انار بۇلت \ شينجياڭ گازەتىنىڭ ٴتىلشىسى جاڭ يۇنمەي
كۇز سوڭىنداعى يانجي ويپاتى الۋان تۇسكە ەندى. يانجي حۇيزۋ اۆتونوميالى اۋدانى چيگىشيڭ قالاشىعىنىڭ ”بايىرعى قىستاقتى ارالاۋ + ەكولوگيالىق جەمىس ٴۇزۋ“ ساياحات جەلىسىندە ساياحاتشىلار قايشالىسىپ ٴجۇر.
”بۇرىن قىستاقتا بىرنەشە اسحانا عانا بار بولاتىن، ساياحاتشىلاردى باۋراي المايتىن.“ 11 ـ ايدىڭ 1 ـ كۇنى چيگىشيڭ قالاشىعى قوراتاۋ قىستاعىنىڭ تۇرعىنى يبىرايىم يۇنۇس بىلاي دەدى: قازىر پارتيا قۇرىلىسى وداعى ٴارقايسى قىستاقتىڭ ساياحات بايلىعىن بايلانىستىرىپ، قىستاق تۇرعىندارىنىڭ ساياحات ارقىلى كىرىس كىرگىزۋىنە مۇمكىندىك جاساپ، كىرىسىمىزدى كورنەكتى ارتتىردى. ”ساياحاتتىڭ قاۋىرت مەزگىلىندە حالىقتىق تۇسەلحانامىز بەن شارۋالار شاتتىعى ساياجايىمىزدان ايىنا 50 مىڭ يۋاننان استام ناق كىرىس كىرەدى“، ـ دەدى ول.
قوراتاۋ قىستاعىندا قوراتاۋ بۇتحاناسى ەسكى جۇرتى، داچۋانگوۋ، شياۋچۋانگوۋ سياقتى مول ساياحات بايلىعى بار، الايدا شەت ـ شالعاي جەرگە ورنالاسقان، كورىنىس تۇيىندەرى بىتىراندى ورنالاسىپ، ساياحاتتىق قىزمەت وتەۋ قۇرىلعىلارى تولىق بولماعاندىقتان بۇرىن ساياحاتشى از بولاتىن.
دامۋدا قيىنشىلىققا ٴدوپ كەلىپ وتىرعان قوراتاۋ سياقتى قىستاقتار اۋداندا از ەمەس. جەكە اكىمشىلىك قىستاقتاردىڭ كاسىپ سالاسى كولەمى شاعىن بولۋ، حاۋىپ ـ قاتەرگە توتەپ بەرۋ قۋاتى ٴالسىز بولۋ سىندى دامۋداعى وسى ٴبىر قيىن ماسەلەنى قالاي شەشۋ كەرەك؟
پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ماجىلىسىندە پارتيانىڭ ەكونوميكالىق، قوعامدىق دامۋعا باسشىلىق ەتۋ قابىلەتى مەن دەڭگەيىن جوعارىلاتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە تەلەگەي كۇش ۇيىستىرۋ العا قويىلدى.
”پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا قۇرىلىسى ارقىلى كاسىپ سالاسىنىڭ دامۋىنا جەتەكشىلىك ەتۋگە تاباندى بولىپ، پارتيا ۇيىمىنىڭ ساياسي ابزالدىلىعىن، ۇيىمدىق ابزالدىلىعىن كاسىپ سالاسىنىڭ دامۋ ابزالدىلىعىنا اينالدىرۋ كەرەك“. يانجي حۇيزۋ اۆتونوميالى اۋداندىق پارتكوم ۇيىمداستىرۋ ٴبولىمىنىڭ ورىنباسار باستىعى ليۋ چاڭ بىلاي دەدى: اكىمشىلىك كەدەرگىنى بۇزىپ، دامۋ كۇشتەرىن بىرىكتىرۋ ٴۇشىن بيىل اۋدان ”اۋماق پارتيا قۇرىلىسى وداعىن“ جاسامپازدىقپەن ۇيىمداستىرىپ قۇردى.
ناقتاپ ايتقاندا، تۇتاس اۋدانداعى 8 اۋىل ـ قالاشىقتاعى 47 اكىمشىلىك قىستاق پەن ورگان، كاسىپورىن، ٴىسورىن، سەلبەستىك كووپەراتيۆى، باستاماشى كاسىپورىن، ەلەكتروندى ساۋدا تۇعىرى سياقتىلاردى بىرلەستىرىپ قۇرىپ، نازاردى ”ٴبىر اۋىلدا ٴبىر ەرەكشەلىك بولۋعا“ شوعىرلاندىرىپ، 8 ”اۋماق پارتيا قۇرىلىسى وداعىن“ ۇيىمداستىرىپ قۇرىپ، قىستاقتى الۋەتتەندىرىپ حالىقتى بايىتۋ نىساندارىن كۇش سالا جەتىلدىرىپ، كەزىندەگى بەت ـ بەتىنە كەتكەن قىستاقتاردى جۇدىرىقتاي جۇمىلدىردى.
