اۆتونوميالى رايوندىق 10 ـ كەزەكتى پارتكومنىڭ ون بەسىنشى جالپى ٴماجىلىسى اشىلدى
اۆتونوميالى رايوندىق پارتكوم تۇراقتى كوميتەتى ٴماجىلىستى باسقاردى، چىن شياۋجياڭ قىزمەت بايانداماسىن جاسادى ٴارى ٴسوز سويلەدى
11 - ايدىڭ 10 - كۇنىنەن 11 - كۇنىنە دەيىن جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتىنىڭ ون بەسىنشى جالپى ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى چىن شياۋجياڭ اۆتونوميالى رايوندىق پارتكوم تۇراقتى كوميتەتىنىڭ تاپسىرۋىمەن قىزمەت بايانداماسىن جاسادى ءارى جالپى ءماجىلىستىڭ رۋحىن دايەكتىلەندىرۋ، تياناقتاندىرۋ جونىندە ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى شيە لۇڭ تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 11 ـ ايدىڭ 11 ـ كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 ـ كەزەكتى كوميتەتىنىڭ ون بەسىنشى جالپى ٴماجىلىسى 11 ـ ايدىڭ 10 ـ كۇنىنەن 11 ـ كۇنىنە دەيىن ۇرىمجىدە اشىلدى. جالپى ٴماجىلىس پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن جاپپاي ۇيرەندى، دايەكتىلەندىردى، باس شۋجي شي جينپيڭنىڭ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كەزدە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي قۇلشىنا دايەكتىلەندىردى، تياناقتاندىردى، اۆتونوميالى رايوننىڭ ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋ قىزمەتىن اقىلداسىپ، ورنالاستىرىپ، جاڭا باستامادا سوتسياليستىك وسىزاماندانعان شينجياڭ قۇرۋدى العا قويدى.
ٴماجىلىستى اۆتونوميالى رايوندىق پارتكوم تۇراقتى كوميتەتى باسقاردى. اۆتونوميالى رايوندىق پارتكومنىڭ شۋجيى چىن شياۋجياڭ اۆتونوميالى رايوندىق پارتكوم تۇراقتى كوميتەتىنىڭ تاپسىرۋىمەن قىزمەت بايانداماسىن جاسادى ٴارى جالپى ٴماجىلىستىڭ رۋحىن دايەكتىلەندىرۋ، تياناقتاندىرۋ جونىندە ٴسوز سويلەدى.
ٴماجىلىس «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ باس شۋجي شي جينپيڭنىڭ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كەزدە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، قۇلشىنا سوتسياليستىك وسىزاماندانعان شينجياڭ قۇرۋ جونىندەگى قاۋلىسىن»، «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ اۆتونوميالى رايوننىڭ حالىق شارۋاشىلىعى مەن قوعامدىق دامۋىنىڭ 15 ـ بەسجىلدىق جوباسىن جاساۋ جونىندەگى ۇسىنىسىن»، «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 ـ كەزەكتى كوميتەتى ون بەسىنشى جالپى ٴماجىلىسىنىڭ قارارىن» جانە اكىمشىلىك رايوندارعا بولۋگە قاتىستى ىستەردى قاراپ ماقۇلدادى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز اكىمشىلىك رايوندارعا ٴبولۋ ٴىسى جونىندە تۇسىنىك جاسادى.
