انار بۇلت \ شينجياڭ گازەتىنىڭ ٴتىلشىسى لۋ فىڭباۋ 11 ـ ايدىڭ 15 ـ كۇنى كورلادان حابارلايدى. اۆتونوميالى رايون اشقان ”تورتتە جاقسى قىستاق تاس جولى“ جانە قاتىناستا قۋاتتى ەل قۇرىلىسى جۇمىس باسى ماجىلىسىنەن ۇعىسۋىمىزشا، ”14 ـ بەسجىلدىقتىڭ“ الدىڭعى 4 جىلىندا بۇكىل رايون بويىنشا 32 مىڭ كيلومەتر قىستاق تاس جولى جاڭادان سالىنعان، وزگەرتىپ سالىنعان.
قىستاق تاس جولى — قامتۋ كولەمى ەڭ كەڭ، قىزمەت وتەيتىن جان سانى ەڭ كوپ، الەۋمەتتىك يگىلىك سيپاتى ەڭ كۇشتى قاتىناس نەگىزدىك قۇرىلعىسى، قىستاق تاس جولىن ”ويداعىداي سالۋ، ويداعىداي باسقارۋ، ويداعىداي قورعاۋ، ويداعىداي ىسكە قوسۋ“ بۇقارا ەڭ كوڭىل بولەتىن، ەڭ تىكە، ەڭ رەال مۇددەسىنە سايادى.
اۆتونوميالى رايوندىق قاتىناس ـ تاسىمال مەڭگەرمەسىنىڭ ورىنباسار باستىعى گۋ جىفىڭ بىلاي دەپ تانىستىردى: ”14 ـ بەسجىلدىقتان“ بەرى، شينجياڭنىڭ ”تورتتە جاقسى قىستاق جولىنىڭ“ جوعارى ساپالى دامۋى تىڭعىلىقتى ىلگەرىلەپ، قىستاق تاس جول تورى ۇزدىكسىز ساپالىلانىپ، كەمەلدەندى. الدىڭعى 4 جىلدا بۇكىل رايوندا 32 مىڭ كيلومەتر قىستاق تاس جولى جاڭادان سالىنىپ، وزگەرتىپ سالىنىپ، جالپى ۇزىندىعى 159 مىڭ 700 كيلومەترگە جەتتى، اۋىل ـ قالاشىققا 3 ـ دارەجەلى جانە ودان جوعارى تاس جولدىڭ تۇتاسۋ سالىستىرماسى %90.8كە جەتتى، ٴبىرشاما ۇلكەن جان سانى كولەمىندەگى تابيعي قىستاقتارعا (گرۋپپالارعا) تۇتاسقان قاتتىلانعان تاس جول سالىستىرماسى %92كە جەتىپ، ”14 ـ بەسجىلدىق“ جوباداعى نىسانا ـ مىندەتتەر الدىن الا ورىندالدى.
قىستاق تاس جول تورىنىڭ تىرەك بولۋىندا قالا مەن اۋىلدىڭ زات اينالىمى اناعۇرلىم ىركىلىسسىزدەنىپ، بۇكىل شينجياڭدا ”جۇڭگو پوچتا بەكەتى + اۋىل ـ قالاشىق تاسىمالىنا قىزمەت وتەۋدەن“ 204ى ماڭدايشالىق اسىپ قۇرىلىپ، قاتىناس ـ پوچتا، قاتىناس ـ تەز جەتكىزۋ سەلبەستىگى بويىنشا وكىلەتتى تاسىمال جەلىسىنەن 173ى اشىلدى.
جول ارالىعى ۇزدىكسىز ارتتىرىلۋدان سىرت، قىستاق تاس جولىنىڭ حاۋىپسىزدىگىن قامتاماسىز ەتۋ جاپپاي جوعارىلادى. ”14 ـ بەسجىلدىقتان“ بەرى، بۇكىل شينجياڭدا 24 مىڭ كيلومەتر قىستاق تاس جولىن اسىراۋ ينجەنەرياسى اتقارىلىپ، تاڭداۋلى، جاقسى، ورتاشا دارەجەلى جول سالىستىرماسى %95كە جەتتى، 25 مىڭ كيلومەتر قىستاق تاس جولىندا حاۋىپسىزدىكتى، ٴومىردى قورعاۋ ينجەنەرياسى اتقارىلىپ، 652 قاتەرلى كوپىر وزگەرتىپ سالىندى.
”سوڭعى مەزگىلدە جاڭا كەزەكتى قىستاق تاس جولىنىڭ دەڭگەيىن جوعارىلاتۋدىڭ 8 ٴىرى ارەكەتى ويداعىداي اتقارىلىپ، 2030 ـ جىلعا بارعاندا شارت ـ جاعداي ازىرلەگەن اۋىل ـ قالاشىقتارعا 3 ـ دارەجەلى تاس جول تۇتاسۋ، 10 وتباسىنان جوعارى جان سانى بار كولەمدەنگەن تابيعي قىستاقتارعا (گرۋپپالارعا) تۇتاساتىن قاتتىلانعان جول سالىستىرماسى تۇگەلدەي %100كە جەتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا اناعۇرلىم كوپ قاتىناس ـ تاسىمال جاعىنان قولداۋ كورسەتىلەدى“، ـ دەدى گۋ جىفىڭ.
