بەتاشار
پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى باعىتىن جانە نەگىزگى نىساناسىن ايقىنداپ، قولايلى ساتتەن پايدالانىپ العا ۇمتىلىپ، جۇڭگو ۇلگىسىندەگى وسىزامانداندىرۋ قۇرىلىسىن ۇزدىكسىز ىلگەرىلەتۋدىڭ قۋاتتى ٴداۋىر ٴۇنىن تاراتتى. جالپى ٴماجىلىس رۋحىن ويداعىداي ۇيرەنۋ، ويداعىداي دايەكتىلەندىرۋ — كەزەكتەگى جانە بۇدان بىلايعى ٴبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى.
اتىز باسىنان، كاسىپورىن سەحتارىنان كاسىپ سالاسى باقشا رايونى سياقتى ٴوندىرىستىڭ ٴبىرىنشى شەبىنە دەيىن جالپى ٴماجىلىس رۋحى تيانشان الابىنداعى نەگىزگى ساتىلاردا ناقتى ىستەۋدىڭ جاندى امالياتىنا اينالۋدا. بۇگىننەن باستاپ، انار بۇلت \ شينجياڭ گازەتى ”ٴتورتىنشى جالپى ٴماجىلىس رۋحى نەگىزگى ساتىدا“ ارناۋلى ايدارىن اشىپ، نازاردى جەر ـ جەردىڭ، تاراۋلاردىڭ جالپى ٴماجىلىس رۋحىن تياناقتاندىرۋداعى جاندى ىزدەنىسىنە شوعىرلاندىرىپ، ٴار ۇلت بۇقاراسىنىڭ زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرىپ، سوتسياليستىك وسىزاماندانعان شينجياڭ قۇرۋداعى اسقاق بەينەسىن ايگىلەپ، جالپى ٴماجىلىس رۋحىن شينجياڭنىڭ بايتاق دالاسىندا تياناقتاندىرىپ، تامىر تارتتىرادى.
انار بۇلت \ شينجياڭ گازەتىنىڭ ٴتىلشىسى حي حۇڭۋي 10 ـ ايدىڭ 31 ـ كۇنى ۇرىمجىدەن حابارلايدى. سارا بۇيىمدار ساتىپ الۋ، ٴدامدى تاعام تۇتىنۋ، تارتىمدى ساياحات، تاماشا كورمەلىك قويىلىم توڭىرەگىندە ٴبىر توپ تۇتىنۋدى جەبەۋ شاراسى شوعىرلى ۇسىنىلدى. 10 ـ ايدىڭ 31 ـ كۇنى اۆتونوميالى رايوندىق ساۋدا ىستەرى مەڭگەرمەسى، اۆتونوميالى رايوندىق مادەنيەت جانە ساياحات مەڭگەرمەسى بىرگە ”شينجياڭدا زات ساتىپ الۋ . 2025 ـ جىلعى سارا بۇيىمدار تۇتىنۋ ايى“ قيمىلىن باستادى، مۇنداعى ماقسات تۇتىنۋ ورتاسىن جاقسارتىپ، تۇتىنۋ سەزىنىسىن بايىتىپ، ساپالى تۇتىنۋ قامداۋىن مولايتىپ، تۇتىنۋ بازارىنىڭ ٴۇرتىس اقاۋسىز دامۋىن ىلگەرىلەتۋ.
بۇل قيمىل نازاردى اۆتوكولىك، وڭدەلگەن مۇناي، ٴۇي ەلەكتر جابدىقتارى سياقتى ٴتۇيىندى سالالارعا شوعىرلاندىرىپ، جەرگىلىكتى ورىننىڭ تۇتىنۋ قوسىمشا قاراجاتىنا، فينانس قۇرىلىمدارىنىڭ قوسىمشا قاراجاتىنا ساۋداگەرلەردىڭ ارزانداتۋ قيمىلدارىن قاباتتاستىرا تيىمدىلىك سەرپىنىن ارتتىرادى. جەر ـ جەر ٴدامدى تاعامداردى ساراپتاپ باعالاۋ، ەرەكشەلىككە يە جەڭىل تاعامدار بازارى، كونە ماركالار سالتاناتى سياقتى قيمىلداردى ورىستەتىپ، بۇيىرتپا تۇعىرلارىن اس ـ سۋ تۇتىنۋ بەلەتىن تاراتۋعا ىنتالاندىرىپ، اس ـ سۋ تۇتىنۋ قىزعىندىلىعىن ارتتىرادى.
