گازەتىمىزدىڭ شولۋشىسى
پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن جاپپاي ۇيرەنىپ، دايەكتىلەندىرىپ جاتقان ساتتە، 11 ـ ايدىڭ 17 ـ كۇنى اۆتونوميالى رايوننىڭ حالىقتىق شارۋاشىلىقتىڭ جوعارى ساپالى دامۋىن جەبەۋ قىزمەتى ٴماجىلىسى اشىلدى. ٴماجىلىس باس شۋجي شي جينپيڭنىڭ حالىقتىق شارۋاشىلىقتىڭ دامۋى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق 10 ـ كەزەكتى پارتكوم ون بەسىنشى جالپى ٴماجىلىسىنىڭ ورنالاستىرۋلارى مەن تالاپتارى بويىنشا حالىقتىق شارۋاشىلىقتىڭ جوعارى ساپالى دامۋىن جەبەۋ قىزمەتى جونىندە ورنالاستىرۋ جاسادى، بۇل يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، حالىقتىق شارۋاشىلىقتىڭ باياندى، اقاۋسىز، جوعارى ساپالى دامۋىن جەبەۋدە ماڭىزدى مانگە يە.
حالىقتىق شارۋاشىلىق — جۇڭگو ۇلگىسىندەگى وسىزامانداندىرۋدى ىلگەرىلەتۋدەگى جالىندى كۇش، جوعارى ساپالى دامۋدىڭ ماڭىزدى نەگىزى. پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتىق شارۋاشىلىقتىڭ دامۋىنا ايرىقشا ٴمان بەرىپ، ”ەكىدەن تيتتەي دە اۋىتقىماۋعا“ تاباندى بولىپ، ”ٴۇش وزگەرگەن جوق“ ماڭىزدى تۇجىرىمى مەن ”ەكى اقاۋسىزدىقتى“ جەبەۋ مىندەت، تالابىن ورتاعا قويىپ، حالىقتىق شارۋاشىلىقتى جەبەۋ زاڭىن شىعارىپ، ەلىمىزدىڭ حالىقتىق شارۋاشىلىعىنىڭ كولەمى مەن قۋاتىنىڭ زور دارەجەدە جوعارىلاۋىنا جەتەكشىلىك ەتتى، ىلگەرىلەتتى. باس شۋجي شي جينپيڭ جاڭا داۋىردە حالىقتىق شارۋاشىلىقتىڭ دامۋىن جەبەۋدى ارقاۋ ەتە وتىرىپ ٴبىر قىدىرۋ ماڭىزدى بايىمداۋلار جاساپ، ٴبىر قىدىرۋ جاڭا يدەيا، جاڭا كوزقاراس، جاڭا تۇجىرىمداردى العا قويىپ، حالىقتىق شارۋاشىلىقتىڭ دامۋىنا العا باسۋ بەتالىسىن كورسەتىپ، ٴتۇبىرلى بويسۇنۋ ولشەمىن ازىرلەدى.
سوڭعى جىلدارى اۆتونوميالى رايوندىق پارتكوم مەن ۇكىمەت حالىقتىق شارۋاشىلىقتى اناعۇرلىم كورنەكتى ورىنعا قويۋعا تاباندى بولىپ، ٴبىر قىدىرۋ ناقتى، ٴونىمدى شارالار قولدانىپ، حالىقتىق كاسىپورىنداردىڭ ىشكى قوزعاۋشى كۇشىنىڭ ۇزدىكسىز ارتۋىن، دامۋ بەتالىسىنىڭ ۇزدىكسىز جاقسارۋىن جەبەپ، شينجياڭنىڭ حالىقتىق شارۋاشىلىعىنىڭ دامۋىندا بەلسەندى ونىمدىلىككە قول جەتكىزىپ، شينجياڭنىڭ ەكونوميكالىق، قوعامدىق دامۋى مەن حالىق تۇرمىسىنىڭ جاقسارۋىنا كورنەكتى ۇلەس قوستى. تۇتاس رايونىمىزدا جوعارىدان تومەنگە دەيىن ”ەكىدەن تيتتەي دە اۋىتقىماۋعا“ تاباندى بولۋ، ”ەكى اقاۋسىزدىقتى“ جەبەۋ باعىت ـ ساياساتتارىن مىقتاپ يگەرىپ، حالىقتىق شارۋاشىلىقتىڭ دامۋىن اناعۇرلىم زور تەبىنمەن قولداپ، حالىقتىق كاسىپورىنداردىڭ الاڭسىز شارۋاشىلىق جۇرگىزىپ، الاڭسىز دامىپ، سوتسياليستىك وسىزاماندانعان شينجياڭ قۇرۋ بارىسىندا تاعى دا تىڭ ۇلەس قوسۋىنا مۇمكىندىك جاساۋ كەرەك.
