11 - ايدىڭ 9 - كۇنى تۇستەن كەيىن مەملەكەت ءتوراعاسى شي جينپيڭ گۋاڭجوۋ باييۇن حالىقارالىق ءماجىلىس ورتالىعىندا 15 - كەزەكتى مەملەكەتتىك سپورت جارىسىنىڭ باستالۋ سالتىنا قاتىناسۋ ءۇشىن جۇڭگوعا كەلگەن حالىقارالىق وليمپيادا كوميتەتىنىڭ ءتوراعاسى كاۆەنچرۋيمەن جانە ومىرلىك قۇرمەتتى ءتوراعاسى باحپەن كەزدەستى.
□ سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن
شينحۋا اگەنتتىگىنىڭ 11 ـ ايدىڭ 9 ـ كۇنى گۋاڭجوۋدان بەرگەن حابارى (تىلشىلەر سۇن ي، جوۋ چياڭ). 11 ـ ايدىڭ 9 ـ كۇنى تۇستەن كەيىن مەملەكەت ٴتوراعاسى شي جينپيڭ گۋاڭجوۋ باييۇن حالىقارالىق ٴماجىلىس ورتالىعىندا 15 ـ كەزەكتى مەملەكەتتىك سپورت جارىسىنىڭ باستالۋ سالتىنا قاتىناسۋ ٴۇشىن جۇڭگوعا كەلگەن حالىقارالىق وليمپيادا كوميتەتىنىڭ ٴتوراعاسى كاۆەنچرۋيمەن جانە ومىرلىك قۇرمەتتى ٴتوراعاسى باحپەن كەزدەستى.
شي جينپيڭ بىلاي دەپ اتاپ كورسەتتى: وليمپيادا رۋحى ادامزات وركەنيەتىنىڭ ماڭىزدى مازمۇنى، ول ٴار ەل حالقىنىڭ اناعۇرلىم كوركەم دۇنيە قۇرۋ تىلەگىن ارقالاپ وتىر، جۇڭگو جاقتىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ارمانىمەن بارىنشا قابىسادى. جۇڭگو قاشاندا وليمپيادا رۋحىنىڭ باتىل امالياتتا ايگىلەۋشىسى، قورعاۋشىسى، تاراتۋشىسى. تاياۋ جىلداردان بەرى جۇڭگو حالىقارالىق وليمپيادا كوميتەتىمەن دەنە تاربيە ىستەرىن ىلگەرىلەتۋ بارىسىندا ٴبىرىن ـ ٴبىرى قولداپ، قول ۇستاسا وتىرىپ كوپتەگەن ٴىرى ىستەردى، يگى ىستەردى ىستەدى. جىل باسىندا ٴبىز قارلى دالا، مۇزدى القاپتاعى حاربيندە ازيا قىسقى سپورت جارىسى سالتاناتىن بىرگە وتكىزدىك، بۇگىن تاعى دا كوكتەمدەگىدەي شۋاقتى گۋاڭجوۋدا مەملەكەتتىك سپورت جارىسى — كەزدەسۋىنە بىرگە بارىپ، جۇڭگو مەن حالىقارالىق وليمپيادا كوميتەتى اراسىنداعى تىعىز دوستىق قارىم ـ قاتىناستى ايگىلەدىك. جۇڭگو جاق ەكى جاقتىڭ جوعارى دەڭگەيلى سەلبەستىگىن ۇزدىكسىز تەرەڭدەتىپ، دەنە تاربيەدە قۋاتتى ەل قۇرىلىسى مەن وليمپيادا سپورتىنىڭ دامۋىن ٴبىر تۇتاس جوسپارلاپ ىلگەرىلەتىپ، الەمدىك دەنە تاربيەنى باسقارۋعا اناعۇرلىم كوپ اقىل ـ پاراسات جانە كۇش ـ قۋات قوسىپ، ادامزاتتىڭ تاعدىرلاس ورتاق تۇلعاسىن قۇرۋعا اناعۇرلىم زور ۇلەس قوسۋدى قالايدى.
