انار بۇلت \ شينجياڭ گازەتىنىڭ ٴتىلشىسى جاڭ يۇنمەي 10 ـ ايدىڭ 31 ـ كۇنى ۇرىمجىدەن حابارلايدى. 10 ـ ايدىڭ 31 ـ كۇنى ”تيانشان ساۋىتى“ 2 ـ كەزەكتى اۆتونوميالى رايوننىڭ ورگان پارتيا قۇرىلىسى قىزمەتىندە جاڭالىق اشۋ جارىسىنداعى تاڭداۋلى تۋىندىلاردى كورمەلەۋ ٴماجىلىسى وتكىزىلدى، اۆتونوميالى رايوندىق پارتكومنىڭ تۇراقتى مۇشەسى، باس حاتشى، توتە قاراستى ورگاندار قىزمەت كوميتەتىنىڭ شۋجيى قادەن كابەن قاتىناستى.
جارىس بيىل 3 ـ ايدا باستالعان، اۆتونوميالى رايونعا توتە قاراستى ورىندارداعى جانە ٴارقايسى ايماق، وبلىس، قالالارداعى توتە قاراستى ورگاندار قىزمەت كوميتەتتەرى بەلسەنە ٴۇن قوسىپ، 1200دەن استام ورگان نەگىزگى ساتى پارتيا ۇيىمى، 7600دەن استام پارتيالى كادر قاتىناسىپ، ساتىلار بويىنشا سارالاۋ ارقىلى جيىنى 167 ٴتۇر جارىسقا قاتىناسۋعا جولدانىپ، 60 ٴتۇر شەشۋشى جارىسقا كىردى. ەڭ سوڭىندا «”بەستى ٴبىر تۇلعالاندىرۋ“ ارقىلى پارتيا قۇرىلىسى جۇمىسىنداعى قوس توعىستىرۋ مەن قوس جەبەۋدى ىلگەرىلەتۋ» قاتارلى 4 تۋىندى 1 ـ دارەجەلى سيلىققا يە بولدى، «پارتيا قۇرىلىسىندا كۇشتى شوعىرلاندىرىپ، ماسەلەنى شەشىپ، ونىمدىلىكتى ارتتىرۋ، ارتقى شەپ قىزمەت وتەۋىندە ”باسپا ىستەرى ۇلگىسىن“ تۇلعالاۋ» قاتارلى 10 تۋىندى 2 ـ دارەجەلى سيلىققا يە بولدى، «قىزىل جۇرەك تيانشاندى نۇرلاندىردى، جاراستىرۋ جۇرت جۇرەگىن نارلەندىردى» قاتارلى 17 تۋىندى 3 ـ دارەجەلى سيلىققا يە بولدى، 29 تۋىندى تاڭداۋلى تۋىندى سيلىعىن الدى، 10 ورىن تاڭداۋلى تۋىندى ۇيىمداستىرۋ سيلىعىنا يە بولدى.
وسى رەتكى جارىس تۋراشىلدىقتان اينىماي جاڭالىق اشۋعا، جارىس ارقىلى قۇرىلىستى جەبەۋگە تاباندى بولىپ، بۇكىل رايون ورگان پارتيا قۇرىلىسى شەبىنىڭ پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، نازاردى باس نىساناعا شوعىرلاندىرىپ، جوعارى ساپالى ورگان پارتيا قۇرىلىسى ارقىلى جوعارى ساپالى دامۋعا جەتەكشىلىك ەتۋ جونىندە جۇرگىزگەن پايدالى ىزدەنىستەرىن شوعىرلى بەينەلەدى، ٴار دارەجەلى ورگان پارتيا ۇيىمدارىنىڭ ”پارتيا قۇرىلىسىنا كۇشتى شوعىرلاندىرۋ، دامۋدىڭ ساپاسىن جوعارىلاتۋ، رەفورمامەن ونىمدىلىكتى ارتتىرۋ، قىزمەت وتەۋدە وزات بولۋ“ جاقتارىنداعى تيپتىك تاجىريبەلەرىن جاپپاي كورسەتتى، ورگان پارتيالى كادرلارىنىڭ قيىن ماسەلەلەردى شەشۋ، قوزعالىس قۋاتىن كۇشەيتۋ، ورنىقتىلىققا كەپىلدىك ەتۋ، حالىق تۇرمىسىنا تيىمدىلىك جەتكىزۋ الدىڭعى شەبىندەگى جاندى امالياتىن تولىق ايگىلەدى، ورگان پارتيالى كادرلارىن ”تورتتە باستاماشى بولۋدى“ ورىنداپ، ”ۇشتە ۇلگى بولۋدى“ ويداعىداي ىستەپ، ۇلگىلى ورگان قۇرىپ، جۇڭحۋا ۇلتى ورتاق تۇلعا تانىمىن بەكەمدەۋ، سوتسياليستىك وسىزاماندانعان شينجياڭ قۇرۋ امالياتىندا ۇزدىكسىز جاڭا جاۋاپكەرشىلىك، جاڭا ىسكەرلىك ايگىلەۋگە ونان ارى جىگەرلەندىردى.
اۆتونوميالى رايوننىڭ، بيڭتۋاننىڭ قاتىستى تاراۋلارىنداعى، ورىندارىنداعى باسشىلار جانە اۆتونوميالى رايونعا توتە قاراستى ورگاندارداعى، ايماق، وبلىس، قالالارعا توتە قاراستى ورگاندارداعى پارتيالى كادرلاردان 350 ادام قيمىلعا قاتىناستى.
