اۆتونوميالى رايوننىڭ كەشەندى قورعامالى باجى اۋماقتارىنىڭ دامۋ تابىسى ٴماجىلىسى اشىلدى
كەشەندى قورعامالى باجى اۋماقتارىنىڭ ەكونوميكالىق ىقپال قۋاتى مەن ىقپال كۇشىن ۇزدىكسىز ارتتىرۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 11 ـ ايدىڭ 2 ـ كۇنى قورعاستان حابارلايدى. 11 ـ ايدىڭ 1 ـ كۇنى اۆتونوميالى رايوننىڭ كەشەندى قورعامالى باجى اۋماقتارىنىڭ دامۋ تابىسى ٴماجىلىسى قورعاس قالاسىندا اشىلدى. ٴماجىلىس 2024 ـ جىلعى مەملەكەتتىك كەشەندى قورعامالى باجى اۋماقتارىنىڭ دامۋ تابىسىن باعالاۋ ناتيجەسىنە سالىستىرىپ، رايونىمىزداعى كەشەندى قورعامالى باجى اۋماقتارىنىڭ دامۋ، قۇرىلىس جاعىنداعى ولقىلىقتارى مەن ٴالسىز تۇستارىنا تەرەڭدەي تالداۋ جاسادى، ونى تەكسەرىپ تاپتى، قامال الۋ ٴتۇيىنىن، كۇش سالۋ ٴتۇيىنىن ٴداپ باسىپ تاۋىپ، جەتەرسىزدىكتەردى دەر كەزىندە تەكسەرىپ، ولقىلىقتاردى تولىقتاپ، قىزمەت جاۋاپكەرشىلىگىن ناقتىلاندىرىپ، كەشەندى قورعامالى باجى اۋماقتارىنىڭ قۇرىلىس، دامۋ جاعىنداعى ساپاسىن، ونىمدىلىگىن بار كۇشپەن جوعارىلاتۋدى العا قويدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى ٴارى ٴسوز سويلەدى.
ٴماجىلىس مىنالاردى اتاپ كورسەتتى: كەشەندى قورعامالى باجى اۋماعى ەلىمىزدەگى قازىر ەسىك اشۋ دەڭگەيى ەڭ جوعارى، تيىمدىلىك ساياساتى ەڭ كوپ، يقۋاتى ەڭ تولىق اشىق تۇعىرلاردىڭ ٴبىرى رەتىندە، شينجياڭنىڭ ازيا - ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن جەدەل تۇلعالاۋىندا، جاڭا دامۋ ارناسىن قالىپتاستىراتىن ستراتەگيالىق تىرەك ٴتۇيىنىن قۇرۋدا، جىبەك جولى ەكونوميكالىق بەلدەۋىنىڭ وزەكتى رايونىن قۇرۋدا، وڭىرلىك ورىن باسىمدىعىن كاسىپ سالاسى باسىمدىعىنا ويىستىرۋدى جەبەۋدە ماڭىزدى رولعا يە. قاتىستى جەرلەر مەن تاراۋلار ساياسي دەڭگەيدى جوعارىلاتىپ، مەملەكەتتىڭ بەلگىلەپ بەرگەن ەرەكشە ساياساتىنان تولىق پايدالانىپ، اۆتونوميالى رايوندىق پارتكوم مەن ۇكىمەتتىڭ قىزمەت ورنالاستىرۋلارىنا ساي، كەشەندى قورعامالى باجى اۋماعىنىڭ قۇرىلىس ساپاسىن جوعارىلاتىپ ونىمدىلىگىن ارتتىرۋ، ورنىن جوعارىلاتىپ دارەجەسىن ٴوسىرۋ نىساناسىن ٴجىتى قاداعالاپ، ”قورعامالى باجى +“ كاسىپ كۇيى يقۋاتىن تەرەڭدەتىپ، كەڭەيتىپ، جوعارى ەنەرگيا دارەجەسىندىك كاسىپ سالالارىن شوعىرلاندىرىپ دامىتۋدى بار كۇشپەن ىلگەرىلەتىپ، كەشەندى قورعامالى باجى اۋماعىنىڭ ەكونوميكالىق ىقپال قۋاتى مەن ىقپال كۇشىن ۇزدىكسىز جوعارىلاتىپ، شينجياڭنىڭ جوعارى دەڭگەيدە سىرتقا ەسىك اشۋداعى قۋاتتى قوزعالتقىشىن جەدەل تۇلعالاۋ كەرەك.
