شينحۋا اگەنتتىگىنىڭ 11 ـ ايدىڭ 2 ـ كۇنى بەيجيڭنەن بەرگەن حابارى. شينحۋا اگەنتتىگى 11 ـ ايدىڭ 2 ـ كۇنى «”تاريحتىڭ سىنىنان وتە الاتىن تالعام“ — ٴتوراعا شي جينپيڭنىڭ ازيا - تىنىق مۇحيت ەكونوميكالىق سەلبەستىك ۇيىمىنىڭ 32 ـ رەتكى باسشىلار بەيرەسمي ماجىلىسىنە قاتىناسقاندىعى ٴارى كورەيادا مەملەكەتتىك ساپاردا بولعاندىعى جونىندە ەستەلىك» اتتى كولەمدى ادەبي حابار جاريالادى.
ماقالادا بىلاي دەلىندى: الەمدىك ٴىرى ەل جونىنەن ىشكى ىستەر مەن ديپلوماتيا ەجەلدەن جەكە دارا ٴىس ەمەس، قايتا ٴوزارا ارالاسىپ ۇندەستىك تابادى.
10 ـ ايدىڭ 30 ـ كۇنىنەن 11 ـ ايدىڭ 1 ـ كۇنىنە دەيىن ٴتوراعا شي جينپيڭ كورەياعا بارىپ، ازيا - تىنىق مۇحيت ەكونوميكالىق سەلبەستىك ۇيىمىنىڭ 32 APEC ـ رەتكى باسشىلار بەيرەسمي ماجىلىسىنە قاتىناستى ٴارى كورەيادا مەملەكەتتىك ساپاردا بولدى.
3 كۇن ۋاقىتتا ٴىرى ەل ديپلوماتياسىنداعى تاپتىرماس وراي، كوپ جاقتى ساحناداعى بايلانىس پەن كەڭەسۋ، توڭىرەك ديپلوماتياسىنداعى جاقىن، ادال، ٴتيىمدى، سيىسىمدى بولۋ بار. ٴجيى كۇن ٴتارتىپ ارقىلى تەرەڭگە كوز جىبەرسەك، تۇرلىشە ولشەمدە ”جۇڭگونىڭ دۇنيە جۇزىنە ىقپالى، دۇنيە ٴجۇزىنىڭ جۇڭگوعا ىقپالى“ سىندى تەرەڭ وزگەرىستەر بەينەلەنۋدە.
ساپارعا شىعۋدان ٴبىر اپتا بۇرىن، جۇڭگونىڭ بەيجيڭى. پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى الداعى بەس جىلداعى ايبىندى جوبانى كەسكىندەدى. جۇڭگو ۇلگىسىندەگى وسىزامانداندىرۋ سىندى باتىسپەن مۇلدە ۇقسامايتىن ادامزات وركەنيەتىنىڭ جاڭا فورماتسياسى ۇزدىكسىز جاڭا تاراۋدى ايگىلەدى.
بيىكتە تۇرىپ الىسقا كوز جىبەردى، جوبا ـ جوسپار جاسادى؛ كۇللى الەمدى كوكەيدە ساقتاپ، ٴوزى تابىسقا جەتۋ ٴۇشىن، الدىمەن وزگەلەردىڭ دە تابىسقا جەتۋىنە مۇمكىندىك جاسادى.
ماقالادا مىنالار اتاپ كورسەتىلدى: اپپارات كوزىنە تۇسكەن كورىنىستەردە تاريح ەستەلىككە الىندى، سونداي ـ اق جاڭا تاريح باستالدى:
10 ـ ايدىڭ 30 ـ كۇنى، پۋسان. جۇڭگو - امەريكا ەكى ەلدىڭ مەملەكەت باسشىلارى 100 نەشە مينۋتتىق ديدارلاسۋدى اياقتاتىپ، كوتەرىڭكى كوڭىل كۇيمەن ٴماجىلىس الاڭىنان شىقتى. امەريكا زۇڭتۇڭى ترامپ ٴتوراعا شي جينپيڭدى حۇڭچي ماركالى اۆتوكولىگىنىڭ الدىنا دەيىن جەتكىزىپ، تاعى دا قوشتاستى.
10 ـ ايدىڭ 31 ـ كۇنى، چيڭجوۋ APEC ٴماجىلىسى، جۇڭگونىڭ قۋاتتاماسى كەڭ كولەمدە ۇندەستىك تاپتى: ”سۇراپىل داۋىلدار مەن اساۋ تولقىن بولعان سايىن قيىندىقتى سولعۇرلىم بىلەك بىرىكتىرە جەڭۋ كەرەك“، ”جالپىعا ٴتيىمدى، سيىسىمدى ەكونوميكانىڭ جاھاندانۋىن ىلگەرىلەتىپ، ازيا - تىنىق مۇحيت ورتاق تۇلعاسىن قۇرۋ كەرەك“.
