11 - ايدىڭ 12 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن يسپانيا پاتشاسى فيليپ ــ 6مەن كەزدەستى. سۋرەتتە: شي جينپيڭ مەن حانىمى پىڭ لييۋان فيليپ ــ 6 جانە ونىڭ حانىمى لەتيسيامەن بىرگە سۋرەتكە ءتۇستى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 11 ـ ايدىڭ 12 ـ كۇنى بەيجيڭنەن بەرگەن حابارى (ٴتىلشى فىڭ شينران). 11 ـ ايدىڭ 12 ـ كۇنى تۇستەن بۇرىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن يسپانيا پاتشاسى فيليپ ــ 6مەن كەزدەستى.
شي جينپيڭ پاتشا فيليپ ــ 6نىڭ جۇڭگوعا ساپارلاي كەلگەندىگىن قارسى الدى ٴارى بىلاي دەپ اتاپ كورسەتتى: جۇڭگو مەن يسپانيا ەكەۋىنىڭ دە تەرەڭ تاريحي مادەنيەت نەگىزى بار. ديپلوماتيالىق قارىم ـ قاتىناس ورناتقان 50 نەشە جىلدان بەرى، ەكى ەل ەكى جاقتى قاتىناسقا ستراتەگيالىق دەڭگەيدەن، ۇزاق بولاشاقتىق تۇرعىدان قاراۋعا جانە ونى دامىتۋعا تاباندى بولىپ، ٴوزارا قۇرمەت ەتىپ، ٴوزارا قولداپ، ٴبىرىن ـ ٴبىرى تابىسقا جەتكىزىپ، تاريحي مادەنيەتى تۇرلىشە، قوعامدىق ٴتۇزىمى تۇرلىشە ەلدەردىڭ تاتۋ ـ ٴتاتتى ٴوتۋىنىڭ، دامۋعا بىرگە تالپىنۋىنىڭ تيپتىك ۇلگىسىن ورناتتى ٴارى دۇنيە ٴجۇزىنىڭ ەسىك اشۋىن، سەلبەستىگىن ىلگەرىلەتۋدە، حالىقارالىق ادىلدىك پەن ادىلەتتىلىكتى قورعاۋدا ماڭىزدى رول اتقاردى. يسپانيا پاتشا اۋلەتى جۇڭگو - يسپانيا قارىم ـ قاتىناسىنىڭ دامۋىنا كورنەكتى ۇلەس قوستى. ەكى ەلدىڭ جالپى بەتتىك ستراتەگيالىق سەرىكتەستىك قارىم ـ قاتىناس ورناتقاندىعىنىڭ 20 جىلدىعىن قارسى الۋ قارساڭىندا پاتشا فيليپ ــ 6 جۇڭگودا مەملەكەتتىك ساپاردا بولدى، بۇل ەكى ەلدىڭ دوستىق سەلبەستىگىنىڭ ۇزدىكسىز العا قاراي دامۋىن ىلگەرىلەتۋدە ماڭىزدى مانگە يە.
شي جينپيڭ بىلاي دەپ باسا دارىپتەدى: جۇڭگو جاق يسپانيامەن ٴداستۇرلى دوستىعىن قاستەرلەيدى، يسپانيانىڭ حالىقارالىق جانە وڭىرلىك ىستەردەگى وزگەشە رولىنا ايرىقشا ٴمان بەرەدى، يسپانيامەن بىرگە اناعۇرلىم ستراتەگيالىق تاباندىلىققا يە، اناعۇرلىم باي دامۋ ومىرشەڭدىگىنە يە، اناعۇرلىم حالىقارالىق ىقپالعا يە جالپى بەتتىك ستراتەگيالىق سەرىكتەستىك قارىم ـ قاتىناستى قول ۇستاسا تۇلعالاۋدى قالايدى. ەكى جاق ٴوزارا قولداۋدى اناعۇرلىم بەكەمدەپ، جوعارى جىكتەگىلەردىڭ بارىس ـ كەلىس جاعدايىن ساقتاپ، ستراتەگيالىق جەتەكشىلىكتى كۇشەيتىپ، ەكى ەل قارىم ـ قاتىناسىنىڭ باستان ـ اياق دۇرىس جولمەن جۇرۋىنە شىنايى كەپىلدىك ەتۋى كەرەك. ناقتى ىستەر سەلبەستىگىن ونان ارى ىلگەرىلەتۋ كەرەك، جۇڭگو جاق يسپانيانىڭ ٴتىپتى دە كوپ ساپالى ونىمدەرىن يمپورت ەتىپ، جاڭا