ٴماجىلىس مىنالاردى باسا دارىپتەدى: ٴارقايسى كەشەندى قورعامالى باجى اۋماقتارى تۇرعان ايماق، وبلىس، قالالار ونىمدىلىگىن باعالاۋ ناتيجەسىنە مۇقيات سالىستىرىپ، ولقىلىقتار مەن ٴالسىز تۇستاردى ٴجىتى قاداعالاپ، كۇشتى شوعىرلاندىرۋ كەرەك، كەشەندى قورعامالى باجى اۋماعىنىڭ يقۋاتى مەن رولىن تولىق ساۋلەلەندىرىپ، قورعامالى باجى بويىنشا وڭدەۋ، زات اينالىم، زەرتتەپ اشۋ، تەكسەرۋ ـ رەمونتتاۋ سياقتىلارمەن شۇعىلداناتىن كاسىپورىنداردى اۋماققا بەلسەنە شاقىرىپ ەنگىزىپ، اۋماقتىڭ ساۋدا قۇرىلىمىن ونان ارى ساپالىلاندىرۋ كەرەك. جارامدى ٴتۇزىم ـ شارالاردى العا قويىپ، اۋماقتاعى كاسىپورىنداردى جۇيەلى باسقارۋدى كۇشەيتىپ، ۇگىتتەۋدى، جەتەكتەۋدى ويداعىداي ىستەۋ كەرەك. كاسىپ سالاسىن جوبالاۋ جانە ساۋداگەر شاقىرىپ قارجى ەنگىزۋ سىندى ”كەشەندى شارانى“ ويداعىداي اتقارىپ، ساپالى قورعامالى باجى كاسىپورىنداردى باۋراۋ كەرەك. بايلىق ارتىقشىلىعىن تياناق ەتىپ، فۋنكتسيالىق ورنىن كورنەكتىلەندىرىپ، كومەسكى كۇشتى تەرەڭدەي اشىپ، يقۋاتتى كەڭەيتىپ، باۋىرلاس ولكەلەردىڭ وزىق تاجىريبەلەرىن ۇيرەنۋ نەگىزىندە، جەرگىلىكتى ورىننىڭ جاعدايىنا قاراي پارىقتى ىزدەنىس جاساۋ كەرەك. قوماقتى تاۋارلاردى كەسىكتى مەرزىم بويىنشا قورعامالى باجى بويىنشا ەسەبىن ٴۇزۋ، ٴبۇتىن اۆتوموبيلدى قورعامالى باجى بويىنشا رەمونتتاپ تەكسەرۋ، ۇشاق جانار مايىن قورعامالى باجى بويىنشا قۇيۋ، ۇشاققا قورعامالى باجى بويىنشا قارجى قۇراۋ، جالعا الۋ سياقتى ەرەكشەلىككە يە كاسىپتەردى زورايتىپ، كۇشەيتىپ، كەشەندى قورعامالى باجى اۋماعىنىڭ قۇرىلىسىندا تىڭ سەرپىلىس جاراتۋعا جاڭالىق اشا دامۋ ارقىلى جەتەكشىلىك ەتۋ كەرەك.
ٴماجىلىس مىنالاردى تالاپ ەتتى: قاتىستى ايماق، وبلىس، قالالار مەن تاراۋلار ”ٴبىر تۇتاس جۇيە“ يدەياسىن ورناتىپ، جاۋاپكەرشىلىكتى ناقتىلاندىرىپ، كۇش بىرىكتىرە قامال الۋ كەرەك. جىلدىق ناتيجە باعالاۋ قىزمەتىن بار كۇشپەن ويداعىداي ىستەپ، ماڭىزدى كورسەتكىشتەردى قاداعالاۋ بويىنشا جۇمىس جۇرگىزۋدى كۇشەيتىپ، ماسەلەلەردى دەر كەزىندە سايكەستىرىپ شەشۋ كەرەك. ”15 ـ بەسجىلدىق“ جوبانى جاساۋمەن ۇشتاستىرىپ، ۇزاق بولاشاقتىق دامۋ جولدارىن، شارالارىن مۇقيات جوبالاۋ كەرەك. كەدەن، باجى ىستەرى، شەتەل اقشاسىن باسقارۋ سياقتى ورتالىقتىڭ شينجياڭدا تۇراتىن باقىلاۋ ـ باسقارۋ تاراۋلارىمەن سايكەسە بىرلەسىپ قيمىلداۋدى كۇشەيتىپ، حاۋىپ ـ قاتەرلەردەن ٴونىمدى ساقتانىپ، قىزمەت وتەۋ ساپاسىن جوعارىلاتۋ كەرەك.
ٴماجىلىس كەشەندى قورعامالى باجى اۋماعىنىڭ دامۋ ناتيجەسى جاعدايىن حابارلاندىردى، بۇراتالا موڭعۇل اۆتونوميالى وبلىسى، ٴۇرىمجى قالاسى، ىلە قازاق اۆتونوميالى وبلىسى، قاشقار ايماقتىق ۇكىمەتتەگى (اكىمشىلىك مەكەمەسى) جاۋاپتى جولداستار پوزيتسيا ٴبىلدىرىپ ٴسوز سويلەدى.
قايسار قيۇم ماجىلىسكە قاتىناستى.