11 ـ ايدىڭ 1 ـ كۇنى، چيڭجوۋ. تاعى دا حىباي ٴماجىلىس ورتالىعىنا كەلدى، APECتىڭ وتاعاسى مىندەتىن تاپسىرىپ بەرۋ — تاپسىرىپ الۋ بۋىنىندا جۇڭگو 3 ـ رەت ۇتىلامالى تاياقشانى الدى. كەلەر جىلى كۇزدە كەزدەسۋگە ۋادەلەستى، جۇڭگونىڭ شىنجىنىندا كەزدەسەتىن بولدى.
وسى كۇنى تۇستەن كەيىن كورەيادا مەملەكەتتىك ساپاردا بولۋدىڭ كۇن ٴتارتىبى ٴجيى بولدى. مەملەكەت باسشىلارى ديپلوماتياسىنىڭ ستراتەگيالىق جەتەكشىلىگى جۇڭگو - كورەيا قارىم ـ قاتىناسىنىڭ جاڭا جاعدايىن اشتى.
بايىرعى استانا چيڭجوۋدا اۋا رايى جانعا جايلى بولدى، ول ايشىقتاعان دۇنيە ٴجۇزى جاعدايى تىپ ـ تىنىش ەمەس ەدى. ٴبىر جاعىندا ”شاعىن اۋلاعا بيىك قورعان“، ەندى ٴبىر جاعىندا اشىق، سيىسىمدى بولۋ؛ ٴبىرى، تەكە ـ تىرەستەن ايرىلماۋ، ەندى ٴبىرى، ىنتىماقتاسا سەلبەسۋدى كۇشەيتۋ. ال الەمدەگى ەڭ ۇلكەن وركەندەپ كەلە جاتقان ەل، دۇنيە جۇزىندەگى ەكىنشى ٴىرى ەكونوميكالىق تۇلعا بولعان جۇڭگونىڭ تالعامى ايرىقشا ماڭىزدى.
ماقالادا بىلاي دەپ اتاپ كورسەتىلدى: ٴتوراعا شي جينپيڭ وسى رەتكى ساپارىندا جۇڭگونىڭ بەينەسىن باياندادى، ”زەيىن ـ زەردەنى شوعىرلاندىرا وتىرىپ ٴوز ٴىسىمىزدى ويداعىداي ىستەپ، ٴوزىمىزدى ونان ارى كەمەلدەندىرىپ، دۇنيە جۇزىندەگى ٴار ەلمەن دامۋ ورايىنان بىرگە يگىلىكتەندىك“؛ جۇڭگونىڭ كورەگەندىگى مەن جاۋاپكەرشىلىك ارقالاۋىن دا ايگىلەدى، ”ازيا ـ تىنىق مۇحيت وڭىرىندەگى حالىقتىڭ تىلەگىنە ۇيلەسەتىن، تاريحتىڭ سىنىنان وتە الاتىن تالعام جاسادى“.
ماقالا 4 بولىككە بولىنگەن: تەكە ـ تىرەس پە، الدە ٴوزارا تابىسقا جەتەلەۋ مە؟ ەكى ٴىرى ەلدىڭ قول الىسۋى؛ ”شاعىن اۋلاعا بيىك قورعان“ با، الدە اشىق، سيىسىمدى بولۋ ما؟ تاريحتىڭ جول قيىلىسىنداعى تالعام؛ ٴوز قامىن عانا كۇيىتتەۋ مە، الدە قاتار ٴجۇرىپ، الىسقا جەتۋ مە؟ توڭىرەكتىك ديپلوماتيانىڭ ۇلگىسى؛ وزىنە عانا ٴمان بەرۋ مە، الدە وزگەلەردىڭ دە تابىسقا جەتۋىنە مۇمكىندىك جاساۋ ما؟ گۇلدەنۋ جولىندا جاۋاپكەرشىلىك ارقالاۋ.
ماقالادا بىلاي دەپ اتاپ كورسەتىلدى: 30 نەشە جىلدىڭ الدىندا APECكە مۇشە بولۋ ارقىلى ٴوزىنىڭ رەفورما جاساۋىن، ەسىك اشۋىن ىلگەرىلەتۋدەن بۇگىنگى تاڭداعى الەمدىك ەسىك اشۋدىڭ باستاماشىسى بولۋعا دەيىن جۇڭگونىڭ حالىقاراداعى رولىنداعى وزگەرىس سول عىلمي تۇجىرىمدى تاعى دا ٴبىر رەت دالەلدەدى: ”تەك دۇنيە ٴجۇزىنىڭ دامۋ اعىمىنا ىرىقتىلىقپەن ۇيلەسكەندە عانا ٴوزىن دامىتۋمەن، زورايتۋمەن بىرگە، دۇنيە ٴجۇزىنىڭ دامۋ اعىمىنا جەتەكشىلىك ەتۋگە بولادى“.
