تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، شينجياڭنىڭ اناعۇرلىم كوركەم بولاشاعىن قۇلشىنا اشايىق
— اۆتونوميالى رايوندىق 10 ـ كەزەكتى پارتكوم ون بەسىنشى جالپى ٴماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە
گازەتىمىزدىڭ شولۋشىسى
بالىق سۋ قادىرىن بىلگەندەي باقىتتىڭ قاينارىن ٴبىلۋىمىز كەرەك. اۆتونوميالى رايوندىق 10 ـ كەزەكتى پارتكومنىڭ ون بەسىنشى جالپى ٴماجىلىسى «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ باس شۋجي شي جينپيڭنىڭ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كەزدە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، قۇلشىنا سوتسياليستىك وسىزاماندانعان شينجياڭ قۇرۋ جونىندەگى قاۋلىسىن» قاراپ ماقۇلدادى، بۇل بۇكىل رايوندا جوعارىدان تومەنگە دەيىن باس شۋجي شي جينپيڭنىڭ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كەزدە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ۇيرەنۋدى، دايەكتىلەندىرۋدى پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسى رۋحىن ۇيرەنۋ، دايەكتىلەندىرۋمەن ساباقتاستىرىپ، تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، شينجياڭنىڭ اناعۇرلىم كوركەم بولاشاعىن قۇلشىنا اشۋدا كەلەلى مانگە يە.
اۆتونوميالى رايون قۇرىلعاندىعىنىڭ 70 جىلدىعى مەرەيلى ساتىندە باس شۋجي شي جينپيڭ ورتالىق ۋاكىلدەر ۇيىرمەسىن باستاپ شينجياڭعا كەلىپ قۇتتىقتاۋ قيمىلىنا قاتىناستى، بۇل پارتيا مەن مەملەكەت تاريحىندا تۇڭعىش رەت بولىپ، شينجياڭنىڭ دامۋى بارىسىندا بەلەستىك مانگە يە. باس شۋجي شي جينپيڭ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ تاقتاسىنا ”جۇڭحۋا ۇلتى ورتاق تۇلعا تانىمىن بەكەمدەپ، سوتسياليستىك وسىزاماندانعان شينجياڭ قۇرايىق“ دەگەن ارناۋ ٴسوز جازىپ بەردى، ٴار ۇلت، ٴار سالا ۋاكىلدەرىن ىقىلاسپەن قابىلدادى، نەگىزگى تاقىرىپتىق جەتىستىكتەر كورمەسىن ەكسكۋرسيالادى، اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭدادى، ٴار ۇلت كادر ـ بۇقاراسىمەن بىرگە ادەبيەت ـ كوركەمونەر ساۋىق كەشىن كوردى، قۇتتىقتاۋ جينالىسىنا قاتىناستى، بۇل حالىق كوسەمىنىڭ حالىقتى سۇيەتىن وسكەلەڭ سالاۋاتىن تولىق ايگىلەدى، شينجياڭداعى ٴار ۇلت حالقىنا تەرەڭ سۇيىسپەنشىلىگىن تولىق ايگىلەدى، سوتسياليستىك وسىزاماندانعان شينجياڭ قۇرۋعا قۋاتتى ساياسي قوزعاۋشى كۇش، رۋحاني قوزعاۋشى كۇش جانە قىزمەت قوزعاۋشى كۇشىن ۇستەدى. ٴبىز العىس ايتۋ سەزىمىن ماڭگى كوكەيدە ساقتاپ، زور ٴۇمىت، ماڭىزدى تاپسىرمانى ەستە بەرىك ساقتاپ، جاڭا باستامادا قۇلشىنا سوتسياليستىك وسىزاماندانعان شينجياڭ قۇرىپ، سوتسياليستىك وسىزامانداندىرۋدى بۇكىل ەلمەن بىرگە تەڭ قادامدا نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋىمىز كەرەك.
كەلەلى ٴمانىن تەرەڭ ٴتۇسىنىپ، تاپسىرمانى ەستە بەرىك ساقتاۋ، العىس ايتا ەكپىندەي ىلگەرىلەۋدەگى ساياسي سانالىلىقتى، يدەيالىق سانالىلىقتى جانە ارەكەت سانالىلىعىن شىنايى كۇشەيتۋ كەرەك. پارتيا ورتالىق كوميتەتى اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىن جوعارى ولشەممەن وتكىزىپ، شينجياڭ قىزمەتىنىڭ پارتيا مەن مەملەكەتتىڭ جالپى جاعدايىنداعى ەرەكشە ماڭىزدى ورنىن كورنەكتىلەندىردى، بۇعان باس شۋجيدىڭ شينجياڭداعى ٴار ۇلت حالقىنا شىنايى قامقورلىعى ۇيىسقان. باس شۋجي شي جينپيڭ مەن پارتيا ورتالىق كوميتەتىنىڭ كوڭىل ٴبولۋىن، قامقورلىعىن، ىقىلاستى تاپسىرماسىن، مەرەيتوي قيمىلىنان تۋىنداعان ٴار ۇلت كادرلارى مەن بۇقاراسىنىڭ پارتيانى ٴسۇيۋ، وتاندى ٴسۇيۋ ىنتاسىن مىندەت اتقارىپ جاۋاپكەرشىلىكتى ادا ەتۋدىڭ، ەرلىكپەن العا ۇمتىلۋدىڭ قۋاتتى قوزعاۋشى كۇشىنە ونان ارى اينالدىرۋ كەرەك.