چيگىشيڭ قالاشىق پارتكومنىڭ شۋجيى جاڭ جىنۋي بىلاي دەدى: بىرلەستىرىپ قۇرۋ ارقىلى چيگىشيڭ بۇتحاناسى ەسكى جۇرتىن، حارمودون قىستاعىنىڭ ٴتاتتى كۇرەڭكەي جانە چىليزى ەكولوگيالىق جەمىسىن ٴۇزۋىن، قوراتاۋ قىستاعىنداعى كوپتەگەن ساياحات بايلىقتارىن بايلانىستىرىپ، چيگىشيڭ قالاشىعىنىڭ مادەنيەت پەن ساياحات توعىسقان ەرەكشەلىگىن قالىپتاستىردىق.
قىستاق پەن قىستاق بىرگە قۇرىپ، قىستاق پەن كاسىپورىن بىرلەسىپ تيجارات جۇرگىزىپ، قىستاق پەن ساۋداگەرلەر بىرلەسىپ جەبەدى... ٴاربىر ”اۋماق پارتيا قۇرىلىسى وداقتارى“ وسىنى تۇتقا ەتىپ، ۇلگى كورسەتەتىن قىستاقتاردىڭ پارتيا باسشىلىق گرۋپپالارىنىڭ شۋجيلەرىن وداق پارتكومىنىڭ شۋجيلىگىنە تاڭداپ ٴوسىرىپ، بايلىق تىزىمدىگىن شىعارىپ، بىرلەسىپ قۇرۋ كەلىسىمىنە قول قويىپ، مەرزىم سايىن ٴىس قاراۋ ٴماجىلىسىن اشىپ، مىندەت بەلگىلەپ، جاۋاپكەرشىلىكتى ايقىنداپ، كەلەلى ٴىستى بىرگە قارايتىن، ماڭىزدى ىستەرگە بىرگە شەشىم جاسايتىن، ناقتى ىستەردى بىرگە بىتىرەتىن، شۇعىل ىستەردى بىرگە اقىلداساتىن وداق ٴىس قاراۋ جۇلگەسىن قالىپتاستىردى.
يۇڭنيڭ قالاشىعى ەرەكشەلىككە يە قىستاق وداعىن قۇرىپ، وسى قالاشىقتىڭ شياچاحى قىستاعىنىڭ پارتيا باس ياچەيكا شۋجيى ما رۇي وداق پارتكومىنىڭ شۋجيى بولىپ، يۇڭنيڭ قالاشىعىنىڭ ٴارقايسى قىستاقتارىنداعى قىزىل تاربيە بازاسى، شارۋالار شاتتىعى ساياجايى، سەلبەستىك كووپەراتيۆى سياقتى بايلىقتارىن بىرىكتىردى، سونداي ـ اق شينجياڭ وقۋ ـ اعارتۋ سايتى، كورلا قالالىق تاجىريبە ورتا مەكتەبى، يانجي حۇيزۋ اۆتونوميالى اۋداندىق 3 ـ ورتا مەكتەبى سياقتى كوپتەگەن ورىندارمەن سەلبەستىك قاتىناس ورناتىپ، بىرلەسىپ قۇرۋ كەلىسىمىنە قول قويىپ، ”اۋىل ـ قىستاقتى گۇلدەندىرۋ · جاستاردىڭ قىزىقتى ساپارى“ زەرتتەۋ ـ ۇيرەنۋ ايگىلى ماركاسى، اۋىل ـ قىستاق بازارى سياقتىلاردى ٴساتتى تۇلعالادى.
”قازىر زەرتتەۋ ـ ۇيرەنۋ ۇجىمى اپتا سايىن كەلەدى“. ما رۇي بىلاي دەدى: قىستاقتاعى ساقا پارتيا مۇشەلەرى ٴتۇسىندىرۋشى بولدى، ايەلدەر ەرەكشەلىككە يە ٴدامدى تاعامدار جاسايدى، جاستار قيمىل جوسپارلايدى، كوپشىلىكتىڭ ٴبارى قاربالاستىققا ٴتۇستى. بيىل قىستاق 13 مىڭ ادام (رەتتەن) استام ساياحاتشى قابىلداپ، قىستاق كوللەكتيۆىنىڭ ەكونوميكالىق كىرىسىن 50 مىڭ يۋاننان اسىرۋعا جەتەلەدى.
