دامۋ بارىسىندا حاۋىپسىزدىكتى بەكەمدەپ، حاۋىپسىزدىك بارىسىندا دامۋدى كوزدەيىك
— پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
حاۋىپسىزدىك — دامۋدىڭ العى شارتى، دامۋ — حاۋىپسىزدىكتىڭ قامتاماسىزدىعى. پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسى ”دامۋ مەن حاۋىپسىزدىكتى ٴبىر تۇتاس جوسپارلاۋعا تاباندى بولۋدى“ ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدا، ٴسوز جوق، بويسۇناتىن ٴبىر ماڭىزى پرينسيپ ەتىپ، ”مەملەكەت حاۋىپسىزدىگى قالتقىسىن اناعۇرلىم بەكەمدەۋدى“ باستى نىسانالاردىڭ ٴبىرى ەتىپ، دامۋ مەن حاۋىپسىزدىكتى ٴبىر تۇتاس جوسپارلاۋدى ارقاۋ ەتە ٴبىر قىدىرۋ ستراتەگيالىق ورنالاستىرۋلار جاسادى، بۇل جاڭا حاۋىپسىزدىك ارناسى ارقىلى جاڭا دامۋ ارناسىن قامتاماسىز ەتىپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋ جونىنەن ماڭىزدى جەتەكشىلىك رول اتقارادى.
دامۋ مەن حاۋىپسىزدىكتى ٴبىر تۇتاس جوسپارلاپ، تاۋقىمەت تانىمىن كۇشەيتىپ، اماندىقتا جاماندىقتىڭ بولارىن ويلاۋ — پارتيامىزدىڭ ەل باسقارۋداعى ٴبىر ماڭىزدى پرينسيبى. پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ەل ٴىشى، حالىقارا سىندى ەكى كەلەلى جاعدايدى ٴبىر تۇتاس جوسپارلاپ، دامۋ مەن حاۋىپسىزدىك سىندى ەكى ٴىرى ٴىستى ويداعىداي ىستەپ، بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، داعدارىستى جويىپ، قيىن وتكەلدەردەن ٴوتىپ، وزگەرىستەرگە توتەپ بەرىپ، جاڭا جاعداي اشىپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتىڭ جاڭا تاراۋىن جازدى. ٴبىز جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، مەملەكەت حاۋىپسىزدىگى جۇيەسى مەن قابىلەتىن وسىزامانداندىرۋدى ىلگەرىلەتىپ، ”ادامزات تاريحىنداعى ايرىقشا ەكونوميكالىق تيپ جاڭالاۋدى“ جۇزەگە اسىرۋمەن بىرگە، ”دۇنيە ٴجۇزى تەگىس مويىنداعان ەڭ حاۋىپسىز ەلدەردىڭ بىرىنە“ اينالدىق.
”14 ـ بەسجىلدىق“ مەزگىلىندە استىق حاۋىپسىزدىگىن بەكەمدەۋ ەل باسقارۋداعى ماڭداي الدى ٴىس بولىپ، ەلىمىزدىڭ استىق جالپىلىق ٴوندىرىس قۋاتى ۇزدىكسىز جوعارىلاپ، جىلدىق ٴونىم مولشەرى باستان ـ اياق ٴبىر تريلليون 300 ميلليارد جىڭنان استام بولۋدى ساقتادى؛ ەنەرگيا حاۋىپسىزدىگى ەكونوميكالىق، قوعامدىق دامۋعا ساياتىن جالپى جاعدايلىق، ستراتەگيالىق ماسەلە ەتىلىپ، دۇنيە ٴجۇزى بويىنشا كولەمى ەڭ ۇلكەن ەلەكتر نەگىزدىك قۇرىلعى جۇيەسى قۇرىلىپ، تۇتىنۋ ارتۋ مولشەرىنىڭ %90تەن استامىن ەل ىشىندە دەربەس قامتاماسىز ەتۋ جۇزەگە اسىرىلدى؛ ەكونوميكا، فينانس كەلەلى جاعدايىنىڭ ورنىقتىلىعىن قورعاۋ كوزدەلىپ، ەلەۋلى حاۋىپ ـ قاتەرلەردى ٴبىر جاقتى ەتۋ بويىنشا ٴبىر تۇتاس سايكەستىرۋ مەحانيزمى كەمەلدەندىرىلىپ، ۇستىنەن وڭاۋ مەن تۇبىرىنەن وڭاۋ ۇشتاستىرىلا ٴۇي ـ جاي، جەرگىلىكتى قارىز، ورتاشا، شاعىن فينانس قۇرىلىمدارى سياقتى جاقتارداعى حاۋىپ ـ قاتەر جويىلدى؛ قورشاۋ، شەكتەۋ، قىسىم ٴتۇسىرۋ الدىندا كۇشتى شوعىرلاندىرا وتىرىپ ٴوز ٴىسىمىزدى ويداعىداي ىستەپ، ەلىمىزدىڭ دامۋ مەن حاۋىپسىزدىك ىرىقتىلىق ۇقىعىن مىقتاپ يگەردىك... اماليات مىنانى تولىق كورسەتتى: مەملەكەت حاۋىپسىزدىگىن قورعاۋ — بۇكىل ەلدەگى ٴار ۇلت حالقىنىڭ ٴتۇبىرلى مۇددەسىنىڭ تياناعى، دامۋ مەن حاۋىپسىزدىكتى ٴبىر تۇتاس جوسپارلاۋ جۇڭگو ۇلگىسىندەگى وسىزامانداندىرۋدىڭ ورنىقتى قاداممەن الىسقا جەتۋىنە ماڭىزدى قامتاماسىزدىق ازىرلەدى.