پارتيا 18 ـ قۇرىلتايىنان بەرى شينجياڭ قىزمەتىندە قول جەتكەن تاريحي تابىستاردى جەتە تانىپ، ”ەكىنى تۇراقتاندىرۋدىڭ“ شەشۋشى ٴمانىن اناعۇرلىم تەرەڭ ٴتۇسىنىپ، ”ەكىنى قورعاۋدى“ باتىل ورىنداۋ كەرەك. بۇگىنگى شينجياڭدا قوعامدىق كەلەلى جاعداي ۇزدىكسىز ورنىقتى بولىپ، جۇڭحۋا ۇلتى ورتاق تۇلعا قۇرىلىسى جەدەل ىلگەرىلەپ، ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا كورنەكتى ىلگەرىلەۋشىلىككە قول جەتىپ، رەفورما جاساۋ، ەسىك اشۋ ۇزدىكسىز تەرەڭدەپ، ەكولوگيالىق ورتا ۇزدىكسىز جاقسارىپ، بيڭتۋان مەن جەرگىلىكتى ورىننىڭ توعىسا دامۋى پارمەندى ىلگەرىلەپ، پارتيا قۇرىلىسى جاپپاي كۇشەيىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا نىق قادام تاستالدى. جاڭا داۋىردەگى شينجياڭ قىزمەتىندەگى كەلەلى تابىستار، تۇپتەپ كەلگەندە، باس شۋجي شي جينپيڭنىڭ جول باستاپ، رول ۇستاۋىندا شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە قولعا كەلگەن. ”ەكىنى تۇراقتاندىرۋدىڭ“ جاپا ـ ماشاقات، قيىنشىلىق، حاۋىپ ـ قاتەر، كەدەرگى اتاۋلىنى جەڭۋدەگى، ايقىنسىزدىق اتاۋلىعا توتەپ بەرۋدەگى ەڭ زور ايقىندىلىق، ەڭ زور سەنىم، ەڭ زور كەپىل ەكەندىگىن اناعۇرلىم ٴتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭ قىزمەتىنىڭ قىم ـ قۋىت، كۇردەلى بارىستا تۋراشىلدىقتان اينىماي جاڭالىق اشۋىن، قايشىلىق، حاۋىپ ـ قاتەر ىشىندە جەڭىسپەن العا باسۋىن ىلگەرىلەتۋ كەرەك.
جاڭا ورنالاستىرۋلاردى، جاڭا تالاپتاردى ىشكەرىلەي يگەرىپ، جان ـ جاقتى، جۇيەلى ٴتۇسىنىپ، باتىل دايەكتىلەندىرۋ، تياناقتاندىرۋ كەرەك. باس شۋجي شي جينپيڭ اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداعان كەزدە ماڭىزدى ٴسوز سويلەپ، سوتسياليستىك وسىزاماندانعان شينجياڭ قۇرۋ جونىندە جاڭا ايقىن تالاپتار قويىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن اناعۇرلىم بايىتتى جانە دامىتتى. باس شۋجي شي جينپيڭنىڭ ماڭىزدى ٴسوزىنىڭ ساياسي سيپاتىن، يدەيالىق سيپاتىن، ستراتەگيالىق سيپاتىن، جەتەكشىلىك سيپاتىن اناعۇرلىم ٴتۇسىنىپ، تولىق، دالمە ـ ٴدال ٴتۇسىنۋدى، قاجىماي ـ تالماي ىلگەرىلەتۋدى، قاز ـ قالپىندا تياناقتاندىرۋدى ورىنداپ، شينجياڭ قىزمەتىندە ۇزدىكسىز تىڭ ىلگەرىلەۋشىلىككە قول جەتكىزۋدى، جاڭا جاعداي اشۋدى ىلگەرىلەتۋ كەرەك.
ىقىلاستى تاپسىرما قۇلاق تۇبىمىزدە جاڭعىرىپ تۇر، قايراتتانا العا ۇمتىلۋدىڭ ٴدال ٴساتى كەلىپ جەتتى. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شىن جۇرەكتەن العىس ايتىپ، ەكپىندەي ىلگەرىلەۋدى ارەكەتىمىزدە ايگىلەپ، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدىڭ ايبىندى جولىندا، ىنتىماقتى دا جاراسىمدى، گۇلدەنگەن ٴارى باي، وركەنيەتتى دە العا باسقان، تىنىش ٴومىر، شات ـ شادىمان تىرشىلىك كەشىرەتىن، ەكولوگياسى تاماشا سوتسياليستىك وسىزاماندانعان شينجياڭ قۇرۋ جولىندا قاجىماي ـ تالماي كۇرەس جۇرگىزەيىك.
