شينحۋا اگەنتتىگىنىڭ 11 ـ ايدىڭ 16 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحى جانە حۇجات زەرتتەۋ مەكەمەسى رەداكسيالاعان «شي جينپيڭنىڭ زاڭمەن باسقارۋعا قاتىستى شىعارمالارىنان تاڭدامالىلاردىڭ» 1 ـ تومى جاقىندا ورتالىق حۇجات باسپاسىنان باسپادان شىعىپ، بۇكىل ەلدە تاراتىلدى.
پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەتتىڭ باياندى تىنىشتىعىنا ساياتىن ستراتەگيالىق بيىك تۇرعىدان زاڭمەن باسقارۋدىڭ ورنىن تۇراقتاندىرىپ، زاڭمەن باسقارۋدى ورنالاستىرىپ، زاڭمەن باسقارۋدى قاتاڭ اتقارىپ، مەملەكەتتى جاپپاي زاڭمەن باسقارۋدى ايقىن ورتاعا قويدى ٴارى ونى ”ٴتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزىپ، پارمەندى ىلگەرىلەتىپ، ەلىمىزدىڭ سوتسياليستىك زاڭمەن باسقارۋ قۇرىلىسىندا تاريحي سيپاتتى وزگەرىس تۋىلۋىن، تاريحي سيپاتتى تابىستارعا قول جەتكىزۋدى ىلگەرىلەتىپ، جۇڭگوشا سوتسياليستىك زاڭمەن باسقارۋ نازارياسى مەن امالياتىندا تىڭ سەرپىلىسكە قول جەتكىزۋدى ىلگەرىلەتىپ، شي جينپيڭ زاڭمەن باسقارۋ يدەياسىن قالىپتاستىردى. شي جينپيڭ زاڭمەن باسقارۋ يدەياسى — شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، پارتيانىڭ زاڭمەن باسقارۋ قۇرىلىسىنا باسشىلىق ەتۋىنىڭ باي امالياتى مەن قىمباتتى تاجىريبەلەرىنىڭ عىلمي قورىتىندىسى، ول پارتيامىزدىڭ سوتسياليستىك زاڭمەن باسقارۋ قۇرىلىسى مەن ادامزاتتىڭ زاڭمەن باسقارۋ وركەنيەتىنىڭ دامۋ زاڭدىلىعى جونىندەگى تانىمىنىڭ جاڭا تاريحي دەڭگەيگە كوتەرىلگەندىگىنىڭ بەلگىسى، ماركسيزمدىك زاڭمەن باسقارۋ نازارياسىن دامىتۋعا كەلەلى ٴتول جاسامپازدىق سيپاتتى، شوعىرلاۋ سيپاتتى ۇلەس قوسىپ، جاڭا داۋىردە مەملەكەتتى جاپپاي زاڭمەن باسقارۋدى ىلگەرىلەتۋگە، زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋعا ٴتۇبىرلى بويسۇنۋ ولشەمىن جانە ارەكەت باعدارلاماسىن ازىرلەدى.
«شي جينپيڭنىڭ زاڭمەن باسقارۋعا قاتىستى شىعارمالارىنان تاڭدامالىلاردىڭ» 1 ـ تومىنا شي جينپيڭ جولداستىڭ 2012 ـ جىلى 12 ـ ايدان 2025 ـ جىلى 2 ـ ايعا دەيىنگى مەزگىلدەگى زاڭمەن باسقارۋ قۇرىلىسى جونىندەگى ەڭ ماڭىزدى، ەڭ نەگىزگى شىعارمالارى ەنگىزىلىپ، ۋاقىت ٴتارتىبى بويىنشا ورنالاستىرىلعان، بايانداما، ٴسوز، لەكسيا، نۇسقاۋ، بەكىتۋ سياقتىلاردان جيىنى 69 شىعارما بار. ٴبىر ٴبولىم شىعارمالار تۇڭعىش رەت اشىق جاريالاندى.
«شي جينپيڭنىڭ زاڭمەن باسقارۋعا قاتىستى شىعارمالارىنان تاڭدامالىلاردىڭ» 1 ـ تومىنىڭ باسپادان شىعىپ تاراتىلۋى بۇكىل پارتيانىڭ، بۇكىل ەلدەگى ٴار ۇلت حالقىنىڭ شي جينپيڭ جاڭا ٴداۋىر جۇڭگوشا سوتسياليزم يدەياسىن، اسىرەسە، شي جينپيڭ زاڭمەن باسقارۋ يدەياسىن ىشكەرىلەي ۇيرەنۋىنە، دايەكتىلەندىرۋىنە قۇزىرلى وقۋلىق ازىرلەدى، ول قالىڭ كادرلار مەن بۇقارانىڭ ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەتتىڭ ٴار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، جۇڭگوشا سوتسياليستىك زاڭمەن باسقارۋ جولىنا بۇلجىماي تاباندى بولىپ، جۇڭگوشا سوتسياليستىك زاڭمەن باسقارۋ جۇيەسىن ورناتىپ، سوتسياليستىك زاڭمەن باسقارىلاتىن مەملەكەت قۇرىپ، جاڭا داۋىردە مەملەكەتتى جاپپاي زاڭمەن باسقارۋدىڭ جاڭا جاعدايىن ۇزدىكسىز اشىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ ٴۇشىن پارمەندى زاڭمەن باسقارۋ قامتاماسىزدىعىن ازىرلەۋدە ماڭىزدى مانگە يە.
