جاراتىلىستىق بايلىق مينيسترلىگى ”ٴبىر مينيسترلىك، ەكى مەكەمەنىڭ“ شينجياڭعا كومەكتەسۋ قىزمەتى اڭگىمە ٴماجىلىسى ۇرىمجىدە اشىلدى
گۋان جى ـ وۋ، چىن شياۋجياڭ ٴسوز سويلەدى، ەركىن تۇنياز باسقاردى، حى جۇڭيوۋ قاتىناستى
11 - ايدىڭ 12 - كۇنى جاراتىلىستىق بايلىق مينيسترلىگى ۇرىمجىدە ”ءبىر مينيسترلىك، ەكى مەكەمەنىڭ“ شينجياڭعا كومەكتەسۋ قىزمەتى اڭگىمە ءماجىلىسىن اشتى. جاراتىلىستىق بايلىق مينيسترلىگى پارتيا باسشىلىق گرۋپپاسىنىڭ شۋجيى، مينيستر گۋان جى - وۋ، اۆتونوميالى رايوندىق پارتكومنىڭ شۋجيى چىن شياۋجياڭ ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 11 ـ ايدىڭ 12 ـ كۇنى ۇرىمجىدەن حابارلايدى. 11 ـ ايدىڭ 12 ـ كۇنى جاراتىلىستىق بايلىق مينيسترلىگى ۇرىمجىدە ”ٴبىر مينيسترلىك، ەكى مەكەمەنىڭ“ شينجياڭعا كومەكتەسۋ قىزمەتى اڭگىمە ٴماجىلىسىن اشىپ، پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭعا باعىتتامالى كومەكتەسۋ قىزمەتى جونىندەگى ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، جاراتىلىستىق بايلىق ارقىلى شينجياڭعا كومەكتەسۋدىڭ جالپىلىق ونىمدىلىگىن جوعارىلاتۋدى ىلگەرىلەتتى. جاراتىلىستىق بايلىق مينيسترلىگى پارتيا باسشىلىق گرۋپپاسىنىڭ شۋجيى، مينيستر گۋان جى ـ وۋ، اۆتونوميالى رايوندىق پارتكومنىڭ شۋجيى چىن شياۋجياڭ ماجىلىسكە قاتىناستى ٴارى ٴسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، جاراتىلىستىق بايلىق مينيسترلىگىنىڭ ورىنباسار مينيسترى جۋاڭ شاۋچين قاتىناستى.
گۋان جى ـ وۋ شينجياڭنىڭ جاراتىلىستىق بايلىق مينيسترلىگىنىڭ، مەملەكەتتىك ورمان شارۋاشىلىعى جانە جايلىم مەكەمەسىنىڭ، سونداي ـ اق جۇڭگو گەولوگيالىق تەكسەرۋ مەكەمەسىنىڭ قىزمەتىنە كوڭىل ٴبولىپ، قولداۋ كورسەتكەندىگىنە العىس ايتتى. ول بىلاي دەدى: شينجياڭعا باعىتتامالى كومەكتەسۋ — باس شۋجي شي جينپيڭ مەن پارتيا ورتالىق كوميتەتى تاپسىرعان كەلەلى ساياسي مىندەت، بۇلتارتپاس ساياسي جاۋاپكەرشىلىك. ”ٴبىر مينيسترلىك، ەكى مەكەمە“ جاڭا داۋىردەگى پارتيانىڭ شينجياڭدى باسقارۋ جالپى جوباسىن ىشكەرىلەي دايەكتىلەندىرىپ، جاراتىلىستىق بايلىق جۇيەسىنىڭ شينجياڭنىڭ دامۋىن قولداۋداعى تاريحي بورىشى مەن داڭقتى مىندەتىن تەرەڭ تانىپ، تۇتاس جۇيەدەگى بايلىق كۇشىن جۇمىلدىرىپ، پارىقتى، بەيىمدەلگەن ساياساتتىق قولداۋدى كۇشەيتىپ، شينجياڭعا باعىتتامالى كومەكتەسۋدىڭ كەزەڭدىك تابىسقا جەتكىزۋىن ىلگەرىلەتتى. جاڭا باستامادا ”ٴبىر مينيسترلىك، ەكى مەكەمە“ پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ ستراتەگيالىق ورنالاستىرۋىن جاپپاي دايەكتىلەندىرىپ، 10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسىنىڭ رۋحىن مۇقيات دايەكتىلەندىرىپ، شينجياڭنىڭ قاجەتىن ارقاۋ ەتىپ، ٴوز ارتىقشىلىقتارىن ساۋلەلەندىرىپ، شينجياڭعا كومەكتەسۋ قىزمەتىن اناعۇرلىم دالمە ـ ٴدال، ٴونىمدى ىلگەرىلەتەدى. شينجياڭعا جوسپار بويىنشا كومەكتەسۋدى شوعىرلى ورىستەتىپ، شينجياڭنىڭ جاڭا دامۋ ارناسىنا قىزمەت ەتۋىنە جانە ونىمەن توعىسۋىنا قولداۋ كورسەتەدى؛ گەولوگيالىق جاقتان شينجياڭعا كومەكتەسۋدى تىڭعىلىقتى ىلگەرىلەتىپ، شينجياڭنىڭ ستراتەگيالىق كەن بايلىقتارىن بارلاۋىن جەدەلدەتۋىنە قولداۋ كورسەتەدى؛ ورمان، جايلىم جاعىنان شينجياڭعا كومەكتەسۋدى ۇزدىكسىز ويداعىداي ىستەپ، شينجياڭنىڭ ”ٴۇش تەرىستىك“ ينجەنەرياسىنان قامال الۋ شايقاسىن ويداعىداي جۇرگىزۋىنە قولداۋ كورسەتەدى؛ ەكولوگيا جاعىنان شينجياڭعا كومەكتەسۋدى ٴبىر تۇتاس جوسپارلاپ اتقارىپ، شينجياڭنىڭ باتىس سولتۇستىك ەكولوگيالىق حاۋىپسىزدىك قالتقىسىن بەكەمدەۋىنە قولداۋ كورسەتەدى؛ دارىندىلار ارقىلى شينجياڭعا كومەكتەسۋدى ۇزدىكسىز بەكەمدەپ، شينجياڭنىڭ جوعارى ساپالى ماماندانعان كادرلار قوسىنىن قۇرۋىنا قولداۋ كورسەتەدى.
