ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن جەدەل قۇرۋ كەرەك
— اۆتونوميالى رايوندىق 10 ـ كەزەكتى پارتكوم ون بەسىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرۋ، تياناقتاندىرۋ جونىندە
انار بۇلت \ شينجياڭ گازەتىنىڭ ٴتىلشىسى يۇي جياڭيان
وسىزاماندانعان كاسىپ سالاسى جۇيەسى — جۇڭگو ۇلگىسىندەگى وسىزامانداندىرۋدى جۇزەگە اسىرۋدىڭ زاتتىق تەحنولوگيا نەگىزى. اۆتونوميالى رايوندىق 10 ـ كەزەكتى پارتكومنىڭ ون بەسىنشى جالپى ٴماجىلىسى مىنالاردى العا قويدى: مەملەكەتتىك ەنەرگيا بايلىعى ستراتەگيالىق قامتاماسىزدىق بازاسىن تۇلعالاۋدى ارقاۋ ەتىپ، ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن جەدەل قۇرۋ كەرەك. جوعارى ساپالى دامۋدى تىڭعىلىقتى ىلگەرىلەتۋدىڭ ماڭداي الدى مىندەتىن ٴداپ باسىپ يگەرىپ، نازاردى ورتالىق بەلگىلەگەن ”بەس ۇلكەن ستراتەگيالىق ورىنعا“ شوعىرلاندىرىپ، شينجياڭ بايلىق ارتىقشىلىعى مەن كاسىپ سالاسى نەگىزىن تياناق ەتىپ، شينجياڭ ەرەكشەلىگىنە ۇيلەسەتىن ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن بەلسەنە ورناتادى.
جاڭاشا ەلەكتر جۇيەسىن تۇلعالاۋ
پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ماجىلىسىندە قاراپ ماقۇلدانعان «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 15 ـ بەسجىلدىق جوباسىن جاساۋ جونىندەگى ۇسىنىسىندا» مىنالار العا قويىلدى: ”جاڭا ەنەرگيا ۇسىنىمى سالىستىرماسىن ۇزدىكسىز جوعارىلاتىپ، تۇنبا ەنەرگيانىڭ ورنىن حاۋىپسىز، سەنىمدى، ٴتارتىپتى باستىرۋدى ىلگەرىلەتىپ، جاڭاشا ەلەكتر جۇيەسىن كۇش سالا ورناتىپ، ەنەرگيا جاعىندا قۋاتتى ەل قۇرۋ كەرەك“.
بيىل 9 ـ ايدىڭ سوڭىنا دەيىن شينجياڭ ەلەكتر تورىنىڭ جاڭا ەنەرگيا گەنەراتورلار كولەمى 130 ميلليون كيلوۆاتقا تاياپ، بۇكىل ەل بويىنشا الدىڭعى قاتاردا تۇردى، جاڭا ەنەرگيا شينجياڭداعى ٴبىرىنشى ۇلكەن ەلەكتر قاينارىنا اينالدى. كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن جەتەكشى ەتىپ، شينجياڭنىڭ جاڭا ەنەرگيا سالاسى جەدەل دامىپ، ”14 ـ بەسجىلدىق“ مەزگىلىندە جاڭادان ارتقان جاڭا ەنەرگيا گەنەراتورلار كولەمى جالپى 100 ميلليون كيلوۆاتتان استى.
