حالىق تۇرمىسىن قامتاماسىز ەتىپ جانە جاقسارتىپ، جالپى حالىقتىڭ بىرگە بايۋدا نىق قادام تاستاۋىن ىلگەرىلەتەيىك
— پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
جالپى حالىقتىڭ بىرگە بايۋى — جۇڭگو ۇلگىسىندەگى وسىزامانداندىرۋدىڭ ماندىك ەرەكشەلىگى. پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى حالىقتى وزەك ەتكەن دامۋ يدەياسىنا تاباندى بولىپ، بىرگە بايۋدىڭ نىسانا ـ تالاپتارىن مىقتاپ يگەرىپ، حالىق تۇرمىسىن قامتاماسىز ەتۋ جانە جاقسارتۋ تەبىنىن ارتتىرۋدى، جالپى حالىقتىڭ بىرگە بايۋىن تىڭعىلىقتى ىلگەرىلەتۋدى ارقاۋ ەتىپ ستراتەگيالىق ورنالاستىرۋ جاساپ، ٴجۇز ميلليونداعان حالىقتى جاڭا جورىقتا ەرلىكپەن العا باسىپ، اناعۇرلىم باقىتتى، تاماشا تۇرمىس جاراتۋ جولىندا قاجىماي ـ تالماي كۇرەس جۇرگىزۋگە ىنتالاندىردى.
حالىقتىڭ تۇرمىسىن باقىتقا كەنەلتۋ — ”مەملەكەتتىڭ ٴىرى ٴىسى“، پارتيامىزدىڭ حالىقتى ىنتىماقتاستىرىپ جانە باستاپ جۇرگىزگەن بارلىق كۇرەسىنىڭ ٴتۇبىرلى ماقساتى حالىقتى جاقسى تۇرمىسقا كەنەلتۋ. پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى تاباندىلىقپەن اۋەلگى ماقساتتى ۇمىتپاي، حالىق تۇرعىسىندا تۇرىپ ماسەلەلەرگە وي جۇگىرتىپ، وڭىرلەردىڭ سايكەستى دامۋىن ىلگەرىلەتىپ، پارمەندى شارالار قولدانىپ، حالىق تۇرمىسىن قامتاماسىز ەتىپ جانە جاقسارتىپ، ادامزات تاريحىنداعى كولەمى ەڭ ۇلكەن كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، جاپپاي دوڭگەلەك داۋلەتتى قوعام قۇرىپ شىعىپ، بىرگە بايۋدى جەبەۋگە تاماشا شارت ـ جاعداي ازىرلەدى.
”14 ـ بەسجىلدىق“ مەزگىلىندە ٴار جىلى قالا ـ قالاشىقتاردا 12 ميلليوننان استام ادام تىڭنان جۇمىستاندى، ادامداردىڭ ورتاشا مەجەلى عۇمىرى 79 جاسقا جەتتى، بۇكىل ەل بويىنشا ولكە اتتاپ باسقا جەردە ەمدەلۋ بويىنشا تىكەلەي ەسەپ جابۋدان 560 ميلليون ادام ـ رەت يگىلىكتەندى، مەكتەپكە دەيىنگى تاربيە بويىنشا وقۋعا ٴتۇسۋ جالپى مولشەرى %92كە جەتتى... حالىققا باقىت جاراتۋ ٴتۇبىرلى قۇن بەتالىسى ەتىلىپ، دامۋ بارىسىندا حالىق تۇرمىسىن قامتاماسىزداندىرۋ دەڭگەيى ورنىقتى جوعارىلاپ، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى اناعۇرلىم مولىقتى، اناعۇرلىم قامتاماسىز ەتىلدى، اناعۇرلىم باياندى بولدى. جاڭا داۋىردەگى جۇڭگونىڭ وزگەرىسىن ٴوز كوزىمەن كورگەن شەتەلدىك دوستار: جۇڭگو كوممۋنيستىك پارتياسى حالىق ٴۇشىن ناقتى ىستەر ىستەپ، ٴىس جۇزىندىك ارەكەتتەرى ارقىلى جالپى حالىقتى بىرگە بايۋعا باستادى، ـ دەپ باعا بەردى.
