يدەيانى بىرلىككە كەلتىرىپ، زەيىن ـ زەردەنى ۇيىستىرىپ، كۇش ـ قۋاتتى شوعىرلاندىرىپ، سوتسياليستىك وسىزاماندانعان شينجياڭ قۇرۋدى جەدەلدەتەيىك
— اۆتونوميالى رايوندىق 10 ـ كەزەكتى پارتكوم ون بەسىنشى جالپى ٴماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە
گازەتىمىزدىڭ شولۋشىسى
اۆتونوميالى رايوندىق 10 ـ كەزەكتى پارتكوم ون بەسىنشى جالپى ٴماجىلىسى جاڭا باستامادا تۇرىپ شينجياڭنىڭ ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋى جونىندە ستراتەگيالىق جوبا جاسادى، ٴمانى توتەنشە زور. جالپى ٴماجىلىس پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن جاپپاي ۇيرەنىپ، دايەكتىلەندىرىپ، باس شۋجي شي جينپيڭنىڭ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كەزدە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”15 ـ بەسجىلدىق“ مەزگىلىندەگى شينجياڭنىڭ ەكونوميكالىق، قوعامدىق دامۋىنىڭ جەتەكشى يدەياسىن، كەلەلى پرينسيبىن، باستى نىساناسىن جانە ماڭىزدى شارالارىن ايقىن العا قويدى. وسى رەتكى ٴماجىلىستىڭ رۋحىن ويداعىداي دايەكتىلەندىرۋدە، تياناقتاندىرۋدا، ٴسوز جوق، قالىڭ پارتيا مۇشەلەرىن، كادرلاردى، بۇقارانى پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن سانالى تۇردە شينجياڭنىڭ ەكونوميكالىق، قوعامدىق دامۋىنىڭ ٴار جاعىندا، تۇتاس بارىسىندا دايەكتىلەندىرىپ، تياناقتاندىرىپ، يدەيانى بىرلىككە كەلتىرىپ، زەيىن ـ زەردەنى ۇيىستىرىپ، كۇش ـ قۋاتتى شوعىرلاندىرىپ، ىنتىماقتى دا جاراسىمدى، گۇلدەنگەن، باي، وركەنيەتتى دە العا باسقان، تىنىش ٴومىر، شات ـ شادىمان تىرشىلىك كەشىرەتىن، ەكولوگياسى تاماشا سوتسياليستىك وسىزاماندانعان شينجياڭ قۇرۋدى جەدەلدەتۋگە جەتەكتەۋ كەرەك.
پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسى — ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىندا وتكىزىلگەن ٴبىر رەتكى توتەنشە ماڭىزدى ٴماجىلىس. باس شۋجي شي جينپيڭنىڭ ماڭىزدى ٴسوزى مەن 15 ـ بەسجىلدىق جوبا ۇسىنىسى الداعى بەس جىلداعى، اۋەلى، ونان دا ۇزاق ٴبىر مەزگىلدەگى ەكونوميكالىق، قوعامدىق دامۋداعى ٴبىر قىدىرۋ بەتالىس سيپاتتى، ٴتۇبىرلى سيپاتتى كەلەلى ماسەلەلەردى ايقىنداپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى سيپاتتى ىلگەرىلەۋشىلىككە قول جەتكىزۋگە شىنايى كەپىلدىك ەتۋگە عىلمي باعدارناما ازىرلەدى. ٴبىز پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ويداعىداي ۇيرەنۋدى، ويداعىداي ۇگىتتەۋدى، ويداعىداي دايەكتىلەندىرۋدى كەزەكتەگى جانە مۇنان بىلايعى ٴبىر مەزگىلدەگى كەلەلى ساياسي مىندەت ەتىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ ماڭىزدى ٴسوزىنىڭ رۋحىنا جانە جالپى ٴماجىلىستىڭ شەشىمدەرىنە، ورنالاستىرۋلارىنا سانالى تۇردە ولشەم، تالاپ بويىنشا تۋرالانىپ، شينجياڭ قىزمەتىنىڭ باستان ـ اياق باس شۋجي شي جينپيڭ نۇسقاعان دۇرىس بەتالىستى بويلاپ العا باسۋىنا شىنايى كەپىلدىك ەتۋىمىز كەرەك.
”15 ـ بەسجىلدىق“ مەزگىلىندەگى پارتيا مەن مەملەكەت ىستەرىنىڭ تاريحي ورنىن تەرەڭ ٴتۇسىنىپ جانە يگەرىپ، شينجياڭنىڭ ەكونوميكالىق، قوعامدىق دامۋىنىڭ تابان تىرەر تياناعىن ٴداپ باسىپ تابۋ كەرەك. ”15 ـ بەسجىلدىق“ مەزگىلىندەگى تاريحي مىندەتتى كوزدەپ، شينجياڭ قىزمەتىنە سانالى تۇردە پارتيا مەن مەملەكەت ىستەرى جالپى جاعدايى تۇرعىسىنان قاراۋ جانە ونى جوسپارلاۋ كەرەك. ەلىمىزدىڭ دامۋ ورتاسى ٴدوپ كەلگەن تەرەڭ دە كۇردەلى وزگەرىستەردى كوزدەپ، شينجياڭنىڭ ىشكى ـ سىرتقى جاعدايىنداعى جاڭا وزگەرىستەرگە قاداعالاي نازار اۋدارىپ جانە تۇجىرىم جاساپ، وزىندىك دامۋداعى ايقىندىلىق ارقىلى جاعداي وزگەرىسىندەگى ايقىنسىزدىققا ٴونىمدى توتەپ بەرۋىمىز كەرەك. سوتسياليستىك وسىزاماندانعان شينجياڭ قۇرۋ ۇلى جوباسىن كوزدەپ، شينجياڭنىڭ ”15 ـ بەسجىلدىق“ جوباسىن عىلمي جاساپ، ورتالىقتىڭ رۋحىن دايەكتىلەندىرەتىن، دامۋ زاڭدىلىعىنا ۇيلەسەتىن، ٴوزىنىڭ ٴىس جۇزىندىك جاعدايىنا ۇيلەسەتىن، بۇقارانىڭ تىلەگىنە ۇيلەسەتىن دامۋ وي جەلىسى مەن نىسانا ـ مىندەتتەردى العا قويۋىمىز كەرەك.
