شينحۋا اگەنتتىگىنىڭ 10 ـ ايدىڭ 29 ـ كۇنى بەيجيڭنەن بەرگەن حابارى. ورتالىق كوميتەت ۇگىت ٴبولىمى، ورتالىق پەن مەملەكەت ورگاندارى قىزمەت كوميتەتى، وقۋ ـ اعارتۋ مينيسترلىگى، ورتالىق اسكەري ىستەر كوميتەتىنىڭ ساياسي قىزمەت ٴبولىمى، جۇڭگو كوممۋنيستىك پارتياسى بەيجيڭ قالالىق كوميتەتى 10 ـ ايدىڭ 29 ـ كۇنى تۇستەن بۇرىن بەيجيڭ حالىق سارايىندا پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت لەكسيا ۇيىرمەسىنىڭ تۇڭعىش رەتكى بايانداما جينالىسىن وتكىزدى. ورتالىق ۇگىت لەكسيا ۇيىرمەسىنىڭ مۇشەسى، ورتالىق قازىنا ـ ەكونوميكا كەڭسەسىنىڭ كۇندەلىكتى قىزمەتتەرگە جاۋاپتى ورىنباسار مەڭگەرۋشىسى، ورتالىق كوميتەت اۋىل ـ قىستاق قىزمەتى باسشىلىق گرۋپپاسى كەڭسەسىنىڭ مەڭگەرۋشىسى حان ۋىنشيۋ ۇگىت لەكسيا بايانداماسىن جاسادى.
حان ۋىنشيۋدىڭ بايانداماسىندا باس شۋجي شي جينپيڭنىڭ پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ماجىلىسىندە سويلەگەن ماڭىزدى ٴسوزى مەن جالپى ٴماجىلىس «ۇسىنىسى» تىعىز ارقاۋ ەتىلىپ، «ۇسىنىستىڭ» دايىندالۋ جاعدايىنا تۇسىنىك جاسالىپ، ”14 ـ بەسجىلدىق“ مەزگىلىندەگى دامۋ تابىستارى مەن ”15 ـ بەسجىلدىق“ مەزگىلىندەگى دامۋدا ٴدوپ كەلەتىن حالىقارالىق جانە ەل ٴىشى ورتاسى ٴتۇسىندىرىلىپ، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى يدەياسى، بويسۇناتىن پرينسيبى جانە باستى نىساناسى بايىمدالدى. «ۇسىنىستا» العا قويىلعان كەلەلى ستراتەگيالىق ورنالاستىرۋلارعا ٴتۇيىندى تۇسىنىك جاسالدى ٴارى جالپى ٴماجىلىس رۋحىن دايەكتىلەندىرۋ، تياناقتاندىرۋ جونىندەگى تانىم، اسەرلەرى باياندالدى.
بايانداما تەرەڭ دە ەگجەي ـ تەگجەيلى، مازمۇنى باي، تۇيىندەرى كورنەكتى، جۇيەلى، جان ـ جاقتى بولىپ، تيپتىك مىسالداردان، ناقتى ساندى مالىمەتتەردەن تولىق پايدالانىپ تۇسىنىك جاساپ، تىڭدارمانداردىڭ جالپى ٴماجىلىستىڭ رۋحى جونىندەگى تۇسىنىگىن تەرەڭدەتۋىنە كومەكتەستى. كوپشىلىك مىنالاردى ٴبىلدىردى: جالپى ٴماجىلىس رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي ۇيرەنىپ، جاپپاي دايەكتىلەندىرىپ، تياناقتاندىرىپ، تالىقپاي قۇلشىنىپ، ۇزدىكسىز كۇرەس جۇرگىزىپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتىپ، ايبىندى جوبانىڭ رەالدىققا اينالۋىن بىرگە ىلگەرىلەتەمىز.
بايانداما جينالىسىن ورتالىق پەن مەملەكەت ورگاندارى قىزمەت كوميتەتىنىڭ كۇندەلىكتى قىزمەتكە جاۋاپتى ورىنباسار شۋجي گو ۋىنچي باسقاردى. بەيجيڭدەگى پارتيا، ۇكىمەت، ارميا ورگاندارىنداعى كادرلار، ورتالىق كاسىپورىندارىنىڭ جانە جوعارى مەكتەپتەردىڭ جاۋاپتىلارى، نازاريا قىزمەتكەرلەرى مەن ٴار سالاداعى بۇقارانىڭ ۋاكىلدەرى سياقتىلاردان شامامەن 700 ادام قاتىناستى.
ۇعىسۋعا قاراعاندا، ورتالىق ۇگىت لەكسيا ۇيىرمەسى بەيجيڭدە تۇڭعىش رەتكى ۇگىت لەكسيا بايانداماسى جينالىسىن وتكىزگەننەن كەيىن، تاياۋدا بۇكىل ەلدىڭ جەر ـ جەرىنە بارىپ ۇگىت لەكسيا جاسايدى ەكەن.
