شينحۋا اگەنتتىگىنىڭ 11 ـ ايدىڭ 13 ـ كۇنى بەيجيڭنەن بەرگەن حابارى. تاياۋدا مەملەكەت ٴتوراعاسى شي جينپيڭ جاس جۇڭگو تانۋشىلارعا جاۋاپ حات جازىپ، ولاردى جۇڭگو مەن شەتەل وركەنيەتىن توعىستىرۋدىڭ ەلشىسى بولۋعا شابىتتاندىردى.
شي جينپيڭ بىلاي دەپ اتاپ كورسەتتى: سىزدەردىڭ جۇڭگو ٴتىلىن جاقسى كورەتىندىكتەرىڭىزدى، جۇڭگو مادەنيەتىن قىزۋ سۇيەتىندىكتەرىڭىزدى، جۇڭگو تانۋدى زەرتتەۋ جانە وركەنيەتتەردىڭ ٴوزارا ۇلگى الۋىن جەبەۋ سياقتى جاقتاردا بەلسەندى رول اتقارعاندىقتارىڭىزدى ەستىدىم، مەن مۇنى القايمىن.
شي جينپيڭ بىلاي دەپ باسا دارىپتەدى: جۇڭگو تانۋ جۇڭگودان باستاۋ العان، دۇنيە جۇزىنە ٴتان، بۇكىل ادامزاتتىڭ ورتاق رۋحاني بايلىعى. سىزدەردىڭ جۇڭگو تانۋمەن ۇزدىكسىز سەرىك بولىپ، جۇڭگومەن بىرگە بولىپ، زەرتتەۋدى، ٴتۇسىندىرۋدى كۇشەيتىپ، دۇنيە جۇزىنە شىنايى، ستەرەولدى، جان ـ جاقتى جۇڭگونى تانىستىرىپ، جۇڭگو مەن شەتەل وركەنيەتىن توعىستىراتىن جاقسى ەلشى بولىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اقىل ـ پاراساتتارىڭىز بەن كۇش ـ قۋاتتارىڭىزدى ارناۋلارىڭىزدى ٴۇمىت ەتەمىن.
11 ـ ايدىڭ 14 ـ كۇنىنەن 16 ـ كۇنىنە دەيىن 2025 ـ جىلعى دۇنيە جۇزىلىك جۇڭگو ٴتىلى جينالىسى بەيجيڭدە وتكىزىلەدى. تاياۋدا ۇسىنىس بويىنشا ماجىلىسكە قاتىناساتىن 51 مەملەكەتتىڭ 61 جاس جۇڭگو تانۋشىسى ٴتوراعا شي جينپيڭگە حات جازىپ، جۇڭگونى زەرتتەۋمەن شۇعىلدانعان كەشىرمەلەرى مەن اسەرلەرىن ٴبولىسىپ، جۇڭگو ٴىلىمىن ونان ارى ويداعىداي زەرتتەۋ، وركەنيەتتەردى بايلانىستىرۋ كوپىرلىك رولىن ساۋلەلەندىرۋ تىلەگىن بىلدىرگەن بولاتىن.
