انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 11 ـ ايدىڭ 14 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى چىن شياۋجياڭ، اۆتونوميالى رايوننىڭ ٴتوراعاسى ەركىن تۇنياز 11 ـ ايدىڭ 14 ـ كۇنى ۇرىمجىدە جۇڭگو قۇرىلىس بانكەسىنىڭ باس جوراسى جاڭ جينلياڭمەن جانە ونىڭ ساپارلاستارىمەن كەزدەستى.
چىن شياۋجياڭ بىلاي دەدى: بۇكىل رايونىمىزدا جوعارىدان تومەنگە دەيىن پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن جاپپاي ۇيرەنىپ، دايەكتىلەندىرىپ، باس شۋجي شي جينپيڭنىڭ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كەزدە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا باستامادا قۇلشىنا سوتسياليستىك وسىزاماندانعان شينجياڭ قۇرۋدىڭ ماڭىزدى ساتىندە، جۇڭگو قۇرىلىس بانكەسىندەگىلەردىڭ شينجياڭعا كەلىپ تەكسەرۋ جۇرگىزۋى شينجياڭ قىزمەتىن بار كۇشپەن قولدايتىندىعىن تولىق ايگىلەدى، مەن اۆتونوميالى رايوندىق پارتكوم مەن ۇكىمەت اتىنان العىس ايتامىن. اۆتونوميالى رايوندىق پارتكوم 10 ـ كەزەكتى كوميتەتىنىڭ ون بەسىنشى جالپى ٴماجىلىسىن ەندى عانا اشىپ، پارتيا ورتالىق كوميتەتىنىڭ ستراتەگيالىق ورنالاستىرۋلارىن ىشكەرىلەي دايەكتىلەندىرىپ، ”15 ـ بەسجىلدىق“ مەزگىلىندەگى شينجياڭنىڭ ەكونوميكالىق، قوعامدىق دامۋى مەن پارتيا قۇرىلىسىنىڭ ٴتۇرلى قىزمەتتەرىن جۇيەلى جوسپارلادى، ورنالاستىردى، مۇندا فينانس ٴتۇزىلىسى رەفورماسىن تەرەڭدەتۋ، فينانستىڭ ”بەس ٴىرى ٴىسىن“ ويداعىداي ىستەۋ، بانكە كاسىبىنىڭ ناقتى ەكونوميكاعا قىزمەت وتەۋ قابىلەتىن جوعارىلاتۋ سياقتىلار جونىندە ورنالاستىرۋ جاسالدى. فينانس — حالىق شارۋاشىلىعىنىڭ قان تامىرى، شينجياڭنىڭ جوعارى ساپالى دامۋىنا تىرەك بولاتىن ماڭىزدى كۇش. جۇڭگو قۇرىلىس بانكەسىنىڭ شينجياڭمەن ۇكىمەت پەن بانكەنىڭ ستراتەگيالىق سەلبەستىگىن تەرەڭدەتىپ، قارجى قۇراۋ، اقىل ـ پاراسات توعىستىرۋ جاعىنان قولداۋ تەبىنىن اناعۇرلىم ارتتىرىپ، شينجياڭنىڭ ناقتى ەكونوميكانى دامىتۋىنا، زورايتۋىنا، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋىنا كومەكتەسىپ، وڭتۇستىك شينجياڭنىڭ نەگىزدىك قۇرىلعىلار قۇرىلىسى مەن ەرەكشەلىككە، باسىمدىققا يە كاسىپ سالالارىنىڭ دامۋىن ۇزدىكسىز قولداپ، ٴار ۇلت بۇقاراسىن جۇمىستانىپ كىرىسىن ارتتىرۋعا جەتەكتەپ، قارجى قوسۋ مەن ساۋدانىڭ ەركىن بولۋىن، قولايلىلانۋىن ارقاۋ ەتىپ، سايكەستى فينانستىق قىزمەت وتەۋدى كۇشەيتىپ، شينجياڭنىڭ جوعارى دەڭگەيدە سىرتقا ەسىك اشۋىنا دەم بەرىپ، سوتسياليستىك وسىزاماندانعان شينجياڭ قۇرۋعا فينانستىق تىرەك ازىرلەۋىن ٴۇمىت ەتەمىن.
جاڭ جينلياڭ اۆتونوميالى رايوندىق پارتكوم مەن ۇكىمەتتىڭ ۇزاق ۋاقىتتان بەرى جۇڭگو قۇرىلىس بانكەسىنىڭ قىزمەتىن قولداعاندىعىنا العىس ايتا كەلىپ مىنالاردى ٴبىلدىردى: جۇڭگو قۇرىلىس بانكەسى شينجياڭنىڭ ەكونوميكالىق، قوعامدىق دامۋى مەن حالىق تۇرمىسىن جاقسارتۋىن ونان ارى قولداپ، نەگىزدىك قۇرىلعىلار قۇرىلىسى، ەرەكشەلىككە، باسىمدىققا يە كاسىپ سالالارى شوعىرىن دامىتۋ، جىبەك جولى ەكونوميكالىق بەلدەۋى وزەكتى رايونى قۇرىلىسى سياقتى ٴتۇيىندى سالالاردى ارقاۋ ەتىپ، امانات ـ قارىز ۇسىنىلىمى تەبىنىن ۇزدىكسىز ارتتىرىپ، كەلەلى نىساندار قۇرىلىسىن قامتاماسىز ەتىپ، ناقتى ەكونوميكانىڭ دامۋىن بار كۇشپەن قولداپ، فينانستىڭ جوعارى ساپالى دامۋى ارقىلى شينجياڭنىڭ جوعارى ساپالى دامۋىنا اناعۇرلىم ويداعىداي قىزمەت ەتەدى.
چىن ۋيجۇن جانە اۆتونوميالى رايوننىڭ قاتىستى ورىندارىنداعى جاۋاپتى جولداستار كەزدەسۋگە قاتىناستى.
