ٴبىر تۇتاس ويلاستىرىپ، ٴتۇيىندى كورنەكتىلەندىرىپ، ”15 ـ بەسجىلدىق“ دامۋدى عىلمي جوسپارلايىق
— اۆتونوميالى رايوندىق 10 ـ كەزەكتى پارتكوم ون بەسىنشى جالپى ٴماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە
گازەتىمىزدىڭ شولۋشىسى
ورتا، ۇزاق مەرزىمدىك جوبا ارقىلى ەكونوميكالىق، قوعامدىق دامۋعا جەتەكشىلىك ەتۋ — پارتيامىزدىڭ ەل باسقارۋداعى ٴبىر ماڭىزدى ٴتاسىلى. اۆتونوميالى رايوندىق 10 ـ كەزەكتى پارتكومنىڭ ون بەسىنشى جالپى ٴماجىلىسى پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن جاپپاي ۇيرەنىپ، دايەكتىلەندىرىپ، باس شۋجي شي جينپيڭنىڭ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كەزدە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوننىڭ ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋ قىزمەتىن اقىلداسىپ، ورنالاستىرىپ، ٴار ۇلت كادرلارى مەن بۇقاراسىن شينجياڭنىڭ جوعارى ساپالى دامۋىن قۇلشىنا ىلگەرىلەتۋگە، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا شابىتتاندىردى.
”15 ـ بەسجىلدىق“ مەزگىلى سوتسياليستىك وسىزامانداندىرۋدى نەگىزىنەن جۇزەگە اسىرۋ بارىسىندا الدىڭعىعا مۇراگەر، كەيىنگىگە بۇيداگەر بولاتىن ماڭىزدى ورىنعا يە. ”15 ـ بەسجىلدىق“ دامۋدى عىلمي جوبالاۋدا ٴبىر تۇتاس جوسپارلاپ، ٴتۇيىندى، شەشۋشى فاكتورلاردى يگەرىپ، ريتىم مەن اياق الىستى ويداعىداي يگەرىپ، باسىمدىقتى بەكەمدەۋگە، كەڭەيتۋگە، كەدەرگىلەردى، بوگەتتى تۇيىندەردى تالقانداۋعا، ولقىلىقتاردى، ٴالسىز تۇستاردى تولىقتاۋعا، كۇشەيتۋگە، ساپانى، ونىمدىلىكتى جوعارىلاتۋعا ٴمان بەرىپ، بولجامپازدىقپەن ويلاۋ، جالپى جاعدايدى كوزدەپ جوسپارلاۋ، ستراتەگيالىق ورنالاستىرۋ، جالپى تۇلعالىق ىلگەرىلەتۋ ارقىلى دامۋ ساپاسىنىڭ، قۇرىلىمىنىڭ، كولەمىنىڭ، قارقىنىنىڭ، ونىمدىلىگىنىڭ، حاۋىپسىزدىگىنىڭ ٴوزارا بىرلىگىن جۇزەگە اسىرۋ كەرەك.
جالپى ٴماجىلىس قاراپ ماقۇلداعان «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ اۆتونوميالى رايوننىڭ حالىق شارۋاشىلىعى مەن قوعامدىق دامۋىنىڭ 15 ـ بەسجىلدىق جوباسىن جاساۋ جونىندەگى ۇسىنىس» نازاردى پارتيا ورتالىق كوميتەتى بەلگىلەگەن ”بەس ۇلكەن ستراتەگيالىق ورىنعا“ شوعىرلاندىرىپ، ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتىپ، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، شينجياڭنىڭ رەفورما، دامۋ، ورنىقتىلىق ىستەرىنىڭ سايكەستى دامۋىنا، جالپىلىق ىلگەرىلەۋىنە شىنايى كەپىلدىك ەتىپ، ٴتۇرلى قىزمەتتەردە ۇزدىكسىز جاڭا جاعداي اشتى.