قازىرگى دۇنيە جۇزىندە وزگەرىس پەن بىلىقپالىق ارالاسۋدا. الداعى بەس جىلدا ەلىمىزدىڭ دامۋىندا ٴدوپ كەلەتىن ٴتۇرلى ايقىنسىز، بولجاۋ قيىن حاۋىپ ـ قاتەرلەر فاكتورلارى كورنەكتى كوبەيىپ، دامۋ مەن حاۋىپسىزدىكتى ٴبىر تۇتاس جوسپارلاۋ مىندەتى اناعۇرلىم جاپالى بولادى. جالپى ٴماجىلىس مەملەكەت حاۋىپسىزدىگى جۇيەسى مەن قابىلەتىن وسىزامانداندىرۋدى ىلگەرىلەتۋدى ارقاۋ ەتىپ، مەملەكەت حاۋىپسىزدىگى جۇيەسىن اقاۋسىزداندىرىپ، ٴتۇيىندى سالالارداعى مەملەكەت حاۋىپسىزدىگى قابىلەتى قۇرىلىسىن كۇشەيتىپ، الەۋمەتتىك حاۋىپسىزدىكتى باسقارۋ دەڭگەيىن جوعارىلاتىپ، قوعامدىق باسقارۋ جۇيەسىن كەمەلدەندىرۋدى ورتاعا قويدى؛ مەملەكەت قورعانىسى مەن ارميانىڭ وسىزاماندانۋىن جوعارى ساپالى ىلگەرىلەتۋدى ارقاۋ ەتىپ، وزىق جاۋىنگەرلىك قۋات قۇرىلىسىن جەدەلدەتىپ، اسكەري ىستەردى باسقارۋدىڭ وسىزاماندانۋىن ىلگەرىلەتىپ، ٴبىر تۇلعالانعان مەملەكەتتىڭ ستراتەگيالىق جۇيەسى مەن قابىلەتىن بەكەمدەۋدى، جوعارىلاتۋدى العا قويدى. پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن مۇقيات ۇيرەنىپ، شىنايى دايەكتىلەندىرىپ، تاريحي ىرىقتىلىق رۋحىمەن قيىندىقتاردان قامال الىپ، حاۋىپ ـ قاتەرلەردى جەڭىپ، سىن ـ سايىستارعا قارسى اتتانساق، ٴسوز جوق، ٴتۇرلى حاۋىپ ـ قاتەرلەردەن ٴونىمدى ساقتانىپ جانە ونى جويىپ، ەكونوميكالىق جانە قوعامدىق سەرپىمدىلىكتى كۇشەيتە الامىز.
تىنىشتىق — حالىق باقىتىنىڭ جان تامىرى. مۇندا ”اناعۇرلىم جوعارى دەڭگەيدەگى تىنىش جۇڭگو قۇرۋدى“ مىسال ەتۋ ارقىلى قايتكەندە دامۋ بارىسىندا حاۋىپسىزدىكتى بەكەمدەۋ، حاۋىپسىزدىك بارىسىندا دامۋدى كوزدەۋ جونىندەگى تۇسىنىك تەرەڭدەتىلدى.
