پارتيانىڭ جالپى بەتتىك باسشىلىعىنا تاباندى بولىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە تەلەگەي كۇش ۇيىستىرايىق
— پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ — جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ٴتۇبىرلى كەپىلى. پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ماجىلىسىندە مىنالار العا قويىلدى: پارتيانىڭ وزىنە ـ ٴوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋگە تاباندى بولىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدىق ۇندەۋ قابىلەتىن كۇشەيتىپ، پارتيانىڭ ەكونوميكالىق، قوعامدىق دامۋعا باسشىلىق ەتۋ قابىلەتى مەن ورەسىن جوعارىلاتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە تەلەگەي كۇش ۇيىستىرۋ كەرەك.
”14 ـ بەسجىلدىق“ مەزگىلىندە باس شۋجي شي جينپيڭ ىلگەرىندى ـ كەيىندى 10 رەت وڭىرلىك دامۋ اڭگىمە ٴماجىلىسىن باسقارىپ اشىپ، شىعىس پەن باتىس ٴوزارا كومەكتەسەتىن، وڭتۇستىك پەن سولتۇستىك سايكەسەتىن، قۇرلىق پەن تەڭىز ٴبىر تۇتاس جوسپارلاناتىن وڭىرلىك دامۋدىڭ ايبىندى كارتيناسىن سالۋعا جەتەكشىلىك ەتتى. پارتيا ورتالىق كوميتەتى ٴبىر تۇتاس جەتەكشىلىك ەتكەن كەلەلى جاعدايدا وڭىرلىك سايكەستى دامۋ ستراتەگياسىن، وڭىرلىك كەلەلى ستراتەگيانى، نەگىزگى تۇلعالىق فۋنكتسيالىق رايون ستراتەگياسىن، جاڭاشا قالا ـ قالاشىقتاندىرۋ ستراتەگياسىن ىشكەرىلەي اتقارۋدان بۇكىل ەلدىڭ كەلەلى جاعدايىنداعى ستراتەگيالىق ورنىن ٴدال تابۋعا دەيىن ەكونوميكالىق ٴىرى ولكەلەر ۇلكەن تىرەك بولىپ، باسقا رايوندار ٴوز ارتىقشىلىقتارىن ساۋلەلەندىردى، بۇكىل ەل بويىنشا جوعارىدان تومەنگە دەيىن ٴبىر تۇتاس جۇيە بولۋعا تاباندى بولىپ، جاڭا دامۋ ارناسىن قالىپتاستىرۋدىڭ ”شالقار ايدىنىن“ جانداندىرىپ، جوعارى ساپالى دامۋعا تاسقىنداعان قوزعاۋشى قۋات ۇستەدى.
2024 ـ جىلى ەكىنشى، ٴۇشىنشى ماۋسىمدا كوپ جاقتاعى فاكتورلاردىڭ ىقپالىنان ەلىمىز ەكونوميكاسىنىڭ قۇلدىراۋ قىسىمى ارتتى. سول جىلى 9 ـ ايدىڭ 26 ـ كۇنى باس شۋجي شي جينپيڭ ورتالىق كوميتەت ساياسي بيۋروسىنىڭ ٴماجىلىسىن باسقارىپ اشىپ، ٴبىر قىدىرۋ تىڭنان ارتتىرىلعان ساياساتتاردى باتىل ورنالاستىرىپ، ”ماكرولىق رەتتەۋ ـ مەڭگەرۋدەگى ٴبىر رەتكى بەلەستىك كىرىسۋدى“ جۇزەگە اسىرىپ، بازار سەنىمىن پارمەندى سەرپىلتىپ، ەلىمىز ەكونوميكاسىنىڭ ۇزدىكسىز قايتا ورلەۋىن، جاقسارۋىن ىلگەرىلەتتى. بيىل الدىڭعى ٴۇش ماۋسىمدا ەلىمىزدىڭ ىشكى ٴوندىرىس جالپى قۇنى سايكەس مەزگىلدەگىدەن %5.2 ارتتى، باستى ماكرولىق كورسەتكىشتەر جالپى جاقتان ورنىقتى بولدى، ەكونوميكالىق اينالىم ورنىقتىلىق بارىسىندا ىلگەرىلەۋ كۇيىن ساقتادى. پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىندا، ٴبىز داعدارىس بارىسىندا جاڭا وراي جەتىلدىرىپ، وزگەرىس بارىسىندا جاڭا جاعداي اشىپ، دامۋدىڭ ىرىقتىلىق ۇقىعىن مىقتاپ يگەردىك.
