شينحۋا اگەنتتىگىنىڭ 10 ـ ايدىڭ 27 ـ كۇنى بەيجيڭنەن بەرگەن حابارى. پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت لەكسيا ۇيىرمەسىنىڭ اتتانىسقا كەلتىرۋ ٴماجىلىسى 10 ـ ايدىڭ 27 ـ كۇنى بەيجيڭدە اشىلدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ٴارى ٴسوز سويلەدى. ول بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ويداعىداي ۇيرەنۋ، ويداعىداي دايەكتىلەندىرۋ — قازىرگى جانە بۇدان بىلايعى ٴبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى. جالپى ٴماجىلىستىڭ رۋحىن ىشكەرىلەي ۇيرەنىپ، ٴتۇسىنىپ، ۇگىت لەكسيا قىزمەتىنىڭ تالابىن جاپپاي تياناقتاندىرىپ، ۇگىت لەكسيا مىندەتىن جوعارى ساپامەن، جوعارى دەڭگەيمەن ورىنداپ، قالىڭ پارتيا مۇشەلەرىن، كادرلاردى، بۇقارانى ”ەكىنى تۇراقتاندىرۋدىڭ“ شەشۋشى ٴمانىن جەتە تۇسىنۋگە، ”ٴتورت تانىمدى“ كۇشەيتۋگە، ”ٴتورت سەنىمدى“ بەكەمدەۋگە، ”ەكىنى قورعاۋدى“ ورىنداۋعا جەتەكتەپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرۋ كەرەك.
ساي چي بىلاي دەپ اتاپ كورسەتتى: پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى — سوتسياليستىك وسىزامانداندىرۋدى نەگىزىنەن جۇزەگە اسىرۋدا نەگىزدى بەكەمدەيتىن، جاپپاي كۇش سالاتىن شەشۋشى مەزگىلگە قادام تاستاۋ الدىندا تۇرعان شەشۋشى ساتتە اشىلعان ٴبىر رەتكى توتەنشە ماڭىزدى ٴماجىلىس، جالپى ٴماجىلىس «ۇسىنىسىندا» الداعى بەس جىلداعى دامۋ جونىندە جوعارى دەڭگەيلى جوبا جانە ستراتەگيالىق جوسپار جاسالدى. ول قولايلى ساتتەن پايدالانىپ العا ۇمتىلىپ، جۇڭگو ۇلگىسىندەگى وسىزامانداندىرۋ قۇرىلىسىن ۇزدىكسىز ىلگەرىلەتۋدەگى تاعى ٴبىر رەتكى جاپپاي اتتانىسقا كەلتىرۋ، جالپى ورنالاستىرۋ بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتىڭ جاڭا تاراۋىن ۇزدىكسىز جازىپ، قۇلشىنا جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن جاراتۋداعى تاريحي ىرىقتىلىقتى تولىق ايگىلەدى، مۇنىڭ پارتيا مەن مەملەكەت ىستەرىنىڭ دامۋىنا كەلەلى دە تەرەڭ ىقپال جاسايتىندىعى داۋسىز. باس شۋجي شي جينپيڭنىڭ جالپى ماجىلىستە سويلەگەن ماڭىزدى ٴسوزى مەن «ۇسىنىستى» تىعىز ارقاۋ ەتىپ، ”14 ـ بەسجىلدىق“ مەزگىلىندە ەلىمىزدىڭ دامۋىندا قول جەتكەن كەلەلى تابىستاردى انىق ٴتۇسىندىرۋ، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ كەلەلى ٴمانىن انىق ٴتۇسىندىرۋ، پارتيا ورتالىق كوميتەتىنىڭ ەل ٴىشى ـ سىرتى جاعدايى جونىندەگى نەگىزگى تۇجىرىمدارىن انىق ٴتۇسىندىرۋ، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى يدەياسىن، كەلەلى پرينسيپتەرىن، باستى نىسانالارىن، ستراتەگيالىق مىندەتتەرىن جانە كەلەلى شارالارىن، ٴتۇبىرلى كەپىلدىگىن انىق ٴتۇسىندىرۋ، جالپى ٴماجىلىستىڭ رۋحىن دايەكتىلەندىرۋدە، تياناقتاندىرۋدا باسا يگەرۋگە ٴتيىستى ماڭىزدى تۇيىندەردى انىق ٴتۇسىندىرۋ، قالىڭ پارتيا مۇشەلەرىن، كادرلاردى، بۇقارانى ٴتۇرلى تالاپتاردى ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ ٴار جاعىندا، تۇتاس بارىسىندا سانالى تۇردە دايەكتىلەندىرۋگە، تياناقتاندىرۋعا جەتەكتەپ، ۇلى جوبانىڭ رەالدىققا اينالۋىن بىرگە ىلگەرىلەتۋ كەرەك.
ساي چي بىلاي دەپ باسا دارىپتەدى: ۇگىت لەكسيا قىزمەتىنىڭ ماڭىزدىلىعىن جەتە تانىپ، ۇگىت لەكسيانىڭ دۇرىس ساياسي بەتالىسىن جانە نەگىزگى اۋەن باعدارىن يگەرىپ، جالپى ٴماجىلىس رۋحىن دالمە ـ ٴدال، جان ـ جاقتى، ەگجەي ـ تەگجەيلى ٴتۇسىندىرۋ كەرەك. ٴىس جۇزىندىكپەن ۇشتاستىرىپ، بۇقاراعا جاناسىپ، باعىتتامالىلىققا يە ٴتۇسىندىرۋدى كوبىرەك جاساپ، اسەرلى، جاندى مىسالداردى، جان تەبىرەنتەرلىك حيكايالاردى كوبىرەك بايانداپ، قاراپايىم دا ۇعىنىقتى سوزدەردەن، ناقتى دا ەگجەي ـ تەگجەيلى ساندى مالىمەتتەردەن كوبىرەك پايدالانىپ پارتيا ورتالىق كوميتەتىنىڭ رۋحىن تەرەڭنەن تولعاپ، ويداعىداي بايانداپ، ٴجىتى قاداعالاپ وتىرعان ماسەلەلەرگە جاۋاپ قايتارۋ بارىسىندا يلاندىرۋ قۋاتىن، باۋراۋ قۋاتىن جوعارىلاتىپ، قوعامدىق پىكىر مەن مەجەگە ويداعىداي جەتەكشىلىك ەتىپ، ۇگىت لەكسيانىڭ ناقتى ونىمدىلىگىن شىن مانىندە كۇشەيتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ٴبولىمىنىڭ باستىعى لي شۋلەي ٴماجىلىستى باسقاردى. مەملەكەتتىك كەڭەستىڭ مۇشەسى شىن يچين ماجىلىسكە قاتىناستى.
ورتالىق ۇگىت، يدەيا، مادەنيەت قىزمەتى باسشىلىق گرۋپپاسىنىڭ مۇشەلەرى، ورتالىق ۇگىت لەكسيا ۇيىرمەسىنىڭ مۇشەلەرى، ورتالىق ۇگىت، مادەنيەت ورىندارىنىڭ نەگىزگى جاۋاپتى جولداستارى، ت.ب ماجىلىسكە قاتىناستى.