ٴماجىلىس مىنالاردى اتاپ كورسەتتى: پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى — ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىندا وتكىزىلگەن ٴبىر رەتكى توتەنشە ماڭىزدى ٴماجىلىس. باس شۋجي شي جينپيڭنىڭ ماڭىزدى ٴسوزى مەن 15 ـ بەسجىلدىق جوبا ۇسىنىسى الداعى بەس جىلداعى، ٴتىپتى، ونان دا ۇزاق ٴبىر مەزگىلدەگى ەكونوميكالىق، قوعامدىق دامۋداعى ٴبىر قىدىرۋ بەتالىس سيپاتتى، ٴتۇبىرلى سيپاتتى كەلەلى ماسەلەلەردى ايقىنداپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋگە عىلمي باعدارناما ازىرلەدى. پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ويداعىداي ۇيرەنۋدى، ويداعىداي ۇگىتتەۋدى، ويداعىداي دايەكتىلەندىرۋدى كەزەكتەگى جانە مۇنان بىلايعى ٴبىر مەزگىلدەگى كەلەلى ساياسي مىندەت ەتىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ ماڭىزدى ٴسوزىنىڭ رۋحىمەن جانە جالپى ٴماجىلىستىڭ شەشىمدەرىمەن، ورنالاستىرۋلارىمەن سانالى تۇردە ولشەمگە، تالاپقا تۋرالانىپ، ”15 ـ بەسجىلدىق“ مەزگىلىندەگى پارتيا مەن مەملەكەت ىستەرىنىڭ تاريحي ورنىن تەرەڭ ٴتۇسىنىپ جانە يگەرىپ، شينجياڭنىڭ ەكونوميكالىق، قوعامدىق دامۋىنىڭ تابان تىرەر تياناعىن ٴداپ باسىپ تاۋىپ، ”15 ـ بەسجىلدىق“ مەزگىلىندەگى جۇڭگو ۇلگىسىندەگى وسىزامانداندىرۋدىڭ جالپى جاعدايىنا ساياتىن ستراتەگيالىق مىندەتتى تەرەڭ ٴتۇسىنىپ جانە يگەرىپ، شينجياڭنىڭ جوعارى ساپالى دامۋىنىڭ كۇش سالۋ ٴتۇيىنىن ٴداپ باسىپ تاۋىپ، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدى جوسپارلاۋدىڭ قىزمەت تالابىن تەرەڭ ٴتۇسىنىپ جانە يگەرىپ، حاۋىپ ـ قاتەر مەن سىن ـ سايىستارعا توتەپ بەرۋدىڭ، دامۋداعى قيىن ماسەلەلەردى شەشۋدىڭ ٴادىسىن، جولىن ٴداپ باسىپ تاۋىپ، شينجياڭ قىزمەتىنىڭ باستان ـ اياق باس شۋجي شي جينپيڭ نۇسقاعان دۇرىس بەتالىسپەن العا باسۋىنا شىنايى كەپىلدىك ەتۋ كەرەك.
ٴماجىلىس مىنالاردى اتاپ كورسەتتى: باس شۋجي شي جينپيڭنىڭ ورتالىق ۋاكىلدەر ۇيىرمەسىن باستاپ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسۋى پارتيا مەن مەملەكەت تاريحىندا تۇڭعىش رەت بولدى، بۇل شينجياڭنىڭ دامۋ بارىسىندا ماڭىزدى بەلەستىك مانگە يە. باس شۋجي شي جينپيڭنىڭ قۇتتىقتاۋ قيمىلىنا قاتىناسقان كەزدەگى ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ۇيرەنۋدى، دايەكتىلەندىرۋدى پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ۇيرەنۋمەن، دايەكتىلەندىرۋمەن ساباقتاستىرىپ، تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋدى، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى مىقتاپ ارقاۋ ەتىپ، ٴار ۇلت كادرلارىنىڭ، بۇقاراسىنىڭ قۇلشىنا سوتسياليستىك وسىزاماندانعان شينجياڭ قۇرۋداعى تەلەگەي كۇشىن كەڭ كولەمدە ۇيىستىرىپ، شينجياڭنىڭ اناعۇرلىم كوركەم بولاشاعىن قۇلشىنا اشۋ كەرەك.
