شي جينپيڭ گۋاڭدۇڭدا قىزمەت تەكسەرگەندە بىلاي دەپ باسا دارىپتەدى
پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، رەفورما جاساۋدى، ەسىك اشۋدى جاپپاي تەرەڭدەتۋ ارقىلى جوعارى ساپالى دامۋدى ىلگەرىلەتۋ كەرەك
ساي چي تەكسەرۋدە بىرگە بولدى
11 ـ ايدىڭ 7 ـ كۇنىنەن 8 ـ كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ گۋاڭدۇڭدا قىزمەت تەكسەردى. سۋرەتتە: 11 ـ ايدىڭ 7 ـ كۇنى تۇستەن كەيىن شي جينپيڭ مەيجوۋ قالاسى مەيشيان رايونى يان ـ ياڭ قالاشىعىنا ورنالاسقان يە جيانيىڭ ەسكەرتكىش سارايىن ەكسكۋرسيالاعان كەزدە قىزمەتكەرلەرمەن ىقىلاستى اڭگىمەلەسۋدە.
□ سۋرەتتى شياۋ ي تۇسىرگەن (سۋرەتتى شينحۋا اگەنتتىگى تاراتقان)
11 ـ ايدىڭ 7 ـ كۇنىنەن 8 ـ كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ گۋاڭدۇڭدا قىزمەت تەكسەردى. سۋرەتتە: 11 ـ ايدىڭ 7 ـ كۇنى تۇستەن كەيىن شي جينپيڭ مەيجوۋ قالاسى مەيشيان رايونى يان ـ ياڭ قالاشىعىنداعى نانفۋ جين ـ يوۋ ەگىمشىلىك بازاسىندا قىزمەت تەكسەرگەن كەزدە باعباندارمەن جانە اۋىل شارۋاشىلىق تەحنيكتەرىمەن ىقىلاستى اڭگىمەلەسۋدە.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
شينحۋا اگەنتتىگىنىڭ 11 ـ ايدىڭ 8 ـ كۇنى گۋاڭجوۋدان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا گۋاڭدۇڭدا قىزمەت تەكسەرگەندە بىلاي دەپ باسا دارىپتەدى: گۋاڭدۇڭ — رەفورما جاساۋدىڭ، ەسىك اشۋدىڭ باستاماشىسى، الدىمەن اتقارىلاتىن جەرى، تاجىريبە رايونى، پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، الداعى 5 جىلداعى نىسانالاردى، مىندەتتەردى جانە شارالاردى عىلمي جوسپارلاپ، رەفورما جاساۋدى، ەسىك اشۋدى جاپپاي تەرەڭدەتۋ ارقىلى جوعارى ساپالى دامۋدى ىلگەرىلەتىپ، ۇزدىكسىز قاجىماي كۇش سالىپ گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىلگەرىلەتىپ، پارتيانى جاپپاي قاتاڭ باسقارۋدى تەرەڭدەي ىلگەرىلەتىپ، وسىزامانداندىرۋ قۇرىلىسىندا ۇزدىكسىز تىڭ ناتيجەگە قول جەتكىزۋ كەرەك.
11 ـ ايدىڭ 7 ـ كۇنىنەن 8 ـ كۇنىنە دەيىن شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى حۋاڭ كۇنميڭ مەن ولكە باستىعى مىڭ فانليدىڭ سەرىك بولۋىندا ىلگەرىندى ـ كەيىندى مەيجوۋعا، گۋاڭجوۋعا بارىپ قىزمەت تەكسەردى، تەكسەرۋ ـ زەرتتەۋ جۇرگىزدى.
11 ـ ايدىڭ 7 ـ كۇنى تۇستەن كەيىن شي جينپيڭ مەيجوۋ قالاسى مەيشيان رايونى يان ـ ياڭ قالاشىعىنداعى يە جيانيىڭ ەسكەرتكىش باقشاسىنا كەلدى. يە جيانيىڭ ەسكەرتكىش سارايىندا شي جينپيڭ يە جيانيىڭنىڭ مىس مۇسىنىنە گۇل شارباق قويىپ، يە جيانيىڭنىڭ ومىرىندەگى ىزگى ىستەرى كورمەسىن ەكسكۋرسيالادى. سودان كەيىن يە جيانيىڭنىڭ بايىرعى تۇراعىن ەكسكۋرسيالادى. شي جينپيڭ بىلاي دەپ باسا دارىپتەدى: ٴبىزدىڭ بۇگىن قول جەتكىزگەن ۇلى تابىستارىمىزدىڭ بارلىعى ماۋ زىدۇڭ قاتارلى اعا بۋىن توڭكەرىسشىلەر ورناتقان بيلىك، جيناعان قور نەگىزىندە قۇرىلعان. پارتيا تاريحىن ۇگىتتەۋ تاربيەسىمەن ۇشتاستىرىپ، اعا بۋىن پرولەتاريات توڭكەرىسشىلەرىنىڭ اڭگىمەسىن ويداعىداي بايانداپ، قالىڭ كادر، بۇقارانى، اسىرەسە، جاستار مەن ورەندەردى قىزىل گەندى جالعاستىرۋعا، قىزىل تامىردى جالعاستىرۋعا، ماڭگى پارتيانىڭ سوزىنە قۇلاق اسۋعا، پارتياعا ىلەسۋگە تاربيەلەۋ، جەتەكتەۋ كەرەك.
