انار بۇلت \ شينجياڭ گازەتىنىڭ ٴتىلشىسى ٴجازيرا نەسىپبەك
”ليۋ اپاي، دەنساۋلىعىڭىز قالاي؟ جوعارى قان قىسىمى ٴدارىسىن ۋاعىندا ٴىشتىڭىز بە“؟ 10 ـ ايدىڭ 20 ـ كۇنى تۇستەن كەيىن اتۇش قالاسى باقىت ٴمالىسى وستەڭ جولى الەۋمەتتىك اۋماعىنىڭ كادرى امانگۇل تۇرسۇن جاڭا ٴداۋىر شاعىن اۋماعى الاڭىندا تۇرعىن ليۋ چىحۋانىڭ سەيىلدەپ جۇرگەنىن كورىپ، دەرەۋ بارىپ امانداستى.
ليۋ چىحۋا بيىل 72 جاستا، جالعىز تۇرادى، بالالارىنىڭ جايشىلىقتا قىزمەتى قاربالاس بولعاندىقتان، امانگۇل اپتا سايىن ونىڭ ۇيىنە بارىپ، ونىڭ جاقىننان بەرگى حال ـ جاعدايىن ۇعىسىپ، تۇرمىستىق بۇيىمدار ساتىپ الۋىنا كومەكتەسەدى.
وستەڭ جولى الەۋمەتتىك اۋماعى اتۇش قالاسىنىڭ وزەكتى وڭىرىندە، قاراستىلىعىندا 10 شاعىن اۋماق، ٴبىر اۋىل شارۋاشىلىعى ونىمدەرى بازارى، ٴبىر قوناق ٴۇي جانە 400دەن استام ساۋدا دۇكەنى بار، حانزۋ، ۇيعۇر، قىرعىز سياقتى 8 ۇلتتان 5000نان استام تۇرعىن تۇرادى.
قاراستى اۋماقتىڭ قۇرىلىمى الۋان ٴتۇرلى، تۇرعىندار سانى مول، الەۋمەتتىك اۋماق كوپشىلىكتى قالاي ۇيىستىردى؟
”الەۋمەتتىك اۋماعىمىز وستەڭ دەگەن سوزبەن بىردەي دىبىستالاتىن ’无私‘دان پايدالانىپ، ’قالتقىسىز‘ وستەڭنەن بىرگە يگىلىكتەنىپ، ’ٴبىر وتباسى‘ سۇيىسپەنشىلىگىن ۇيىستىراتىن پارتيا قۇرىلىسى قىزمەت وتەۋى ماركاسىن تۇلعالاپ، جەلىلەس ەرەكشە قىزمەت وتەۋدى العا قويدى“، ـ دەدى وستەڭ جولى الەۋمەتتىك اۋماعى پارتيا ياچەيكاسىنىڭ شۋجيى، تۇرعىندار كوميتەتىنىڭ مەڭگەرۋشىسى لين مىڭچياۋ.
جاڭا داۋىردەگى وركەنيەت امالياتى پۋنكتىنە سۇيەنىپ الەۋمەتتىك اۋماق قاراستى اۋماقتاعى 400دەن استام قارتقا كوڭىل ٴبولىپ، قامقورلىق جاساپ، الەۋمەتتىك اۋماقتىڭ فيزيكالىق جولمەن ەمدەۋ بولمەسىندە كاسىپتىك ساۋىقتىرۋ جابدىقتارىن ازىرلەدى، دەنساۋلىق ساقتاۋ قىزمەت وتەۋ پۋنكتىندە قان قىسىمىن تومەندەتەتىن دارىلەر، تۇماۋ دارىلەرى سياقتىلاردى دايىندادى، الەۋمەتتىك اۋماقتىڭ ٴاربىر كادرى قاراستى اۋماقتاعى بىرنەشە قارتتى كوتەرمەگە الىپ بايلانىس جاساپ، ولاردىڭ قاجەتىنە قاداعالاي نازار اۋداردى.
”ٴدارى ـ دارمەك ساتىپ الۋ، سۋ قۇبىرىن جوندەۋ، تاماق جەتكىزۋ... شاعىن اۋماق توبىندا ايتىلعان قاجەتىمىزگە تەز ارادا جاۋاپ قايتارىلادى، الەۋمەتتىك اۋماق كادرلارى ەرەكشە ەتەنە!“ ـ دەدى تۇرعىن يۋان ىنشين.