ٴماجىلىس ”14 ـ بەسجىلدىق“ مەزگىلىندەگى شينجياڭنىڭ ەكونوميكالىق، قوعامدىق دامۋ تابىستارىن تولىق تۇراقتاندىردى. ٴبىر اۋىزدان بىلاي دەپ قارادى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ قوعامدىق جالپى جاعدايى ۇزدىكسىز ورنىقتى بولىپ، جۇڭحۋا ۇلتى ورتاق تۇلعا قۇرىلىسى جەدەل ىلگەرىلەپ، ەكونوميكالىق، قوعامدىق دامۋ مەن حالىق تۇرمىسىن جاقسارتۋدا كورنەكتى ىلگەرىلەۋشىلىككە قول جەتىپ، رەفورما جاساۋ، ەسىك اشۋ ۇزدىكسىز تەرەڭدەپ، ەكولوگيالىق ورتا ۇزدىكسىز جاقسارىپ، بيڭتۋان مەن جەرگىلىكتى ورىننىڭ توعىسا دامۋى پارمەندى ىلگەرىلەپ، پارتيا قۇرىلىسى جاپپاي كۇشەيىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا نىق قادام تاستالدى. بيىل الدىڭعى ٴۇش ماۋسىمدا شينجياڭنىڭ ەكونوميكالىق، قوعامدىق دامۋى ورنىقتىلىق بارىسىندا جاقساردى، ”14 ـ بەسجىلدىقتىڭ“ باستى نىسانا ـ مىندەتتەرى ورىندالۋ الدىندا تۇر، بۇل ”15 ـ بەسجىلدىقتىڭ“ ٴساتتى باستالۋىنا بەرىك نەگىز قالادى.
ٴماجىلىس شينجياڭ ٴدوپ كەلگەن جاعدايعا، مىندەتكە ىشكەرىلەي تالداۋ جاسادى. ٴبىر اۋىزدان بىلاي دەپ قارادى: شينجياڭنىڭ دامۋى تاپتىرماس تاريحي ورايعا ٴدوپ كەلىپ وتىر، الايدا نەمقۇرايدى قاراۋعا بولمايتىن كەيبىر حاۋىپ ـ قاتەرلەر مەن سىن ـ سايىستار دا ورىن تەۋىپ وتىر. شينجياڭنىڭ ”15 ـ بەسجىلدىق“ مەزگىلىندەگى قىزمەتتەرىن جوسپارلاۋدا، ٴسوز جوق، نازاردى پارتيا ورتالىق كوميتەتى بەلگىلەگەن ”بەس ۇلكەن ستراتەگيالىق ورىنعا“ شوعىرلاندىرىپ، جوعارى ساپالى دامۋدى تىڭعىلىقتى ىلگەرىلەتىپ، شينجياڭنىڭ قابىلەتى ارقىلى مەملەكەت قاجەتىنە قىزمەت ەتىپ، بۇقارانىڭ ارمان ـ تىلەگىن قاناعاتتاندىرىپ، ٴارى ٴبىر وڭىرگە داڭق اپەرۋدى، ٴارى جالپى جاعدايعا ٴار قوسۋدى ورىنداۋ كەرەك.
ٴماجىلىس مىنالاردى باسا دارىپتەدى: ”15 ـ بەسجىلدىق“ مەزگىلىندەگى شينجياڭنىڭ ەكونوميكالىق، قوعامدىق دامۋىندا ماركسيزم ـ لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەتىنىڭ ٴار رەتكى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرىپ، تياناقتاندىرىپ، ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتىپ، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، اۆتونوميالى رايون قۇرىلعاندىعىنىڭ 70 جىلدىعىن تىڭ باستاما ەتىپ، جاڭا دامۋ ۇستانىمى مەن جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق قىزمەتى باس نىساناسىن مىقتى يگەرىپ، جۇڭحۋا ۇلتى ورتاق تۇلعا تانىمىن بەكەمدەۋدى، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى مىقتاپ ارقاۋ ەتىپ، شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، مەملەكەت جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، دامۋ مەن حاۋىپسىزدىكتى ٴبىر تۇتاس جوسپارلاپ، ەكونوميكالىق قۇرىلىستى وزەك، جوعارى ساپالى دامۋدى ىلگەرىلەتۋدى نەگىزگى تاقىرىپ، رەفورما جاساۋدى، جاڭالىق اشۋدى ٴتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ٴتۇبىرلى ماقسات، پارتيانى جاپپاي قاتاڭ باسقارۋدى ٴتۇبىرلى قامتاماسىزدىق ەتۋگە تاباندى بولىپ، ەكونوميكانىڭ ساپا جاعىندا ٴونىمدى جوعارىلاۋى مەن سان جاعىندا ۇيلەسىمدى ارتۋىن جۇزەگە اسىرۋدى ىلگەرىلەتىپ، ادامنىڭ جان ـ جاقتى دامۋىندا، ٴار ۇلت حالىق بۇقاراسىنىڭ بىرگە بايۋىندا نىق قادام تاستاۋدى ىلگەرىلەتىپ، بۇكىل ەلمەن بىرگە سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋ كەرەك.
ٴماجىلىس مىنالاردى اتاپ كورسەتتى: ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدا، ٴسوز جوق، مىناداي پرينسيپتەرگە بويسۇنۋ كەرەك: پارتيانىڭ جاپپاي باسشىلىعىنا تاباندى بولۋ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولۋ، حالىقتى بارىنەن جوعارى قويۋعا تاباندى بولۋ، دامۋ مەن حاۋىپسىزدىكتى ٴبىر تۇتاس جوسپارلاۋعا تاباندى بولۋ، جوعارى ساپالى دامۋعا تاباندى بولۋ، رەفورمانى جاپپاي تەرەڭدەتۋگە تاباندى بولۋ، وڭتۇستىك شينجياڭ قىزمەتىن كورنەكتى ورىنعا قويۋعا تاباندى بولۋ، بيڭتۋان مەن جەرگىلىكتى ورىننىڭ توعىسا دامۋىنا تاباندى بولۋ، ٴونىمدى بازار مەن ىسكەر ۇكىمەتتى ۇشتاستىرۋعا تاباندى بولۋ.
ٴماجىلىس ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ باستى نىسانالارىن العا قويدى: مەملەكەت حاۋىپسىزدىگى جۇيەسى مەن قابىلەتىن اناعۇرلىم كۇشەيتۋ، جوعارى ساپالى دامۋدا كورنەكتى ناتيجەلەرگە قول جەتكىزۋ، رەفورمانى جاپپاي تەرەڭدەتۋدە تىڭ سەرپىلىستەرگە قول جەتكىزۋ، قوعامنىڭ وركەنيەت دەڭگەيىن كورنەكتى جوعارىلاتۋ، عىلىم ـ تەحنولوگيادا جاڭالىق اشۋ قۋاتىن ۇزدىكسىز كۇشەيتۋ، ٴار ۇلت بۇقاراسىنىڭ تۇرمىس ساپاسىن ۇزدىكسىز جوعارىلاتۋ، كورىكتى شينجياڭ قۇرىلىسىندا تىڭ دا كەلەلى ىلگەرىلەۋشىلىككە قول جەتكىزۋ، وڭتۇستىك شينجياڭنىڭ كورنەكتى ماسەلەلەرىن شەشۋدە كورنەكتى ناتيجەلەرگە قول جەتكىزۋ، بيڭتۋاننىڭ ەرەكشە رولىن اناعۇرلىم ويداعىداي ساۋلەلەندىرۋ.