تەز قارقىنمەن دامىعان جاڭا ەنەرگيا كاسىپ سالاسى جوعارى سالىستىرمالى قابىلداۋ مەن ەلەكتر جۇيەسىنىڭ حاۋىپسىز، ورنىقتى اينالىمىنا سىن الا كەلدى. جاڭا ەنەرگيانى قابىلداۋ قابىلەتىن جوعارىلاتۋ ٴۇشىن، ”14 ـ بەسجىلدىقتان“ بەرى، شينجياڭ ەلەكتر تورى قاڭقاسى قۇرىلىسىن ۇزدىكسىز كۇشەيتىپ، جيىنى 49 ٴتۇرلى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىن باستادى، 750 كيلوۆولتتىق ەلەكتر تورى ”تۇيىندەر بويىنشا تارالۋدان“ ”تۇتاس وڭىردە ۇلاسۋعا“ وزگەردى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى اسقىن جوعارى كەرنەۋلى توك بولىمشە سەرىكتەستىگى 750 كيلوۆولتتىق قۇمىل كەرنەۋ وزگەرتۋ پۋنكتىنىڭ باستىعى زورىگۇل نياز شينجياڭ اسقىن، ەرەكشە جوعارى كەرنەۋلى ەلەكتر تورىنىڭ قارىشتاپ دامۋىنا كۋا بولدى: بيىل 6 ـ ايدىڭ 10 ـ كۇنى قۇمىل - چۇڭچيڭ 800± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى وندىرىسكە قوسىلىپ ەلەكتر جەتكىزدى؛ 10 ـ ايدىڭ 30 ـ كۇنى تارىم ويپاتىن اينالعان 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى رەسمي ىسكە قوسىلدى، مەجەمەن جىل سوڭىندا ”ىشكى جاقتى قامدايتىن 7 اينالما تور، سىرتقا جەتكىزەتىن 5 ارنا“ سىندى نەگىزگى تور جۇلگەسى قالىپتاسادى.
زورىگۇل نياز مىنالاردى ٴبىلدىردى: كەرنەۋ وزگەرتۋ پۋنكتى تەحنولوگيادا جاڭالىق اشۋدى تەرەڭدەتىپ، ەلەكتر تورىنىڭ زەردەلىلەنۋ دەڭگەيىن جوعارىلاتىپ، شينجياڭنىڭ اناعۇرلىم كوپ جاسىل ەلەكترىنىڭ بۇكىل ەلدى جارىقتاندىرۋىنا مۇمكىندىك جاسايدى.
”جەل، جارىق، وت ەلەكترىن ساقتاۋ“ سىندى كوپ ەنەرگيانىڭ ٴبىرىن ـ ٴبىرى تولىقتاۋ جۇيەسى جەدەل ورناتىلدى، قۇمىل قالاسى رەتتەۋ قابىلەتى كۇشتى، تىرەكتىك قۋاتى مىعىم، قامتاماسىز ەتۋ قابىلەتى زور جاڭاشا ەلەكتر قۋاتى جۇيەسىن بەلسەنە قۇردى. ”نازاردى جاڭاشا ەلەكتر جۇيەسىن جەتىلدىرۋگە شوعىرلاندىرىپ، قۇمىل قالاسى جاڭا ەنەرگيا نىسانىنىڭ ’ٴتۇيىنى‘ ارقىلى جابدىق جاساۋ، زەرتتەۋ ـ اشۋ، تەحنولوگيالىق قىزمەت وتەۋ سياقتى سالالارداعى ’جەلىنى‘ تۇتاستىرىپ، جاڭاشا ەنەرگيا جۇيەسى مەن وسى زامانعى ونەركاسىپ، قىزمەت وتەۋ كاسىبى سياقتىلار ىشكەرىلەي توعىسا دامىعان ’اۋماقتى‘ قالىپتاستىردى“. قۇمىل قالالىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى ىبىرايىم كىشىك مىنانى ٴبىلدىردى: اۋانى سىعۋ، ۆانادي سۇيىقتىعى اعىسى، سۋتەگى ەنەرگياسىن ساقتاۋ سياقتى كوپ نەگىزدى جاڭاشا ەنەرگيا ساقتاۋ تەحنولوگياسىنان ۇلگى كورسەتۋ، قولدانۋ، سونداي ـ اق سۋ تارتىپ ەنەرگيا ساقتاۋ ەلەكتر ستانسياسى قۇرىلىسىن جەدەل ورنالاستىرىپ، ەلەكتر تورىنىڭ ەلەكتر قاۋىرت ىستەتىلەتىن مەزگىلدى رەتتەۋ قۋاتىن كۇشەيتەمىز.