بىرگە بايۋدى جۇزەگە اسىرۋ — قوزعالىس بارىسىندا العا دامۋ بارىسى، ٴسوز جوق، تاباندىلىقپەن جالعاستىرۋ، ۇزدىكسىز قاجىماي كۇش سالۋ كەرەك. جالپى ٴماجىلىستىڭ جەتەكشى يدەياسىندا جالپى حالىقتىڭ بىرگە بايۋىن ىلگەرىلەتۋگە نىق قادام تاستاۋ كورنەكتى تۇردە باسا دارىپتەلدى، بۇل ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋعا جەتەكشىلىك ەتەتىن جالپى تۇلعالىق تالاپ بولىپ تابىلادى. حالىقتىڭ كۇن سايىن ارتقان تاماشا تۇرمىس قاجەتىن قاناعاتتاندىرۋدى ٴتۇبىرلى ماقسات ەتۋ ايقىندالدى، حالىقتى بارىنەن جوعارى قويۋعا تاباندى بولۋدى، ٴسوز جوق، بويسۇنۋعا ٴتيىستى ماڭىزدى پرينسيپ ەتۋ ايقىندالدى، حالىقتىڭ تۇرمىس ساپاسىن ۇزدىكسىز جوعارىلاتۋدى باستى نىسانالاردىڭ ٴبىرى ەتۋ ايقىندالدى، جالپى ماجىلىستە جۇمىستانۋ، كىرىس، وقۋ ـ اعارتۋ، قوعامدىق قامتاماسىزداندىرۋ، تۇرعىن ٴۇي، ەمدەۋ، زەينەتكەرلىك، بالالاردى باعۋعا اماناتتاۋ قاتارلى بۇقارا كوڭىل بولەتىن ىستەردە بىركەلكىلىگى مەن قولجەتىمدىلىگى كۇشتى ٴبىر توپ ساياسات ـ شارا ورنالاستىرىلدى؛ وڭىرلىك پارىقتى، قالا ـ قىستاق پارقىن ازايتۋ كوزدە ۇستالىپ، اۋىل شارۋاشىلىعىنىڭ، اۋىل ـ قىستاقتاردىڭ وسىزاماندانۋىن جەدەلدەتۋ، قىستاقتاردىڭ جاپپاي گۇلدەنۋىن تىڭعىلىقتى ىلگەرىلەتۋ، وڭىرلىك ەكونوميكانىڭ ورنالاستىرىلۋىن ساپالىلاندىرۋ، وڭىرلەردىڭ سايكەستى دامۋىن جەبەۋ سياقتى جاقتاردا ٴبىر توپ ناقتى شارالار ورنالاستىرىلدى؛ حالىقتىڭ رۋحاني تۇرمىس جاعىندا بىرگە بايۋىن جەبەۋ كوزدە ۇستالىپ، تۇتاس ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىگىن ۇزدىكسىز تاسقىنداتۋ، سوتسياليستىك مادەنيەتتى گۇلدەندىرۋ، دامىتۋ جونىندە ايقىن تالاپتار قويىلدى.
قالا مەن اۋىلدىڭ توعىسپالى دامۋى حالىقتىڭ تاماشا تۇرمىسقا تالپىنىسىن قاناعاتتاندىرۋدىڭ، بىرگە بايۋىن جەبەۋدىڭ ىشكى تالابى، بۇل ارادا وسىنى مىسال ەتۋ ارقىلى ىشكەرىلەي تالداۋ جاسايمىز.
باس شۋجي شي جينپيڭ بىلاي دەپ باسا دارىپتەدى: ”ٴبىز جاپپاي سوتسياليستىك وسىزاماندانعان مەملەكەت قۇرۋدا گۇلدەنگەن قالا قۇرۋمەن بىرگە، گۇلدەنگەن اۋىل ـ قىستاق قۇرۋىمىز كەرەك“. ”14 ـ بەسجىلدىق“ مەزگىلىندە مىڭ قىستاقتى ۇلگى ەتىپ، 10 مىڭ قىستاقتى رەتتەپ، باسقارۋ ينجەنەرياسى تاجىريبەلەرىن ۇيرەنۋدى، قولدانۋدى جەتەكشى ەتىپ، اۋىل ـ قىستاقتى جاپپاي گۇلدەندىرۋدى تىڭعىلىقتى، پارمەندى ىلگەرىلەتۋدەن ”تورتتە جاقسى اۋىل ـ قىستاق جولى“ بۇقارانىڭ ەسىك الدىنداعى بايۋ جولىن، باقىت جولىن، جۇرەكتەردى جالعاۋ جولىن، گۇلدەنۋ جولىن سالۋعا دەيىن ەلىمىز قالا، اۋىل نەگىزدىك قۇرىلعىلارىن ٴبىر تۇلعالاندىرۋ مەن الەۋمەتتىك قىزمەت وتەۋدى بىركەلكىلەندىرۋدى ىشكەرىلەي ىلگەرىلەتتى، قالا، اۋىل فاكتورلارىنىڭ اينالىمى اناعۇرلىم ىركىلىسسىز، جوعارى ٴونىمدى بولدى، اۋىل ـ قىستاق تۇرعىندارى كىرىسىنىڭ ارتۋ قارقىنى ٴۇرتىس كوپ جىل قالا ـ قالاشىقتاردان تەز بولدى، 2024 ـ جىلى قالا، اۋىل تۇرعىندارىنىڭ كىرىس سالىستىرماسى 2020 ـ جىلداعىعا سالىستىرعاندا 0.22 تومەندەدى. اماليات مىنانى پارمەندى دالەلدەدى: ونەركاسىپ پەن اۋىل شارۋاشىلىعى ٴبىرىن ـ ٴبىرى جەبەيتىن، قالا مەن اۋىل ٴبىرىن ـ ٴبىرى تولىقتايتىن، سايكەستى داميتىن، بىرگە گۇلدەنىپ ـ كوركەيەتىن جاڭاشا ونەركاسىپ ـ اۋىل شارۋاشىلىعى، قالا ـ اۋىل قاتىناسىن قالىپتاستىرۋدى ىلگەرىلەتۋ كەرەك، بۇل تەك جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ٴتۇزىمى جاعدايىندا عانا جۇزەگە اسادى.
