شينجياڭ شەبەرى ليۋ تاۋ ات ويىنى سالتاناتتى ٴبي ٴجۇرىسى جەكەلەر جارىسىندا التىن مەدال الدى
11 - ايدىڭ 12 - كۇنى شينجياڭ كومانداسىنىڭ شەبەرى ليۋ تاۋ كورەرمەندەرگە قۇرمەت بىلدىرۋدە.
□ سۋرەتتى شينحۋا اگەنتتىگىنىڭ ءتىلشىسى فىڭ كايحۋا تۇسىرگەن
انار بۇلت \ شينجياڭ گازەتىنىڭ ٴتىلشىسى جاڭ شينجۇن 11 ـ ايدىڭ 12 ـ كۇنى شىنجىننان حابارلايدى. 11 ـ ايدىڭ 12 ـ كۇنى 15 ـ كەزەكتى مەملەكەتتىك سپورت جارىسىنىڭ ات ويىنى ٴتۇرى بويىنشا سالتاناتتى ٴبي ٴجۇرىسى جەكەلەر شەشۋشى جارىسى شىنجىن گۋاڭميڭ حالىقارالىق ات ويىنى ورتالىعىندا وتكىزىلدى، شينجياڭ شەبەرى ليۋ تاۋ مەن ونىڭ سەرىگى — 10 جاستاعى جىلى قاندى ات ”TTنوكسۆيل“ 72.425 ۇپايمەن باسىم ورىنعا شىعىپ، اعا جۇلدەگەرلىكتى جەڭىپ الىپ، جۇلدەگەردەن 3 ۇپايعا جۋىق الدا بولدى. اراعا 12 جىل سالىپ، ليۋ تاۋ تاعى ٴبىر رەت شينجياڭ كومانداسى ٴۇشىن وسى ٴتۇر بويىنشا مەملەكەتتىك سپورت جارىسىنىڭ التىن مەدالىن اپەردى، سونىمەن بىرگە ٴوزى دە 12 ـ كەزەكتى مەملەكەتتىك سپورت جارىسىنان كەيىن تاعى ٴبىر رەت اعا جۇلدەگەرلىكتى جەڭىپ الدى.
سول كۇنگى جارىستا شينجياڭ ات ويىنى كومانداسى لان چاۋ، جاڭ حۇڭجاۋ، ليۋ تاۋلاردان ۇيىمداسقان التىن مەدالعا ۇمتىلۋ تىركەسپەلى توبىن جارىسقا سالدى. دايىندىق جارىستا ٴبىرىنشى بولعان بەتكە ۇستار شەبەر رەتىندە، ليۋ تاۋ سوڭىنان ساناعاندا ەكىنشى بولىپ مايدانعا شىقتى. جارىس مايدانىندا ليۋ تاۋ ٴساندى كيىنىپ، ”نوكسۆيل TTمەن“ تاماشا سايكەسىپ، 5 مينۋتقا جۋىق جارىس بارىسىندا بەلگىلەنگەن ارەكەت پەن ٴوزى تاڭداعان ارەكەتتى جاتىق ورىنداپ، الاڭداعىلاردىڭ دۋ قول شاپالاق ۇنىنە يە بولدى.
”بۇل التىن مەدالدى 12 جىل كۇتتىك، وتە كوپ تىرىسشاڭدىق كورسەتتىك“. جارىستان كەيىن ليۋ تاۋ تەبىرەنىسىن باسا الماي داۋىسى بۋلىعىپ كەتتى. ول جارىسقا دايىندالۋ بارىسى توتەنشە ماشاقاتتى بولسا دا، شينجياڭ كومانداسىنداعى مۇشەلەردىڭ ەشقاشان دا باز كەشپەگەندىگىن بۇكپەسىز ايتتى.
نازار اۋدارۋعا تاتيتىنى، ”نوكسۆيل TT“ سول كۇنگى جارىس الاڭىنداعى ەڭ جاس بايگە اتى، ليۋ تاۋدىڭ ونىمەن سايكەسكەنىنە نەبارى ٴبىر جىل عانا بولعان. ليۋ تاۋ ”نوكسۆيل TTدىڭ“ موينىن اقىرىن سيپاپ كۇلىپ تۇرىپ: ”ٴبىرىنشى كۇنى ونىمەن بىرگە جاتتىققاندا ٴسال سايكەسە المادىق، ەكىنشى كۇنى وتە جاقسى ۇيلەسىپ كەتتىك. بۇگىنگى جارىستا ول وتە كەرەمەت بەينە تانىتتى، مەن وعان سەن، شىنىندا، جارايسىڭ دەدىم“!
جاتتىقتىرۋشى ليۋ جۇڭ اعا جۇلدەگەرلىكتى جەڭىپ العان بارىستى كورگەننەن كەيىن تەبىرەنە بىلاي دەدى: ”ليۋ تاۋدىڭ جاتتىعۋ كۇشەمەلىلىگى باستان ـ اياق توتەنشە جوعارى بولدى، الدىڭعى جارتى جىلداعى قارا جارىستان مەملەكەتتىك سپورت جارىسىنىڭ شەشۋشى جارىسىنا دەيىن ونىڭ العا باسۋى جۇرتقا ايان. بۇل التىن مەدالعا وڭاي ـ وسپاق قول جەتكەن جوق! بۇل جانە ليۋ تاۋدىڭ مەملەكەتتىك سپورت جارىسىندا العان ەكىنشى التىن مەدالى، ول شينجياڭنىڭ ات ويىنى ىسىنە ۇلەس قوستى“.
”نوكسۆيل TTدىڭ“ يەسى ياڭ يۇيچيۋ دە جارىستى ناق مايداندا تاماشالادى. ول بىلتىر ليۋ تاۋدىڭ ۇسىنىسىمەن نيدەرلاندتان وسى اتتى ساتىپ العانىن، ليۋ تاۋدىڭ باپتاۋىندا بولىپ، قازىر اعا جۇلدەگەرلىكتى جەڭىپ العانىن ايتىپ، قۋانا بىلاي دەدى: ”ليۋ تاۋدىڭ ادامگەرشىلىگى، ات ونەرى ادامدى ٴتانتى ەتەدى. قازىر ۇلىم دا ات ويىندارىنا جاتتىعىپ جاتىر، بولاشاقتا ليۋ تاۋ سياقتى مەملەكەتتىك سپورت جارىسى ساحناسىنان بوي كورسەتۋىن ٴۇمىت ەتەمىن“.
گۋاڭدۇڭ ولكەلىك ات ويىنى كومانداسىنىڭ سپورتشىسى گۋ بيڭ ليۋ تاۋمەن مايداندا ارىپتەس، مايدان سىرتىندا جاقسى دوس، ول بىلاي دەدى: ”شينجياڭ، گۋاڭدۇڭ، شاڭحاي تۇگەلدەي ات ويىندارىندا مىقتى كوماندالار، مەن ليۋ تاۋ قاتارلى شاباندوزدارمەن بىرگە جارىس مايدانىندا ٴوزارا باسەكەلەسىپ، ٴوزارا شابىتتاندىرىپ، پىكىر اۋىستىرىپ ۇيرەنىپ، جۇڭگونىڭ ات ويىندارى ورەسىن جوعارىلاتۋعا بىرلىكتە كۇش قوسامىز“.
