شي جينپيڭ حاينان ەركىن ساۋدا پورتى قۇرىلىسى جونىندەگى قىزمەت مالىمەتىن تىڭداعان كەزدە بىلاي دەپ باسا دارىپتەدى
پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، حاينان ەركىن ساۋدا پورتىن جوعارى ولشەممەن قۇرۋ كەرەك
ساي چي مالىمەت بەرۋ ماجىلىسىنە قاتىناستى
11 ـ ايدىڭ 6 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ حايناننىڭ سان ـ ياسىندا حاينان ەركىن ساۋدا پورتى قۇرىلىسى جونىندەگى قىزمەت مالىمەتىن تىڭداپ، ماڭىزدى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى يان يان تۇسىرگەن
شينحۋا اگەنتتىگىنىڭ 11 ـ ايدىڭ 6 ـ كۇنى سان ـ يادان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ حاينان ەركىن ساۋدا پورتى قۇرىلىسى جونىندەگى قىزمەت مالىمەتىن تىڭداعان كەزدە بىلاي دەپ باسا دارىپتەدى: حاينان ەركىن ساۋدا پورتىن قۇرۋ — پارتيا ورتالىق كوميتەتىنىڭ جاڭا داۋىردە رەفورما جاساپ، ەسىك اشۋدى جاپپاي تەرەڭدەتۋدى كوزدەي وتىرىپ جاساعان كەلەلى شەشىمى. پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىندا، ٴار دارەجەلى، ٴارقايسى قاتىستى جاقتار تىعىز سەلبەسىپ، ىرىقتىلىقپەن ىسكەرلىك كورسەتىپ، ۇزدىكسىز قۇلشىنۋ ارقىلى حاينان ەركىن ساۋدا پورتى قۇرىلىسى نىساناسىن جاپپاي جۇزەگە اسىرۋى كەرەك.
11 ـ ايدىڭ 6 ـ كۇنى تۇستەن بۇرىن شي جينپيڭ حاينان ولكەسىنىڭ سان ـ يا قالاسىندا حاينان ەركىن ساۋدا پورتى قۇرىلىسى جونىندەگى قىزمەت مالىمەتىن تىڭدادى. مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە، حاينان ولكەلىك پارتكومنىڭ شۋجيى فىڭ في مالىمەت بەردى.
مالىمەتتى تىڭداعاننان كەيىن شي جينپيڭ ماڭىزدى ٴسوز سويلەدى. ول بىلاي دەپ اتاپ كورسەتتى: پارتيا ورتالىق كوميتەتى بيىل 12 ـ ايدىڭ 18 ـ كۇنى حاينان ەركىن ساۋدا پورتىنىڭ تۇتاس ارالدا كەدەن جابىق كۇيدە جۇمىس جۇرگىزۋىن رەسمي باستايتىندىعىن ۇيعاردى، بۇل ەلىمىزدىڭ جوعارى دەڭگەيدەگى سىرتقا ەسىك اشۋدى بۇلجىماي كەڭەيتىپ، اشىق دۇنيە ٴجۇزى ەكونوميكاسىن قۇرۋدى ىلگەرىلەتۋدەگى بەلگى سيپاتتى شاراسى. ٴار دارەجەلى، ٴارقايسى قاتىستى جاقتار دەن قويا دايىندالىپ، ورنىقتى، ٴتارتىپتى بولۋعا شىنايى كەپىلدىك ەتۋ كەرەك.