اۋدان وڭىرىندە حالىقتى بايىتاتىن كاسىپ سالاسىن زورايتۋ — جاڭاشا قالا ـ قالاشىقتاندىرۋ مەن اۋىل ـ قىستاقتى جاپپاي گۇلدەندىرۋدى ٴبىر تۇتاس ىلگەرىلەتۋدىڭ تابيعي تالابى، قالا مەن اۋىلدىڭ توعىسپالى دامۋىن ىلگەرىلەتۋدە، بىرگە بايۋدى جەبەۋدە جالپى جاعداي سيپاتتى، نەگىزدىك سيپاتتى، ستراتەگيالىق سيپاتتى ٴمان الادى. جىجياڭنىڭ انجيى ٴبىر جاپىراق ارقىلى ٴبىر جەردىڭ بۇقاراسىن بايىتىپ، اۋىل شارۋاشىلىعى، مادەنيەت ـ ساياحاتتىڭ توعىسپالى دامۋىن ىلگەرىلەتىپ، ”كوركەم كورىنىستەن“ ”كوركەم تۇرمىسقا“ بەت الدى؛ شانشيدىڭ يان ـ انى ”المانى جوعارى ساپالى دامىتۋداعى باستاماشى رايون“ قۇرىپ، عىلىم ـ تەحنولوگيادا جاڭالىق اشۋ ارقىلى كاسىپ سالاسى تىزبەگىن، قۇن تىزبەگىن كەڭەيتىپ، قىزىل المانى ”بايۋ جەمىسىنە“، ”باقىت جەمىسىنە” اينالدىردى. اۋىل شارۋاشىلىعى، اۋىل ـ قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىنىڭ ەڭ ماڭىزدى ٴتۇيىنى ەتىپ، سالىستىرمالى ابزالدىلىعى كورنەكتى، جەتەكتەۋ قۋاتى كۇشتى، جۇمىستاندىرۋ سيىمدىلىعى زور اۋدانداردا حالىقتى بايىتۋ كاسىپ سالاسىن دامىتىپ، اۋىل شارۋاشىلىعىنىڭ جالپىلىق ٴوندىرىس قۋاتى مەن ساپا ونىمدىلىگىن جوعارىلاتىپ، اۋىل شارۋاشىلىعىن كۇشەيتۋ، اۋىل ـ قىستاققا تيىمدىلىك جەتكىزۋ، شارۋالاردى بايىتۋ ساياساتىنىڭ ونىمدىلىگىن جوعارىلاتساق، ٴسوز جوق، قالىڭ شارۋا بۇقاراسىن باستاپ، جۇڭگو ۇلگىسىندەگى وسىزامانداندىرۋدىڭ كوركەم بولاشاعىنا قاراي بەت الۋعا بولادى.
وسىزامانداندىرۋدىڭ ٴمانى — ادامنىڭ وسىزاماندانۋى، ەڭ سوڭعى نىساناسى — ادامنىڭ ەركىن ٴارى جان ـ جاقتىلى دامۋىن جۇزەگە اسىرۋ. پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، باستان ـ اياق حالىقپەن جاپا ـ ماشاقاتتا بىرگە بولىپ، حالىقپەن تىلەكتەس بولىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، دامۋ بارىسىندا حالىق تۇرمىسىن قامتاماسىز ەتىپ جانە جاقسارتىپ، ادامنىڭ جان ـ جاقتى دامۋىن، جالپى حالىقتىڭ بىرگە بايۋىن ىلگەرىلەتۋ جولىندا نىق قادام تاستاساق، جاڭا جورىقتا جاڭا تاريحي ۇلى ىستەردى، ٴسوز جوق، جاراتا الامىز.
(شينحۋا اگەنتتىگىنىڭ 10 ـ ايدىڭ 28 ـ كۇنى بەيجيڭنەن بەرگەن حابارى)