”14 ـ بەسجىلدىق“ مەزگىلىندە ەلىمىزدىڭ دامۋ بارىسى اسا وزگەشە ٴارى ايرىقشا بولدى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ، باستاپ، قيىندىقتان تايسالماي العا ۇمتىلىپ، ۇدەرە العا تارتىپ، عاسىرلىق ىندەتتىڭ اۋىر سوققىسىنا توتەپ بەرىپ، ٴبىر قىدىرۋ ەلەۋلى حاۋىپ ـ قاتەر مەن سىن ـ سايىسقا ٴونىمدى توتەپ بەرىپ، پارتيا مەن مەملەكەت ىستەرىنىڭ تىڭ دا كەلەلى تابىستارعا قول جەتكىزۋىن ىلگەرىلەتتى. مۇنان ٴبىز باس شۋجي شي جينپيڭنىڭ ماڭىزدى تۇجىرىمىن اناعۇرلىم تەرەڭ تۇسىندىك: ”ٴبىز سياقتى ٴىرى پارتيانى، ٴىرى ەلدى باسقارۋدا ەگەر پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعى بولماسا، بۇكىل پارتيانىڭ، بۇكىل ەلدىڭ يدەيانى بىرلىككە كەلتىرۋى، قادامى بىركەلكى بولماسا، ەشتەڭەنى دە بىتىرە المايمىز“.
تاريح پەن اماليات مىنانى تولىق دالەلدەدى: جاعداي نەعۇرلىم كۇردەلى دە قۇبىلمالى، مىندەت جاپالى دا اۋىر بولعان سايىن، پارتيانىڭ باسشىلىعى سىندى وسى ەڭ ۇلكەن ابزالدىلىققا سولعۇرلىم ويداعىداي تاباندى بولۋ، ودان ويداعىداي پايدالانۋ، ونى ويداعىداي دامىتۋ كەرەك. سوتسياليستىك وسىزامانداندىرۋدى نەگىزىنەن جۇزەگە اسىرۋ بارىسىندا ”15 ـ بەسجىلدىق“ كەزى بۇرىنعىعا مۇراگەر، كەيىنگىگە بۇيداگەر بولاتىن ماڭىزدى ورىنعا يە، ايقىنسىز، مەجەلەۋ قيىن فاكتورلار كوبەيگەن حالىقارالىق جاعدايعا، بوي تاسالاۋعا، وراعىتىپ وتۋگە بولمايتىن تەرەڭ قاتپارلى قايشىلىقتارعا ٴدوپ كەلەدى. ەلىمىزدىڭ دامۋ ورتاسى ٴدوپ كەلگەن تەرەڭ دە كۇردەلى وزگەرىستەرگە ىشكەرىلەي تالداۋ جاساپ، جالپى ٴماجىلىس پارتيانىڭ جالپى بەتتىك باسشىلىعىنا تاباندى بولۋدى ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدا، ٴسوز جوق، بويسۇنۋعا ٴتيىستى ماڭىزدى پرينسيپتىڭ ماڭداي الدى ورنىنا قويىپ، پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا تاباندى بولۋدى جانە ونى كۇشەيتۋدى، پارتيانىڭ جاسامپاز نازارياسىمەن ۇزدىكسىز يدەيانى بىرلىككە كەلتىرىپ، ەرىك ـ جىگەردى بىرلىككە كەلتىرىپ، ارەكەتتى بىرلىككە كەلتىرىپ، تۇتاس قوعامنىڭ ٴىس تىندىرىپ ناتيجە جاراتۋ، جاڭالىق اشۋ، جاسامپازدىق جاراتۋ ومىرشەڭ كۇشىن قاۋلاتۋدى باسا دارىپتەدى. وسى تالاپتاردى تەرەڭ ٴتۇسىنىپ جانە دايەكتىلەندىرىپ، پارتيانىڭ باسشىلىعىن ەكونوميكالىق، قوعامدىق دامۋدىڭ ٴارقايسى جاعىنا، تۇتاس بارىسىنا ٴسىڭىرىپ، تۇتاس قوعامنىڭ جۇڭگو ۇلگىسىندەگى وسىزامانداندىرۋ قۇرىلىسىنا ات سالىسۋ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرعاندا عانا ٴبىر جاعادان باس، ٴبىر جەڭنەن قول شىعارىپ، ٴورىس اشا العا ىلگەرىلەيتىن جالىندى جاعداي قالىپتاستىرۋعا بولادى.