شينجياڭ ىشكى سۇرانىستى كەڭەيتۋ، تۇتىنۋدى جەبەۋ قىزمەتىنە بارىنشا ٴمان بەرىپ، ٴبىر قىدىرۋ ساياسات ـ شارالار شىعارىپ، تۇتىنۋ كومەسكى كۇشىن تەرەڭدەي اشىپ، بازار ومىرشەڭدىگىن قاۋلاتىپ، تۇتىنۋدىڭ ۇزدىكسىز قايتا ورلەۋىن، جاقسارۋىن ىلگەرىلەتتى. الدىڭعى ٴۇش ماۋسىمدا بۇكىل شينجياڭداعى قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 294 ميلليارد 34 ميلليون يۋانعا جەتىپ، سايكەس مەزگىلدەگىدەن %4.6 ارتتى.
پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى العا قويعان ”تۇتىنۋدى زور كۇشپەن سەرپىلتۋ“، ”تۇتىنۋدى سەرپىلتۋ ارناۋلى ارەكەتىن ىشكەرىلەي اتقارۋ“ شينجياڭداعى ٴارقايسى تاراۋلاردىڭ جانە قاتىستى كاسىپورىنداردىڭ ساپالى تۇتىنۋ قامداۋىن كەڭەيتۋدەگى كوكەي تەستىلىك سەزىمىن كۇشەيتتى. شينجياڭنىڭ جازعى ساياحاتتا توپتاعان القاۋ رايىنا سۇيەنىپ، التىن كۇز مەزگىلى مەن قار ـ مۇز ماۋسىمىنان ويداعىداي پايدالانىپ، اۆتونوميالى رايوندىق ساۋدا ىستەرى مەڭگەرمەسى، اۆتونوميالى رايوندىق مادەنيەت ـ ساياحات مەڭگەرمەسى نازاردى ”تۇتىنۋدى سەرپىلتىپ، ىشكى سۇرانىستى كەڭەيتۋگە“ شوعىرلاندىرىپ، ٴارقايسى ساۋدا تۇلعالارىن بەلسەنە كۇش شىعارۋعا جۇمىلدىرىپ، ”اعىن مولشەرىنىڭ“ ”قالۋ مولشەرىنە“ اينالۋىن، ”القاۋ رايىنىڭ” “ساۋدا رايىنا“ اينالۋىن ىلگەرىلەتتى.
شينجياڭ شانشان وۋتلەس زات ساتىپ الۋ الاڭى شەكتى سەرىكتەستىگى باس ديرەكتورىنىڭ كومەكشىسى لي يۋانيۋان بىلاي دەپ تانىستىردى: قيمىل كەزىندە ساۋدا سارايىنىڭ 100 ماركاداعى بۇيىمداردى تومەن باعامەن ساتىپ، بەلگىلى سوماعا تولسا تارتۋ ۇسىنۋ، قاريدار مۇشەلەرگە ارناۋلى تۇتىنۋ بەلەتىن شىعارۋ تيىمدىلىگىن جاسايدى، سونىمەن قاتار ”بالالار تەاترى“ سياقتىلاردى ەنگىزىپ، ساۋدا مەن مادەنيەت ـ ساياحاتتىڭ توعىسۋىن جۇزەگە اسىرادى.
قاۋىرت ارتقان تۇتىنۋ بازارىندا اس ـ سۋ تۇتىنۋى ماڭىزدى ارتۋ تۇيىنىنە اينالدى. شينجياڭ اس ـ سۋ قوعامىنىڭ باستىعى ۋاڭ روبيڭ مىنانى ٴبىلدىردى: شينجياڭ داستارقانداعى جىبەك جولى اس ـ سۋ فەستيۆالىنىڭ، تۇڭعىش كەزەكتى شينجياڭ كۇرىش كەسپەسى مەرەكەسىنىڭ تۇتىنۋدى جەبەۋىنە جالعاستىرىپ، قوعامىمىز 2025 ـ جىلعى شينجياڭنىڭ تۇڭعىش كەزەكتى قار ـ مۇز وتتىقتى قازان مەرەكە فەستيۆالىنا دايىندالىپ، اس ـ سۋ تۇتىنۋىنىڭ قىزعىندىلىعىن ونان ارى جوعارىلاتپاقشى بولىپ وتىر.