شي جينپيڭ بىلاي دەپ باسا دارىپتەدى: مەملەكەتتىك سپورت جارىسى — جۇڭگوداعى ەڭ كولەمدى، ەڭ جوعارى دەڭگەيلى جالپىلىق سپورت جارىسى، وسى كەزەكتى مەملەكەتتىك سپورت جارىسىن گۋاڭدۇڭ، شياڭگاڭ، اۋمىن سىندى 3 جەر بىرلەسىپ وتكىزەدى. گۋاڭدۇڭ - شياڭگاڭ - اۋمىن ۇلكەن شىعاناق رايونى جۇڭگونىڭ ەسىك اشۋ دەڭگەيى ەڭ جوعارى، ەكونوميكالىق ومىرشەڭ كۇشى ەڭ كۇشتى وڭىرلەردىڭ ٴبىرى. گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىلگەرىلەتۋدە جۇڭگونىڭ جاڭا دامۋ ارناسىنىڭ ستراتەگيالىق تىرەگىن، جوعارى ساپالى دامۋدىڭ ۇلگى كورسەتۋ ورنىن، جۇڭگو ۇلگىسىندەگى وسىزامانداندىرۋدىڭ جەتەكشى ورنىن تۇلعالاۋ كەرەك. وسى كەزەكتى مەملەكەتتىك سپورت جارىسىنىڭ جاڭا داۋىردەگى جۇڭگونىڭ دەنە تاربيە ىستەرىنىڭ دامۋ تىڭ تابىستارىنا كۋا بولىپ قانا قويماي، تاعى جۇڭگو ۇلگىسىندەگى وسىزامانداندىرۋدىڭ گۋاڭدۇڭ - شياڭگاڭ - اۋمىن ۇلكەن شىعاناق رايونىنداعى الۋان ٴتۇرلى بەينەسىن ايگىلەيتىندىگىنە سەنەمىن.
كاۆەنچرۋي مەن باح مىنالاردى ٴبىلدىردى: گۋاڭجوۋعا كەلىپ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىنان جۇڭگونىڭ وسىزامانداندىرۋ قۇرىلىسىنىڭ جالىندى تىرشىلىك تىنىسى مەن وراسان زور تابىستارىن سەزىنگەنىمىزگە توتەنشە قۋانىشتامىز. جۇڭگو وليمپيادا رۋحىن بەلسەنە امالياتتا ايگىلەپ، حالىقارالىق وليمپيادا ىستەرىنىڭ دامۋىنا ماڭىزدى ۇلەس قوستى. حالىقارالىق وليمپيادا كوميتەتى جۇڭگو جاقتىڭ ۇزاق ۋاقىتتان بەرى زور كۇشپەن قولداۋ كورسەتكەندىگىنە العىس ايتادى، جۇڭگومەن سەلبەستىكتى ۇزدىكسىز كۇشەيتىپ، وليمپيادا سپورتىنىڭ قارىشتاپ دامۋىن بىرگە ىلگەرىلەتىپ، وليمپيادا رۋحىن دۇنيە جۇزىنە ونان ارى تاراتىپ، ٴار ەل حالقىنىڭ ىنتىماعىن كۇشەيتىپ، دۇنيە ٴجۇزىنىڭ بەيبىتشىلىگىن جەبەۋدى ٴۇمىت ەتەدى. اشىلۋ الدىندا تۇرعان جۇڭگونىڭ مەملەكەتتىك سپورت جارىسىنىڭ ٴبىر كەزەكتى تارتىمدى دا تابىستى سالتاناتتى جينالىس بولاتىندىعىنا، جۇڭگونىڭ دەنە تاربيە ىستەرىنىڭ تىڭ دامۋشىلىقتارعا قول جەتكىزۋىن، ٴسوزسىز، ىلگەرىلەتەتىندىگىنە سەنەمىز.
ۋاڭ ي، حۋاڭ كۇنميڭ، شىن يچين قاتارلىلار كەزدەسۋگە قاتىناستى.
