— اۆتونوميالى رايوندىق 10 ـ كەزەكتى پارتكوم ون بەسىنشى جالپى ٴماجىلىسى رۋحىن دايەكتىلەندىرۋ، تياناقتاندىرۋ جونىندە
گازەتىمىزدىڭ شولۋشىسى
اۆتونوميالى رايوندىق 10 ـ كەزەكتى پارتكومنىڭ ون بەسىنشى جالپى ٴماجىلىسى ”پارتيانىڭ باسشىلىعى مەن پارتيا قۇرىلىسىن كۇشەيتۋ — شينجياڭ قىزمەتىن ويداعىداي ىستەۋدىڭ ٴتۇبىرلى كەپىلى“ دەپ باسا دارىپتەدى ٴارى پارتيانىڭ باسشىلىعى مەن پارتيا قۇرىلىسىن قالاي كۇشەيتۋ جونىندە ايقىن تالاپتار قويدى. ”15 ـ بەسجىلدىق“ مەزگىلىندەگى شينجياڭنىڭ ەكونوميكالىق، قوعامدىق دامۋىن ىلگەرىلەتۋدى جوسپارلاۋدا، ٴسوز جوق، پارتيانىڭ باسشىلىعى سىندى وسى ەڭ ۇلكەن ابزالدىلىققا ويداعىداي تاباندى بولىپ، ودان ويداعىداي پايدالانىپ، ونى ويداعىداي دامىتىپ، بارلىق بەلسەندى فاكتورلاردى تولىق جۇمىلدىرىپ، ىنتىماقتاسۋعا بولاتىن بارلىق كۇشتەرمەن كەڭ كولەمدە ىنتىماقتاسىپ، زەيىن ـ زەردەنى، كۇش ـ قۋاتتى ۇيىستىرىپ، سوتسياليستىك وسىزاماندانعان شينجياڭ قۇرۋ كەرەك.
ايبىندى تاۋلاردىڭ، ٴسوز جوق، شوقتىقتى شىڭى بولادى. شينجياڭ قىزمەتىن جاقسى ىستەۋدىڭ تەتىگى پارتيادا. ”14 ـ بەسجىلدىق“ مەزگىلىندە شينجياڭنىڭ قوعامدىق كەلەلى جاعدايى ۇزدىكسىز ورنىقتى بولدى، جۇڭحۋا ۇلتى ورتاق تۇلعا قۇرىلىسى جەدەل ىلگەرىلەدى، ەكونوميكالىق، قوعامدىق دامۋ مەن حالىق تۇرمىسىن جاقسارتۋدا كورنەكتى ىلگەرىلەۋشىلىككە قول جەتتى، رەفورما جاساۋ، ەسىك اشۋ ۇزدىكسىز تەرەڭدەدى، ەكولوگيالىق ورتا ۇزدىكسىز جاقساردى، بيڭتۋان مەن جەرگىلىكتى ورىننىڭ توعىسا دامۋى پارمەندى ىلگەرىلەدى، پارتيا قۇرىلىسى جاپپاي كۇشەيدى، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا نىق قادام تاستالدى. بۇل ناتيجەلەرگە وڭاي ـ وسپاق قول جەتكەن جوق، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ناتيجەسى، پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، اۆتونوميالى رايوندىق پارتكومنىڭ ٴار ۇلت كادر ـ بۇقاراسىن ىنتىماقتاستىرىپ، باستاپ، ىنتىماقتاسا كۇرەس جۇرگىزۋىنىڭ ناتيجەسى.