چىن شياۋجياڭ اۆتونوميالى رايوندىق پارتكوم، ۇكىمەت جانە بيڭتۋان اتىنان جاراتىلىستىق بايلىق مينيسترلىگىنىڭ، مەملەكەتتىك ورمان شارۋاشىلىعى جانە جايلىم مەكەمەسىنىڭ، سونداي ـ اق جۇڭگو گەولوگيالىق تەكسەرۋ مەكەمەسىنىڭ زور كۇشپەن قولداعاندىعىنا العىس ايتتى. ول بىلاي دەدى : پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ماجىلىسىندە ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ ۇلى جوباسى جاسالىپ، سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ شەشۋشى سيپاتتى ىلگەرىلەۋشىلىككە قول جەتكىزۋىنە شىنايى كەپىلدىك ەتۋ ٴۇشىن عىلمي جەتەكشىلىك ازىرلەدى. اۆتونوميالى رايوندىق پارتكوم 10 ـ كەزەكتى كوميتەتىنىڭ ون بەسىنشى جالپى ٴماجىلىسىن اشىپ، ٴتورتىنشى جالپى ٴماجىلىستىڭ رۋحىن جاپپاي ۇيرەنىپ، دايەكتىلەندىرىپ، باس شۋجي شي جينپيڭنىڭ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كەزدە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، شينجياڭنىڭ الداعى بەس جىلداعى دامۋى جونىندە جۇيەلى جوسپار جاسادى. ۇزاق ۋاقىتتان بەرى جاراتىلىستىق بايلىق مينيسترلىگى، مەملەكەتتىك ورمان شارۋاشىلىعى جانە جايلىم مەكەمەسى، سونداي ـ اق جۇڭگو گەولوگيالىق تەكسەرۋ مەكەمەسى شينجياڭعا باعىتتامالى كومەكتەسۋدى ماڭىزدى ورىنعا قويىپ، شينجياڭعا جان ـ جاقتى جەتەكشىلىك ەتىپ، قولداۋ كورسەتىپ، شينجياڭ ەكونوميكاسىنىڭ دامۋىن، حالىق تۇرمىسىنىڭ جاقسارۋىن جانە ەكولوگيالىق وركەنيەت قۇرىلىسىن پارمەندى ىلگەرىلەتتى. شينجياڭ شينجياڭعا باعىتتامالى كومەكتەسۋ قىزمەتى مەحانيزمىن كەمەلدەندىرىپ، جاراتىلىستىق بايلىق مينيسترلىگى العا قويعان جوبا، گەولوگيا، ورمان شارۋاشىلىعى جانە جايلىم، ەكولوگيا، دارىندى سياقتى جاقتارداعى شينجياڭعا كومەكتەسۋ ساياسات ـ شارالارىن بەلسەنە ٴتۇيىلىستىرىپ، تياناقتاندىرىپ، نەگىزگى تۇلعالىق رولىن شىنايى ساۋلەلەندىرىپ، گەولوگيالىق بارلاۋدى جوعارى ساپالى ىلگەرىلەتىپ، مەملەكەت جەرى كەڭىستىك جوباسىن عىلمي ويداعىداي ىستەپ، ەكولوگيالىق ورتانى قورعاۋدى كۇشەيتىپ، شولەيتتەنۋدەن جان ـ جاقتى ساقتانۋدى جانە ونى وڭاۋدى تەرەڭدەتىپ، شينجياڭعا كومەككە كەلگەن كادرلارعا، دارىندىلارعا قىزمەت وتەۋ قامتاماسىزدىعىن ويداعىداي ىستەپ، سوتسياليستىك وسىزاماندانعان شينجياڭ قۇرىلىسىنا اناعۇرلىم جاقسى تىرەك بولادى جانە ونى قامتاماسىز ەتەدى.
ماجىلىستە اۆتونوميالى رايوننىڭ جانە بيڭتۋاننىڭ جاراتىلىستىق بايلىق تاراۋلارىنداعى جاۋاپتى جولداستار جەكە ـ جەكە قىزمەت جاعدايىنان مالىمەت بەردى.
چىن ۋيجۇن، قادەن كابەن، شۋە بين، جاراتىلىستىق بايلىق مينيسترلىگىندەگى، مەملەكەتتىك ورمان شارۋاشىلىعى جانە جايلىم مەكەمەسىندەگى، جۇڭگو گەولوگيالىق تەكسەرۋ مەكەمەسىندەگى قاتىستى جولداستار، اۆتونوميالى رايوننىڭ قاتىستى تاراۋلارىنداعى جاۋاپتى جولداستار ماجىلىسكە قاتىناستى.
