جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى پارتيا سىرتىنداعى قايراتكەرلەر اڭگىمە ٴماجىلىسىن اشتى
جۇڭگو كوممۋنيستىك پارتياسى 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، سوتسياليستىك وسىزاماندانعان شينجياڭ قۇرۋعا ورتاق تانىم ۇيىستىرۋ، كۇش ـ قۋات توپتاۋ كەرەك
چىن شياۋجياڭ باسقاردى ٴارى ٴسوز سويلەدى، ەركىن تۇنياز، ٴزۇمىرات وبۇل، نۇرلان ٴابىلماجىن، حى جۇڭيوۋ قاتىناستى
11 ـ ايدىڭ 3 ـ كۇنى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى پارتيا سىرتىنداعى قايراتكەرلەر اڭگىمە ٴماجىلىسىن اشىپ، ”15 ـ بەسجىلدىق“ مەزگىلىندەگى شينجياڭنىڭ ەكونوميكالىق، قوعامدىق دامۋى جونىندە دەموكراتيالىق پارتيا ـ توپتاردىڭ شينجياڭ رايوندىق كوميتەتتەرى، اۆتونوميالى رايوندىق ساۋدا ـ ونەركاسىپشىلەر بىرلەستىگى جانە پارتيادا، توپتا جوق قايراتكەرلەر ۋاكىلدەرىنىڭ پىكىر ـ ۇسىنىستارىن تىڭدادى. اۆتونوميالى رايوندىق پارتكومنىڭ شۋجيى چىن شياۋجياڭ ٴماجىلىستى باسقاردى ٴارى ٴسوز سويلەدى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 11 ـ ايدىڭ 3 ـ كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى 11 ـ ايدىڭ 3 ـ كۇنى پارتيا سىرتىنداعى قايراتكەرلەر اڭگىمە ٴماجىلىسىن اشىپ، جۇڭگو كوممۋنيستىك پارتياسى 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ پارتيا سىرتىنداعى قايراتكەرلەر اڭگىمە ماجىلىسىندە، اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداعان كەزدە سويلەگەن ماڭىزدى ٴسوزىنىڭ رۋحىن دايەكتىلەندىرىپ، تياناقتاندىرىپ، ”15 ـ بەسجىلدىق“ مەزگىلىندەگى شينجياڭنىڭ ەكونوميكالىق، قوعامدىق دامۋى جونىندە دەموكراتيالىق پارتيا ـ توپتاردىڭ شينجياڭ رايوندىق كوميتەتتەرى، اۆتونوميالى رايوندىق ساۋدا ـ ونەركاسىپشىلەر بىرلەستىگى جانە پارتيادا، توپتا جوق قايراتكەرلەر ۋاكىلدەرىنىڭ پىكىر ـ ۇسىنىستارىن تىڭدادى. اۆتونوميالى رايوندىق پارتكومنىڭ شۋجيى چىن شياۋجياڭ ٴماجىلىستى باسقاردى ٴارى ٴسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ قاتىناستى.
