شينحۋا اگەنتتىگىنىڭ 11 ـ ايدىڭ 7 ـ كۇنى بەيجيڭنەن بەرگەن حابارى. 11 ـ ايدىڭ 7 ـ كۇنى مەملەكەت ٴتوراعاسى شي جينپيڭ پاۋل بيياعا تەلەگرامما جولداپ، ونىڭ كامەرۋن رەسپۋبليكاسىنىڭ زۇڭتۇڭى بولىپ تاعى دا سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن كامەرۋن ٴداستۇرلى دوس. سوڭعى جىلدارى ەكى ەلدىڭ ساياسي ٴوزارا سەنىمدىلىگى ۇزدىكسىز تەرەڭدەپ، ٴار سالاداعى سەلبەستىگىندە سۇبەلى جەتىستىكتەرگە قول جەتىپ، ٴبىر ـ ٴبىرىنىڭ وزەكتى مۇددەسىنە جانە ٴجىتى قاداعالاپ وتىرعان ىستەرىنە ساياتىن كەلەلى ماسەلەلەردە ٴبىرىن ـ ٴبىرى باتىل قولدادى. كەلەر جىلى جۇڭگو مەن كامەرۋننىڭ ديپلوماتيالىق قارىم ـ قاتىناس ورناتقاندىعىنىڭ 55 جىلدىعى، ەكى ەل قارىم ـ قاتىناسىنىڭ دامۋى جاڭا ورايعا ٴدوپ كەلەدى. مەن جۇڭگو _ كامەرۋن قارىم ـ قاتىناسىنىڭ دامۋىنا ايرىقشا نازار اۋدارامىن، بييا زۇڭتۇڭمەن بىرگە قۇلشىنىپ، جۇڭگو _ افريكا سەلبەستىك تالقى مىنبەرى بەيجيڭ باسشىلار ٴماجىلىسى جەتىستىكتەرىن تياناقتاندىرۋدى وراي ەتىپ، ەكى ەلدىڭ جالپى بەتتىك ستراتەگيالىق سەرىكتەستىك قارىم ـ قاتىناسىنىڭ ىشكەرىلەي دامۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.
