جاعدايدى يگەرىپ، ورايدى مىقتى ۇستاپ، شينجياڭ قىزمەتىن جاقسى ىستەۋ سەنىمىمىزدى، بەكىمىمىزدى نىعايتايىق
— اۆتونوميالى رايوندىق 10 ـ كەزەكتى پارتكوم ون بەسىنشى جالپى ٴماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە
گازەتىمىزدىڭ شولۋشىسى
اۆتونوميالى رايوندىق 10 ـ كەزەكتى پارتكوم ون بەسىنشى جالپى ٴماجىلىسى پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن جاپپاي ۇيرەنىپ، دايەكتىلەندىرىپ، باس شۋجي شي جينپيڭنىڭ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كەزدە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىردى، تياناقتاندىردى، اۆتونوميالى رايوننىڭ ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋ قىزمەتىن اقىلداستى، ورنالاستىردى، بۇكىل رايوندا جوعارىدان تومەنگە دەيىن جاڭا باستامانى تياناق ەتىپ، ستراتەگيالىق ورايدى مىقتى يگەرىپ، دامۋ باسىمدىعىنان ويداعىداي پايدالانىپ، قۇلشىنا سوتسياليستىك وسىزاماندانعان شينجياڭ قۇرۋعا پارمەندى قوزعاۋشى كۇش ۇستەدى.
”14 ـ بەسجىلدىق“ مەزگىلىندە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ قوعامدىق كەلەلى جاعدايى ۇزدىكسىز ورنىقتى بولىپ، جۇڭحۋا ۇلتى ورتاق تۇلعا قۇرىلىسى جەدەل ىلگەرىلەپ، ەكونوميكالىق، قوعامدىق دامۋ مەن حالىق تۇرمىسىن جاقسارتۋدا كورنەكتى ىلگەرىلەۋشىلىككە قول جەتىپ، رەفورما جاساۋ، ەسىك اشۋ ۇزدىكسىز تەرەڭدەپ، ەكولوگيالىق ورتا ۇزدىكسىز جاقسارىپ، بيڭتۋان مەن جەرگىلىكتى ورىننىڭ توعىسا دامۋى پارمەندى ىلگەرىلەپ، پارتيا قۇرىلىسى جاپپاي كۇشەيىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا نىق قادام تاستالدى. ناتيجەگە وڭاي ـ وسپاق قول جەتپەدى، بۇل ”15 ـ بەسجىلدىقتىڭ“ ٴساتتى باستالۋىنا بەرىك نەگىز قالاپ، ٴار ۇلت كادرلارى مەن بۇقاراسىنىڭ شينجياڭ قىزمەتىن جاقسى ىستەۋ، سوتسياليستىك وسىزاماندانعان شينجياڭ قۇرىلىسىن ىلگەرىلەتۋ سەنىمى مەن بەكىمىن ونان ارى نىعايتتى.
جاعدايعا دۇرىس تۇجىرىم جاساۋ — عىلمي شەشىم جاساۋدىڭ ماڭىزدى العى شارتى. ”15 ـ بەسجىلدىق“ مەزگىلىندەگى شينجياڭنىڭ ەكونوميكاسى مەن قوعامىنىڭ جوعارى ساپالى دامۋىن جوسپارلاۋدىڭ، ىلگەرىلەتۋدىڭ تەتىگى — دامۋدىڭ كەلەلى جاعدايىنا عىلمي تالداۋ جاساپ، ستراتەگيالىق ورايدى دۇرىس يگەرىپ، حاۋىپ ـ قاتەرلەر مەن سىن ـ سايىستاردى سەرگەكتىكپەن تانىپ، وزىندىك باسىمدىقتى تولىق ساۋلەلەندىرىپ، مەملەكەت جالپى جاعدايىنداعى شينجياڭنىڭ ستراتەگيالىق ورنىن كوزدەپ، شينجياڭنىڭ ەكونوميكاسى مەن قوعامىنىڭ جوعارى ساپالى دامۋىن ىلگەرىلەتۋدە.
قازىر شينجياڭ بۇرىن بولىپ كورمەگەن تاريحي ورايعا ٴدوپ كەلىپ وتىر. پارتيا ورتالىق كوميتەتى اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىن جوعارى ولشەممەن وتكىزىپ، شينجياڭ قىزمەتىنىڭ پارتيا مەن مەملەكەت قىزمەتىنىڭ جالپى جاعدايىنداعى ەرەكشە ماڭىزدى ورنىن كورنەكتىلەندىردى، قۇتتىقتاۋ قيمىلى شينجياڭنىڭ تىنىش، بەرەكەلى، قارىشتاپ دامىعان جاڭا بەينەسىن جالپى كورىنىستىك ايگىلەدى؛ پارتيا ورتالىق كوميتەتى شينجياڭعا ازيا - ەۆروپا التىن ارناسى جانە باتىسقا ەسىك اشۋدىڭ الدىڭعى شەبى سىندى ستراتەگيالىق ورىن بەلگىلەپ بەردى، شينجياڭ جاڭا داۋىردەگى جۇڭگونىڭ سىرتقا ەسىك اشۋداعى ستراتەگيالىق بيىگىنە، شىعىسپەن بىرلەسىپ باتىسقا شىعاراتىن، باتىستان ەنگىزىپ شىعىستان اكەلەتىن، ەل ٴىشى جانە حالىقارا سىندى قوس اينالىمدى ىركىلىسسىزدەندىرەتىن ستراتەگيالىق توراپقا اينالدى؛ پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ماجىلىسىندە العا قويىلعان ٴبىر قىدىرۋ كەلەلى ستراتەگيالىق مىندەتتەر شينجياڭنىڭ بايلىق ارتىقشىلىعى كومەسكى كۇشىن اشىپ، ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن قۇرۋىنا ماڭىزدى وراي اكەلدى. شينجياڭ ەجەلدەن بۇگىنگىدەي ەل ٴىشى ـ سىرتىنىڭ كەڭ كولەمدى القاۋىنا جانە نازار اۋدارۋىنا يە بولىپ كورمەگەن، ٴار ۇلت كادرلارى مەن بۇقاراسىنىڭ شينجياڭدى گۇلدەندىرۋ سەنىمى مەن ىنتاسىنىڭ جوعارىلىعى بۇرىن بولماعان، دامۋ ورايى مەن قورشاعان ورتاسىنىڭ جاقسىلىعى بۇرىن بولماعان.
