ۇلتتار ىنتىماعى، العاباسارلىعىنداعى ”تاپسىرىس جەتكىزۋشىلەر“ ٴىزى
— اۆتونوميالى رايوندىق ۇلتتار ىنتىماعى، العاباسارلىعىنداعى ۇلگىلى كوللەكتيۆ قارامايلى كايفاڭ داشۋەسى تاپسىرىس جەتكىزۋشىلەر شۋەيۋانى جايلى
انار بۇلت \ شينجياڭ گازەتىنىڭ ٴتىلشىسى جاڭ يۇنمەي
بيىل جازدان بەرى قارامايلى قالاسىنداعى تاپسىرىس جەتكىزۋشى زۇلپىقار سىمايىل ەرەكشە تەبىندى ىستەدى.
”تاپسىرىس جەتكىزۋشى بولعان ٴبىز قارامايلى كايفاڭ داشۋەسى اتىنان قالادا وتكىزىلگەن جۇڭحۋا كلاسسيك شىعارمالارىن داۋىستاپ وقۋ جارىسىنا قاتىناستىق ٴارى 2 ـ دارەجەلى سيلىققا يە بولدىق!“ ـ دەدى 10 ـ ايدىڭ 17 ـ كۇنى زۇلپىقار ماقتانىشپەن.
تاپسىرىس جەتكىزۋشىلەر قالايشا كايفاڭ داشۋەسى اتىنان جارىسقا قاتىناسىپ وتىر؟
قارامايلى كايفاڭ داشۋەسى تاپسىرىس جەتكىزۋشىلەر شۋەيۋانىنىڭ باستىعى سۇي جيايۇي تىلشىگە مىنالاردى ايتتى: 2024 ـ جىلى 3 ـ ايدا مەكتەبىمىز تاپسىرىس جەتكىزۋشىلەر شۋەيۋانىن قۇرىپ، شينجياڭداعى تاپسىرىس جەتكىزۋشىلەر قاۋىمىنا باعىتتالعان تۇڭعىش مەكتەپكە اينالدى. تاپسىرىس جەتكىزۋشىلەر شۋەيۋانى وقۋعا كومەك بەرۋ ساياساتىن شىعارىپ، وقۋ ـ اعارتۋ مەن كاسىپتىك باۋلۋدى ٴوزارا ۇشتاستىرىپ، تاپسىرىس جەتكىزۋشىلەر قاۋىمىنىڭ جالپىلىق ساپاسىن جوعارىلاتىپ، تاپسىرىس جەتكىزۋشىلەردىڭ كاسىپتىك دامۋىنا دەم بەردى.
زۇلپىقار وسى تاپسىرىس جەتكىزۋشىلەر شۋەيۋانىنىڭ ٴبىر وقۋشىسى. 9 ـ ايدىڭ 14 ـ كۇنى تاپسىرىس جەتكىزۋشىلەر شۋەيۋانىنىڭ تاپسىرىس جەتكىزۋشىلەرى مەكتەپ اتىنان قارامايلى قالاسى وتكىزگەن ”مەملەكەتتە ٴبىر تۇتاس قولدانىلاتىن ٴتىل ـ جازۋدى جالپىلاستىرۋ سەرپىنىن كۇشەيتۋ، جۇڭحۋا ۇلتى ورتاق تۇلعا تانىمىن بەكەمدەۋدى جەبەۋ“ نەگىزگى تاقىرىبىنداعى جۇڭحۋا كلاسسيك شىعارمالارىن داۋىستاپ وقۋ جارىسىنا قاتىناستى.
”مەن جۇڭگولىقپىن“، جاتتىعىپ جاتقان سول كەزدەردە زۇلپىقار باسقا دا تاپسىرىس جەتكىزۋشىلەرمەن بىرگە قىزمەتتەن سىرتقى ۋاقىتتارىندا دىبىستاۋعا مۇقيات ۇيرەندى.
جاتتىعۋ جاپالى بولعانىمەن، مەيىرگە تولى ۇلكەن وتباسى سياقتى. ”جازدا كۇن قاتتى ىستىق بولدى، تاپسىرىس جەتكىزۋشىلەر شۋەيۋانىنىڭ باستىعى مەن تاپسىرىس جەتكىزۋ تۇعىرىنىڭ باسشىسى ۇنەمى كەلىپ، بىزدەن حال سۇراپ، ىستىق قايتاراتىن سۋسىنداردى اكەلىپ تۇردى“. زۇلپىقار بىلاي دەدى: سول ساتتە كوپشىلىكتىڭ ولشەمدى دىبىستاۋدى ۇيرەنىپ قانا قويماي، ونان دا ماڭىزدىسى، ىنتىماق، سۇيىسپەنشىلىك جىرىن بىرگە جازىپ جاتقانىمىزدى تەرەڭ سەزىندىم.