جاڭاشا ەنەرگيا ساقتاۋ — جاڭاشا ەلەكتر جۇيەسىن قۇرۋدىڭ ماڭىزدى جابدىق نەگىزى جانە شەشۋشى تىرەكتىك تەحنولوگياسى. بيىل 9 ـ ايدىڭ سوڭىنا دەيىن شينجياڭ ەلەكتر تورىنىڭ جالپى ەنەرگيا ساقتاۋ اگراگاتتارىنىڭ كولەمى 13 ميلليون 476 مىڭ 900 كيلوۆات \ 45 ميلليون 410 مىڭ 600 كيلوۆات ساعاتقا جەتىپ، مەملەكەت بويىنشا الدىڭعى قاتاردان ورىن الدى.
كاسىپ سالاسى شوعىرىن دامىتۋ، زورايتۋ
كاسىپ سالاسى شوعىرىنىڭ جوعارى ساپالى دامۋى — وسىزاماندانعان كاسىپ سالاسى جۇيەسى قۇرىلىسىنىڭ ماڭىزدى نەگىزى.
باس شۋجي شي جينپيڭ اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداعاندا بىلاي دەپ باسا دارىپتەدى: بايلىق ارتىقشىلىعىن جانە كاسىپ سالاسى نەگىزىن تياناق ەتىپ، شينجياڭنىڭ ەرەكشەلىگىنە ۇيلەسەتىن جوعارى ساپالى دامۋ جولى جونىندە بەلسەنە ىزدەنىس جاساۋ كەرەك. ەرەكشەلىككە، باسىمدىققا يە كاسىپ سالالارىن دامىتۋعا تاباندى بولىپ، باسەكەلىك قۋاتقا يە كاسىپ سالاسى شوعىرىن جەتىلدىرۋ كەرەك.
مەملەكەتتىك ەنەرگيا بايلىعى ستراتەگيالىق قامتاماسىزدىق بازاسىن قۇرۋدى ارقاۋ ەتكەن شينجياڭ جاسىل كەن كاسىبى جانە وڭدەۋ كاسىپ سالاسى شوعىرىن قۇرۋدى جەدەلدەتىپ، مۇناي ـ گاز ٴوندىرۋ، وڭدەۋ كاسىپ سالاسى شوعىرىن دامىتىپ، زورايتىپ، كومىردەن تازا، جوعارى ٴونىمدى پايدالاناتىن كاسىپ سالاسى شوعىرىن زورايتۋدا، كۇشەيتۋدە.
”مول كەن بايلىعى باسىمدىعىن ەكونوميكالىق دامۋ باسىمدىعىنا اينالدىرامىز، سەرىكتەستىك ’14 ـ بەسجىلدىق‘ تيجارات ناتيجەسىندە تاريحي سيپاتتى سەرپىلىس جاساۋدى جۇزەگە اسىرادى، مەجەمەن بيىل تۇتاس جىلدا ٴونىم قۇنى 46 ميلليارد يۋان بولادى“. شينجياڭ ٴتۇستى مەتال ونەركاسىپ (توبى) شەكتى جاۋاپكەرشىلىك سەرىكتەستىگى پارتكومىنىڭ شۋجيى، القا باستىعى جاڭ گوحۋا مىنانى ٴبىلدىردى: ”15 ـ بەسجىلدىقتا“ ٴونىم قۇنىن 100 ميلليارد يۋاننان اسىرىپ، وڭتۇستىك شينجياڭدا جارناسى بازارعا شىعارىلعان سەرىكتەستىك قۇرۋعا قۇلشىنامىز.
