شينحۋا اگەنتتىگىنىڭ 11 ـ ايدىڭ 11 ـ كۇنى بەيجيڭنەن بەرگەن حابارى. 2025 ـ جىلى 11 ـ ايدىڭ 11 ـ كۇنى مەملەكەت ٴتوراعاسى شي جينپيڭ كاسرين وۋليريگە تەلەگرامما جولداپ، ونىڭ يرلانديا زۇڭتۇڭى بولىپ تاعايىندالعاندىعىن قۇتتىقتادى.
شي جينپيڭ مىنالاردى اتاپ كورسەتتى: جۇڭگو مەن يرلانديا ديپلوماتيالىق قارىم ـ قاتىناس ورناتقان 46 جىلدان بەرى ٴوزارا ۇيرەنۋ، ٴوزارا ۇلگى الۋ، دوستىق سەلبەستىك بارىسىندا قول ۇستاسا دامىپ، ەرەن تابىستارعا قول جەتكىزدى. سوڭعى جىلدارى ەكى ەلدەگى ٴار جىكتەگىلەردىڭ، ٴار دارەجەدەگىلەردىڭ بارىس ـ كەلىسى جيىلەپ، ناقتى سەلبەستىكتە سۇبەلى تابىستارعا قول جەتكىزدى. مەن جۇڭگو - يرلانديا قارىم ـ قاتىناسىنىڭ دامۋىنا ايرىقشا ٴمان بەرەمىن، وۋليري زۇڭتۇڭمەن بىرگە قۇلشىنىپ، ساياسي ٴوزارا سەنىمدىلىكتى كۇشەيتىپ، ٴداستۇرلى دوستىقتى ۇزبەي جالعاستىرىپ، كوپ جاقتىلىقتى جانە ەركىن ساۋدانى بىرگە قولداپ، جۇڭگو مەن يرلانديانىڭ ٴوزارا تيىمدىلىك جاساۋ ستراتەگيالىق سەرىكتەستىك قارىم ـ قاتىناسىنىڭ ۇزدىكسىز العا دامۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.