مەملەكەتتى باسقارۋ ٴۇشىن، ٴسوز جوق، الدىمەن پارتيانى باسقارۋ كەرەك، پارتيا گۇلدەنگەندە عانا مەملەكەت قۇدىرەتتەنەدى. پارتيانى باسقارۋ، پارتيانى جونگە سالۋ نەعۇرلىم ٴونىمدى بولعان سايىن، ەكونوميكالىق، قوعامدىق دامۋدى قامتاماسىز ەتۋ سولعۇرلىم پارمەندى بولادى. جالپى ٴماجىلىس رۋحىن ۇيرەنىپ، دايەكتىلەندىرىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋدە، ٴسوز جوق، ماڭگى جالعاستىراتىن قايسارلىق پەن تاباندىلىق ارقىلى پارتيانىڭ وزىنە ـ ٴوزى توڭكەرىس جاساۋ تالابىن باتىل تياناقتاندىرىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن تاباندىلىقپەن تياناقتاندىرىپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن تاباندىلىقپەن ويداعىداي جۇرگىزىپ، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋ نىساناسىن جۇزەگە اسىرۋدى پارمەندى كەپىلمەن قامداۋ كەرەك. حالىقتى بارىنەن جوعارى قويۋعا تاباندى بولىپ، حالىقتى باقىتقا كەنەلتۋدى ٴتۇبىرلى قۇن بەتالىسى ەتىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ٴادىل يگىلىكتەندىرىپ، جۇڭگو ۇلگىسىندەگى وسىزامانداندىرۋدى ەڭ سەنىمدى، ەڭ تەرەڭ، ەڭ باياندى كۇش قاينارىنا يە ەتۋ كەرەك. پارتيانىڭ وزىنە ـ ٴوزى توڭكەرىس جاساۋى ارقىلى جاڭا سالتتى، دۇرىس ستيلدى اسقاقتاتىپ، تاماشا ساياسي ەكولوگيا قالىپتاستىرىپ، كادرلاردى كىرشىكسىز ٴىس ىستەۋگە، باتىلدىقپەن ٴىس ىستەۋگە شابىتتاندىرىپ، ەكونوميكالىق، قوعامدىق دامۋعا سارقىلماس وڭ ەنەرگيا قوسۋ كەرەك.
قازىر 2035 ـ جىلعى كۇرەس نىساناسىن جۇزەگە اسىرۋعا نەبارى 10 جىل ۋاقىت قالدى، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ نىساناسىن جۇزەگە اسىرۋعا دا نەبارى 20 نەشە جىل ۋاقىت قالدى. پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى الداعى بەس جىلداعى ەكونوميكالىق، قوعامدىق دامۋدىڭ ايبىندى جوباسىن جاسادى، وسى بەس جىل سوتسياليستىك وسىزامانداندىرۋدى نەگىزىنەن جۇزەگە اسىرۋدا نەگىزدى بەكەمدەيتىن، جاپپاي كۇش سالاتىن شەشۋشى مەزگىل. دابىل قاعىپ، جورىققا قۋزادى، ۋاقىت كۇتىپ تۇرمايدى؛ قايراتتانا جەلكەن جايۋدىڭ ٴدال كەزى كەلدى. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ مىزعىماس ارەكەت جاساۋشىلارىنان، ىسكەرلەرىنەن بولىپ، حالىق بۇقاراسىنىڭ شەكسىز اقىل ـ پاراساتى مەن كۇش ـ قۋاتىن شوعىرلاندىرىپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى نىساناسىنا قاراي نىق قاداممەن ەرلىكپەن العا باسۋىمىز كەرەك.
(شينحۋا اگەنتتىگىنىڭ 10 ـ ايدىڭ 30 ـ كۇنى بەيجيڭنەن بەرگەن حابارى)