شينجياڭداعى كومىر بايلىعىنىڭ مەجەدەگى جالپى مولشەرى بۇكىل ەلدىڭ شامامەن %40ىن يەلەيدى، اتى زاتىنا ساي ”جۇڭگو كومىر قامباسى“. ”نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، كومىر كاسىپ سالاسىنىڭ ٴونىم مولشەرىن ارتتىرۋدى، تىزبەگىن ۇزارتۋدى ىلگەرىلەتىپ، كومىر حيميا ونەركاسىپ نىسانى كاسىپتىك ۇجىمىن ەنگىزىپ، نىساننىڭ الدىڭعى مەرزىمدىك دالەلدەۋى مەن راسمياتتارىن ٴبىتىرۋدى جەدەلدەتىپ، ٴىرى كومىر حيميا ونەركاسىپ نىساندارىنىڭ ەرتەرەك جۇمىس باستاۋىن كۇش سالا جەبەيمىز“، ـ دەدى شينجياڭ ەنەرگيا (توبى) شەكتى جاۋاپكەرشىلىك سەرىكتەستىگى پارتكومىنىڭ ورىنباسار شۋجيى، باس ديرەكتورى حان بو.
كومىردەن تازا، جوعارى ٴونىمدى پايدالاناتىن كاسىپ سالاسى شوعىرىن كۇشەيتۋ، ساپالىلاندىرۋ ٴۇشىن، مەملەكەتتىك ەنەرگيا توبى شينجياڭ ەنەرگيا حيميا ونەركاسىپ شەكتى سەرىكتەستىگى پارتكومىنىڭ شۋجيى، باس جوراسى ياڭ شۋان مىنالاردى ٴبىلدىردى: بەتى اشىق كومىر كەندەرىنىڭ ساپالى، وزىق ٴوندىرىس قۋاتىن جارىققا شىعارۋدى، قۇدىقتى كومىر كەندەرىنىڭ مولشەرىن ازايتۋدى جانە ساپالىلاندىرۋدى ىلگەرىلەتىپ، كومىردىڭ جاڭا ەنەرگيامەن توعىسا دامۋىن، حيميا ونەركاسىبىنىڭ جاڭا ەنەرگيامەن بايلانىسا بىرلەسىپ جۇمىس جۇرگىزۋىن ىلگەرىلەتىپ، جۇندۇڭ مەن قۇمىل كومىر ٴوندىرىس بازاسىن كۇش سالا قۇرىپ، قۇمىل مەملەكەت دارەجەلى وسى زامانعى امبەباپ ەنەرگيا كاسىپ سالاسىنان ۇلگى كورسەتۋ بازاسىن، جۇندۇڭ 2 ميلليارد تەكشەمەترلىك كومىردەن گاز ايىرۋ كاسىپ سالاسىنان ۇلگى كورسەتۋ باقشا رايونىن قۇرامىز.
مۇناي ـ تابيعي گاز ٴوندىرۋ، وڭدەۋ كاسىپ سالاسى شوعىرىن دامىتىپ زورايتتى، جۇڭگو مۇناي ٴۇرىمجى مۇناي حيميا بولىمشە سەرىكتەستىگى بيىل ەكى ارەن كومىر ـ سۋتەگى كاسىپ سالاسى تىزبەگى ٴتۇيىندى نىسانىن قۇرۋدى باستادى. نىسان سالىنىپ بولعاننان كەيىن ”ٴبىر تامشى مايدىڭ“، ”ٴبىر كۋب گازدىڭ“ ” ٴبىر تال تالشىققا“، ” ٴبىر پارشا كەزدەمەگە“ دەيىنگى اسەم بۇرىلىس جاساۋىن جۇزەگە اسىرۋعا بولادى. ”ارەن كومىر ـ سۋتەگى كاسىپ سالاسى تىزبەگىندەگى نەگىزگى كاسىپورىنداردىڭ رولىن ونان ارى ساۋلەلەندىرىپ، كاسىپ سالاسى تىزبەگىندە تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى جەدەل ىلگەرىلەتتىك، ٴۇرىمجى مۇناي حيميا شەكتى جارنا سەرىكتەستىگىنىڭ نىسانداردى تۇيىندەر بويىنشا سىناق ەتىپ وندىرىسكە قوسۋىنا شىنايى كەپىلدىك ەتىپ، شينجياڭنىڭ ’مۇناي ايىرۋ — ارەن — حيميالىق تالشىق — توقىماشىلىق، كيىم ـ كەشەك‘ كاسىپ سالاسى تىزبەگىن اشۋىنا دەم بەرۋگە سەنىمى بار، بەكىمى بار“، ـ دەدى ٴۇرىمجى مۇناي حيميا سەرىكتەستىگىنىڭ باس ديرەكتورى ۋاڭ يۇڭ.
