شينحۋا اگەنتتىگىنىڭ 11 ـ ايدىڭ 12 ـ كۇنى بەيجيڭنەن بەرگەن حابارى. 11 ـ ايدىڭ 12 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ 20 ـ رەتكى جۇڭگو - ۆيەتنام ەكى پارتيانىڭ نازاريا زەرتتەۋ ـ تالقى ماجىلىسىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: جۇڭگو - ۆيەتنام ەكى ەل — جاقسى كورشى، جاقسى دوس، جاقسى جولداس، جاقسى سەرىك، ستراتەگيالىق مانگە يە تاعدىرلاس ورتاق تۇلعا. جۇڭگو - ۆيەتنام ەكى پارتياسى دا ماركسيزمگە تاباندى بولىپ جانە ونى دامىتىپ، سوتسياليزم جولىمەن بۇلجىماي ٴجۇرىپ، ٴوز ەلدەرىنىڭ سوتسياليستىك قۇرىلىس جۇرگىزۋىنە باسشىلىق ەتتى، كوپتەگەن ۇقساس نەمەسە ۇقساپ كەتەتىن ٴداۋىر تاقىرىبىنا ٴدوپ كەلدى. ەكى پارتيا ەل باسقارۋ تاجىريبەلەرىن اۋىستىرۋدى ىشكەرىلەي ورىستەتىپ، ٴوز ەلىنىڭ مەملەكەت جاعدايىنا ۇيلەسەتىن سوتسياليستىك وسىزامانداندىرۋ جولى جونىندە بىرگە ىزدەنىس جاساپ، قول ۇستاسا ماركسيزمنىڭ جەرگىلىكتەنۋىن، زامانالانۋىن ىلگەرىلەتىپ، دۇنيە ٴجۇزى سوتسياليزم قوزعالىسىنىڭ دامۋىن ىلگەرىلەتىپ، جاڭا داۋىردەگى ”جولداس ۇستىنە باۋىرلاس بولۋ“ سىندى دوستىق جاڭا تاراۋىن ۇزدىكسىز جازدى.
شي جينپيڭ بىلاي دەپ باسا دارىپتەدى: جۇڭگو - ۆيەتنام ەكى پارتيانىڭ نازاريا زەرتتەۋ ـ تالقى ٴماجىلىسى — ەكى پارتيانىڭ اۋىس ـ كۇيىس جاساۋىنىڭ، تىلدەسۋىنىڭ ماڭىزدى تۇعىرى، ول دوستىقتى، ٴوزارا سەنىمدىلىكتى بەكەمدەۋدە، يدەيالىق ورتاق تانىمدى نىعايتۋدا، جۇڭگو - ۆيەتنام قارىم ـ قاتىناسىنىڭ دامۋىن جەبەۋدە بەلسەندى رول اتقارادى. ەكى جاقتىڭ اۋەلگى ماقساتتى ۇمىتپاي، تۋراشىلدىقتان اينىماي جاڭالىق اشىپ، ەل باسقارۋ تاجىريبەلەرىن اۋىستىرۋدى، ٴوزارا ۇلگى الۋدى ۇزدىكسىز كۇشەيتىپ، نازاريالىق زەرتتەۋ ـ تالقىنى جانە ٴىلمي اۋىس ـ كۇيىستى ىشكەرىلەي ورىستەتىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى بىرگە تەرەڭدەتىپ، ەكى ەلدىڭ وزدەرىنىڭ سوتسياليزم ىستەرى مەن جۇڭگو - ۆيەتنام تاعدىرلاس ورتاق تۇلعا قۇرىلىسىنا نازاريالىق تىرەك ازىرلەپ، ادامزاتتىڭ بەيبىتشىلىگى مەن دامۋى سىندى وسكەلەڭ ٴىس ٴۇشىن ٴتيىستى ۇلەس قوسۋىن ٴۇمىت ەتەمىن.
سول كۇنى 20 ـ رەتكى جۇڭگو - ۆيەتنام ەكى پارتيانىڭ نازاريا زەرتتەۋ ـ تالقى ٴماجىلىسى ۆيەتنامنىڭ نيڭپيڭىندا وتكىزىلدى.
