بيڭتۋان 8 ـ كەزەكتى پارتكومىنىڭ ونىنشى جالپى ٴماجىلىسى اشىلدى
چىن شياۋجياڭ ماجىلىسكە قاتىناستى ٴارى ٴسوز سويلەدى، حى جۇڭيوۋ قىزمەتتەن بايانداما جاسادى ٴارى ٴسوز سويلەدى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 11 ـ ايدىڭ 15 ـ كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ٴوندىرىس ـ قۇرىلىس بيڭتۋانى 8 ـ كەزەكتى كوميتەتىنىڭ ونىنشى جالپى ٴماجىلىسى 11 ـ ايدىڭ 14 ـ كۇنىنەن 15 ـ كۇنىنە دەيىن اشىلدى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي چىن شياۋجياڭ ماجىلىسكە قاتىناستى ٴارى ٴسوز سويلەدى.
بيڭتۋان پارتكومىنىڭ شۋجيى، جىڭۋي حى جۇڭيوۋ بيڭتۋان پارتكومى تۇراقتى كوميتەتى اتىنان جالپى ماجىلىسكە قىزمەتتەن بايانداما جاسادى ٴارى قورىتىندى ٴسوز سويلەدى.
ٴماجىلىس «جۇڭگو كوممۋنيستىك پارتياسى شينجياڭ ٴوندىرىس ـ قۇرىلىس بيڭتۋانى 8 ـ كەزەكتى كوميتەتى ونىنشى جالپى ٴماجىلىسىنىڭ قارارىن» قاراپ ماقۇلدادى.
چىن شياۋجياڭ بىلاي دەپ اتاپ كورسەتتى: پارتيا 18 ـ قۇرىلتايىنان بەرى، باس شۋجي شي جينپيڭ حالىقارا، ەل ٴىشى اۋقىمىن تەرەڭ باعامداپ، شينجياڭدى باسقارۋ، شينجياڭدى ورنىقتىرۋ، شينجياڭدى گۇلدەندىرۋ زاڭدىلىعىن تەرەڭ يگەرىپ، بيڭتۋاننىڭ دامۋىنداعى كەلەلى ستراتەگيالاردى ٴوزى جوسپارلاپ، ورنالاستىرىپ، بيڭتۋانعا ەرەكشە مىندەت جاۋاپكەرشىلىگىن، بورىشىن جۇكتەپ، جاڭا داۋىردەگى بيڭتۋان ىستەرىنىڭ جان ـ جاقتى ىلگەرىلەۋشىلىككە، تاريحي تابىسقا قول جەتكىزۋىنە جەتەكشىلىك ەتتى. بيڭتۋان ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، باس شۋجي شي جينپيڭنىڭ بيڭتۋان — پارتيا ورتالىق كوميتەتىنىڭ شينجياڭ قىزمەتى باس نىساناسىن جۇزەگە اسىرۋداعى ماڭىزدى ستراتەگيالىق كۇش دەگەن ماڭىزدى نۇسقاۋىنىڭ رۋحىن تەرەڭ ٴتۇسىنىپ، بيڭتۋاننىڭ ورنى مەن تالابىن مىقتاپ يگەرىپ، ورنىقتىلىقتى قورعاۋ، شەكارانى كۇزەتۋ مىندەت جاۋاپكەرشىلىگىن، بورىشىن شىنايى ارقالاۋ، مەملەكەتتىڭ حاۋىپسىزدىگىن، شەكارانىڭ تىنىشتىعىن جانە شينجياڭنىڭ قوعامدىق كەلەلى جاعدايىنىڭ ورنىقتىلىعىن باتىل قورعاۋ كەرەك. باس شۋجي شي جينپيڭنىڭ بيڭتۋاننىڭ ٴىس جۇزىندىگىنە ۇيلەسەتىن، بيڭتۋاننىڭ ەرەكشەلىگىن ايگىلەيتىن جوعارى ساپالى دامۋ جولىن قاراستىرۋ جونىندەگى ماڭىزدى نۇسقاۋىنىڭ رۋحىن