«ىزدەنۋ» جۋرنالىندا باس شۋجي شي جينپيڭنىڭ ماڭىزدى ماقالاسى جاريالانادى
جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ كەرەك
شينحۋا اگەنتتىگىنىڭ 11 ـ ايدىڭ 15 ـ كۇنى بەيجيڭنەن بەرگەن حابارى. 11 ـ ايدىڭ 16 ـ كۇنى باسپادان شىعاتىن «ىزدەنۋ» جۋرنالىنىڭ 22 ـ سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ كەرەك» اتتى ماڭىزدى ماقالاسى جاريالانادى. بۇل باس شۋجي شي جينپيڭنىڭ 2023 ـ جىلى 9 ـ ايدان 2025 ـ جىلى 4 ـ ايعا دەيىنگى ارالىقتاعى قاتىستى ماڭىزدى بايىمداۋلارىنىڭ ٴۇزىندىسى.
ماقالادا مىنالار باسا دارىپتەلدى: جاڭاشا وندىرگىش كۇش — جاڭالىق اشۋدا جەتەكشىلىك رول اتقاراتىن، ٴداستۇرلى ەكونوميكالىق ارتۋ تاسىلىنەن، وندىرگىش كۇشتەردىڭ دامۋ جولىنان ارىلعان، جوعارى عىلىم ـ تەحنولوگيا، جوعارى ٴونىم، جوعارى ساپا ەرەكشەلىگىنە يە، جاڭا دامۋ ۇستانىمىنا ۇيلەسەتىن وزىق وندىرگىش كۇشتەردىڭ ساپالىق كۇيى. ول تەحنولوگياداعى توڭكەرىستىك سەرپىلىستەن، ٴوندىرىس فاكتورلارىن جاسامپازدىقپەن ۇلەستىرۋدەن، كاسىپ سالالارىنىڭ تەرەڭدەي تيبىن جاڭالاپ دارەجەسىن جوعارىلاتۋدان تۋىنداعان، ەڭبەكشىلەردى، ەڭبەك ماتەريالدارىن، ەڭبەك وبيەكتىلەرىن جانە ولاردىڭ ساپالى بىرىگىپ، دەڭگەيىنىڭ جوعارىلاۋىن نەگىزگى ىشكى ٴمان، جالپى فاكتورلىق ٴوندىرىس ونىمدىلىگىنىڭ زور كولەمدە ارتۋىن وزەكتى بەلگى ەتكەن، ەرەكشەلىگى — جاڭالىق اشۋ، تەتىگى — ساپالى بولۋ، ٴمانى — وزىق وندىرگىش كۇش.
ماقالادا مىنالار اتاپ كورسەتىلدى: عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋ — جاڭاشا وندىرگىش كۇشتى دامىتۋدىڭ نەگىزگى جولى. عىلىم ـ تەحنولوگيادا جاڭالىق اشۋ جاڭا كاسىپ سالاسىن، جاڭا ۇلگىنى، جاڭا قوزعالىس قۋاتىن تۋىنداتادى، ول جاڭاشا وندىرگىش كۇشتەردى دامىتۋدىڭ وزەكتى فاكتورى. عىلىم ـ تەحنولوگيادا جاڭالىق اشۋدى يگەرۋدە وسىزاماندانعان كاسىپ سالاسى جۇيەسىن قۇرۋدى كوزدە ۇستاپ، ٴارى كوبىرەك عىلىم ـ تەحنولوگيالىق جەتىستىككە جەتۋ، ٴارى عىلىم ـ تەحنولوگيا جەتىستىكتەرىن ناقتى وندىرگىش كۇشكە اينالدىرۋ كەرەك. كاسىپ سالاسىندا جاڭالىق اشۋدى يگەرۋدە ناقتى ەكونوميكا سىندى وسى نەگىزدى مىقتى ساقتاپ، ٴداستۇرلى كاسىپ سالالارىنىڭ جاڭالانۋىن، دەڭگەيىن جوعارىلاتۋىن ىلگەرىلەتۋگە جانە ستراتەگيالىق جاڭادان گۇلدەنگەن كاسىپ سالاسىنىڭ، بولاشاق كاسىپ سالاسىنىڭ جاڭا جارىس جولىن اشۋعا تەڭ ٴمان بەرۋگە تاباندى بولۋ كەرەك. عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسۋىن يگەرۋدە تۇعىر ورناتىپ، ٴتۇزىلىس ـ مەحانيزمدى اقاۋسىزداندىرىپ، كاسىپورىننىڭ جاڭالىق اشۋداعى نەگىزگى تۇلعالىق ورنىن كۇشەيتىپ، جاڭالىق اشۋ تىزبەگى مەن كاسىپ سالاسى تىزبەگىن جىكسىز ٴتۇيىلىستىرۋ كەرەك.