شي جينپيڭ بىلاي دەپ باسا دارىپتەدى: حاينان ەركىن ساۋدا پورتىن قۇرۋ ستراتەگيالىق نىساناسى — حاينان ەركىن ساۋدا پورتىن ەلىمىزدىڭ جاڭا داۋىردەگى سىرتقا ەسىك اشۋىنا جەتەكشىلىك ەتەتىن ماڭىزدى قاقپاسى ەتىپ تۇلعالاۋ. وسى ستراتەگيالىق نىسانانى كوزدەۋدەن اۋىتقىماي، حاينان ەركىن ساۋدا پورتى قۇرىلىسىنىڭ جالپى تۇلعالىق جوباسىن جاپپاي تياناقتاندىرىپ، حاينان ەركىن ساۋدا پورتى زاڭىن ىشكەرىلەي اتقارىپ، يدەيانى ازات ەتىپ، رەفورما جاساپ، جاڭالىق اشىپ، جوعارى دەڭگەيدەگى ەركىن ساۋدا پورتىمەن ۇيلەسەتىن ساياسات ـ ٴتۇزىم جۇيەسىن قادامعا ٴبولىپ، كەزەڭگە ٴبولىپ قۇرۋ كەرەك. تۇزىمدىك ەسىك اشۋدى ورنىقتى قاداممەن كەڭەيتىپ، ساۋدانىڭ، قارجى قوسۋدىڭ ەركىن، قولايلى بولۋ دەڭگەيىن اناعۇرلىم جوعارىلاتۋ كەرەك. تاۋار مەن فاكتوردىڭ جىلجىمالى ەسىك اشۋىن ىشكەرىلەي ىلگەرىلەتىپ، ٴوندىرىس فاكتورلارىنىڭ شەكارا اتتاعان اينالىمىن اناعۇرلىم ويداعىداي جەبەۋ كەرەك. اناعۇرلىم اشىق دارىندىلار مەحانيزمىن ورناتىپ، ەركىن ساۋدا پورتى قۇرىلىسىنا پارمەندى دارىندىلار تىرەگىن ازىرلەۋ كەرەك. اكىمشىلىك ٴتۇزىلىس رەفورماسىن تەرەڭدەتىپ، ۇكىمەتتىك قىزمەت وتەۋدى ساپالىلاندىرىپ، بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق ـ ساۋدا ورتاسىن كۇش سالا تۇلعالاۋ كەرەك.
شي جينپيڭ بىلاي دەپ اتاپ كورسەتتى: حاينان ەركىن ساۋدا پورتىن جوعارى ولشەممەن قۇرۋدىڭ باستى ماقساتى — حايناننىڭ جوعارى ساپالى دامۋىن جەبەپ، بۇكىل ەلدىڭ جاڭا دامۋ ارناسىن قالىپتاستىرۋىنا دەم بەرۋ. ٴىس جۇزىندىكپەن ۇشتاستىرىپ، ”15 ـ بەسجىلدىق“ جوبانى عىلمي جاساپ، ”ٴۇش رايون، ٴبىر ورتالىق“ قۇرۋدىڭ ستراتەگيالىق ورنىن تىعىز ارقاۋ ەتىپ، حايناننىڭ ەكونوميكالىق، قوعامدىق دامۋ دەڭگەيىن جاپپاي جوعارىلاتۋ كەرەك. حاينان ەرەكشەلىگىنە جانە باسىمدىعىنا يە وسىزاماندانعان كاسىپ سالاسى جۇيەسىن كۇش سالا تۇلعالاپ، جەتەكشى كاسىپ سالالارىنىڭ ساپالىلانۋىن، دارەجەسىنىڭ جوعارىلاۋىن ىلگەرىلەتىپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭ توعىسۋىن جەبەپ، جاڭاشا وندىرگىش كۇشتەردى دامىتۋدا تىڭ ناتيجەلەرگە قول جەتكىزۋگە قۇلشىنۋ كەرەك. گۋاڭدۇڭ - شياڭگاڭ - اۋمىن ۇلكەن شىعاناق رايونىمەن ىقپالداسا دامۋدى كۇشەيتىپ، بەيجيڭ - تيانجين - حىبەي، چاڭجياڭ اتىراۋى، چاڭجياڭ ەكونوميكالىق بەلدەۋى سياقتىلارمەن وڭىرلىك سەلبەستىكتى تەرەڭدەتىپ، ”ٴبىر بەلدەۋ، ٴبىر جولدى“ بىرگە قۇرۋمەن تەرەڭ توعىسىپ، جوعارى دەڭگەيدەگى سىرتقا