”اۋماق پارتيا قۇرىلىسى وداعىنىڭ“ باستاۋىندا اۋدان تاعى ”3 + 1“ كۇش ۇستەۋ مەحانيزمىن ورناتتى، ياعني ٴارقايسى وداققا كوتەرمەگە العان اۋدان باسشىسى جاۋاپتى بولىپ بايلانىس جاساپ، جەتەكشىلىك ەتىپ، جالپى جاقتان سايكەستىرۋگە جاۋاپتى بولادى؛ اۋىل شارۋاشىلىعى اۋىل ـ قىستاق، مادەنيەت ـ ساياحات، دامۋ ـ رەفورما سياقتى تاراۋلار مەن ورىندار جۇپ قۇراپ بىرگە قۇرىپ، كاسىپتىك جاقتا قوسىمشا كومەك بەرەدى جانە ساياسات جاقتا قولداۋ كورسەتەدى؛ قىستاقتا تۇراتىن قىزمەت گرۋپپالارىن جىبەرگەن مەكەمەلەر، سونداي ـ اق اۋىل ـ قالاشىق دارىندى جانە قارجى جاعىندا قوسىلىپ كۇش ۇستەپ، ”سۇرانىس جيۋ — تاراۋلار اڭىس قايتارۋ — نىساندى تياناقتاندىرۋ“ سىندى جابىق اينالىمدى قىزمەت وتەۋدى قالىپتاستىردى. اۋدانداعى تەحنولوگيا تىرەكتىلەرى، ەلەكتروندى ساۋدا دارىندارى قاتارلىلار اقىل ـ كەڭەس بەرۋ ۇجىمى بولىپ ۇيىمداسىپ، تۇقىمدى ساپالىلاندىرۋ، سۋىق تىزبەكتى زات اينالىمى، تىكە تاراتۋدا زات ساتۋ سياقتىلارعا قاتىستى جالپى 130دان استام قيىن ماسەلەنى شەشتى.
وداقتاردىڭ ومىرشەڭ كۇشىن قاۋلاتۋ ٴۇشىن، اۋدان ٴار ماۋسىمدا ”اۋماق پارتيا قۇرىلىسى وداعىنىڭ“ جۇمىس باسىندا ىلگەرىلەتۋ ٴماجىلىسىن اشىپ، ناق مايداندى كوزدەن كەشىرۋ، زەرتتەۋ ـ تالقىلاۋ، اۋىس ـ كۇيىس جاساۋ سياقتى تاسىلدەر ارقىلى ”ماركانى بىرلىككە كەلتىرىپ، بىرلەسىپ دامۋ“ تاجىريبەلەرى مەن ادىستەرىنەن ٴبولىستى. ”بىرلەسىپ قۇرۋدان ۇلگى كورسەتەتىن قىستاقتى“ باعالاپ تاڭداۋدى قانات جايدىرىپ، تابىسى كورنەكتى بولعان وداقتارعا نىسان قارجىسى جاعىندا تيىمدىلىك جاسادى.
10 ايعا جۋىق ۇزدىكسىز ىزدەنىس جاساۋ ارقىلى قازىر ٴارقايسى وداق يانجي قالاشىعىندا ”بىرگە بايۋ ەگىس الاڭى“، چيگىشيڭ قالاشىعى مادەنيەت ـ ساياحاتتىڭ توعىسۋى، يۇڭنيڭ قالاشىعى ەرەكشەلىككە يە قىستاق، ۋحاۋچۇي اۋىلى ٴزىرا كاسىپ سالاسى سياقتى ەرەكشەلىككە يە 8 نىساندى تۇلعالاپ، بىرلەسىپ قۇرعان قىستاقتاردىڭ كوللەكتيۆ ەكونوميكاسى جالپى بەتتىك 50 مىڭ يۋاننان استام ارتىپ، 5000نان ارتىق ادامدى جۇمىستانۋعا باۋرادى.
يانجي حۇيزۋ اۆتونوميالى اۋداندىق پارتكومنىڭ ورىنباسار شۋجيى، ۇيىمداستىرۋ ٴبولىمىنىڭ باستىعى ليۋ فاپيڭ مىنالاردى ٴبىلدىردى: يانجي پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن جەتەكشى ەتىپ، ”اۋماق پارتيا قۇرىلىسى وداعى“ مەحانيزمىن ونان ارى تەرەڭدەتىپ، شينجياڭعا باعىتتامالى كومەكتەسۋ باسىمدىعىنان پايدالانىپ، قىستاق پەن قىستاق بىرلەسىپ قۇرۋ، قىستاق پەن كاسىپورىن بىرلەسىپ تيجارات جۇرگىزۋ، قىستاق پەن ەلەكتروندى ساۋدا تۇعىرى بىرلەسىپ جەبەۋ ۇلگىسىن ساپالىلاندىرىپ، ەرەكشەلىككە يە ەگىمشىلىك، باعىمشىلىق كاسىبى، اۋىل شارۋاشىلىعى مەن ساياحاتتى توعىستىرۋ سياقتى شوعىرلاردى جەتىلدىرىپ، نىسان ارقىلى جەتەكتەۋ مەن ايگىلى ماركا قۇرىلىسىن كۇشەيتىپ، ٴتۇزىم باسىمدىعىن دامۋ قوزعالىس قۋاتىنا شىن مانىندە اينالدىرىپ، اۋىل ـ قىستاقتى گۇلدەندىرۋگە جانە حالىقتىڭ كىرىسىن ارتتىرۋعا كۇش ۇستەيدى.