ٴماجىلىس الداعى بەس جىلداعى ەكونوميكالىق، قوعامدىق دامۋدىڭ كەلەلى شارالارىن العا قويدى، باستىسى، مىنالار: مەملەكەتتىك ەنەرگيا بايلىعى ستراتەگيالىق قامتاماسىزدىق بازاسىن تۇلعالاۋدى ارقاۋ ەتىپ، ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن جەدەل قۇرۋ؛ عىلىم ـ تەحنولوگيا ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ؛ جاڭا دامۋ ارناسىن قالىپتاستىرۋدىڭ ستراتەگيالىق تىرەك تۇيىندەرىن تۇلعالاۋدى ارقاۋ ەتىپ، وزىندىك جوعارى ساپالى دامۋدىڭ جانە قوس اينالىمعا قىزمەت وتەۋدىڭ ٴبىر تۇلعالى ىلگەرىلەۋىن جۇزەگە اسىرۋ؛ رەفورمانى جاپپاي تەرەڭدەتۋدەن قامال الىپ، جوعارى ساپالى دامۋدىڭ ىشكى قوزعاۋشى كۇشىن، ومىرشەڭ كۇشىن قاۋلاتۋ؛ ازيا - ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن تۇلعالاۋدى ارقاۋ ەتىپ، جوعارى دەڭگەيدەگى سىرتقا ەسىك اشۋدى كەڭەيتۋ؛ مەملەكەتتىك ساپالى ەگىن، مال شارۋاشىلىعى ونىمدەرى ماڭىزدى قامداۋ بازاسىن تۇلعالاۋدى ارقاۋ ەتىپ، وسى زامانعى ەگىن، مال شارۋاشىلىعىنىڭ دامۋ ساپاسىن، ونىمدىلىگىن جوعارىلاتۋ؛ ەكونوميكانىڭ ورنالاسىمىن كۇش سالا ساپالىلاندىرىپ، قالا مەن اۋىلدىڭ توعىسۋى مەن وڭىرلەردىڭ سايكەستى دامۋىن ىلگەرىلەتۋ؛ سوتسياليستىك مادەنيەتتى گۇلدەندىرىپ جانە دامىتىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدىڭ يدەيالىق نەگىزىن بەكەمدەۋ؛ نەگىزگى الەۋمەتتىك قىزمەت وتەۋدىڭ جالپىعا ٴتيىمدى بولۋىن، ودان بىرگە يگىلىكتەنۋدى ىلگەرىلەتىپ، ٴار ۇلت بۇقاراسىنىڭ تۇرمىس ساپاسىن جوعارىلاتۋ؛ ەكونوميكالىق، قوعامدىق دامۋدىڭ جاپپاي جاسىل تيپ جاڭالاۋىن جەدەلدەتىپ، كورىكتى شينجياڭ قۇرۋ؛ مەملەكەتتىڭ وڭىرلىك حاۋىپسىزدىگىن قورعاۋدىڭ ستراتەگيالىق قالتقىسىن قۇرۋدى ارقاۋ ەتىپ، مەملەكەت حاۋىپسىزدىگى جۇيەسى مەن قابىلەتىن وسىزامانداندىرۋدى ىلگەرىلەتۋ؛ كورنەكتى ماسەلەلەردى كۇشتى شوعىرلاندىرا شەشىپ، وڭتۇستىك شينجياڭنىڭ جوعارى ساپالى دامۋىن جەدەل ىلگەرىلەتۋ؛ بيڭتۋاننىڭ دامۋىن، زورايۋىن قولداپ، بيڭتۋاننىڭ ورنىقتىلىقتى قورعاۋ، شەكارانى كۇزەتۋ قىزمەت جاۋاپكەرشىلىگىن، بورىشىن اناعۇرلىم ويداعىداي اتقارۋىن ىلگەرىلەتۋ.
ٴماجىلىس مىنالاردى باسا دارىپتەدى: پارتيانىڭ باسشىلىعى مەن پارتيا قۇرىلىسىن كۇشەيتۋ — شينجياڭ قىزمەتىن ويداعىداي ىستەۋدىڭ ٴتۇبىرلى كەپىلى. پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن باتىل قورعاپ، پارتيانىڭ ساياسي قۇرىلىسىن ٴبىر تۇتاس باسشىلىققا الۋ ارقىلى پارتيانىڭ ٴار جاقتاعى قۇرىلىسىن ىلگەرىلەتىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانىڭ ەكونوميكالىق، قوعامدىق دامۋعا باسشىلىق ەتۋ قابىلەتى مەن ورەسىن ۇزدىكسىز جوعارىلاتىپ، دۇرىس ناتيجە كوزقاراسىن بەرىك ورناتىپ، شىنايى يگەرىپ ناقتى ىستەۋ قىزمەت ستيلىن كۇشەيتىپ، قالىڭ كادرلار مەن بۇقارانى جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋ جولىندا قۇلشىنا كۇرەس جۇرگىزۋگە ىنتىماقتاستىرۋ جانە باستاۋ كەرەك.