ەسىك اشۋدى ىلگەرىلەتۋ بارىسىندا جەتەكشىلىك رولىن ساۋلەلەندىرۋ كەرەك. ەكولوگيا — حايناننىڭ ٴبىر ۇلكەن باسىمدىعى، وسى نەگىزدى ويداعىداي قورعاپ، قۇرلىق پەن تەڭىزدى ٴبىر تۇتاس جوسپارلاۋعا تاباندى بولىپ، كورنەكتى قورشاعان ورتا ماسەلەلەرىن رەتتەۋ ـ وڭاۋدى ۇزدىكسىز ويداعىداي يگەرىپ، مەملەكەتتىك ەكولوگيالىق وركەنيەت سىناق رايونىن جوعارى ساپامەن قۇرۋ كەرەك. جالپىعا ٴتيىمدى، نەگىزدىك، ەڭ تومەنگى شەكتەن تۇسىرمەيتىن حالىق تۇرمىسى قۇرىلىسىن كۇشەيتىپ، حالىق بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىن ويداعىداي شەشىپ، بىرگە بايۋدى تىڭعىلىقتى ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: ەسىك اشۋدى نەعۇرلىم كەڭەيتكەن سايىن، دامۋ مەن حاۋىپسىزدىكتى سولعۇرلىم ٴبىر تۇتاس جوسپارلاپ، حاۋىپسىزدىك تومەنگى شەگىن مىقتاپ ساقتاۋ كەرەك. ەسىك اشۋ ريتىمى مەن اياق الىسىن عىلمي، ٴتارتىپتى ورنالاستىرىپ، حاۋىپ ـ قاتەردى پارىقتاۋ مەن ودان ساقتانۋدى كۇشەيتىپ، ورنىقتى، تىڭعىلىقتى ىستەپ، قادام سايىن قامال الۋ كەرەك.
شي جينپيڭ بىلاي دەپ اتاپ كورسەتتى: پارتيانى جاپپاي قاتاڭ باسقارۋدى ماڭگى جالعاستىراتىن سەرگەكتىكپەن جانە تاباندىلىقپەن ىلگەرىلەتىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى جەتىستىكتەرىن بەكەمدەپ، ستيلى پاك، سالتى دۇرىس ساياسي ەكولوگيانى قۇلشىنا قالىپتاستىرۋ كەرەك. شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ٴبىر تۇلعالى ىلگەرىلەتەتىن قىزمەت مەحانيزمىن كەمەلدەندىرىپ، شىرىكتەسۋدىڭ ٴوسىپ ـ ٴوربيتىن توپىراعى مەن شارت ـ جاعدايىن كۇش سالا الاستاۋ كەرەك. ٴار دارەجەلى كادرلاردى ەرەجەگە، تارتىپكە بويسۇنۋ العى شارتىندا باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، تىڭعىلىقتى كۇرەس جۇرگىزۋ ارقىلى اماليات پەن تاريحتىڭ سىنىنان سۇرىنبەي وتە الاتىن قىزمەت ناتيجەسىن جاراتۋعا جەتەكتەۋ كەرەك.
شي جينپيڭ بىلاي دەپ باسا دارىپتەدى: قازىر حاينان ”شاعالا“ تايفىڭ داۋىلىنىڭ بەتالىسىن ٴجىتى قاداعالاپ، قاتىستى شارالاردى كەمەلدەندىرىپ، ساقتانۋ جانە شۇعىل جاعدايعا توتەپ بەرۋ، ٴبىر جاقتى ەتۋ قىزمەتىن شىنايى جاقسى ىستەپ، زياندى ەڭ تومەنگى شەككە تۇسىرۋگە شىنايى كەپىلدىك ەتۋى كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي مالىمەت بەرۋ ماجىلىسىنە قاتىناستى.
حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى، حاينان ولكەسىندەگى جاۋاپتى جولداستار مالىمەت بەرۋ ماجىلىسىنە قاتىناستى.
