اۆتونوميالى رايوندىق ۇكىمەت ۇنەمىلىك ىستەر ٴماجىلىسىن اشتى
«اۆتونوميالى رايوننىڭ تۇقىم شارۋاشىلىعىن گۇلدەندىرۋ ارەكەتىن جەدەل ىلگەرىلەتۋدى اتقارۋ جوباسى (2025 — 2027 ـ جىل)» سياقتىلاردى اقىلداستى
انار بۇلت \ شينجياڭ گازەتىنىڭ ٴتىلشىسى جاڭ يانفاڭ 11 ـ ايدىڭ 15 ـ كۇنى ۇرىمجىدەن حابارلايدى. 11 ـ ايدىڭ 14 ـ كۇنى تۇستەن كەيىن اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشىپ، باس شۋجي شي جينپيڭنىڭ تاياۋداعى ماڭىزدى ٴسوزىنىڭ رۋحىن جەتكىزدى، ۇيرەندى، اۆتونوميالى رايوندىق پارتكومنىڭ ورنالاستىرۋى بويىنشا «اۆتونوميالى رايوننىڭ تۇقىم شارۋاشىلىعىن گۇلدەندىرۋ ارەكەتىن جەدەل ىلگەرىلەتۋدى اتقارۋ جوباسى (2025 — 2027 ـ جىل)»، «شينجياڭ ۇيعۇر اۆتونوميالى رايونىنىڭ عىلىم ـ تەحنولوگيا جەتىستىكتەرىن كادەگە جاراتۋ ”ٴۇش ٴتۇرلى رەفورماسىن“ اتقارۋ جوباسى»، جاڭادان جۇمىستانعان قاۋىمعا قىزمەت وتەۋ جانە ولاردى باسقارۋ سياقتىلاردى اقىلداستى.
ٴماجىلىس مىنالاردى اتاپ كورسەتتى: اۋىل شارۋاشىلىعىن وسىزامانداندىرۋدا تۇقىم — نەگىز. رايونىمىزدىڭ تۇقىم شارۋاشىلىعىن گۇلدەندىرۋدىڭ ٴتۇرلى قىزمەتتەرىن جەدەل ىلگەرىلەتىپ، تۇقىم ٴوندىرۋدى، تۇقىممەن قامداۋدى قامتاماسىز ەتۋ قابىلەتىن جوعارىلاتىپ، تۇقىمدىق زات بايلىعىن جيناۋدى، قورعاۋدى جانە ساراپتاۋدى، پايدالانۋدى كۇشەيتىپ، تۇقىم شارۋاشىلىعى بازاسىن وسىزامانداندىرۋ قۇرىلىسىن جەدەل ىلگەرىلەتۋ كەرەك. عىلىم ـ تەحنولوگيانىڭ تىرەكتىك قۋاتىن جوعارىلاتىپ، ساپالى تۇقىم جەتىلدىرۋ وزەكتى تەحنولوگياسىنان قامال الۋدى ۇزدىكسىز ىلگەرىلەتىپ، كەلەلى سورتتاردى زەرتتەپ اشۋدى، جالپىلاستىرۋدى، قولدانۋدى جەدەلدەتىپ، وسىزاماندانعان جاڭالىق اشۋ سيپاتتى تۇقىم شارۋاشىلىعى كاسىپورىندارىن جەتىلدىرۋ كەرەك. سورتتاردى تۇتاس تىزبەكتى باسقارۋدى كۇشەيتىپ، سورتتاردى سىناق رەتىندە تەكسەرىپ بەلگىلەۋ وتكەلىن قاتاڭ يگەرىپ، سورتتاردى قاداعالاي باعالاۋدى كۇشەيتىپ، جالعان، ۇقىققا قول سۇعۋ ارەكەتىنە قاتاڭ سوققى بەرۋ كەرەك. تاراۋلاردىڭ سايكەسۋىن كۇشەيتىپ، تۇقىم شارۋاشىلىعىن گۇلدەندىرۋ ارەكەتىن ىلگەرىلەتۋگە بىرىككەن كۇش ۇيىستىرىپ، ماڭىزدى تۇقىم بايلىعىنىڭ دەربەس مەڭگەرىلۋىن، سونداي ـ اق ساپالى سورتتاردىڭ دارەجەسىن جوعارىلاتۋدى، جاڭالاۋدى قۇلشىنا جۇزەگە اسىرىپ، رايونىمىزدىڭ استىق سياقتى ماڭىزدى اۋىل شارۋاشىلىق ونىمدەرىمەن قامداۋ قابىلەتىن ۇزدىكسىز كۇشەيتۋ كەرەك.