قاراستى اۋماقتاعى بالالاردى قاراۋ قيىن بولۋ ماسەلەسىنە مەڭزەس، الەۋمەتتىك اۋماق باسقارۋعا اماناتتاۋ كاسىپتىك قۇرىلىمىن ەنگىزىپ، ٴبي، سۋرەت سىزۋ سياقتى اۋەستىك كلاستارىن اشىپ، بالالاردىڭ كەز كەلگەن ۋاقىتتا الەۋمەتتىك اۋماقتان سەرىك تابۋىنا، ٴبىلىم ۇيرەنۋىنە مۇمكىندىك جاسادى. حاتكەرلىكتى قىزۋ سۇيەتىندىكتەن، يۋان ىنشين ۇنەمى ارەدىك ۋاقىتىنان پايدالانىپ الەۋمەتتىك اۋماقتاعى بالالارعا جازۋ جازۋدى ۇيرەتتى، بيىل جازعى دەمالىستا 12 باستاۋىش مەكتەپ وقۋشىسى ودان حاتكەرلىك ۇيرەندى.
الەۋمەتتىك اۋماق ايەلدەر قاۋىمىنىڭ سۇرانىسىن دا بەرىك يەلەدى.
الەۋمەتتىك اۋماقتىڭ تۇرعىنى گۇلجامال قادىر 18 جاسىنان باستاپ تىگىنشىلىك ۇيرەنگەن، قازىر ٴوزى ٴبىر دۇكەن اشىپ وتىر، الايدا ٴۇيدى جالعا الۋ اقىسى مەن سۋ، توك اقىسىن تاپسىرا الماعاندىقتان دۇكەن اشۋدى دوعارۋعا ٴماجبۇر بولادى. الەۋمەتتىك اۋماق كادرلارى وتباسىلارىن ارالاپ جاعداي ۇعىسۋ بارىسىندا ونىڭ جاعدايىن ٴبىلىپ، قاراستى اۋماقتاعى كوپتەگەن تۇرعىننىڭ تاپسىرىسپەن كيىم ـ كەشەك تىكتىرۋ قاجەتىمەن ۇشتاستىرىپ، الەۋمەتتىك اۋماقتىڭ ٴبىر اۋىز فۋنكتسيالىق بولمەسىن ونىڭ قىزمەت بولمەسى ەتىپ بوساتىپ بەردى، سۋ، توك اقىسى مەن ٴۇيدى جالعا الۋ اقىسىن كەشىرىم ەتتى. قازىر ساۋداسى بىرتىندەپ جاقسارعان گۇلجامال الەۋمەتتىك اۋماقتاعى ”كومەكتەسكىش جانعا“ اينالدى، ”الەۋمەتتىك اۋماق مەنىڭ جۇمىستانۋىما كومەكتەستى، مەن دە الەۋمەتتىك اۋماق كادرلارى سياقتى باسقا تۇرعىندارعا كوڭىل ٴبولىپ، كومەكتەسىپ تۇرامىن“.
وستەڭ جولى الەۋمەتتىك اۋماعى قولونەر بۇيىمدارىن جاساۋ قيمىلىن ۋاق ـ ۋاق ۇيىمداستىرىپ تۇرادى، ٴار ۇلت تۇرعىندارى قيمىل بارىسىندا ٴوزارا جاقىنداسىپ، ٴتۇسىنىسۋدى كۇشەيتتى.
”الەۋمەتتىك اۋماق كادرلارىنىڭ، تۇرعىنداردىڭ، ساۋداگەرلەردىڭ اراسىنداعى سۇيىسپەنشىلىك كۇن سايىن تەرەڭدەدى“، ـ دەدى الەۋمەتتىك اۋماقتا قىزمەت ىستەگەنىنە 8 جىل بولعان گۇلحۇمار ابدۇۋالي. قازىر ول قاراستى اۋماقتاعى 80 جاستان اسقان قارتتاردى الەۋمەتتىك اۋماق وتكىزىپ بەرەتىن توپتىق تۋعان كۇن قوناعاسىنا قاتىناسۋعا ۇسىنىس ەتۋمەن قاربالاس.
كەشقۇرىم الەۋمەتتىك اۋماقتىڭ ەڭ دۋماندى شاعى، تۇرعىن ياڭ چۋانۋىن حاتكەرلىك ۇيىندە 4 ـ جىلدىق وقۋشىسى ٴنازيپا الىمجانعا حاتكەرلىك ۇيرەتەدى؛ عيماراتتىڭ استىنداعى الاڭدا ٴار ۇلت تۇرعىندارى مۋزيكاعا ىلەسىپ شاتتانا بيگە باسادى، بالالاردىڭ اسىر سالعان ٴۇنى تولاستامايدى. ”ٴار ۇلت تۇرعىندارى وستەڭ جولى الەۋمەتتىك اۋماعىن مەيىرگە تولى ’باقىت اۋماعىنا‘ اينالدىردى“، ـ دەدى لين مىڭچياۋ.