قازىر شينجياڭ ەرەكشە دامۋ باسىمدىعىنا يە. جەرى كەڭ، بايلىعى مول، ٴوندىرىس فاكتورلارىنىڭ وزىندىك قۇن ابزالدىلىعى كورنەكتى بولۋ سىندى شينجياڭنىڭ بايلىق ابزالدىلىعى كورنەكتى بولدى؛ ”بەس شەكارا وتكەلى سەگىز ەلگە تۇتاسىپ، ٴبىر جولى ەۆروپا مەن ازيانى جالعاعان“، شىعىسپەن بىرلەسىپ باتىسقا شىعاراتىن، باتىستان ەنگىزىپ شىعىستان اكەلەتىن شينجياڭنىڭ وڭىرلىك باسىمدىعى ەرەكشە بولدى؛ پارتيا ورتالىق كوميتەتى شينجياڭ قىزمەتىن جوسپارلاپ ىلگەرىلەتۋدە ستراتەگيالىق دەڭگەيدە جالپى تۇلعالىق ورنالاستىرۋ جاسادى، تياناقتاندىرۋدى يگەرەتىن جۇيەلى ورنالاستىرۋ دا جاسادى، ”بەس ۇلكەن ستراتەگيالىق ورىن“ ايقىندالىپ، شينجياڭنىڭ جوعارى ساپالى دامۋىن قولدايتىن ارناۋلى ساياساتتىق حۇجاتتار شىعارىلدى، شينجياڭنىڭ ساياساتتىق باسىمدىعى كورنەكتى بولدى. بۇكىل رايون جوعارىدان تومەنگە دەيىن مەملەكەتتىڭ كەلەلى جاعدايىنا ىرىقتىلىقپەن قىزمەت ەتۋ بارىسىندا بەتالىستى، ماڭىزدى تۇيىندەردى يگەرىپ، بايلىق باسىمدىعىن دامۋ باسىمدىعىنا اينالدىرۋدى جەدەلدەتىپ، شينجياڭ قابىلەتى ارقىلى مەملەكەت قاجەتىنە قىزمەت وتەپ، بۇقارانىڭ ارمان ـ تىلەگىن قاناعاتتاندىرىپ، پارتيا مەن مەملەكەت قىزمەتىنىڭ جالپى جاعدايىنا اناعۇرلىم كوپ ۇلەس قوسۋى كەرەك.
”15 ـ بەسجىلدىققا“ نازار سالساق، شينجياڭ مەملەكەتتىڭ كەلەلى ستراتەگياسى جەتەكشىلىك ەتەتىن، كەلەلى ساياساتى تىرەك بولاتىن وراي مەزگىلىندە تۇر، قولايلى ساتتەن پايدالانىپ العا ۇمتىلاتىن، زور ىستەر تىندىراتىن ورلەۋ مەزگىلىندە تۇر، جوعارى ساپالى دامۋدى ىلگەرىلەتۋدىڭ، قوعام ورنىقتىلىعى مەن باياندى تىنىشتىق نەگىزىن بەكەمدەۋدىڭ شەشۋشى مەزگىلىندە تۇر. الداعى بەس جىلداعى ەكونوميكالىق، قوعامدىق دامۋ مەن پارتيا قۇرىلىسىنىڭ ٴتۇرلى قىزمەتتەرىن عىلمي جوسپارلاۋدا، ٴسوز جوق، پارتيا ورتالىق كوميتەتى بەلگىلەگەن ”بەس ۇلكەن ستراتەگيالىق ورىن“ سىندى وسى ”بۇيدانى“ مىقتى يگەرىپ، ٴتۇرلى ورنالاستىرۋلار مەن ٴتۇيىندى مىندەتتەردىڭ تياناقتانىپ ونىمدىلىك كورسەتۋىن ۇزدىكسىز ىلگەرىلەتىپ، بۇكىل ەلمەن تەڭ قادامدا سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋ كەرەك.
اۋقىمدى باعامداپ، اۋقىمعا قاراي ٴىس ىستەپ، سوتسياليستىك وسىزاماندانعان شينجياڭ قۇرۋدىڭ جاۋاپكەرشىلىك سەزىمىن، كوكەي تەستىلىك سەزىمىن، بورىشتىلىق سەزىمىن شىنايى كۇشەيتىپ، تاريحي ىرىقتىلىق رۋحىمەن وزگەرىسكە توتەپ بەرىپ، جاڭا وراي جەتىلدىرىپ، جاڭا جاعداي اشساق، ٴبىز، ٴسوز جوق، باس شۋجي شي جينپيڭنىڭ شينجياڭ ٴۇشىن جاساعان ۇلى جوباسىن تاماشا رەالدىققا اينالدىرا الامىز.