ەنەرگيا، سيفرلى ەكونوميكا، جاساندى زەردە سياقتى جاڭادان گۇلدەنگەن سالالارداعى سەلبەستىك كومەسكى كۇشىن اشىپ، ٴوزارا قارجى قوسۋدى كەڭەيتىپ، ٴتىپتى دە كوپ بەلگى سيپاتتى نىسانداردى قالىپتاستىرۋدى قالايدى. ەكى جاقتىڭ تاعى باسىمدىقتارى ارقىلى ٴبىرىن ـ ٴبىرى تولىقتاپ، لاتىن امەريكاسى سياقتى ٴۇشىنشى جاق بازارىن بىرگە اشۋىنا بولادى. حالىق تىلەگىنىڭ توعىسۋىن ونان ارى جەبەپ، مادەنيەت، وقۋ ـ اعارتۋ سالاسىنداعى اۋىس ـ كۇيىستى كۇشەيتىپ، وزدەرىنىڭ قارسى جاق ەلدەرىندەگى مادەنيەت جانە ٴتىل قۇرىلىمدارىن ويداعىداي باسقارۋىن ٴوزارا قولداۋى كەرەك. جۇڭگو جاق يسپانياعا ۆيزا كەشىرىم ەتۋ ساياساتىن اتقارۋدى ۇزدىكسىز ۇزارتىپ، ادامداردىڭ بارىس ـ كەلىسىنە قولايلىلىق جاراتىپ، ەكى ەل حالىق جۇرتشىلىعىنىڭ بارعان سايىن ەتەنە بولۋىنا جاعداي جاسايدى.
شي جينپيڭ بىلاي دەپ اتاپ كورسەتتى: بيىل بىرلەسكەن مەملەكەتتەر ۇيىمى قۇرىلعاندىعىنىڭ 80 جىلدىعى. بۇگىنگى دۇنيە ٴجۇزى جاڭا اۋمالى ـ توكپەلى وزگەرىس مەزگىلىنە ٴوتتى، بەيبىتشىلىك جانە دامۋ ىستەرىندە ٴالى دە مىندەت اۋىر، جول ۇزاق. مەن ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى العا قويعاندا، ٴار ەلدىڭ قوعامدىق ٴتۇزىم پارقىنان جانە يدەولوگيالىق الاۋىزدىقتان اتتاپ ٴوتىپ، تىلدەسۋ جانە كەڭەسۋ ارقىلى ورتاق تانىم قالىپتاستىرىپ، بىرلىكتە ٴار ەل حالقىنىڭ تاماشا تۇرمىس تالپىنىسىن رەالدىققا اينالدىرۋدى ٴۇمىت ەتكەن ەدىم. جۇڭگو جاق يسپانيامەن بىرگە بىرلەسكەن مەملەكەتتەر ۇيىمىنىڭ حالىقارالىق ىستەردە ۇيتقىلىق رولىن ساۋلەلەندىرۋىن قولداپ، ەركىن ساۋدا ەرەجەسى مەن حالىقارالىق ەكونوميكا ـ ساۋدا ٴتارتىبىن قورعاپ، اناعۇرلىم ٴادىل، ۇيلەسىمدى الەمدىك باسقارۋ جۇيەسىن ورناتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.
فيليپ ــ 6 مىنالاردى ٴبىلدىردى: يسپانيا مەن جۇڭگونىڭ جالپى بەتتىك ستراتەگيالىق سەرىكتەستىك قارىم ـ قاتىناس ورناتقاندىعىنىڭ 20 جىلدىعى قارساڭىندا جۇڭگودا مەملەكەتتىك ساپاردا بولعانىما وتە قۋانىشتىمىن. يسپانيانىڭ جۇڭگومەن دوستىق بارىس ـ كەلىسى ارىدان جالعاسقان، ديپلوماتيالىق قارىم ـ قاتىناس ورناتقاننان بەرى ەكى ەل باستان ـ اياق ٴوزارا سەنىم ارتىپ، ٴوزارا قۇرمەت ەتىپ، بىرگە دامىپ، گۇلدەنىپ ـ كوركەيۋگە كۇش سالىپ كەلەدى. جۇڭگونىڭ دامۋ تابىستارى دۇنيە ٴجۇزىن جالت قاراتتى، ادامدى سۇيىندىرەدى، اسىرەسە، كەدەيلىكتەن ارىلتۋ جانە جاسىل، تومەن كومىر قىشقىل گازدى دامۋ جاعىنداعى تابىستى تاجىريبەلەرى ۇلگى الۋعا تاتيدى. يسپانيا ۇكىمەتى ٴبىر جۇڭگو