شينجياڭ بوكس كومانداسى ”التىن مەدال“ قۋانىشىنا بولەندى
ەرداۋلەت ايانباي شايقاسىپ التىن مەدال الدى
11 ـ ايدىڭ 13 ـ كۇنى شينجياڭ كومانداسىنىڭ شەبەرى ەرداۋلەت مەيرامبەك (وڭدا) جارىستا.
□ سۋرەتتى انار بۇلت \ شينجياڭ گازەتىنىڭ ٴتىلشىسى ساي زىڭلى تۇسىرگەن
انار بۇلت \ شينجياڭ گازەتىنىڭ ٴتىلشىسى ساي زىڭلى 11 ـ ايدىڭ 13 ـ كۇنى شىنجىننان حابارلايدى. 11 ـ ايدىڭ 13 ـ كۇنى 15 ـ كەزەكتى مەملەكەتتىك سپورت جارىسىنىڭ بوكس جارىسى ەرلەر 71 كيلوگرامدىق شەشۋشى جارىسى شىنجىن قالاسى باۋ ـ ان رايونى دەنە تاربيە ورتالىعىنىڭ دەنە تاربيە سارايىندا جالىندى كۇيدە وتكىزىلدى. شينجياڭ بوكس كومانداسىنىڭ شەبەرى ەرداۋلەت مەيرامبەك تاماشا ونەر كورسەتىپ، بەيجيڭ شەبەرى ۇلپار قارقىندى جەڭىپ، كورنەكتى باسىمدىقپەن التىن مەدالدى ەنشىلەدى.
”بۇل شينجياڭ بوكس كومانداسىنىڭ مەملەكەتتىك سپورت جارىسىندا ٴۇرتىس 8 رەت اعا جۇلدەگەر بولۋى، ەرەكشە تەبىرەنىپ تۇرمىن“. شينجياڭ دەنە تاربيە كاسىپتىك ـ تەحنولوگيالىق شۋەيۋانىنىڭ باستىعى، شينجياڭ بوكس كومانداسىنىڭ باس جاتتىقتىرۋشىسى ابدۇشكۇر ميجيت جارىستان كەيىن وسىلاي دەدى. 1994 ـ جىلى شينجياڭ بوكس كومانداسى رەسمي قۇرىلعاننان بەرى، كوماندا ”شاقىرىپ اكەلۋ، سىرتقا شىعارۋ“ ٴتاسىلى ارقىلى سپورتشىلارعا تاماشا جەتىلۋ ورتاسىن جانە كەمەلدەنۋ جولىن ازىرلەپ، شينجياڭ بوكس ىستەرىنىڭ باياندى دامۋىن ىلگەرىلەتتى.
ەل ىشىندەگى دەڭگەيى ەڭ جوعارى، كولەمى ەڭ ۇلكەن ۋنيۆەرسال دەنە تاربيە سالتاناتى رەتىندە مەملەكەتتىك سپورت جارىسىنىڭ بوكس تۇرىندە ەجەلدەن شەبەرلەر توپتالىپ، باسەكە قيان ـ كەسكى بولادى. شەشۋشى جارىستا ەرداۋلەت جان ـ جاقتى شەبەرلىك كۇشى مەن مويىماس جىگەرىن ايگىلەدى. ونىڭ شابۋىلعا ٴوتۋى جانە قورعانۋى ٴونىمدى بولىپ، جۇدىرىعى دالمە ـ ٴدال، پارمەندى ٴتيدى، شابۋىلداۋ جانە قورعانۋ ارەكەتى يكەمدى بولدى. قارسىلاسى سۇراپىل قايتارما سوققىعا وتكەندە، ول سابىر ساقتاپ، تالاي رەت ەپپەن جالتارۋ جانە دالمە ـ ٴدال قايتارما سوققى بەرۋ ارقىلى ٴونىمدى سوققىلادى، ناق مايدانداعى كورەرمەندەر ٴالسىن ـ ٴالسىن الاقايلادى، تورەشىلەردىڭ دە ٴبىر اۋىزدان مويىنداۋىنا يە بولىپ، اقىرىندا ۇستەم باسىمدىقپەن جەڭىسكە جەتتى.
بۇل التىن مەدال ەرداۋلەتتىڭ كاسىپتىك ومىرىندەگى شۇعىلالى ٴسات بولىپ قانا قويماي، ونان دا ماڭىزدىسى، شينجياڭ بوكس سپورتىنىڭ ۇزدىكسىز دامۋىنىڭ پارمەندى ايعاعى. تاياۋ جىلداردان بەرى، شينجياڭ بوكس تۇرىندە دارىندىلاردى تاربيەلەۋ جانە جاتتىقتىرۋ جۇيەسى قۇرىلىسىن ۇزدىكسىز كۇشەيتىپ، ٴبىر توپ تاڭداۋلى بوكس سپورتشىلارىن جارىققا شىعاردى. وسى رەت ەرداۋلەتتىڭ اعا جۇلدەگەر بولۋى شينجياڭنىڭ بوكس تۇرىندەگى تەرەڭ كومەسكى كۇشىن جانە قارىشتاۋ ارىنىن تولىق ايگىلەدى.
جارىستان كەيىن ەرداۋلەت تەبىرەنىسىن جاسىرا المادى، ”بۇل التىن مەدال بۇكىل كومانداعا ٴتان، جاتتىقتىرۋشىلاردىڭ، ارىپتەستەردىڭ جانە مەنى قولدايتىن بارلىق ادامنىڭ بىرگە قۇلشىنۋىنىڭ ناتيجەسى. اۋىلىمنىڭ باۋلىعانىنا العىس ايتامىن، كوماندانىڭ بەرگەن بوداۋىنا العىس ايتامىن“. ول باتىل تۇردە مىنالاردى ٴبىلدىردى: الدا ۇزدىكسىز قاجىرلىلىقپەن جاتتىعىپ، ٴوز دەڭگەيىمدى ۇزدىكسىز جوعارىلاتىپ، اناعۇرلىم جوعارى دەڭگەيدەگى حالىقارالىق ساحنادا وتانعا داڭق اپەرەمىن، جۇڭگو بوكسىنا اناعۇرلىم كوپ داڭق اپەرەمىن.
سول كۇنى 15 ـ كەزەكتى مەملەكەتتىك سپورت جارىسى بوكس جارىسى ەرلەر 63.5 كيلوگرامدىق جارتىلاي شەشۋشى جارىسىندا شينجياڭ بوكس كومانداسىنىڭ شەبەرى يبىرايىم مامۇت ەرەن شەبەرلىگىمەن جانە مويىماس جىگەرىمەن شاندۇڭ دەنە تاربيە شۋەيۋانىنان كەلگەن جاڭ زىحۇيدى جەڭىپ، شەشۋشى جارىسقا ٴساتتى كىردى.