ماجىلىستە جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتىنىڭ مەڭگەرۋشى مۇشەسى سۇڭ ياجۇن، جۇڭگو دەموكراتيالىق وداعى شينجياڭ رايوندىق كوميتەتىنىڭ مەڭگەرۋشى مۇشەسى جاڭ حۇي، جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتىنىڭ مەڭگەرۋشى مۇشەسى ما حۋادۇڭ، جۇڭگو دەموكراتيانى ىلگەرىلەتۋ قوعامى شينجياڭ رايوندىق كوميتەتىنىڭ مەڭگەرۋشى مۇشەسى باۋ انميڭ، جۇڭگو شارۋا ـ جۇمىسشى دەموكراتيالىق پارتياسى شينجياڭ رايوندىق كوميتەتىنىڭ مەڭگەرۋشى مۇشەسى مىڭ چيڭساي، ”3 ـ قىركۇيەك“ ٴىلمي قوعامى شينجياڭ رايوندىق كوميتەتىنىڭ مەڭگەرۋشى مۇشەسى ليۋ تاۋ، اۆتونوميالى رايوندىق ساۋدا ـ ونەركاسىپشىلەر بىرلەستىگىنىڭ ۋاكىلى، ەرەكشە ترانسفورماتور سەرىكتەستىگىنىڭ باس تورەشىسى حۋاڭ حانجيە، پارتيادا، توپتا جوق قايراتكەرلەردىڭ ۋاكىلى لي مياۋ لەبىز ٴبىلدىرىپ، جاڭا ەنەرگيانىڭ جوعارى ساپالى دامۋى، جوعارى كوتەرىمدىلىككە يە كاسىپ سالاسىنىڭ جاسىل دامۋى، كاسىپ سالاسىنىڭ دامۋى ارقىلى وڭتۇستىك شينجياڭداعى بۇقارانى جۇمىستانۋعا جەتەكتەۋ، ەرەكشە جۇڭي ٴدارى ـ دارمەك ماتەريالدارى كاسىپ سالاسىن زورايتۋ، ەكولوگيالىق سۋ ۇنەمدەيتىن قالا قۇرۋ، ەمدەۋ بايلىعىنىڭ تومەنگە ٴتۇسۋىن ىلگەرىلەتۋ، كومىردى تازا، جوعارى ٴونىمدى پايدالانۋ، اۋىل شارۋاشىلىق عىلىم ـ تەحنولوگياسىندا جاڭالىق اشۋ سياقتىلار جونىندە ۇسىنىس ـ پىكىر بەردى.
كوپشىلىكتىڭ ٴسوزىن تىڭداعاننان كەيىن چىن شياۋجياڭ بىلاي دەپ باسا دارىپتەدى: جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىندا اشىلعان ٴبىر رەتكى توتەنشە ماڭىزدى ٴماجىلىس. جالپى ماجىلىستە قول جەتكەن كەلەلى جەتىستىكتەر، جاسالعان كەلەلى ورنالاستىرۋلار پارتيامىزدىڭ بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتىڭ تىڭ تاراۋىن ۇزدىكسىز جازىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن قۇلشىنا اشۋ جونىنەن كەلەلى ماڭىز الادى. دەموكراتيالىق پارتيا ـ توپتاردىڭ شينجياڭ رايوندىق كوميتەتتەرى، اۆتونوميالى رايوندىق ساۋدا ـ ونەركاسىپشىلەر بىرلەستىگى جانە پارتيادا، توپتا جوق قايراتكەرلەر ٴتورتىنشى جالپى ٴماجىلىستىڭ رۋحىن ۇيرەنۋ، دايەكتىلەندىرۋ ساياسي سانالىلىعىن، يدەيالىق سانالىلىعىن جانە ارەكەت سانالىلىعىن كۇشەيتىپ، ”14 ـ بەسجىلدىق“ مەزگىلىندەگى ەلىمىزدىڭ دامۋىندا قول جەتكەن كەلەلى تابىستاردى جانە ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ كەلەلى ٴمانىن، جەتەكشى يدەياسىن، كەلەلى پرينسيبىن، كەلەلى ستراتەگياسىن، ٴتۇبىرلى كەپىلىن تەرەڭ ٴتۇسىنىپ، يگەرىپ، قالىڭ مۇشەلەر مەن بايلانىس ورناتقان بۇقارانى ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن ساياسي ورتاق تانىمعا جانە ارەكەت باعدارناماسىنا اينالدىرىپ، زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرىپ، سوتسياليستىك وسىزاماندانعان شينجياڭ قۇرۋعا جەتەكتەۋى كەرەك.