”حالىقتىق كاسىپورىندار مەن حالىقتىق كاسىپورىنشىلار ٴبىزدىڭ ٴوز ادامدارىمىز“. بۇكىل رايونداعى ٴار دارەجەلى پارتكومدار مەن ۇكىمەتتەر جالپىلىق مەنشىككە جاتپايتىن شارۋاشىلىقتىڭ اقاۋسىز دامۋى مەن جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەردىڭ اقاۋسىز جەتىلۋىن تاباندىلىقپەن جەبەپ، اۆتونوميالى رايوننىڭ حالىقتىق شارۋاشىلىقتىڭ دامۋىن جەبەۋ ساياسات ـ شارالارىنىڭ ناقتىلانۋىن، تياناقتانۋىن ٴبىر تۇتاس جوسپارلاپ ىلگەرىلەتىپ، حالىقتىق شارۋاشىلىقتىڭ دامۋ ومىرشەڭ كۇشى مەن ىشكى قوزعاۋشى كۇشىن تولىق تاسقىنداتۋى كەرەك. زاڭمەن باسقارۋ نەگىزىن بەكەمدەپ، حالىقتىق شارۋاشىلىقتىڭ دامۋىنا ٴادىل بازار ورتاسىن ازىرلەۋ؛ كەڭ تۇعىر ورناتىپ، حالىقتىق كاسىپورىنداردىڭ شينجياڭنىڭ ەرەكشەلىككە، باسىمدىققا يە كاسىپ سالالارىن دامىتۋعا بەلسەنە ات سالىسۋىنا قولداۋ كورسەتۋ؛ فاكتورلارمەن قامتاماسىز ەتۋدى كۇشەيتىپ، حالىقتىق شارۋاشىلىقتىڭ دامۋىنا پارمەندى تىرەك ازىرلەۋ؛ قيىنشىلىق قىسپاعىنان ارىلتۋ ساياساتىن جاپپاي تياناقتاندىرىپ، كاسىپورىنداردىڭ شارۋاشىلىق جۇرگىزۋ سەنىمىن كۇشەيتۋ؛ ۇكىمەت پەن ساۋداگەرلەردىڭ ەتەنە، پاك قاتىناسىن ونان ارى ورناتىپ، ”ەتەنە“ دە ۇيلەسىمدى بولۋ، ”پاك“ تە ىسكەر بولۋ كەرەك.
قازىر شينجياڭ جاڭا باستامادا تۇر، جوعارى ساپالى دامۋ كەلەلى تاريحي ورايعا ٴدوپ كەلدى، سونداي ـ اق حالىقتىق شارۋاشىلىقتىڭ دامۋىنا دا ٴتيىمدى شارت ـ جاعداي ازىرلەنىپ، تاماشا ورتا جاراتىلدى. پارتيا ورتالىق كوميتەتى شينجياڭنىڭ مەملەكەت جالپى جاعدايىنداعى ”بەس ۇلكەن ستراتەگيالىق ورنىن“ بەلگىلەپ، حالىقتىق شارۋاشىلىقتىڭ شينجياڭ قۇرىلىسىنا ىشكەرىلەي ات سالىسۋىنا ماڭىزدى وراي ازىرلەدى؛ شينجياڭ وسىزاماندانعان كاسىپ سالاسى جۇيەسىن كۇش سالا ورناتىپ، ەرەكشەلىككە، باسىمدىققا يە كاسىپ سالاسى شوعىرىن جەدەل تۇلعالاپ، جوعارى دەڭگەيدە سىرتقا ەسىك اشۋدى ۇزدىكسىز كەڭەيتىپ، حالىقتىق شارۋاشىلىقتىڭ دامۋىنا كەڭ ٴورىس ازىرلەدى؛ شينجياڭنىڭ جوعارى ساپالى دامۋ ارىنى تەبىندى بولىپ، حالىقتىق شارۋاشىلىققا دامۋ سەنىمىن ۇستەدى.
كەڭ دامۋ بولاشاعىنا نازار سالساق، ٴداۋىر مەن وراي قالىڭ حالىقتىق كاسىپورىندار مەن حالىقتىق كاسىپورىنشىلاردى باس شۋجي شي جينپيڭنىڭ ”وتان ٴۇمىتىن اقتاۋدى كوكەيدە ساقتاۋ، بار پەيىلىمەن دامۋدى كوزدەۋ، زاڭعا بويسۇنىپ شارۋاشىلىق جۇرگىزۋگە شەبەر بولۋ، الدىمەن بايۋ ارقىلى بىرگە بايۋدى جەبەۋ“ سىندى ىقىلاستى تاپسىرماسىن ەستە بەرىك ساقتاپ، پارتيانى ٴسۇيۋ، وتاندى ٴسۇيۋ، شينجياڭدى ٴسۇيۋ سۇيىسپەنشىلىگىن نىعايتىپ، كاسىپورىنداردىڭ دامۋىن شينجياڭنىڭ ”15 ـ بەسجىلدىق“ دامۋ جوباسىمەن ٴوزارا ۇشتاستىرىپ، جوعارى ساپالى دامۋدىڭ جالىندى امالياتىنا بەلسەنە ات سالىسىپ، جۇڭحۋا ۇلتى ورتاق تۇلعا تانىمىن بەكەمدەپ، سوتسياليستىك وسىزاماندانعان شينجياڭ قۇرۋعا تىڭ دا اناعۇرلىم زور ۇلەس قوسۋعا ۇندەۋدە.
