جالپى ٴماجىلىس رۋحىن ۇيرەنۋ، ۇگىتتەۋ، دايەكتىلەندىرۋ ورلەۋىن جەدەل كوتەرەيىك
گازەتىمىزدىڭ شولۋشىسى
پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى جابىلعاننان كەيىن، اۆتونوميالى رايوندىق پارتكوم ىركەس ـ تىركەس تۇراقتى كوميتەتتىڭ كەڭەيتىلگەن ٴماجىلىسىن، بۇكىل رايوننىڭ كادرلار جينالىسىن اشىپ، پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ جونىندە ورنالاستىرۋ جاسادى. بۇكىل رايونىمىزدىڭ جەر ـ جەرى، ٴارقايسى تاراۋى ساياسي دەڭگەيدى شىن مانىندە جوعارىلاتىپ، جالپى ٴماجىلىس رۋحىن ۇيرەنۋ، ۇگىتتەۋ، دايەكتىلەندىرۋ ورلەۋىن جەدەل كوتەرۋ كەرەك.
پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى — ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىندا وتكىزىلگەن ٴبىر رەتكى توتەنشە ماڭىزدى ٴماجىلىس، ول بۇكىل پارتيانىڭ، بۇكىل ەلدەگى ٴار ۇلت حالقىنىڭ تەلەگەي كۇشىن ونان ارى ۇيىستىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ جونىنەن كەلەلى ٴمان الادى. باس شۋجي شي جينپيڭنىڭ ماڭىزدى ٴسوزى بيىكتە تۇرىپ الىستى بولجاعان، جالپى جاعدايدى تەگىس يگەرگەن، يدەياسى تەرەڭ، مازمۇنى باي بولىپ، ”14 ـ بەسجىلدىق“ مەزگىلىندە ەلىمىزدىڭ دامۋدا قول جەتكىزگەن كەلەلى تابىستارىن جان ـ جاقتى قورىتىندىلاپ، ”15 ـ بەسجىلدىق“ مەزگىلىندە سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى سيپاتتى ىلگەرىلەۋشىلىككە قايتكەندە شىنايى كەپىلدىك ەتۋگە بولادى دەگەن ٴبىر قىدىرۋ بەتالىس سيپاتتى، ٴتۇبىرلى سيپاتتى كەلەلى ماسەلەلەرگە تەرەڭ جاۋاپ بەردى، ول جالپى ٴماجىلىس رۋحىنىڭ ”ارقاۋى“. جالپى ماجىلىستە قاراپ ماقۇلدانعان «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 15 ـ بەسجىلدىق جوباسىن جاساۋ جونىندەگى ۇسىنىسى» 15 ـ بەسجىلدىق مەزگىلىندەگى پارتيا مەن مەملەكەت ىستەرىنىڭ دامۋى تۇرعان تاريحي ورىندى ٴدال يگەرىپ، ەلىمىزدىڭ دامۋ ورتاسى ٴدوپ كەلگەن تەرەڭ، كۇردەلى وزگەرىستەرگە ىشكەرىلەي تالداۋ جاساپ، بولاشاق بەسجىلدىق دامۋ جونىندە جوعارى دەڭگەيلى جوبا جانە ستراتەگيالىق جوسپار جاسادى، مۇنىڭ پارتيا مەن مەملەكەت ىستەرىنىڭ دامۋىنا كەلەلى دە تەرەڭ ىقپال جاسايتىندىعى داۋسىز. ٴبىز يدەيا مەن ارەكەتتى جالپى ٴماجىلىستىڭ رۋحىمەن شىن مانىندە بىرلىككە كەلتىرىپ، اقىل ـ پاراسات پەن كۇش ـ قۋاتتى جالپى ماجىلىستە العا قويىلعان مىندەتتەردى تياناقتاندىرۋعا شوعىرلاندىرىپ، سوتسياليستىك وسىزاماندانعان شينجياڭ قۇرۋدىڭ ٴىس جۇزىندىك ارەكەتى ارقىلى جالپى ٴماجىلىس رۋحىنىڭ تيانشان الابىندا تياناقتانىپ تامىر تارتۋىن ىلگەرىلەتۋىمىز كەرەك.
مۇقيات ۇيرەنىپ، ويداعىداي ٴتۇسىنۋ كەرەك. جالپى ٴماجىلىستىڭ باي مازمۇنىن، مايەكتى ٴمانىن، امالياتتىق تالابىن تەرەڭ يگەرۋ — جالپى ٴماجىلىس رۋحىن دايەكتىلەندىرۋدىڭ، تياناقتاندىرۋدىڭ العى شارتى. پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ كەلەلى ٴمانىن تەرەڭ ٴتۇسىنۋ، باس شۋجي شي جينپيڭنىڭ ماڭىزدى ٴسوزىنىڭ رۋحىن تەرەڭ ٴتۇسىنۋ، ”14 ـ بەسجىلدىق“ مەزگىلىندەگى ەلىمىزدىڭ دامۋدا قول جەتكىزگەن كەلەلى تابىستارىن تەرەڭ ٴتۇسىنۋ، ”15 ـ بەسجىلدىق“ مەزگىلىنىڭ سوتسياليستىك وسىزامانداندىرۋدى نەگىزىنەن جۇزەگە اسىرۋ بارىسىندا الدىڭعىعا مۇراگەر، كەيىنگىگە بۇيداگەر بولاتىن ماڭىزدى ورىنعا يە ەكەندىگىن تەرەڭ ٴتۇسىنۋ، ”15 ـ بەسجىلدىق“ مەزگىلىندە ەلىمىزدىڭ دامۋ ورتاسى تەرەڭ دە كۇردەلى وزگەرىستەرگە ٴدوپ كەلەتىندىگىن تەرەڭ ٴتۇسىنۋ، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى باعىتى مەن باستى نىساناسىن تەرەڭ ٴتۇسىنۋ، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ ستراتەگيالىق مىندەتتەرى مەن كەلەلى شارالارىن تەرەڭ ٴتۇسىنۋ، بۇكىل پارتيانىڭ، بۇكىل ەلدەگى ٴار ۇلت حالقىنىڭ ىنتىماقتاسا وتىرىپ ”15 ـ بەسجىلدىق“ جوبانى جۇزەگە اسىرۋ جولىندا كۇرەس جۇرگىزۋ ماڭىزدى تالاپتارىن تەرەڭ ٴتۇسىنۋ كەرەك. قاز ـ قالپىندا ۇيرەنىپ، جان ـ جاقتى، جۇيەلى ۇيرەنىپ، ٴىس جۇزىندىكپەن بايلانىستىرا ۇيرەنىپ، جالپى ٴماجىلىس رۋحىنىڭ ساناعا ۇيالاۋىن، جۇرەككە ۇيالاۋىن، تەرەڭدەۋىن، ناقتىلانۋىن ىلگەرىلەتۋ كەرەك.
