مەملەكەتتىك سپورت جارىسىنىڭ بوكس ٴتۇرى جارىسى اياقتادى
شينجياڭ بوكسشىسى شىنجىندا كۇمىس مەدال الدى
انار بۇلت \ شينجياڭ گازەتىنىڭ ٴتىلشىسى ساي زىڭلى 11 ـ ايدىڭ 14 ـ كۇنى شىنجىننان حابارلايدى. 11 ـ ايدىڭ 14 ـ كۇنى 15 ـ كەزەكتى مەملەكەتتىك سپورت جارىسىنىڭ بوكس ٴتۇرى جارىسى شىنجىندا تولىق تابىسپەن اياقتادى. سول كۇنى وتكىزىلگەن بوكىس ٴتۇرى ەرلەر 63.5 كيلوگرام سالماقتاعىلار دارەجەسى شەشۋشى جارىسىندا شينجياڭ كومانداسىنىڭ ساڭلاعى يبىراھيم مامۇت گۋاڭدۇڭ كومانداسىنىڭ ساڭلاعى جۋ جيانحاۋمەن قيان ـ كەسكى بەلدەسىپ، اقىرىندا يبىراھيم كۇمىس مەدال الىپ، شينجياڭ ۋاكىلدەر ۇيىرمەسىنە تاعى ٴبىر قىمباتتى مەدال الىپ بەردى، سونداي ـ اق شينجياڭ بوكس كومانداسىنىڭ مەملەكەتتىك سپورت جارىسىنداعى ساپارىن تابىسپەن اياقتاتتى.
2019 ـ جىلدان باستاپ شينجياڭ بوكس كومانداسى حالىقاراداعى جانە ەل ىشىندەگى جارىستا ىركەس ـ تىركەس تاماشا ناتيجە جاراتتى. جاقسى ناتيجەنىڭ استارىندا عىلمي، قاتاڭ جاتتىعۋ جۇيەسى مەن دارىندىلار ساتىلى قوسىنىن ۇزدىكسىز گۇلدەندىرۋ جاتىر، 4 حالىقارالىق سپورت ساڭلاعىن، 18 مەملەكەت دارەجەلى سپورت ساڭلاعىن جەتىلدىرۋ، سونداي ـ اق مەملەكەت بوكس كومانداسىنا 20 نەشە ۇزدىك سپورتشى جىبەرۋدەي ناتيجە شينجياڭ بوكس ىستەرىنىڭ بەرىك نەگىزىن بىرگە قالادى.
