11 - ايدىڭ 9 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گۋاڭجوۋدا بۇقارالىق دەنە تاربيەدەگى مەملەكەتتىك وزات ورىنداردىڭ، وزات جەكەلەردىڭ ۋاكىلدەرىن جانە مەملەكەتتىك دەنە تاربيە جۇيەسىندەگى وزات كوللەكتيۆتەردىڭ، وزات جەكەلەردىڭ ۋاكىلدەرىن ىقىلاسپەن قابىلدادى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.
□ سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن
شينحۋا اگەنتتىگىنىڭ 11 ـ ايدىڭ 9 ـ كۇنى گۋاڭجوۋدان بەرگەن حابارى. 15 ـ كەزەكتى مەملەكەتتىك سپورت جارىسى باستالۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 11 ـ ايدىڭ 9 ـ كۇنى تۇستەن كەيىن گۋاڭجوۋدا بۇقارالىق دەنە تاربيەدەگى مەملەكەتتىك وزات ورىنداردىڭ، وزات جەكەلەردىڭ ۋاكىلدەرىن جانە مەملەكەتتىك دەنە تاربيە جۇيەسىندەگى وزات كوللەكتيۆتەردىڭ، وزات جەكەلەردىڭ ۋاكىلدەرىن ىقىلاسپەن قابىلداپ، ولاردى قىزۋ قۇتتىقتادى، ولاردى قۇلشىنا كۇرەس جۇرگىزىپ، تاعى دا تاماشا ناتيجە جاراتىپ، دەنە تاربيەدە قۋاتتى ەل قۇرۋ ٴۇشىن تىڭ ۇلەس قوسۋعا شابىتتاندىردى.
تۇستەن كەيىن ساعات 4تەن 15 مينۋت وتكەندە شي جينپيڭ قاتارلىلار گۋاڭجوۋ باييۇن حالىقارالىق ٴماجىلىس ورتالىعىنا كەلگەندە، بۇكىل الاڭدا ۇزاققا سوزىلعان قىزۋ شاپالاق ٴۇنى كوتەرىلدى. شي جينپيڭ كوپشىلىككە قول بۇلعاپ قۇرمەت ٴبىلدىردى، ٴالسىن ـ ٴالى ۋاكىلدەرمەن ىقىلاسپەن اڭگىمەلەستى ٴارى كوپشىلىكپەن بىرگە سۋرەتكە ٴتۇسىپ ەستەلىك قالدىردى.
لي حۇڭجۇڭ، جاڭ يوۋشيا، حۋاڭ كۇنميڭ، شىن يچين، ۋاڭ دۇڭفىڭ قاتارلىلار قابىلداۋعا قاتىناستى.