ماقالادا مىنالار اتاپ كورسەتىلدى: جوعارى ساپالى دامۋعا ىقپال جاسايتىن جانە تۇساۋ بولاتىن تۇزىلىستىك، مەحانيزمدىك ولقىلىقتاردى باتىل تالقانداپ، جاڭاشا وندىرگىش كۇشتەرگە اناعۇرلىم ۇيلەسەتىن وندىرىستىك قاتىناستى كەمەلدەندىرۋ كەرەك. جاڭا سالا، جاڭا جارىس جولى تۇزىمدىك قامداۋىن كۇشەيتىپ، ٴتۇرلى وزىق ٴوندىرىس فاكتورلارىنىڭ جاڭاشا وندىرگىش كۇشتەردى دامىتۋعا شوعىرلانۋىن جەبەۋ كەرەك. مەملەكەتتىڭ جاڭالىق اشۋ جۇيەسىن كەمەلدەندىرىپ، ٴتۇرلى جاڭالىق اشۋ نەگىزگى تۇلعالارىنىڭ ومىرشەڭ كۇشىن قاۋلاتىپ، نەگىزدىك زەرتتەۋدى كۇشەيتۋگە، ٴتول جاسامپازدىق قابىلەتتى جوعارىلاتۋعا ۇزدىكسىز كۇش سالىپ، شەشۋشى، وزەكتى تەحنولوگيادا، الدىڭعى لەك تەحنولوگياسىندا ناتيجە جاراتۋ جاعىندا قامال الۋدى مىقتى يگەرۋ كەرەك. جاپپاي جاڭالىق اشۋعا ىقپال جاسايتىن جانە تۇساۋ بولاتىن توسقاۋىل تۇيىندەردى، بوگەت تۇيىندەرىن اشىپ، وقۋ ـ اعارتۋدىڭ، عىلىم ـ تەحنولوگيانىڭ، دارىندىلاردىڭ ٴبىر تۇلعالى دامۋىن ٴبىر تۇتاس جوسپارلاپ ىلگەرىلەتىپ، جاڭاشا وندىرگىش كۇشتەردى دامىتۋدىڭ نەگىزدىك سيپاتتى، ستراتەگيالىق سيپاتتى تىرەگىن بەكەمدەۋ كەرەك.
ماقالادا مىنالار باسا دارىپتەلدى: ”15 ـ بەسجىلدىق“ مەزگىلىندە جەرگىلىكتى جاعدايعا قاراي جاڭاشا وندىرگىش كۇشتەردى دامىتۋدى، ٴسوز جوق، ٴتىپتى دە كورنەكتى ستراتەگيالىق ورىنعا قويىپ، عىلىم ـ تەحنولوگيادا جاڭالىق اشۋدى جەتەكشى، ناقتى ەكونوميكانى نەگىز ەتىپ، وسىزاماندانعان كاسىپ سالاسى جۇيەسىن جەدەل قۇرۋ كەرەك. جەر ـ جەر ٴىس جۇزىندىكتى نەگىزگە الۋعا تاباندى بولىپ، ٴوز جەرىنىڭ بايلىق ارتىقشىلىعى، كاسىپ سالاسى نەگىزى، عىلمي زەرتتەۋ شارت ـ جاعدايى سياقتىلارعا نەگىزدەلىپ، جاڭا كاسىپ سالاسىنىڭ، جاڭا ۇلگىنىڭ، جاڭا قوزعالىس قۋاتىنىڭ دامۋىن تالعامپازدىقپەن ىلگەرىلەتىپ، ەكونوميكانىڭ ارتۋى مەن جۇمىستانىپ كىرىس كىرگىزۋدىڭ نەگىزگى سۇيەنىشى بولعان ٴداستۇرلى كاسىپ سالالارىن جاڭالاۋدى، دارەجەسىن جوعارىلاتۋدى جەدەل ىلگەرىلەتىپ، جاڭا، كونە دامۋ قوزعالىس قۋاتتارىنىڭ ورنىقتى، ٴۇرتىس اۋىسۋىن ىلگەرىلەتۋ كەرەك.