ٴتىپتى دە كوپ تاپسىرىس جەتكىزۋشىنىڭ مەملەكەتتە ٴبىر تۇتاس قولدانىلاتىن ٴتىل ـ جازۋدى ۇيرەنۋىنە قولايلى بولۋى ٴۇشىن، تاپسىرىس جەتكىزۋشىلەر شۋەيۋانى ”ايالداما ساباقحاناسى“ ۇلگىسىن جاسامپازدىقپەن شىعارىپ، قارامايلى قالاسىنداعى 8 نەگىزگى تاپسىرىس پۋنكتىندە جىلجىمالى وقىتۋ ٴتۇيىنىن اشتى. ساباقحانا تاعى ”كورىنىستىك وقىتۋ + دەر كەزىندە اڭىس قايتارۋ“ ۇلگىسىن قولدانىپ، از ۇلت ٴتىلى مەن مەملەكەتتە ٴبىر تۇتاس قولدانىلاتىن ٴتىلدىڭ دىبىستالۋ پارقىنا مەڭزەس، ارناۋلى دىبىس تۇزەتۋ ساباعىن اشتى، بۇل ارادا كاسىپتىك مۇعالىمدار جاندى دا قىزىقتى تاسىلمەن كوپشىلىكتى مەملەكەتتە ٴبىر تۇتاس قولدانىلاتىن ٴتىل ـ جازۋدى ۇيرەنۋگە جەتەكتەدى.
”ۇيرەنۋ ارقىلى سەنىمىم ارتا ٴتۇستى! ساۋداگەرلەرمەن، الارماندارمەن سويلەسە الاتىن بولدىم، كىرىسىم دە كوبەيدى“. تاپسىرىس جەتكىزۋشى ٴادىل مامەت بۇرىن مەملەكەتتە ٴبىر تۇتاس قولدانىلاتىن ٴتىل ـ جازۋعا جاتىق بولماعاندىقتان ۇنەمى جەتكىزەتىن مەكەن ـ جايدى تابا الماي، الارماندار ونىڭ ۇستىنەن ٴجيى ارىز ـ شاعىم ايتاتىن. سالىنى سۋعا كەتىپ تۇرعاندا تاپسىرىس جەتكىزۋشىلەر شۋەيۋانىنىڭ ٴوزى سياقتى تاپسىرىس جەتكىزۋشىلەرگە مەملەكەتتە ٴبىر تۇتاس قولدانىلاتىن ٴتىل ـ جازۋعا تەگىن باۋلۋ ساباعىن ارناۋلى اشقانىنان حابار تاۋىپ، ەشقانداي ەكىلەنبەستەن تىزىمدەلەدى، ”ٴتىل كەدەرگىسى بولماعان سوڭ، بۇل قالامەن ٴتىپتى دە جاقىنداي تۇسكەندەي سەزىندىم“.
تاپسىرىس جەتكىزۋشىلەر شۋەيۋانى تاپسىرىس جەتكىزۋشىلەردىڭ مەملەكەتتە ٴبىر تۇتاس قولدانىلاتىن ٴتىل ـ جازۋ دەڭگەيىن جوعارىلاتۋمەن بىرگە، تاعى باۋلۋدى جۇڭحۋانىڭ تاڭداۋلى ٴداستۇرلى مادەنيەتىمەن تەرەڭ توعىستىردى. مادەنيەت لەكسياسىندا ماماندار جان ـ جاقتى مىسال كەلتىرىپ، تاپسىرىس جەتكىزۋشىلەرگە جۇڭحۋانىڭ تاڭداۋلى ٴداستۇرلى مادەنيەتىنىڭ دارقان دا شۇرايلى ەكەندىگىن ٴتۇسىندىردى؛ ٴداستۇرلى مەرەكەلەردە كوپشىلىك بىرگە كوكتەم بوساعالىعىن جاپسىرىپ، قياق كۇرىش ٴتۇيىپ، مەرەكە مەيىرىن بىرگە سەزىنىپ، جۇڭحۋانىڭ تاڭداۋلى ٴداستۇرلى مادەنيەتىنىڭ وزگەشە تارتىمدىلىعىن سەزىنىپ، ”بەستى شىنايى مويىنداۋدى“ ونان ارى كۇشەيتتى.