جين ـ يوۋ — مەيجوۋدىڭ ەرەكشەلىككە يە اۋىل شارۋاشىلىق ٴونىمى. ٴدال ٴونىم الاتىن مەزگىلدە يوۋزى باقشاسى مول جەمىس بەردى. شي جينپيڭ يان ـ ياڭ قالاشىعى نانفۋ جين ـ يوۋ ەگىمشىلىك بازاسىنا كەلىپ كورمە زالىندا گۋاڭدۇڭنىڭ توڭكەرىستىك بايىرعى رايونداردى قولداۋ سەرپىنىن ارتتىرۋ، اۋىل ـ قىستاقتاردى جاپپاي گۇلدەندىرۋدى ىلگەرىلەتۋ سياقتى جاعدايلار جونىندەگى مالىمەتىن تىڭداپ، يوۋزى جانە ونىڭ وڭدەلگەن ونىمدەرىن، مادەنيەت جاسامپازدىعى ونىمدەرىن كوزدەن كەشىردى. ول جەمىس ورمانىنا كىرىپ، باعباندارمەن جانە اۋىل شارۋاشىلىعى تەحنيكتەرىمەن ىقىلاستى اڭگىمەلەستى. بيىل جين ـ يوۋدان قۋانىشپەن مول ٴونىم الىنىپ، ساتىلۋ جولىنىڭ ىركىلىسسىزدەنگەنىن بىلگەننەن كەيىن، شي جينپيڭ توتەنشە قۋاندى. ول بىلاي دەپ اتاپ كورسەتتى: اۋىل ـ قىستاقتىڭ ەرەكشەلىككە يە كاسىپ سالالارىن دامىتۋ — اۋىل ـ قىستاقتى جاپپاي گۇلدەندىرۋدى ىلگەرىلەتۋدىڭ نەگىزى، عىلىم ـ تەحنولوگيانى قولدانۋدى كۇشەيتىپ، اۋىل شارۋاشىلىعى، مادەنيەت، ساياحات ىستەرىنىڭ توعىسۋىن ىلگەرىلەتىپ، كاسىپ سالاسى تىزبەگىن ۇزدىكسىز ۇزارتىپ، قوسىمشا قۇندى ارتتىرىپ، اناعۇرلىم كوپ شارۋا بۇقاراسىن كىرىستەرىن ارتتىرىپ بايۋعا باستاۋ كەرەك.
اتتاناردا شي جينپيڭ قىستاق تۇرعىندارىمەن ىقىلاستى قوشتاستى. ول بىلاي دەپ تاپسىردى: پارتيا مەن ۇكىمەت بايىرعى رايونداردى ساياساتتىق جاقتان سۇيەمەلدەۋدى ۇزدىكسىز كۇشەيتۋى، بايىرعى رايونداعى قالىڭ كادر، بۇقارا ٴبىر نيەتپەن سەلبەسىپ، قايراتتانا العا ۇمتىلۋى كەرەك. ول اۋىلداستاردىڭ تۇرمىسىنىڭ جين ـ يوۋ سياقتى ٴارى ٴتاتتى، ٴارى كوركەم بولۋىن تىلەدى.
11 ـ ايدىڭ 8 ـ كۇنى تۇستەن بۇرىن شي جينپيڭ گۋاڭجوۋدا گۋاڭدۇڭنىڭ عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدى توعىستىرا دامىتۋ جەتىستىكتەرى كورمەسىن كوزدەن كەشىردى. سودان كەيىن گۋاڭدۇڭ ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭدادى. ول گۋاڭدۇڭنىڭ ٴارقايسى جاقتا قول جەتكىزگەن تابىستارىن تۇراقتاندىرىپ، كەلەسى قادامداعى قىزمەتتەر جونىندە تالاپ قويدى.