ساياساتىن بۇلجىماي اتقارادى، مەملەكەت تەرريتورياسى تۇتاستىعىن قورعاۋىن قولدايدى، جۇڭگو جاقپەن بىرگە ەكى ەلدىڭ جالپى بەتتىك ستراتەگيالىق سەرىكتەستىك قارىم ـ قاتىناسىنىڭ ۇزدىكسىز العا دامۋىن ىلگەرىلەتىپ، ەكى ەل حالقىنا اناعۇرلىم مول قۇت ـ ىرىس اكەلۋدى، دۇنيە ٴجۇزىنىڭ بەيبىتشىلىگى مەن ورنىقتىلىعىنا اناعۇرلىم زور ۇلەس قوسۋدى قالايدى. جۇڭگو كاسىپورىندارىنىڭ قارجى قوسۋى يسپانيانىڭ ەكونوميكالىق دامۋى مەن جاسىل تيپ جاڭالاۋىن پارمەندى جەبەدى. يسپانيا جاق جۇڭگو جاقپەن قويۋ بارىس ـ كەلىستى ساقتاپ، جۇڭگو جاقتىڭ ”15 ـ بەسجىلدىق“ جوبانى اتقارۋى اكەلگەن ماڭىزدى ورايدى يگەرىپ، ەكونوميكا ـ ساۋدا، ونەركاسىپ، عىلىم ـ تەحنولوگيا، جاسىل ەنەرگيا سياقتى سالالارداعى سەلبەستىكتى كۇشەيتۋدى قالايدى. جۇڭگو جاقتىڭ يسپانياعا ۆيزا كەشىرىم ەتۋ ساياساتىن اتقارعاندىعىنا العىس ايتامىن، مادەنيەت، ٴتىل، ساياحات سالالارىنداعى اۋىس ـ كۇيىستى جيىلەتىپ، حالىقتار دوستىعىن نىعايتۋدى قالايمىن. تاريح تەك العا ىلگەرىلەۋى كەرەك، كەرى شەگىنسە بولمايدى. يسپانيا - جۇڭگو ەكى ەلدىڭ كوپتەگەن حالىقارالىق ماسەلەلەردەگى ۇستانىمى ايرىقشا ٴبىر اۋىزدى بولىپ، ەكەۋى دە كوپ جاقتىلىقتى قولدايدى، تالاس ـ تارتىستى تىلدەسۋ، كەڭەسۋ ارقىلى شەشۋدى قولدايدى. يسپانيا ٴتوراعا شي جينپيڭ العا قويعان 4 ۇلكەن الەمدىك باستامانى ايرىقشا القايدى، جۇڭگو جاقپەن حالىقارالىق جاعدايداعى ايقىنسىزدىققا بىرگە توتەپ بەرىپ، حالىقارالىق ساۋدا ٴتارتىبىن قورعاپ، الەمدىك ەكونوميكانىڭ ورنىقتى دامۋىن جەبەۋدى قالايدى.
كەزدەسۋدەن كەيىن ەكى ەلدىڭ مەملەكەت باسشىلارى ەكونوميكا ـ ساۋدا، عىلىم ـ تەحنولوگيا، وقۋ ـ اعارتۋ سياقتى سالالاردا 10 پارشا سەلبەستىك حۇجاتىنا قول قويىلۋىنا بىرگە كۋا بولدى.
كەزدەسۋدەن بۇرىن شي جينپيڭ مەن حانىمى پىڭ لييۋان حالىق سارايىنىڭ شىعىس قاقپاسى سىرتىنداعى الاڭدا فيليپ ــ 6 مەن حانىمى لەتيسيانى قارسى الۋ سالتىن وتكىزدى.
فيليپ ــ 6 جەتكەندە قۇرمەت قاراۋىلى ساپ تۇزەپ قۇرمەت ٴبىلدىردى. شي جينپيڭ فيليپ ــ 6مەن بىرگە كوزدەن كەشىرۋ مىنبەسىنە شىقتى، اسكەري وركەستر جۇڭگو مەن يسپانيا ەكى ەلدىڭ مەملەكەت ٴانىن ورىندادى، تيان ـ انمىن الاڭىندا 21 رەت قۇرمەت ساليۋتى اتىلدى. فيليپ ــ 6 شي جينپيڭنىڭ سەرىك بولۋىمەن جۇڭگو حالىق ازاتتىق ارمياسى قۇرمەت قاراۋىلى اترەتىن كوزدەن كەشىردى ٴارى سالتانات قاتارىن تاماشالادى.
سول كۇنى كەشتە شي جينپيڭ مەن پىڭ لييۋان فيليپ ــ 6 مەن ونىڭ زايىبىنا قارسى الۋ قوناعاسىن بەردى.
ۋاڭ ي جوعارىداعى قيمىلدارعا قاتىناستى.