جاڭادان گۇلدەنگەن كاسىپ سالالارىن جوسپارلاۋ جانە جەتىلدىرۋ
ستراتەگيالىق جاڭادان گۇلدەنگەن كاسىپ سالالارى جاڭا ٴبىر رەتكى عىلىم ـ تەحنولوگيا توڭكەرىسى مەن كاسىپ سالاسى وزگەرىسىنىڭ بەتالىسىنا ۋاكىلدىك ەتەدى، ول وزىندىك دامۋ مەن حالىقارالىق باسەكەنىڭ شەشۋشى سالاسى.
پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ماجىلىسىندە ”جاڭادان گۇلدەنگەن كاسىپ سالالارى مەن بولاشاق كاسىپ سالالارىن جەتىلدىرۋ جانە زورايتۋ“ ورتاعا قويىلدى. قارامايلى قالاسى جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، بۇكىل شينجياڭ بويىنشا سۋتەگى ەنەرگياسى كاسىپ سالاسىن الدىمەن ورنالاستىرىپ، ”جەلدەن، كۇن نۇرىنان پايدالانىپ سۋتەگىن جاساۋ، مۇناي حيميا ونەركاسىبىندە سۋتەگىنەن پايدالانۋ، سۋتەگى ەلەكترى ارقىلى ەنەرگيامەن قامداۋ“ كاسىپ سالاسى تىزبەگىن ورنالاستىرۋدى جاپپاي باستاپ، شينجياڭ مۇناي الابىنىڭ فوتوۆولت ارقىلى سۋتەگىن ٴوندىرۋ، جاسىل اۆياتسيا كومىرى سياقتى ٴتۇيىندى نىساندارى جەدەل ىلگەرىلەتىلىپ، جۇڭگو مۇنايىنىڭ شينجياڭداعى تۇڭعىش سۋتەگى قۇيۋ پۋنكتىن قۇرىپ، سولتۇستىك شينجياڭدا تۇڭعىش سۋتەگى ەنەرگيالى الەۋمەتتىك قاتىناستا ۇلگى كورسەتۋ جەلىسىن اشتى.
ەسەپتەۋ قۋاتى — جاسىل ەلەكتردى قابىلداۋدىڭ ماڭىزدى جولى، شينجياڭ ەسەپتەۋ قۋاتى مەن ەلەكتر قۋاتى بويىنشا سايكەستىرۋدى تۇيىندە سىناق ەتەتىن ولكە قاتارىنا ەنگىزىلدى. ەسەپتەۋ قۋاتى مەن ەلەكتر قۋاتىنىڭ سايكەستى دامۋىن ىلگەرىلەتۋدە قارامايلى قالاسى 6 ۇلكەن ساندى مالىمەت ورتالىعىن قۇردى، ەسەپتەۋ قۋاتى كولەمى 20 مىڭ Pدان اسىپ، بۇكىل شينجياڭ بويىنشا ٴبىرىنشى ورىندى يەلەدى. قارامايلى قالالىق ۇكىمەتتىڭ ورىنباسار باس حاتشىسى، قالالىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى ۋاڭ شياۋلين مىنالاردى ٴبىلدىردى: كەلەسى قادامدا عىلىم ـ تەحنولوگيادا جاڭالىق اشۋدى ۇزدىكسىز جەتەكشى ەتىپ، جاڭادان گۇلدەنگەن كاسىپ سالالارىن زورايتىپ، بولاشاق كاسىپ سالالارىن بەلسەنە ورنالاستىرىپ، كاسىپ سالاسى قۇرىلىمىنىڭ تيپ جاڭالاۋىن جەدەلدەتىپ، جوعارى ساپالى دامۋعا اناعۇرلىم بەرىك قامتاماسىزدىق ازىرلەيمىز.