چىن شياۋجياڭ بىلاي دەپ اتاپ كورسەتتى: ”15 ـ بەسجىلدىق“ مەزگىلى — سوتسياليستىك وسىزامانداندىرۋدى نەگىزىنەن جۇزەگە اسىرۋدا نەگىزدى بەكەمدەيتىن، جاپپاي كۇش سالاتىن شەشۋشى مەزگىل. دەموكراتيالىق پارتيا ـ توپتاردىڭ شينجياڭ رايوندىق كوميتەتتەرىنىڭ، اۆتونوميالى رايوندىق ساۋدا ـ ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ ارتىقشىلىقتارىن تولىق ساۋلەلەندىرىپ، اۆتونوميالى رايوننىڭ ”15 ـ بەسجىلدىق“ مەزگىلىندەگى دامۋىنا قاتىستى كەلەلى ماسەلەلەر جونىندە ىشكەرىلەي وي جۇگىرتىپ، زەرتتەۋ جۇرگىزىپ، سىندارلى ۇسىنىستاردى كوبىرەك بەرىپ، ناقتى شارالاردى كوبىرەك قاراستىرىپ، الداعى بەس جىلداعى ەكونوميكالىق، قوعامدىق دامۋ جوباسىن بىرگە ويداعىداي جوبالاپ، ويداعىداي كەسكىندەپ، ويداعىداي اتقارىپ، شينجياڭنىڭ بۇكىل ەلمەن بىرگە سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋىن ىلگەرىلەتۋىن ٴۇمىت ەتەمىن. اۆتونوميالى رايون قۇرىلعاندىعىنىڭ 70 جىلدىعىن جاڭا باستاما ەتىپ، ىرىقتىلىقپەن جاۋاپكەرشىلىك ارقالاپ ىسكەرلىك كورسەتىپ، قوعامدىق كەلەلى جاعدايدىڭ ورنىقتىلىعىن قورعاۋ، جوعارى ساپالى دامۋدى ىلگەرىلەتۋ، حالىق تۇرمىسى قۇت ـ ىرىسىن ارتتىرۋ سياقتى جاقتاردا اناعۇرلىم زور رول اتقارىپ، ٴبىر نيەتپەن سەلبەسىپ، بىرگە كۇرەس جۇرگىزىپ، شينجياڭنىڭ رەفورما، دامۋ، ورنىقتىلىق ىستەرىنىڭ جاڭا جاعدايىن ۇزدىكسىز اشۋ كەرەك.
چىن شياۋجياڭ بىلاي دەپ باسا دارىپتەدى: دەموكراتيالىق پارتيا ـ توپتاردىڭ شينجياڭ رايوندىق كوميتەتتەرى، اۆتونوميالى رايوندىق ساۋدا ـ ونەركاسىپشىلەر بىرلەستىگى جانە پارتيادا، توپتا جوق قايراتكەرلەر ٴوز قۇرىلىسىن ۇزدىكسىز كۇشەيتىپ، ٴتۇزىم ـ مەحانيزمدى اقاۋسىزداندىرىپ، كەمەلدەندىرىپ، مىندەت اتقارۋ قابىلەتى مەن دەڭگەيىن ۇزدىكسىز جوعارىلاتۋى كەرەك. اۆتونوميالى رايوندىق پارتكوم كوپشىلىكتىڭ قىزمەت ورىستەتۋىنە بۇرىنعىداي قولداۋ كورسەتىپ، كوپشىلىكتىڭ مىندەت اتقارىپ، جاۋاپكەرشىلىكتى ادا ەتۋىنە، ۇكىمەت ىسىنە ات سالىسۋىنا، ۇكىمەت ٴىسىن كەڭەسۋىنە تاماشا ورتا ازىرلەيدى.
چىن ۋيجۇن، ەلزات احمەتجان، قادەن كابەن، اۆتونوميالى رايوننىڭ قاتىستى باسشىلارى، اۆتونوميالى رايوننىڭ قاتىستى تاراۋلارىنداعى جاۋاپتى جولداستار ماجىلىسكە قاتىناستى.