ساندى مالىمەتتەردە كورسەتىلۋىنشە، ەلىمىز دۇنيە جۇزىندەگى ٴولىم ـ ٴجىتىم دەلوسىنىڭ تۋىلۋ سالىستىرماسى ەڭ تومەن، قىلمىستىق ىستەر قىلمىسىنىڭ تۋىلۋ سالىستىرماسى ەڭ تومەن، قارۋ ـ جاراق، قوپارىلىس بۇيىمدارىنا ساياتىن دەلو سانى ەڭ از مەملەكەتتەردىڭ ٴبىرى. «2025 - جىلعى الەمدىك حاۋىپسىزدىك بايانداماسىندا» جۇڭگو دۇنيە جۇزىندەگى ەڭ حاۋىپسىز ەلدەردىڭ ٴبىرى دەپ قارالعان، مەيلى جۇڭگو حالقىنىڭ حاۋىپسىزدىك سەزىمى الدە جۇڭگونىڭ ”زاڭ جانە ٴتارتىپ كورسەتكىشى“ قاتارىنداعى ورنى بولسىن، بارلىعى باتىستاعى ٴىرى ەلدەردەن الدەقايدا الدا تۇرادى. تىنىشتىق قالايشا مەملەكەتتىڭ جارقىن تانىسقىسىنا اينالىپ وتىر؟ اماليات بىزگە مىنانى جەتكىزدى: جۇڭگونىڭ قوعامنىڭ جاراسىمدىلىعى مەن ورنىقتىلىعىن، مەملەكەتتىڭ باياندى تىنىشتىعىن جۇزەگە اسىرۋى ٴتۇزىمنىڭ ارقاسى، ٴبىزدىڭ مەملەكەتتى باسقارۋداعى ەرەن قابىلەتىمىزدىڭ ارقاسى.
جاڭا داۋىردەگى”فىڭچياۋ تاجىريبەسى“ بارلىق ادام جاۋاپتى بولاتىن، بارلىق ادام جاۋاپكەرشىلىگىن ادا ەتەتىن قوعامدىق باسقارۋ ورتاق تۇلعاسىن تۇلعالاۋدان ”جاڭا داۋىردەگى ليۋچى كوشەسى قىزمەت ادىسىندەگى“ قاينارىنان باسقارۋ، كوپ ارنامەن بىرگە باسقارۋ، جاراسىمدى، بىرگە يگىلىكتەنۋ سىندى نەگىزگى ساتىنى باسقارۋ جولىنا دەيىن، سيفرمەن، زەردەلى بولۋمەن قۋات ۇستەۋ ارقىلى باسقارۋدىڭ اناعۇرلىم دالمە ـ ٴدال، جوعارى ٴونىمدى بولۋىن ىلگەرىلەتۋدەن زاڭمەن باسقارۋ ارقىلى تىنىش جۇڭگونىڭ ىرگە تاسىن بەكەمدەۋگە، قورعاۋعا دەيىن... ”14 ـ بەسجىلدىق“ مەزگىلىندە ەلىمىزدىڭ قوعامدىق باسقارۋدى قوعامداندىرۋ، زاڭمەن باسقارۋ، زەردەلىلەندىرۋ، ارنايىلاندىرۋ دەڭگەيى زور مولشەردە جوعارىلادى. بولاشاققا بەت الىپ، دامۋ مەن حاۋىپسىزدىكتى ٴبىر تۇتاس جوسپارلاۋعا اناعۇرلىم ٴمان بەرگەندە ٴبىز ىشكى ـ سىرتقى حاۋىپ ـ قاتەرلەردى، سىن ـ سايىستاردى جان ـ جاقتى ويلاستىرىپ، حاۋىپسىزدىكتى قورعاۋ قابىلەتىمىزدى كۇشەيتىپ، جۇڭگوشا سوتسياليستىك قوعامدىق باسقارۋ جولىمەن بۇلجىماي ٴجۇرىپ، جوعارى ونىمدىلىكپەن باسقارۋ ارقىلى جوعارى ساپالى دامۋ مەن جوعارى دەڭگەيلى حاۋىپسىزدىكتىڭ ۇتىمدى ىقپالداستىعىن جەبەپ، جاڭا حاۋىپسىزدىك ارناسىن ٴونىمدى قالىپتاستىرىپ، جاڭا دامۋ ارناسىنا پارمەندى قامتاماسىزدىق ازىرلەۋىمىز كەرەك.
داڭعىل جول تەگىس ەمەس. بۇرىنعىلار ىستەپ كورمەگەن ۇلى ٴىس، ٴسوز جوق، ٴتۇرلى قيىنشىلىقتار مەن سىن ـ سايىسقا كەز بولادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ”مەملەكەتتىڭ زور ٴىسىن“ كوكەيدە ساقتاپ، تومەنگى شەك ويىن ورناتىپ، دامۋ مەن حاۋىپسىزدىكتى ٴبىر تۇتاس جوسپارلاۋدى ەلىمىزدىڭ ەكونوميكالىق، قوعامدىق دامۋىنىڭ ٴار جاعى مەن جالپى بارىسىنا ساباقتاستىرىپ، جوعارى ساپالى دامۋ ارقىلى جوعارى دەڭگەيدەگى حاۋىپسىزدىكتى جەبەپ، جوعارى دەڭگەيدەگى حاۋىپسىزدىك ارقىلى جوعارى ساپالى دامۋدى قامتاماسىز ەتسەك، ٴبىز، ٴسوز جوق، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ جاڭا جاعدايىن ۇزدىكسىز اشا الامىز.
(شينحۋا اگەنتتىگىنىڭ 10 ـ ايدىڭ 29 ـ كۇنى بەيجيڭنەن بەرگەن حابارى)