سوڭعى جىلدارى نەگىزگى تاقىرىپتىق مادەنيەت ـ ساياحات قيمىلدارىنىڭ ۇزدىكسىز شىعارىلۋىنا ىلەسە، اۋىل ـ قىستاق ساياحاتى، كەشكى ساياحات سياقتى جاڭا كاسىپ كۇيلەرى، جاڭا ونىمدەر ۇزدىكسىز مولىنان جارىققا شىقتى جانە قار ـ مۇز ساياحاتىنىڭ دۋمانى ۇزدىكسىز ارتىپ، مادەنيەت پەن ساياحاتتىڭ توعىسۋى تۇتىنۋدى ارتتىرۋدىڭ ماڭىزدى قوزعالتقىشىنا اينالدى. 19 ـ كەزەكتى شينجياڭ قىسقى ساياحات كاسىپ سالاسى ساۋدا كورمەسى جانە 2025 ـ جىلعى شينجياڭ دابىرالى قار مەرەكەسى 11 ـ ايدىڭ 14 ـ كۇنى باستالادى، ”قار ـ مۇز+ “ كاسىپ كۇيى ارقىلى ”سۋىق بايلىقتىڭ“ ”ىستىق ەكونوميكاعا“ اينالۋىن ىلگەرىلەتىپ، شينجياڭنىڭ مادەنيەت ـ ساياحات تۇتىنۋىنا جاڭا قوزعالىس قۋاتىن ۇستەيدى.
اۆتونوميالى رايوندىق مادەنيەت ـ ساياحات مەڭگەرمەسىنىڭ 2 ـ دارەجەلى شارلاۋشىسى جاڭ جيە مىنالاردى ٴبىلدىردى: تۇتىنۋدى سەرپىلتۋ 2025 ـ جىلعى شينجياڭنىڭ مادەنيەت ـ ساياحات كاسىپ سالاسىن دامىتۋداعى ماڭىزدىنىڭ ماڭىزدىسى، ەرەكشەلىككە يە مادەنيەت ـ ساياحات قيمىلدارىن جانە تۇتىنۋ بويىنشا حالىققا تيىمدىلىك جاساۋ شارالارىن ۇزدىكسىز شىعارىپ، ناقتى قوسىمشا قاراجات، جاڭالىق اشۋ توعىستىرىلعان سەزىنۋ، حاۋىپسىز دە قولايلى قىزمەت كورسەتۋ ارقىلى اناعۇرلىم كوپ ەل ٴىشى ـ سىرتى ساياحاتشىلارىن ”شينجياڭدى تاماشالاۋدان“ ”شينجياڭدى سەزىنۋگە“، ”شينجياڭدى سۇيۋگە“ باۋرايمىز.
اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، 1 ـ دارەجەلى شارلاۋشى جۋ حىشياڭ بىلاي دەپ تانىستىردى: تۇتىنۋدى جەبەۋ شارالارىنىڭ دارەجەسىن ۇزدىكسىز جوعارىلاتىپ، مادەنيەت ـ ساياحات تاراۋلارىمەن بىرگە ساۋدا، ساياحات، مادەنيەت، دەنە تاربيە توعىسپالى تۇتىنۋىن جەبەپ، ”ساياحات + زات ساتىپ الۋ + ٴدامدى تاعام + كونسەرت“ بويىنشا ەلىتە تۇتىنۋ جاعدايىن تۇلعالاپ، تۇرلىشە قاۋىمعا باعىتتالعان كوپ نەگىزدەنگەن تۇتىنۋدى جەبەۋ قيمىلىن ۇسىنىپ، تۇتىنۋ بازارىنا تىڭ ومىرشەڭ كۇش قوسىپ، قالىڭ تۇتىنۋشىلارعا جوعارى ساپالى، الۋان ٴتۇرلى تۇتىنۋ تاڭداۋىن ازىرلەيمىز.