شي جينپيڭ بىلاي دەپ اتاپ كورسەتتى: پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ — كەزەكتەگى جانە بۇدان بىلايعى ٴبىر مەزگىلدەگى بۇكىل پارتيانىڭ، بۇكىل ەلدىڭ ٴبىر كەلەلى ساياسي مىندەتى. كوپ ساتىلى، كوپ ارنالى ۇگىت لەكسيا كۋرسى ارقىلى قالىڭ كادر، بۇقارانى يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرۋگە جەتەكتەپ، ورتاق تانىمدى ونان ارى نىعايتىپ، سەنىمدى كۇشەيتىپ، قايراتتى تاسقىنداتۋ كەرەك. پارتيا ورتالىق كوميتەتىنىڭ رۋحىن دالمە ـ ٴدال يگەرىپ، كادر، بۇقارا نازار اۋدارىپ وتىرعان ماسەلەلەرگە مەڭزەس كۇدىك ـ كۇماننان ارىلتۋ كەرەك. گۋاڭدۇڭ ەكونوميكاداعى ٴىرى ولكە جانە دامىعان ٴوڭىر رەتىندە، ”15 ـ بەسجىلدىق“ جوبانى جاساعاندا جوعارى دەڭگەي، زور كوز ايا بولۋى، الدا ٴجۇرۋ، ۇلگى كورسەتۋ، اۋىر جۇك ارقالاۋداي جاۋاپكەرشىلىكتى ايگىلەۋى كەرەك.
شي جينپيڭ بىلاي دەپ باسا دارىپتەدى: گۋاڭدۇڭ جاڭالىق اشۋ باسىمدىعىن ارتتىرىپ، تىڭ سەرپىلىستى جۇزەگە اسىرۋدا، ٴسوز جوق، رەفورما جاساۋ، ەسىك اشۋ رۋحىن، ەرەكشە رايون رۋحىن زور كۇشپەن اسقاقتاتىپ، رەفورما جاساۋدى، ەسىك اشۋدى جاپپاي تەرەڭدەتۋ ارقىلى جوعارى ساپالى دامۋدى ىلگەرىلەتۋ كەرەك. ٴونىمدى بازار مەن ىسكەر ۇكىمەتتى ۇشتاستىرۋعا تاباندى بولىپ، ٴتۇرلى مەنشىكتەگى شارۋاشىلىقتىڭ ابزالدىلىقتارىمەن ٴبىرىن ـ ٴبىرى تولىقتاۋىن، بىرگە دامۋىن جەبەۋ كەرەك. جاڭاشا وندىرگىش كۇشتەردى دامىتۋدى كوزدە ۇستاپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن كۇشەيتىپ، حالىقارالىق باسەكەلىك قۋاتقا يە وسىزاماندانعان كاسىپ سالاسى جۇيەسىن قۇرۋ كەرەك. وڭىرلەردىڭ سايكەستى دامۋى، قالا مەن اۋىلدىڭ توعىسپالى دامۋى ٴتۇزىلىس ـ مەحانيزمىن كەمەلدەندىرىپ، نەگىزگى الەۋمەتتىك قىزمەت وتەۋ ٴتۇزىمى جۇيەسىن كەمەلدەندىرىپ، بىرگە بايۋدى تىڭعىلىقتى ىلگەرىلەتۋ كەرەك. تۇزىمدىك ەسىك اشۋدى ورنىقتى كەڭەيتىپ، ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن ىشكەرىلەي اتقارىپ، ”ٴبىر بەلدەۋ، ٴبىر جولدى“ بىرگە قۇرۋمەن تەرەڭدەي توعىسۋ كەرەك. ىشكە ەسىك اشۋدى ۇزدىكسىز ويداعىداي يگەرىپ، ٴوز جەرى كاسىپ سالالارىنىڭ تيبىن وزگەرتىپ دارەجەسىن جوعارىلاتۋدى جەبەۋمەن بىرگە، ورتا، باتىس بولىكتەگى وڭىرلەردىڭ كاسىپ سالالارىنىڭ دامۋىن دا جەبەۋ كەرەك.