بولاشاققا كوز جىبەرسەك، سوتسياليستىك وسىزامانداندىرۋدى نەگىزىنەن جۇزەگە اسىرۋ بارىسىندا ”15 ـ بەسجىلدىق“ مەزگىلى الدىڭعىعا مۇراگەر، كەيىنگىگە بۇيداگەر بولاتىن ماڭىزدى ورىنعا يە، ايقىنسىز، بولجاۋ قيىن فاكتورلار كوبەيگەن حالىقارالىق جاعدايعا، جالتارۋعا، اينالىپ وتۋگە بولمايتىن تەرەڭ قاتپارلى قايشىلىقتارعا ٴدوپ كەلەمىز. جاعداي نەعۇرلىم كۇردەلى، قۇبىلمالى، مىندەت نەعۇرلىم جاپالى دا اۋىر بولعان سايىن، پارتيانىڭ جالپى بەتتىك باسشىلىعى مەن پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا سولعۇرلىم تاباندى بولىپ، ەكونوميكالىق، قوعامدىق دامۋدىڭ ٴارقايسى جاعىندا، جالپى بارىسىندا پارتيانىڭ باسشىلىعىن تياناقتاندىرىپ جانە ايگىلەپ، پارتيانىڭ پارمەندى باسشىلىعىندا قيىن وتكەلدەردەن ٴوتىپ، حاۋىپ ـ قاتەرلەردى جەڭىپ، سىن ـ سايىستارعا قارسى اتتانۋ كەرەك.
وسى رەتكى جالپى ٴماجىلىس شينجياڭ ٴدوپ كەلگەن جاعدايعا، مىندەتكە ىشكەرىلەي تالداۋ جاساپ، پارتيانىڭ جالپى بەتتىك باسشىلىعىنا تاباندى بولۋدى ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدا، ٴسوز جوق، بويسۇنۋعا ٴتيىستى ماڭىزدى پرينسيپتەردىڭ ماڭداي الدى ورنىنا قويدى. وسى تالاپتى تەرەڭ ٴتۇسىنىپ جانە دايەكتىلەندىرىپ، پارتيانىڭ باسشىلىعىن ەكونوميكالىق، قوعامدىق دامۋدىڭ بارلىق جاعىنا، جالپى بارىسىنا شىنايى ساباقتاستىرىپ، بۇكىل قوعامنىڭ سوتسياليستىك وسىزاماندانعان شينجياڭ قۇرۋعا ات سالىسۋداعى بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرۋدىڭ ٴبىر جاعادان باس، ٴبىر جەڭنەن قول شىعاراتىن، ٴورىس اشا العا ىلگەرىلەيتىن جالىندى جاعداي قالىپتاستىرا الاتىندىعى ٴشۇباسىز.
پارتيانى باسقارۋ، پارتيانى جونگە سالۋ نەعۇرلىم ٴونىمدى بولعان سايىن، ەكونوميكالىق، قوعامدىق دامۋدى قامتاماسىز ەتۋ سولعۇرلىم پارمەندى بولادى. جالپى ٴماجىلىس رۋحىن ۇيرەنىپ، دايەكتىلەندىرىپ، پارتيانىڭ باسشىلىعى مەن پارتيا قۇرىلىسىن كۇشەيتىپ، سوتسياليستىك وسىزاماندانعان شينجياڭ قۇرۋعا ٴتۇبىرلى كەپىل ازىرلەۋدە پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن باتىل قورعاپ، پارتيانىڭ ساياسي قۇرىلىسىن ٴبىر تۇتاس باسشىلىققا الا وتىرىپ، پارتيانىڭ ٴار جاقتاعى قۇرىلىسىن ىلگەرىلەتىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانىڭ ەكونوميكالىق، قوعامدىق دامۋعا باسشىلىق ەتۋ قابىلەتىن جانە ورەسىن ۇزدىكسىز جوعارىلاتىپ، دۇرىس ناتيجە كوزقاراسىن بەرىك ورناتىپ، شىنايى يگەرىپ ناقتى ىستەۋ قىزمەت ستيلىن كۇشەيتىپ، قالىڭ كادرلار مەن بۇقارانى جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋ جولىندا قۇلشىنا كۇرەس جۇرگىزۋگە ىنتىماقتاستىرۋ، باستاۋ كەرەك.
جورىق دابىلى قاعىلدى، ۋاقىت كۇتىپ تۇرمايدى؛ قايراتتانا جەلكەن جايىپ ىلگەرىلەۋدىڭ ٴدال ٴساتى جەتتى. جاڭا جورىقتا ٴبىز باستان ـ اياق بارلىق ٴىستى پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ سىندى وسى نەگىزدە ورناتىپ، باستان ـ اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاپ، سوتسياليستىك وسىزاماندانعان شينجياڭ قۇرۋعا قۇلشىنىپ، بۇكىل ەلمەن بىرگە سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋىمىز كەرەك.
