شينحۋا اگەنتتىگىنىڭ 11 ـ ايدىڭ 10 ـ كۇنى بەيجيڭنەن بەرگەن حابارى. شي جينپيڭ ەكونوميكا يدەياسىنىڭ وقۋلىققا، ساباقحاناعا، وي ـ ساناعا ەنۋىن ىلگەرىلەتۋ ٴۇشىن، ورتالىق كوميتەت ۇگىت ٴبولىمى، مەملەكەتتىك دامۋ جانە رەفورما كوميتەتى ۇيىمداستىرىپ قۇراستىرعان ماركسيزمدىك نازاريانى زەرتتەۋ مەن كەمەلدەندىرۋ ينجەنەرياسىنداعى ٴتۇيىندى وقۋلىق «شي جينپيڭ ەكونوميكا يدەياسى تۋرالى جالپى شولۋ» (تومەندە قىسقارتىلىپ «جالپى شولۋ» دەلىنەدى) اتتى كىتاپ جوعارى وقۋ ـ اعارتۋ باسپاسىنان، حالىق باسپاسىنان باسىلىپ شىقتى.
پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جانە دۇنيە جۇزىندە 100 جىلدا بولماعان زور وزگەرىس جاعدايىن تياناق ەتىپ، جاعدايدىڭ جاڭا وزگەرىسى مەن امالياتتىڭ جاڭا تالابىن تەرەڭ يگەرىپ، ەلىمىزدىڭ ەكونوميكالىق دامۋىنىڭ امالياتتىق تاجىريبەلەرىن جۇيەلى قورىتىندىلاپ، ۇلكەن اۋقىمدى باعامداپ، جالپى جاعدايدى كوزدەپ، ناقتى ىستەر ىستەپ، ەكونوميكالىق قىزمەتتىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، ٴبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، ەلىمىز ەكونوميكاسىنىڭ دامۋىندا تاريحي تابىستارعا قول جەتكىزۋگە، تاريحي وزگەرىستەر تۋدىرۋعا جەتەكشىلىك ەتىپ، شي جينپيڭ ەكونوميكا يدەياسىن قالىپتاستىردى.
«جالپى شولۋ» كىرىسپەدەن جانە نەگىزگى مازمۇنداعى 15 تاراۋدان قۇرالعان، شامامەن 210 مىڭ ٴارىپ اينالاسىندا، وندا شي جينپيڭ ەكونوميكا يدەياسىنىڭ كەلەلى ٴمانى، تاريحي ورنى، ايقىن ەرەكشەلىگى، عىلمي جۇيەسى، نەگىزگى مازمۇنى، امالياتتىق تالابى سياقتىلار جۇيەلى بايىمدالعان، شي جينپيڭ ەكونوميكا يدەياسىنىڭ شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى ەكەندىگى، جۇڭگو كوممۋنيستىك پارتياسىنىڭ سوتسياليستىك ەكونوميكانىڭ دامۋ جولى جونىندە قاجىماي ـ تالماي ىزدەنىس جاساپ قالىپتاستىرعان باعالى يدەيالىق جاۋھارى ەكەندىگى، ماركسيزمدىك ساياسي ەكونوميكانىڭ نەگىزگى قاعيدالارىن قولدانىپ، جاڭا داۋىردەگى ەكونوميكالىق دامۋ امالياتىنا جەتەكشىلىك ەتىپ قالىپتاستىرعان كەلەلى نازاريالىق جەتىستىگى ەكەندىگى، جاڭا داۋىردەگى ەلىمىز ەكونوميكالىق قىزمەتىنىڭ عىلمي ارەكەت باعدارناماسى ەكەندىگى تولىق تۇسىندىرىلگەن. «جالپى شولۋ» ٴتۇپ نۇسقاعا ادال بولۋعا تاباندى بولىپ، جۇيەلىلەندىرۋدى، عىلمي قاعيدالاستىرۋدى كورنەكتىلەندىرىپ، وڭاي ۇيرەنۋگە، وڭاي قولدانۋعا باسا ٴمان بەرگەن، ول جوعارى مەكتەپتەر ەكونوميا ٴىلىمى ٴتۇرى ماماندىعىنداعى وقۋشىلاردىڭ شي جينپيڭ ەكونوميكا يدەياسىن جۇيەلى ۇيرەنۋىندەگى، يگەرۋىندەگى ٴتۇيىندى وقۋلىق ٴارى قالىڭ پارتيا مۇشەلەرىنىڭ، كادرلاردىڭ شي جينپيڭ ەكونوميكا يدەياسىن ۇيرەنۋىندەگى، تۇسىنۋىندەگى ماڭىزدى وقۋلىق.