شي جينپيڭ بىلاي دەپ اتاپ كورسەتتى: گۋاڭدۇڭ - شياڭگاڭ - اۋمىن ۇلكەن شىعاناق رايونىن قۇرۋ گۋاڭدۇڭ جونىنەن ٴارى كەلەلى جاۋاپكەرشىلىك، ٴارى تاپتىرماس دامۋ ورايى. ومىرشەڭ كۇشكە جانە حالىقارالىق باسەكەلىك قۋاتقا باي بىرەگەي شىعاناق رايونىن جانە دۇنيە جۇزىلىك دەڭگەيدەگى قالالار شوعىرىن قۇرۋ نىساناسىن بۇلجىماي كوزدەپ، ٴبىر نيەتپەن كۇش سالىپ، ورنىقتى دا تىڭعىلىقتى ىستەپ، ٴتۇيىندى تۇردە قامال الىپ، جاپپاي ىلگەرىلەتۋدى قۇلشىنا جۇزەگە اسىرۋ كەرەك. گۋاڭدۇڭ - شياڭگاڭ - اۋمىن سەلبەستىگىن كۇش سالا تەرەڭدەتىپ، عىلىم ـ تەحنولوگيادا جاڭالىق اشۋ سەلبەستىگىن جانە نەگىزدىك قۇرىلعىلاردى ۇلاستىرۋدى، تۇتاستىرۋدى كۇشەيتىپ، ەرەجە، مەحانيزمدەردىڭ ”جۇمساق تۇتاسۋىن“ ىلگەرىلەتىپ، زاڭ ەرەجە شىعارۋ، زاڭ اتقارۋ، ٴادىليا بۋىندارىنىڭ جالپى بارىستىق ىستەستىگىن كۇشەيتىپ، بازاردىڭ ٴبىر تۇلعالانۋ دەڭگەيىن ٴونىمدى جوعارىلاتىپ، قونىسقا جايلى، كاسىپكە ىڭعايلى، ساياحاتقا قولايلى ساپالى تۇرمىس شەڭبەرىن قۇرىپ، شياڭگاڭ مەن اۋمىننىڭ مەملەكەتتىڭ دامۋ كەلەلى جاعدايىمەن اناعۇرلىم ويداعىداي توعىسۋىن جانە وعان قىزمەت وتەۋىن قولداۋ كەرەك. گۋاڭدۇڭ نەگىزگى كۇش جانە پاراۆوز رولىن ساۋلەلەندىرىپ، ٴار جاقتىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، قالىڭ كاسىپورىنداردىڭ، كاسىپتىك قىزمەت وتەۋ قۇرىلىمدارىنىڭ، جوعارى مەكتەپتەردىڭ، عىلمي زەرتتەۋ قۇرىلىمدارىنىڭ جانە ٴتۇرلى دارىندىلاردىڭ رولىن ساۋلەلەندىرۋى كەرەك.
شي جينپيڭ بىلاي دەپ باسا دارىپتەدى: گۋاڭدۇڭ قىزمەتىن جاقسى ىستەۋ ٴۇشىن، ٴسوز جوق، پارتيانىڭ باسشىلىعىن كۇشەيتۋ، پارتيانى جاپپاي قاتاڭ باسقارۋدى ىلگەرىلەتۋ كەرەك. كادرلار سىندى وسى شەشۋشى فاكتوردى مىقتى يگەرىپ، باسشىلىق القاعا تاڭداۋلىلارىن تاڭداپ، مىقتىلارىن قويىپ، پارتيالىلىعى بەرىك، كوز اياسى كەڭ، جاڭالىق اشۋعا شەبەر، شىنايى يگەرىپ ناقتى ىستەيتىن كادرلار قوسىنىن تۇلعالاۋ كەرەك. ستيلدى دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ۇقىق جۇرگىزۋدىڭ تۇتاس بارىسىنا ٴسىڭىرىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتىپ، ستيلى پاك، سالتى دۇرىس ساياسي ەكولوگيا ارقىلى تاماشا دامۋ ورتاسىن قالىپتاستىرۋعا جەتەكشىلىك ەتۋ كەرەك.
شي جينپيڭ بىلاي دەپ اتاپ كورسەتتى: قازىردەن جىل سوڭىنا دەيىن تاعى ٴبىر ايدان استام ۋاقىت بار، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دالمە ـ ٴدال تياناقتاندىرىپ، جۇمىستاندىرۋدى ورنىقتىرۋعا، كاسىپورىنداردى ورنىقتىرۋعا، بازاردى ورنىقتىرۋعا، مەجەنى ورنىقتىرۋعا كۇش سالىپ، حالىققا تيىمدىلىك جاساۋ ساياساتتارىن جاپپاي تياناقتاندىرىپ، ٴوندىرىس حاۋىپسىزدىگى جانە ورنىقتىلىقتى قورعاۋ قىزمەتىن ويداعىداي ىستەپ، تۇتاس جىلدىق نىسانا ـ مىندەتتەردى قۇلشىنا ورىنداۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي تەكسەرۋدە بىرگە بولدى.
حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار تەكسەرۋدە بىرگە بولدى.