ويداعىداي ۇگىتتەۋ، ۇگىت لەكسيا جاساۋ كەرەك. ٴار دارەجەلى پارتكومدار (پارتيا باسشىلىق گرۋپپاسى) ۇيىمدىق باسشىلىقتى كۇشەيتىپ، مۇقيات ورنالاستىرىپ، اتقارىپ، ۇيرەنۋدى، باۋلۋدى ويداعىداي يگەرىپ، ىشكەرىلەي ۇگىت لەكسيا جاساپ، ٴتۇسىندىرىپ، كەڭ كولەمدە ۇگىتتەۋ، تانىستىرۋ كەرەك. باستان ـ اياق ناقتى تالاپقا تاباندى بولىپ، فورماشىلدىقتان، تورەشىلدىكتەن ساقتانىپ ٴارى ٴولى كوشىرۋدەن، قول ۇشىمەن ىستەۋدەن ساقتانۋ ٴارى اۋا جايدىرىپ جىبەرۋدەن، بوسقا كەتۋىنەن، قۇبىلتىپ وزگەرتۋدەن ساقتانۋ كەرەك. تاماشا ۇيرەنۋ ستيلىن اسقاقتاتىپ، جازۋ ستيلىن شىن مانىندە جاقسارتىپ، ۇيرەنۋدىڭ، ۇگىتتەۋدىڭ مازمۇنى مەن فورماسىن دەن قويا جوبالاپ، باعىتتامالىلىعى مەن ناقتى ونىمدىلىگىن كۇشەيتۋ كەرەك. قالىڭ كادرلارعا، بۇقاراعا باعىتتاي وتىرىپ ەلىمىزدىڭ ەكونوميكالىق، قوعامدىق دامۋ بەتالىسى مەن نۇرلى بولاشاعىن ىشكەرىلەي ويداعىداي بايانداپ، پارتيا ورتالىق كوميتەتىنىڭ قولايلى ساتتەن پايدالانىپ العا ۇمتىلىپ، جۇڭگو ۇلگىسىندەگى وسىزامانداندىرۋ قۇرىلىسىن ۇزدىكسىز ىلگەرىلەتۋىنىڭ ستراتەگيالىق جوباسى مەن ناقتى شارالارىن ويداعىداي بايانداپ، ونان ارى سەنىمدى بەكەمدەپ، رۋحتى سەرپىلتىپ، كۇش ـ قۋاتتى ۇيىستىرۋ كەرەك.
ويداعىداي دايەكتىلەندىرۋ، تياناقتاندىرۋ كەرەك. جەر ـ جەر، تاراۋلار ٴىس جۇزىندىكپەن تىعىز ۇشتاستىرىپ، اۆتونوميالى رايوندىق پارتكومنىڭ قىزمەت ورنالاستىرۋلارى بويىنشا پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى، تياناقتاندىرۋدى رەفورما، دامۋ، ورنىقتىلىق قىزمەتتەرىن تىڭعىلىقتى ويداعىداي ىستەۋمەن تىعىز ۇشتاستىرىپ، ٴبىر تۇلعالى ىلگەرىلەتۋ، جاپپاي تياناقتاندىرۋ كەرەك. قوعامدىق كەلەلى جاعدايدىڭ ورنىقتىلىعىن بار كۇشپەن قورعاپ، جۇڭحۋا ۇلتى ورتاق تۇلعا قۇرىلىسىن ىلگەرىلەتىپ، جوعارى ساپالى دامۋدى بۇلجىماي ىلگەرىلەتىپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، بيڭتۋاننىڭ رەفورمانى تەرەڭدەتۋ جەتىستىكتەرىن بەكەمدەپ، بيڭتۋان مەن جەرگىلىكتى ورىننىڭ توعىسا دامۋىنىڭ ۇزاق ٴونىمدى مەحانيزمىن كەمەلدەندىرىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ جاڭا جاعدايىن ۇزدىكسىز اشۋ كەرەك.
پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرۋدىڭ، تياناقتاندىرۋدىڭ ٴمانى زور، جاۋاپكەرشىلىگى اۋىر. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، زەيىن ـ زەردەنى، كۇش ـ قۋاتتى ۇيىستىرىپ، شىنايى يگەرىپ ناقتى ىستەپ، باس شۋجي شي جينپيڭ كەسكىندەگەن سوتسياليستىك وسىزاماندانعان شينجياڭ قۇرۋ ايبىندى جوباسىن تاماشا رەالدىققا اينالدىرۋعا قۇلشىنىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە اناعۇرلىم زور ۇلەس قوسايىق.