ٴماجىلىس مىنالاردى باسا دارىپتەدى: عىلىم ـ تەحنولوگيا جەتىستىكتەرىن وندىرگىش كۇشكە اينالدىرۋ — جاڭالىق اشۋ ارقىلى دامۋعا دەم بەرۋ ستراتەگياسىنىڭ ماڭىزدى مىندەتى. تۇزىلىستىك ـ مەحانيزمدىك كەدەرگىلەردى تالقانداۋ جونىندە ىزدەنىس جاساپ، مىندەت كولەمىندەگى عىلىم ـ تەحنيكا جەتىستىكتەرى قارجى ـ مۇلكىن بولەك باسقارۋ، تەحنولوگيا اۋىستىرعان دارىندىلاردى باعالاۋ جانە كاسىپتىك اتاعىن باعالاۋ، ەندىك عىلمي زەرتتەۋ نىساندارىنداعى ىركىندى قاراجاتىنان عىلىم ـ تەحنولوگيا جەتىستىكتەرىن كادەگە جاراتۋعا قارجى شىعارۋ سىندى ”ٴۇش ٴتۇرلى رەفورمانى“ تەرەڭدەتۋ كەرەك. جوعارى دەڭگەيلى جوبا جانە جۇيەلى جوسپارلاۋدى كۇشەيتىپ، كاسىپ سالاسى تىزبەگى بويىنشا جاڭالىق اشۋ تىزبەگىن ورنالاستىرۋدى ارقاۋ ەتىپ، نازاردى شينجياڭنىڭ ەرەكشەلىككە، باسىمدىققا يە كاسىپ سالالارىنا شوعىرلاندىرىپ، ستراتەگيالىق سيپاتتى، جالپى جاعدايلىق سيپاتتى ٴبىر توپ كەلەلى عىلىم ـ تەحنولوگيالىق ارناۋلى ٴتۇر جانە ٴتۇيىندى زەرتتەۋ ـ اشۋ مىندەتتەرىن اتقارىپ، عىلىم ـ تەحنولوگيادا جاڭالىق اشۋدى جانە عىلىم ـ تەحنولوگيا جەتىستىكتەرىن كادەگە جاراتۋدى جەدەلدەتىپ، ٴوندىرىستىڭ، وقىتۋدىڭ، زەرتتەۋدىڭ، قولدانۋدىڭ ىشكەرىلەي توعىسۋىن جەبەۋ كەرەك. زەرتتەۋ، اشۋ، جاڭالىق اشۋ تۇعىرىن، كاسىپ سالاسىندا جاڭالىق اشۋ تۇعىرىن، كاسىپتىك قىزمەت وتەۋ تۇعىرىن ساپالىلاندىرىپ، دارەجەسىن جوعارىلاتىپ، دارىندى، تەحنولوگيا، كاپيتال سىندى ”ٴۇش ۇلكەن بازاردان“ ويداعىداي پايدالانۋ كەرەك.
ٴماجىلىس مىنالاردى اتاپ كورسەتتى: جاڭادان جۇمىستانعان قاۋىم قىزمەتىن ويداعىداي ىستەۋ قوعامدىق كەلەلى جاعدايدىڭ ورنىقتىلىعىن قورعاۋ، جۇڭحۋا ۇلتى ورتاق تۇلعا تانىمىن بەكەمدەۋ، حالىق تۇرمىسىن قامتاماسىز ەتۋ جانە جاقسارتۋ سياقتىلار جونىنەن ماڭىزدى ٴمان الادى. باسقارۋدى قىزمەت وتەۋگە ٴسىڭىرىپ، جاڭادان جۇمىستانعان قاۋىمدى شەبەرلىككە باۋلۋ، مەملەكەتتە ٴبىر تۇتاس قولدانىلاتىن ٴتىل ـ جازۋ تاربيەسى سياقتىلاردى كۇشەيتىپ، ەڭبەك قامتاماسىزداندىرۋىن كۇشەيتىپ، زاڭدى ۇقىق ـ مۇددەنى قورعاپ، جاڭادان جۇمىستانعان قاۋىمنىڭ وسى زامانعى قالا تۇرمىسىمەن اناعۇرلىم ويداعىداي توعىسۋىنا كومەكتەسىپ، ٴار ۇلتتى كەڭىستىك، مادەنيەت، ەكونوميكا، قوعام، پسيحيكا سياقتى جاقتاردا جان ـ جاقتى كىرىگۋگە جەتەكتەۋ كەرەك.
ٴماجىلىس باسقا دا ىستەردى اقىلداستى.