نىسانا — باعىت، نىسانا — جەتەكشى، نىسانا — قوزعاۋشى كۇش. جالپى ٴماجىلىس ”15 ـ بەسجىلدىق“ مەزگىلىندەگى شينجياڭنىڭ ەكونوميكالىق، قوعامدىق دامۋىنىڭ باستى نىساناسىن ايقىندادى: مەملەكەت حاۋىپسىزدىگى جۇيەسى مەن قابىلەتىن اناعۇرلىم كۇشەيتۋ، جوعارى ساپالى دامۋدا كورنەكتى ناتيجەلەرگە قول جەتكىزۋ، رەفورمانى جاپپاي تەرەڭدەتۋدە تىڭ سەرپىلىستەرگە قول جەتكىزۋ، قوعامنىڭ وركەنيەت دەڭگەيىن كورنەكتى جوعارىلاتۋ، عىلىم ـ تەحنولوگيادا جاڭالىق اشۋ قۋاتىن ۇزدىكسىز كۇشەيتۋ، ٴار ۇلت بۇقاراسىنىڭ تۇرمىس ساپاسىن ۇزدىكسىز جوعارىلاتۋ، كورىكتى شينجياڭ قۇرىلىسىندا تىڭ دا كەلەلى ىلگەرىلەۋشىلىككە قول جەتكىزۋ، وڭتۇستىك شينجياڭنىڭ كورنەكتى ماسەلەلەرىن شەشۋدە كورنەكتى ناتيجەلەرگە قول جەتكىزۋ، بيڭتۋاننىڭ ەرەكشە رولىن اناعۇرلىم ويداعىداي ساۋلەلەندىرۋ. بۇل ورتالىقتىڭ رۋحىن دايەكتىلەندىرەتىن، دامۋ زاڭدىلىعىنا ۇيلەسەتىن، ٴوزىنىڭ ٴىس جۇزىندىك جاعدايىنا ۇيلەسەتىن، بۇقارانىڭ تىلەگىنە ۇيلەسەتىن نىسانا ـ مىندەتتەر سانالادى، مۇنىڭ شينجياڭنىڭ ەكونوميكالىق ناقتى قۋاتىن، عىلىم ـ تەحنولوگيالىق ناقتى قۋاتىن، مادەنيەت ناقتى قۋاتىن، جالپىلىق باسەكەلىك قۋاتىن جانە حالىقتىڭ تۇرمىس دەڭگەيىن جوعارىلاتۋعا پارمەندى جەتەكشىلىك ازىرلەۋگە قيىندىقتان تايسالماي العا ىلگەرىلەۋدىڭ، قولايلى ساتتەن پايدالانىپ العا ۇمتىلۋدىڭ بىرىككەن كۇشىن ۇيىستىراتىندىعى داۋسىز.
”قۇرىلىس چەرتوجىن“ ”ناقتى كورىنىس كارتاسىنا“ اينالدىرۋدا ەكونوميكالىق، قوعامدىق دامۋدى جەبەيتىن ساياسات ”كەشەندى شارالارىن“ ويداعىداي اتقارۋ كەرەك. مەملەكەتتىك ەنەرگيا بايلىعى ستراتەگيالىق قامتاماسىزدىق بازاسىن تۇلعالاۋدى ارقاۋ ەتىپ، ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن جەدەل قۇرۋ؛ عىلىم ـ تەحنولوگيا ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ؛ جاڭا دامۋ ارناسىن قالىپتاستىرۋدىڭ ستراتەگيالىق تىرەك تۇيىندەرىن تۇلعالاۋدى ارقاۋ ەتىپ، وزىندىك جوعارى ساپالى دامۋدىڭ جانە قوس اينالىمعا قىزمەت وتەۋدى ٴبىر تۇلعالاندىرىپ ىلگەرىلەتۋدى جۇزەگە اسىرۋ؛ رەفورمانى جاپپاي تەرەڭدەتۋدەن قامال الىپ، جوعارى ساپالى دامۋدىڭ ىشكى قوزعاۋشى كۇشىن، ومىرشەڭ كۇشىن قاۋلاتۋ؛ ازيا - ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن تۇلعالاۋدى ارقاۋ ەتىپ، جوعارى دەڭگەيدە سىرتقا ەسىك اشۋدى كەڭەيتۋ؛ مەملەكەتتىك ساپالى ەگىن، مال شارۋاشىلىعى ونىمدەرى ماڭىزدى قامداۋ بازاسىن تۇلعالاۋدى ارقاۋ ەتىپ، وسى زامانعى ەگىن، مال شارۋاشىلىعىنىڭ دامۋ ساپاسىن، ونىمدىلىگىن جوعارىلاتۋ؛ ەكونوميكانىڭ ورنالاسىمىن كۇش سالا ساپالىلاندىرىپ، قالا