تەرەڭ ٴتۇسىنىپ، بيڭتۋان رەفورماسىن بۇلجىماي تەرەڭدەتىپ، بيڭتۋاننىڭ ەرەكشە باسىمدىعى مەن دامۋ ومىرشەڭ كۇشىن تولىق جارىققا شىعارىپ، بيڭتۋاننىڭ دامۋىن، زورايۋىن ۇزدىكسىز ىلگەرىلەتۋ كەرەك. باس شۋجي شي جينپيڭنىڭ بيڭتۋان مەن جەرگىلىكتى ورىننىڭ توعىسا دامۋىن جەدەل ىلگەرىلەتۋ جونىندەگى ماڭىزدى نۇسقاۋىنىڭ رۋحىن تەرەڭ ٴتۇسىنىپ، توعىسا دامۋدىڭ جوبا جوسپارىن جانە ۇزاق ٴونىمدى مەحانيزمىن ۇزدىكسىز كەمەلدەندىرىپ، بيڭتۋان مەن جەرگىلىكتى ورىننىڭ قۇرىلعىلاردى بىرگە قۇرۋىن، بايلىقتان بىرگە يگىلىكتەنۋىن، ىشكەرىلەي كىرىگۋىن، باسىمدىقتارىمەن ٴبىر ـ ٴبىرىن تولىقتاۋىن جۇزەگە اسىرۋ كەرەك.
چىن شياۋجياڭ ”14 ـ بەسجىلدىق“ مەزگىلىندەگى بيڭتۋاننىڭ ٴتۇرلى قىزمەتتەردە قول جەتكىزگەن ناتيجەلەرىن تولىق تۇراقتاندىردى. ول بىلاي دەپ باسا دارىپتەدى: بيڭتۋان پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن جاپپاي ۇيرەنىپ، دايەكتىلەندىرىپ، باس شۋجي شي جينپيڭنىڭ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كەزدە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق پارتكومنىڭ ٴبىر تۇتاس باسشىلىعىندا، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، شينجياڭ قىزمەتى باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋدى ٴتۇرلى قىزمەتتىڭ نەگىزگى جەلىسى ەتۋگە تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، پارتيا ورتالىق كوميتەتىنىڭ شينجياڭعا بەلگىلەپ بەرگەن ”بەس ۇلكەن ستراتەگيالىق ورنىن“ كوزدەپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴبىر تۇتاس جوسپارلاپ، اۆتونوميالى رايوندىق 10 ـ كەزەكتى پارتكوم ون بەسىنشى جالپى ٴماجىلىسىنىڭ ورنالاستىرۋلارى، تالاپتارى بويىنشا بولجامپازدىقپەن ويلاۋعا، جالپى جاعدايلىق جوسپارلاۋعا، ستراتەگيالىق ورنالاستىرۋعا، تۇتاس تۇلعالىق ىلگەرىلەتۋگە تاباندى بولىپ، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋ مەن پارتيا قۇرىلىسىنىڭ ٴتۇرلى قىزمەتتەرىن ىشكەرىلەي جوبالاپ، تىڭعىلىقتى ىستەپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى، ويداعىداي ىستەپ، قۇلشىنا سوتسياليستىك وسىزاماندانعان بيڭتۋان قۇرىپ، بۇكىل ەلمەن بىرگە سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋ كەرەك.
چىن شياۋجياڭ بىلاي دەپ باسا دارىپتەدى: جاڭا داۋىردەگى بيڭتۋاننىڭ مىندەت جاۋاپكەرشىلىگى مەن بورىشىن ادالدىقپەن وتەپ، ”ٴۇش ۇلكەن يقۋاتتى“، ”ٴتورت ۇلكەن رولدى“ اناعۇرلىم ويداعىداي ساۋلەلەندىرىپ، سوتسياليستىك وسىزاماندانعان شينجياڭ قۇرۋعا، شينجياڭ قىزمەتى باس نىساناسىن جۇزەگە اسىرۋعا جاڭا دا اناعۇرلىم زور ۇلەس قوسۋ كەرەك. قوعامدىق كەلەلى جاعدايدىڭ ورنىقتىلىعىن بار كۇشپەن قورعاپ، لاڭكەستىككە قارسى تۇرىپ ورنىقتىلىقتى قورعاۋدى زاڭمەن باسقارۋدى، ۇدايىلاندىرۋدى تىڭعىلىقتى ىلگەرىلەتىپ، شەكارا ٴوڭىردى قورعاۋ، قورعانىستى بەكەمدەۋ جۇيەسىن كەمەلدەندىرىپ، جاڭا داۋىردەگى ورنىقتىلىقتى قورعاۋ، شەكارانى كۇزەتۋ جاڭا باسىمدىعىن جەدەل قالىپتاستىرىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدىڭ جاقسى كوشباسشىسى بولىپ، شينجياڭنىڭ تىنىش، ىنتىماقتى، جاراسىمدى، ورنىقتى جاعدايىن بەكەمدەۋ كەرەك. جوعارى ساپالى دامۋدى تىڭعىلىقتى ىلگەرىلەتىپ، وسىزاماندانعان كاسىپ سالاسى جۇيەسىن جەدەل ورناتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، شينجياڭ ەركىن ساۋدا سىناق رايونىنىڭ بيڭتۋان بولىگىن جوعارى ولشەممەن قۇرىپ، ٴتۇيىندى سالالار مەن شەشۋشى بۋىندارداعى رەفورمانى تەرەڭدەتىپ، بيڭتۋان مەن جەرگىلىكتى ورىننىڭ تەرەڭدەي توعىسا دامۋىن جەدەلدەتىپ، دامۋ جەتىستىكتەرىنىڭ حالىق تۇرمىسىن اناعۇرلىم ويداعىداي جاقسارتۋىن، جۇرت تىلەگىن ۇيىستىرۋىن، ىنتىماقتى كۇشەيتۋىن ىلگەرىلەتۋ كەرەك. پارتيانىڭ باسشىلىعى مەن پارتيا قۇرىلىسىن شىن مانىندە كۇشەيتىپ، پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىن باتىل قورعاپ، باسشىلىق القاسى جانە كادرلار مەن جۇمىسشى ـ قىزمەتكەرلەر قوسىنىن كۇشەيتىپ قۇرىپ، ستيلدى دۇرىستاۋ، ٴتارتىپتى قاتايتۋ، شىرىكتەسۋگە قارسى تۇرۋ ۇزاق ٴونىمدى مەحانيزمىن اقاۋسىزداندىرىپ، ستيلى پاك، سالتى دۇرىس ساياسي ەكولوگيا ارقىلى تاماشا دامۋ ورتاسىن قالىپتاستىرۋعا جەتەكشىلىك ەتىپ، ”15 ـ بەسجىلدىق“ دامۋ نىساناسىن جۇزەگە اسىرۋعا پارمەندى كەپىلدىك ازىرلەۋ كەرەك.
حى جۇڭيوۋ بيڭتۋاننىڭ ”14 ـ بەسجىلدىق“ مەزگىلىندەگى دامۋ تابىستارىنا قايىرىلا قارادى جانە ونى قورىتىندىلادى، ”15 ـ بەسجىلدىق“ مەزگىلىندەگى بيڭتۋان ٴدوپ كەلەتىن جاعداي مەن مىندەتتەرگە تالداۋ جاسادى، ”15 ـ بەسجىلدىق“ مەزگىلىندەگى بيڭتۋاننىڭ ەكونوميكالىق، قوعامدىق دامۋىنىڭ جەتەكشى يدەياسىن، كەلەلى پرينسيبىن، باستى نىساناسىن جانە كەلەلى شارالارىن العا قويدى. ول بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، پارتيا