”15 ـ بەسجىلدىق“ مەزگىلىندەگى جۇڭگو ۇلگىسىندەگى وسىزامانداندىرۋدىڭ جالپى جاعدايىنا ساياتىن ستراتەگيالىق مىندەتتى تەرەڭ ٴتۇسىنىپ جانە يگەرىپ، شينجياڭنىڭ جوعارى ساپالى دامۋىنىڭ كۇش سالۋ ٴتۇيىنىن ٴداپ باسىپ تابۋ كەرەك. دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، ورنىقتىلىقتى يگەرۋ مەن دامۋدى جەبەۋ سىندى ەكى جاقتاعى قىزمەتتى ٴبىر تۇتاس جوسپارلاۋدى، ۇشتاستىرۋدى كۇشەيتۋ كەرەك. جوعارى ساپالى دامۋدى ىلگەرىلەتۋدى نەگىزگى تاقىرىپ ەتىپ، ٴوز ەرەكشەلىگىمىزگە ۇيلەسەتىن جوعارى ساپالى دامۋ جولى جونىندە بەلسەنە ىزدەنىس جاساۋىمىز كەرەك. جاڭا دامۋ جاعدايىنا بەلسەنە قىزمەت وتەپ جانە ونىمەن توعىسىپ، ىشكى ۇلكەن اينالىمدى كۇشەيتۋ، ەل ٴىشى جانە حالىقارا سىندى قوس اينالىمدى ىركىلىسسىزدەندىرۋدە اناعۇرلىم زور رول اتقارۋىمىز كەرەك. بىرگە بايۋدا نىق قادام تاستاۋدى ىلگەرىلەتىپ، ٴار ۇلت بۇقاراسىنىڭ دامۋ اياق الىسىنا كەڭ كولەمدە ات سالىسۋىنا، دامۋ جەتىستىكتەرىنەن تولىق يگىلىكتەنۋىنە مۇمكىندىك جاساۋىمىز كەرەك. پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، سوتسياليستىك وسىزاماندانعان شينجياڭ قۇرۋعا پارمەندى كەپىلدىك ازىرلەۋىمىز كەرەك.
”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدى جوسپارلاۋدىڭ قىزمەت تالابىن تەرەڭ ٴتۇسىنىپ جانە يگەرىپ، حاۋىپ ـ قاتەر مەن سىن ـ سايىستارعا توتەپ بەرۋدىڭ، دامۋداعى قيىن ماسەلەلەردى شەشۋدىڭ ٴادىسىن، جولىن ٴداپ باسىپ تابۋىمىز كەرەك. نىسانانى باعدار ەتۋ مەن ماسەلەنى باعدار ەتۋدىڭ ٴوزارا بىرلىگى سىندى قىزمەت ٴادىسىن شەبەرلىكپەن قولدانىپ، سوتسياليستىك وسىزاماندانعان شينجياڭ قۇرۋ نىساناسىن كوزدەپ، ٴتۇرلى قىزمەتتەردە ۇزدىكسىز جاڭا جاعداي اشۋىمىز كەرەك. جۇيەلى ويلاۋعا تاباندى بولىپ، ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتىپ، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، شينجياڭنىڭ رەفورما، دامۋ، ورنىقتىلىق ىستەرىنىڭ سايكەستى دامۋىنا، جالپىلىق ىلگەرىلەۋىنە شىنايى كەپىلدىك ەتۋىمىز كەرەك. رەفورمانى ونان ارى جاپپاي تەرەڭدەتۋ ”شەشۋشى شارالارىنان“ سانالى تۇردە ويداعىداي پايدالانىپ، ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى رەفورمالاردى ىشكەرىلەي ىلگەرىلەتۋىمىز كەرەك. جوعارى دەڭگەيدەگى سىرتقا ەسىك اشۋدىڭ ٴداۋىر تالابىن ىشكەرىلەي يگەرىپ، سىرتقا ەسىك اشۋدىڭ ىرىقتىلىعى ارقىلى جوعارى ساپالى دامۋدىڭ ىرىقتىلىعىنا قول جەتكىزۋىمىز كەرەك.
يدەيا بەتالىسقا جەتەكشىلىك ەتەدى، بورىش كۇش ـ قۋاتتى ۇيىستىرادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن جاپپاي ۇيرەنىپ، دايەكتىلەندىرىپ، دايەكتىلەندىرۋ، تياناقتاندىرۋ ساياسي سانالىلىعىن، يدەيالىق سانالىلىعىن، ارەكەت سانالىلىعىن ۇزدىكسىز كۇشەيتىپ، ٴار ۇلت كادرلارىنىڭ، بۇقاراسىنىڭ قۇلشىنا سوتسياليستىك وسىزاماندانعان شينجياڭ قۇرۋداعى تەلەگەي كۇشىن كەڭ كولەمدە ۇيىستىرىپ، شينجياڭنىڭ اناعۇرلىم كوركەم بولاشاعىن قۇلشىنا اشۋىمىز كەرەك.