مەن اۋىلدىڭ توعىسۋى مەن وڭىرلەردىڭ سايكەستى دامۋىن ىلگەرىلەتۋ؛ سوتسياليستىك مادەنيەتتى گۇلدەندىرىپ جانە دامىتىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدىڭ يدەيالىق نەگىزىن بەكەمدەۋ؛ نەگىزگى الەۋمەتتىك قىزمەت وتەۋدىڭ جالپىعا ٴتيىمدى بولۋىن، ودان بىرگە يگىلىكتەنۋدى ىلگەرىلەتىپ، ٴار ۇلت بۇقاراسىنىڭ تۇرمىس ساپاسىن جوعارىلاتۋ؛ ەكونوميكالىق، قوعامدىق دامۋدىڭ جاپپاي جاسىل تيپ جاڭالاۋىن جەدەلدەتىپ، كورىكتى شينجياڭ قۇرۋ؛ مەملەكەتتىڭ وڭىرلىك حاۋىپسىزدىگىن قورعاۋدىڭ ستراتەگيالىق قالتقىسىن قۇرۋدى ارقاۋ ەتىپ، مەملەكەت حاۋىپسىزدىگى جۇيەسى مەن قابىلەتىن وسىزامانداندىرۋدى ىلگەرىلەتۋ؛ كورنەكتى ماسەلەلەردى كۇشتى شوعىرلاندىرا شەشىپ، وڭتۇستىك شينجياڭنىڭ جوعارى ساپالى دامۋىن جەدەل ىلگەرىلەتۋ؛ بيڭتۋاننىڭ دامۋىن، زورايۋىن قولداپ، بيڭتۋاننىڭ ورنىقتىلىقتى قورعاۋ، شەكارانى كۇزەتۋ قىزمەت جاۋاپكەرشىلىگىن، بورىشىن اناعۇرلىم ويداعىداي اتقارۋىن ىلگەرىلەتۋ. بۇل 13 ٴتۇرلى ماڭىزدى شارا ەلىمىزدىڭ دامۋ ورتاسى ٴدوپ كەلگەن تەرەڭ دە كۇردەلى وزگەرىستەردى كوزدەپ، شينجياڭنىڭ ىشكى ـ سىرتقى جاعدايىنداعى جاڭا وزگەرىستەرگە قاداعالاي نازار اۋدارىپ جانە تۇجىرىم جاساپ، وزىندىك دامۋداعى ايقىندىلىق ارقىلى جاعداي وزگەرىسىندەگى ايقىنسىزدىققا ٴونىمدى توتەپ بەرەتىن جاڭالىق اشۋ شاراسى جانە العا باسۋ جولى بولىپ، وعان ماڭىزدى ٴتۇيىن مەن جالپى جاعدايعا، قازىر مەن ۇزاق بولاشاققا، ٴىشىنارالىق پەن جالپىلىققا تەڭ ٴمان بەرۋ سىندى ديالەكتيكا ٴسىڭىرىلىپ، ٴبىزدى ٴىس جۇزىندىكتى تياناق ەتىپ، باسىمدىقتاردى شوعىرلاندىرىپ، قيىندىقتاردان قامال الىپ، ناقتى ىستەپ، شىنايى ىسكەرلىك كورسەتىپ، ”15 ـ بەسجىلدىق“ جوبانىڭ ٴساتتى اتقارىلۋىنا بەرىك نەگىز قالاۋعا شابىتتاندىردى.
جاڭا باستامادا ستراتەگيالىق تاباندىلىقتى ساقتاپ، پارتيانىڭ جالپى بەتتىك باسشىلىعىنا تاباندى بولىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، حالىقتى بارىنەن جوعارى قويۋعا تاباندى بولىپ، دامۋ مەن حاۋىپسىزدىكتى ٴبىر تۇتاس جوسپارلاۋعا تاباندى بولىپ، جوعارى ساپالى دامۋعا تاباندى بولىپ، رەفورمانى جاپپاي تەرەڭدەتۋگە تاباندى بولىپ، وڭتۇستىك شينجياڭ قىزمەتىن كورنەكتى ورىنعا قويۋعا تاباندى بولىپ، بيڭتۋان مەن جەرگىلىكتى ورىننىڭ توعىسا دامۋىنا تاباندى بولىپ، ٴونىمدى بازار مەن ىسكەر ۇكىمەتتى ۇشتاستىرۋعا تاباندى بولىپ، تالىقپاي قۇلشىنىپ، ۇزدىكسىز كۇرەس جۇرگىزىپ، جۇڭگو ۇلگىسىندەگى وسىزامانداندىرۋ ۇلى نىساناسىن شينجياڭداعى ٴار ۇلت حالقى سەزىنە الاتىن تاماشا رەالدىققا اينالدىرۋعا كۇش سالۋ كەرەك.
