شينحۋا اگەنتتىگىنىڭ 10 ـ ايدىڭ 26 ـ كۇنى كۋالا - لۋمپۋردان بەرگەن حابارى. جەرگىلىكتى ۋاقىت 10 ـ ايدىڭ 25 ـ كۇنىنەن 26 ـ كۇنىنە دەيىن جۇڭگو - امەريكا ەكونوميكا ـ ساۋدا ىستەرىنىڭ جۇڭگو جاق باستاماشىسى، مەملەكەتتىك كەڭەستىڭ ورىنباسار زۇڭليى حى ليفىڭ امەريكا جاقتىڭ باستاماشىسى، امەريكانىڭ قازىنا مينيسترى بەسسەنتپەن جانە ساۋدا ۋاكىلى گرەرمەن مالايزيانىڭ كۋالا ـ لۋمپۋرىندا جۇڭگو - امەريكا ەكونوميكا ـ ساۋدا كەڭەسىن وتكىزدى. ەكى جاق بيىل جىل باسىنان بەرى ەكى ەلدىڭ مەملەكەت باسشىلارىنىڭ ٴار جولى تەلەفوندا سويلەسكەندەگى ماڭىزدى ورتاق تانىمىن جەتەكشى ەتىپ، امەريكانىڭ جۇڭگوعا قاراتىلعان تەڭىز ىستەرى، زات اينالىمى جانە كەمە جاساۋ كاسىبى 301 ـ تارماق شاراسى، تەڭ كەدەن باجىسىن ۋاقىتشا توقتاتۋ مەرزىمىن ۇزارتۋ، فەنتانيل كەدەن باجىسى جانە زاڭ اتقارۋ سەلبەستىگى، اۋىل شارۋاشىلىعى ونىمدەرى ساۋداسى، ەكسپورتتى باسقارۋ سياقتى ەكى جاق ورتاق كوڭىل ٴبولىپ وتىرعان ماڭىزدى ەكونوميكا ـ ساۋدا ماسەلەلەرىن ارقاۋ ەتىپ، بۇكپەسىز، تەرەڭ، سىندارلى پىكىر اۋىستىرىپ، كەڭەس وتكىزدى، ٴارقايسىسى وزدەرى ٴجىتى قاداعالاپ وتىرعان ىستەردى شەشۋ ورنالاستىرۋى جونىندە نەگىزىنەن ورتاق تانىمعا كەلدى. ەكى جاق ناقتى مازمۇندى ىشكەرىلەي تۇراقتاندىرۋعا، سونداي ـ اق ٴوز ەلدەرىندە بەكىتۋ تارتىپتەرىن اتقارۋعا قوسىلدى.
حى ليفىڭ مىنالاردى ٴبىلدىردى: جۇڭگو - امەريكا ەكونوميكا ـ ساۋدا قارىم ـ قاتىناسىنىڭ تۇپكى ٴمانى ٴوزارا پايدا جەتكىزىپ بىرگە يگىلىككە كەنەلۋ، ەكى جاق سەلبەسسە ەكەۋىنە دە پايدالى، قارسىلاسسا ەكەۋىنە دە زياندى، جۇڭگو - امەريكا ەكونوميكا ـ ساۋدا قارىم ـ قاتىناسىنىڭ ورنىقتى دامۋىن قورعاۋ ەكى ەلدىڭ جانە ەكى ەل حالقىنىڭ ٴتۇبىرلى مۇددەسىنە ۇيلەسەدى، حالىقارالىق قوعامنىڭ تىلەگىنە دە ۇيلەسەدى. ەكونوميكا ـ ساۋدا سەلبەستىگىندە جارىققا شىققان الاۋىزدىقتار مەن قاجالىستار جونىندە ەكى جاق ٴوزارا قۇرمەت ەتۋ، بەيبىت قاتار تۇرۋ، سەلبەسىپ تەڭ يگىلىككە كەنەلۋ پرينسيبى بويىنشا، تەڭ تۇرعىدا تىلدەسۋ، كەڭەسۋ ارقىلى ٴبىر ـ ٴبىرىنىڭ ٴجىتى قاداعالاپ وتىرعان ماسەلەلەرىن ۇيلەسىمدى شەشۋ ٴادىسىن تاۋىپ شىعۋى كەرەك. جۇڭگو - امەريكا ەكونوميكا ـ ساۋدا كەڭەسىنىڭ جەتىستىكتەرىنە وڭاي ـ وسپاق قول جەتكەن جوق، ەكى جاقتىڭ بىرگە قورعاۋىن قاجەت ەتەدى. امەريكا جاقتىڭ جۇڭگو جاقپەن ٴبىر بەتالىستا ىلگەرىلەپ، ەكى ەلدىڭ مەملەكەت باسشىلارىنىڭ ٴار جولى تەلەفوندا سويلەسكەندەگى ماڭىزدى ورتاق تانىمىن جانە بيىل جىل باسىنان بەرگى ٴار جولعى ەكونوميكا ـ ساۋدا كەڭەسىنىڭ جەتىستىكتەرىن بىرگە ويداعىداي تياناقتاندىرىپ، ونان ارى ٴوزارا سەنىمدىلىكتى توپتاپ، الاۋىزدىقتاردى تەجەپ، ٴوزارا پايدا جەتكىزۋ سەلبەستىگىن كەڭەيتىپ، ەكى جاق ەكونوميكا ـ ساۋدا قارىم ـ قاتىناسىنىڭ ۇزدىكسىز اناعۇرلىم جوعارى دەڭگەيگە كوتەرىلۋىن ىلگەرىلەتۋىن ٴۇمىت ەتەمىن.
امەريكا جاق مىنالاردى ٴبىلدىردى: امەريكا - جۇڭگو ەكونوميكا ـ ساۋدا قارىم ـ قاتىناسى دۇنيە جۇزىندەگى ىقپالى ەڭ زور ەكى جاقتى قارىم ـ قاتىناس، امەريكا جاق جۇڭگو جاقپەن تەرەزەسى تەڭ، قۇرمەت ەتەتىن تاسىلىمەن الاۋىزدىقتاردى شەشىپ، سەلبەستىكتى كۇشەيتىپ، بىرگە دامۋدى جۇزەگە اسىرۋدى قالايدى.
ەكى جاق ەكى ەل مەملەكەت باسشىلارىنىڭ ستراتەگيالىق جەتەكشىلىگىندە، جۇڭگو - امەريكا ەكونوميكا ـ ساۋدا كەڭەسى مەحانيزمىنىڭ رولىن تولىق ساۋلەلەندىرىپ، ەكى جاقتىڭ ەكونوميكا ـ ساۋدا سالاسىندا ٴارقايسىسى وزدەرى ٴجىتى قاداعالاپ وتىرعان ماسەلەلەر جونىندە ٴجيى تىلدەسۋدى ساقتاپ، جۇڭگو - امەريكا ەكونوميكا ـ ساۋدا قارىم ـ قاتىناسىنىڭ اقاۋسىز، ورنىقتى، باياندى دامۋىن ىلگەرىلەتىپ، ەكى ەل حالقىن باقىتقا كەنەلتىپ، دۇنيە ٴجۇزىنىڭ گۇلدەنۋىن جەبەۋگە قوسىلدى.