ٴماجىلىس مىنالاردى باسا دارىپتەدى: جالپى ٴماجىلىستىڭ ٴتۇرلى ورنالاستىرۋلارىن مۇقيات دايەكتىلەندىرىپ، تياناقتاندىرىپ، «قاۋلىداعى» ٴتۇيىندى مىندەتتەردىڭ ناقتاپ تياناقتانىپ ونىمدىلىك كورسەتۋىن تىڭعىلىقتى ىلگەرىلەتىپ، «ۇسىنىسقا» ساي، ”15 ـ بەسجىلدىق“ مەزگىلىندەگى اۆتونوميالى رايوننىڭ ەكونوميكالىق، قوعامدىق دامۋ باعدارلاماسىن عىلمي جاساپ، ٴىس جۇزىندىك ارەكەت ارقىلى باس شۋجي شي جينپيڭنىڭ شينجياڭعا جاساپ بەرگەن ايبىندى جوباسىن تاماشا رەالدىققا اينالدىرۋ كەرەك. ٴتورتىنشى ماۋسىمداعى ٴتۇرلى قىزمەتتەردى شىن مانىندە ويداعىداي يگەرىپ، جۇمىستاندىرۋدى ورنىقتىرۋعا، كاسىپورىندى ورنىقتىرۋعا، بازاردى ورنىقتىرۋعا، مەجەنى ورنىقتىرۋعا كۇش سالىپ، حالىق تۇرمىسىنداعى ناقتى ىستەردى دەن قويا، كۇش سالا، ويداعىداي ىستەپ، ەلەۋلى حاۋىپ ـ قاتەرلەردەن، كومەسكى كىناراتتاردان ٴونىمدى ساقتانىپ جانە ونى جويىپ، تۇتاس جىلدىق ەكونوميكالىق، قوعامدىق دامۋ نىساناسىن باتىل جۇزەگە اسىرىپ، ”14 ـ بەسجىلدىقتىڭ“ تولىق تابىسپەن اياقتالۋىنا شىنايى كەپىلدىك ەتۋ كەرەك.
ٴماجىلىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، تۋراشىلدىقتان اينىماي جاڭالىق اشىپ، ناقتى ىستەپ جاۋاپكەرشىلىك ارقالاپ، ٴبىر نيەتپەن كۇش سالىپ، ەرلىكپەن العا ىلگەرىلەپ، جۇڭحۋا ۇلتى ورتاق تۇلعا تانىمىن بەكەمدەپ، سوتسياليستىك وسىزاماندانعان شينجياڭ قۇرىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن ىلگەرىلەتۋگە اناعۇرلىم زور ۇلەس قوسۋعا ۇندەدى.
اۆتونوميالى رايوندىق پارتكومنىڭ مۇشەلەرى، كانديدات مۇشەلەرى ماجىلىسكە قاتىناستى.
اۆتونوميالى رايوندىق پارتكومنىڭ مۇشەسى، كانديدات مۇشەسى ەمەس ولكە دارەجەلى باسشى جولداستار، قازىرگى مىندەتىنەن بوساعان جانە دەمالىسقا، زەينەتكە شىققان ولكە دارەجەلى باسشىلار، اۆتونوميالى رايوندىق ٴتارتىپ تەكسەرۋ كوميتەتىنىڭ تۇراقتى مۇشەلەرى، ايماق، وبلىس، قالالار مەن بيڭتۋاننىڭ ٴارقايسى شى، قالالارىنداعى جاۋاپتى جولداستار، اۆتونوميالى رايوننىڭ جانە ورتالىقتىڭ شينجياڭدا تۇراتىن ٴارقايسى ورىندارىنىڭ، كاسىپورىندارىنىڭ جاۋاپتى جولداستارى، پارتيا 20 ـ قۇرىلتايىنىڭ نەگىزگى ساتىداعى ٴبىر ٴبولىم ۋاكىلدەرى قاتارلىلار ماجىلىسكە سىرتتاي قاتىناستى.