ورتالىق كوميتەتىنىڭ شەشىمدەرىنە، ورنالاستىرۋلارىنا ولشەم، تالاپ بويىنشا تۋرالانىپ، اۆتونوميالى رايوندىق 10 ـ كەزەكتى پارتكوم ون بەسىنشى جالپى ٴماجىلىسىنىڭ ورنالاستىرۋلارى مەن تالاپتارى بويىنشا ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ كەلەلى ستراتەگيالىق مىندەتتەرىن عىلمي جوسپارلاپ، جۇڭگو ۇلگىسىندەگى وسىزامانداندىرۋدىڭ بيڭتۋان تاراۋىن قۇلشىنا جازۋ كەرەك. بيڭتۋان ەرەكشەلىگىنە، باسىمدىعىنا يە وسىزاماندانعان كاسىپ سالاسى جۇيەسىن قۇرىپ، وزىق وندىرگىش كۇشتەردىڭ ۇلگى كورسەتۋ رايونىن ۇزدىكسىز دامىتۋ؛ عىلىم ـ تەحنولوگيادا جاڭالىق اشۋدى كۇشەيتىپ، جاڭاشا وندىرگىش كۇشتەردى دامىتۋعا جەتەكشىلىك ەتۋ؛ قۋاتتى ەل ٴىشى بازارىن قۇرۋعا بەلسەنە ات سالىسىپ، تۇتىنۋ مەن قارجى قوسۋدىڭ، قامداۋ مەن قاجەتسىنۋدىڭ ٴتيىمدى ىقپالداستىعىن جەبەۋ؛ بيڭتۋان رەفورماسىن ونان ارى جاپپاي تەرەڭدەتىپ، پارتيا، ۇكىمەت، ارميا، كاسىپورىن بىرىككەن ٴتۇزىلىسىنىڭ ىشكى ٴمانى مەن رەال فورماسىن ۇزدىكسىز بايىتۋ؛ جوعارى دەڭگەيدە سىرتقا ەسىك اشۋدى كەڭەيتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنا بەلسەنە قىزمەت وتەۋ؛ اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋىن جەدەلدەتىپ، اۋىل ـ قىستاقتى جاپپاي گۇلدەندىرۋدى تىڭعىلىقتى ىلگەرىلەتۋ؛ ەكونوميكالىق دامۋ ورنالاسىمىن ساپالىلاندىرىپ، وڭىرلەردىڭ سايكەستى دامۋىن جەبەۋ؛ وزىق مادەنيەتتەن ۇلگى كورسەتۋ رايوندارىن ۇزدىكسىز دامىتىپ، جۇڭحۋا ۇلتى ورتاق تۇلعا تانىمىن بەكەمدەپ، ٴار ۇلت بۇقاراسىن ۇيىستىراتىن دومنا پەش فۋنكتسياسىن ايگىلەۋ؛ حالىق تۇرمىسىن قامتاماسىز ەتۋ جانە جاقسارتۋ تەبىنىن ارتتىرىپ، بىرگە بايۋدى تىڭعىلىقتى ىلگەرىلەتۋ؛ ەكونوميكالىق، قوعامدىق دامۋدىڭ جاپپاي جاسىل تيپ جاڭالاۋىن جەدەلدەتىپ، كورىكتى بيڭتۋان قۇرۋ؛ ”بيڭتۋان مەن جەرگىلىكتى ورىن ٴبىر تۇتاس جۇيە“ ۇستانىمىن ىشكەرىلەي امالياتتا ايگىلەپ، بيڭتۋان مەن جەرگىلىكتى ورىننىڭ توعىسا دامۋىن جەدەل ىلگەرىلەتۋ؛ شينجياڭ قىزمەتى باس نىساناسىن مىقتاپ يگەرىپ، شەكارا ٴوڭىردى تىنىشتاندىرىپ، شەكارانى بەكەمدەۋدەگى ورنىقتىرعىشتىق يقۋاتىن اناعۇرلىم ويداعىداي اتقارۋ؛ پارتيانىڭ باسشىلىعى مەن پارتيا قۇرىلىسىن كۇشەيتىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋ نىساناسىن جۇزەگە اسىرۋدى ٴتۇبىرلى كەپىلمەن قامداۋ كەرەك.
بيڭتۋان پارتكومىنىڭ تۇراقتى مۇشەلەرى شۋە بين، ليۋ جيانميڭ، لي جىنگو، جاڭ ۋىنشىڭ، حا زىڭيوۋ، لي يۇڭحۇڭ، لي شۇي، ۋان پيڭ، جۋ شۋەبيڭ ماجىلىسكە قاتىناستى.