ٴتىل ۇيرەنۋ شۋەيۋاننىڭ اشقان ساباقتارىنىڭ ٴبىر بولىگى عانا. تاپسىرىس جەتكىزۋشىلەردىڭ كاسىپتىك شەبەرلىگىن جوعارىلاتۋىنا كومەكتەسۋ ٴۇشىن، شىت جاڭا كاسىپتى دامىتۋ تاراۋىن اشتى، تاپسىرىس جەتكىزۋشىلەر شۋەيۋانى نازاردى جاڭادان جۇمىستانۋ شوعىرىنىڭ ەرەكشەلىگىنە شوعىرلاندىرىپ، بازار سۇرانىسىنا دالمە ـ ٴدال ٴتۇيىلىسىپ، تاپسىرىس جەتكىزۋشىلەرگە لايىق ٴبىر سىپىرا قولدانىلمالى شەبەرلىككە باۋلۋ ساباعىن اشتى، ونىڭ مازمۇنى كاسىپورىن باسقارۋ، شۇعىل جاعدايعا توتەپ بەرۋ، قۇتقارۋ، قوجالىق باسقارۋ ـ رەمونتشىلىق، ينتەرنەتتە ساتۋ سياقتى جاقتاردى قامتيدى، تاپسىرىس جەتكىزۋشىلەردىڭ كاسىپتىك ساپاسىن جان ـ جاقتى جوعارىلاتىپ، تاپسىرىس جەتكىزۋشىلەردىڭ كاسىپتىك تيپ جاڭالاۋىنا نەگىز قالادى.
گۋمانيتارلىق قامقورلىق قىستاعى جىلى شۋاق ىسپەتتى، ىنتىماقتاسا العا باسۋدىڭ سەنترگە تارتۋ كۇشىن ۇيىستىرىپ، تاپسىرىس جەتكىزۋشىلەردىڭ قارامايلى قالاسىندا كوڭىل مەكەنىن تابۋىنا مۇمكىندىك جاسادى.
تاپسىرىس جەتكىزۋشى ەربول ونەرقان بالاسىنىڭ اۋىر ناۋقاسقا شالدىعۋىنان ەكونوميكالىق قىسپاققا ٴدوپ كەلىپتى، ٴبىر مەزەت قارامايلىدان كەتۋ ويىندا بولادى، شۋەيۋان بۇل جاعدايدان حابار تاپقاننان كەيىن ىرىقتىلىقپەن كومەك قولىن سوزادى. بالاسىنىڭ اۋرۋ جاعدايى تاۋىرلەنگەننەن كەيىن ەربول قالىپ، وسى قالانىڭ دامۋىنا ٴبىر كىسىلىك ۇلەس قوسۋعا بەكيدى.
تاپسىرىس جەتكىزۋشىلەردىڭ جالپىلىق ساپاسىن جوعارىلاتۋىنا كومەكتەسىپ، كاسىپ قىسپاعىن شەشىپ، ولاردى قالاداعى ”قوناقتان“ جاقىن ”تۋىسقا“ اينالۋعا جەتەكتەدى... قارامايلى كايفاڭ داشۋەسى تاپسىرىس جەتكىزۋشىلەر شۋەيۋانى مەن تاپسىرىس جەتكىزۋشىلەر بىرگە جازعان ۇلتتار ىنتىماعى، العاباسارلىعى ”تاپسىرىس جەتكىزۋشىلەر“ ٴىزى سانسىز ادامنىڭ جۇرەگىن جىلىتتى. اۆتونوميالى رايوننىڭ 9 ـ كەزەكتى ۇلتتار ىنتىماعى، العاباسارلىعى جونىندەگى ماداقتاۋ ـ سيلاۋ جينالىسىندا قۇرىلعانىنا نەبارى ٴبىر جىلدان استام ۋاقىت بولعان وسى شۋەيۋان اۆتونوميالى رايوندىق ۇلتتار ىنتىماعى، العاباسارلىعىنداعى ۇلگىلى كوللەكتيۆ رەتىندە ماداقتالىپ ـ سيلاندى.
”بۇل داڭق ٴارى شابىت. ٴبىز ۇزدىكسىز جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، ۇلتتار ىنتىماعى گەنىن وقىتۋ جۇرگىزۋ، مەكتەپ باسقارۋدىڭ تۇتاس بارىسىنا تەرەڭ ٴسىڭىرىپ، ۇلتتار ىنتىماعى گۇلىنىڭ قۇلپىرا اشىلۋىنا مۇمكىندىك جاسايمىز“، ـ دەدى سۇي جيايۇي.