كومىر قاباتى گازى ٴبىر ٴتۇرلى تازا ەنەرگيا قاينارى رەتىندە، بۇكىل جەر شارى ەنەرگيا قۇرىلىمىنىڭ تيپ جاڭالاۋ جاعدايىندا ەنەرگيا سالاسىنداعى وزگەرىستى ىلگەرىلەتەتىن ماڭىزدى كۇشكە اينالدى. شينجياڭدا كومىر قاباتى گازى بايلىعى مول، 2000 مەترلىك تاياز قاباتتاعى بايلىق مولشەرى بۇكىل ەل جالپى مولشەرىنىڭ %26ىن يەلەيدى. كومىر قاباتى گازىن اشۋدى، پايدالانۋدى ىلگەرىلەتۋ ٴۇشىن 2023 ـ جىلى شينجياڭ ياشين كومىر قاباتى گازىنا قارجى قوسىپ اشۋ (توبى) شەكتى جاۋاپكەرشىلىك سەرىكتەستىگى ماڭدايشالىق اسىپ قۇرىلدى، قازىرگە دەيىن جيىنى ٴبىر ميلليارد 300 ميلليون تەكشەمەتر ٴوندىرىس قۋاتى سالىنىپ بولدى، فۋكاڭ بولىكشەسىنىڭ 6 ميلليارد 100 ميلليون تەكشەمەترلىك انىقتالعان قورى جاراتىلىستىق بايلىق مينيسترلىگى جاعىنان باعالاۋدان ەستەلىككە الۋدان ٴوتىپ، شينجياڭ كومىر قاباتى گازىنىڭ ساقتالۋ مولشەرىنىڭ ەستەلىككە الۋدان نولدىك قامال بۇزدى، شينجياڭنىڭ گەولوگيالىق ەرەكشەلىگىنە ۇيلەسەتىن كومىر قاباتى گازىن بارلاۋ، اشۋ تەحنولوگياسى جۇيەسى العاشقى ادىمدا ورنادى.
ياشين كومىر قاباتى گازى توبى پارتكومىنىڭ شۋجيى، باس جوراسى سۇي يۇيمياۋ مىنالاردى ٴبىلدىردى: نازاردى اۆتونوميالى رايون توپقا جۇكتەگەن جاۋاپكەرشىلىك پەن بورىشقا شوعىرلاندىرىپ، زاپاس قوردى مولايتىپ، ٴونىمىن ارتتىرۋدى ماڭىزدى مىندەت ەتىپ، كومىر قاباتى گازى سياقتى داعدىلى ەمەس مۇناي ـ گاز بايلىعىن بارلاۋدى، اشۋدى، پايدالانۋدى جەدەلدەتىپ، شينجياڭنىڭ مەملەكەتتىك ەنەرگيا بايلىعى ستراتەگيالىق قامتاماسىزدىق بازاسىن قۇرۋىنا ۇلەس قوسامىز.
بايلىق ارتىقشىلىعىن تياناق ەتىپ، دامۋ ورايىن مىقتى يگەردى. شينجياڭ ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن ورناتۋدى ”قوزعالتقىش“ ەتىپ، بايلىق باسىمدىعىن دامۋدىڭ ۇتىمدى جاعدايىنا اينالدىرىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە، ٴوڭىردىڭ جوعارى ساپالى دامۋىن ىلگەرىلەتۋگە قۋاتتى قوزعاۋشى كۇش ۇستەۋدە.
