن قاۋلاتىپ، ”جۇڭگو - ورتا ازيا تاعدىرلاس ورتاق تۇلعاسىنىڭ“ گۋمانيتارلىق جانە زاڭمەن باسقارۋ نەگىزىن ۇزدىكسىز بەكەمدەۋدى قالايدى.
ۋ زىڭ مىنالاردى ٴبىلدىردى: ”ٴبىر بەلدەۋ، ٴبىر جولدى بىرگە قۇرۋ“ باستاماسىنىڭ ورتا ازياداعى ەلدەردىڭ دامۋىمەن تەرەڭدەي تۇيىلىسۋىنە ىلەسە، اناعۇرلىم كوپ سەلبەستىك نىسانى تياناقتانىپ تامىر تارتاتىن بولادى، بۇل كەمەلدەنگەن زاڭدىق ورتا، تالاس ـ تارتىستى شەشەتىن جوعارى ٴونىمدى مەحانيزمدى جانە ساپالى زاڭدىق قىزمەت وتەۋدى ٴتىپتى دە قاجەت ەتەدى، زاڭ شىعارۋ جاعىنداعى اۋىس ـ كۇيىستى تەرەڭدەتىپ، زاڭ اتقارۋ، ٴادىليا سەلبەستىگىن كۇشەيتىپ، زاڭدىق قىزمەت وتەۋ دەڭگەيىن جوعارىلاتىپ، زاڭمەن باسقارۋ دارىندىلارىنىڭ اۋىس ـ كۇيىسىن، باۋلۋىن كۇشەيتۋدى ۇسىنىس ەتەمىز. ٴادىليا مينيسترلىگى جۇڭگو - ورتا ازيا ەلدەرىنىڭ زاڭمەن باسقارۋ بويىنشا تىلدەسۋىن، اۋىس ـ كۇيىس جاساۋىن بۇرىنعىداي قولداپ، قول ۇستاسا ىلگەرىلەپ، زاڭمەن باسقارۋ وركەنيەتى بويىنشا اۋىس ـ كۇيىس جاساۋدىڭ، ٴوزارا ۇلگى الۋدىڭ شىت جاڭا جولىن بىرگە اشىپ، اناعۇرلىم تىعىز جۇڭگو - ورتا ازيا تاعدىرلاس ورتاق تۇلعاسىن قۇرۋعا تىڭ دا اناعۇرلىم زور ۇلەس قوسادى.
چيان فىڭ مىنالاردى ٴبىلدىردى: جۇڭگو زاڭ عىلىمى قوعامى ورتا ازيا ەلدەرىندەگى ارىپتەستەرمەن بىرگە زاڭمەن باسقارۋ ستراتەگياسىن ٴتۇيىلىستىرۋدى تەرەڭدەتىپ، زاڭمەن باسقارۋ سەلبەستىگىنىڭ تۇزىمدىك نەگىزىن بەكەمدەۋدى؛ كوپ نەگىزدى تۇلعالاردى ات سالىسۋعا تارتىپ، اشىق، سيىسىمدى زاڭمەن باسقارۋ سەلبەستىك ەكولوگياسىن قالىپتاستىرۋدى؛ وركەنيەتتەردىڭ ٴوزارا ۇلگى الۋىن، توعىسۋىن ىلگەرىلەتىپ، الەمدىك باسقارۋعا جۇڭگو - ورتا ازيانىڭ زاڭمەن باسقارۋ اقىل ـ پاراساتىن ارناۋدى قالايدى.
ورتا ازيا وڭىرىندەگى 5 مەملەكەتتىڭ 10نان استام ايگىلى جوعارى مەكتەبىندەگى، ەل ىشىندەگى 10نان استام زاڭ عىلىمى مەكتەبىنىڭ (فاكۋلتەتى) مامان ـ وقىمىستىلارى جانە قاتىستى قۇرىلىمداردىڭ ۋاكىلدەرى، اۆتونوميالى رايونداعى قاتىستى تاراۋلاردىڭ جاۋاپتىلارى جينالىسقا قاتىناستى.
جينالىستا «جۇڭگو - ورتا ازيا زاڭ عىلىمى وقۋ ـ اعارتۋ وداعى» قۇرىلدى، «جۇڭگو - ورتا ازيا جاساندى زەردە ارقىلى زەردەلى باسقارۋ تورابى» ىسكە قوسىلدى ٴارى 13 ارقاۋ بايانداماسى جاريالاندى، شەتەلگە ساياتىن زاڭمەن باسقارۋ دارىندىلارىن باۋلۋ جونىندە ىزدەنىس جاساۋ جانە جاڭالىق اشۋ زەرتتەۋ ـ تالقى ٴماجىلىسى، جۇڭگو - ورتا ازيا ماڭداي الدى حالىقارالىق شارۋاشىلىق ـ ساۋدا ورتاسى جانە حالىقارالىق تورەلىك ايتۋ جونىندەگى زەرتتەۋ ـ تالقى ٴماجىلىسى وتكىزىلدى.
