شينحۋا اگەنتتىگىنىڭ تىلشىلەرى لو شا، چي چي
11 ـ ايدىڭ 17 ـ كۇنىنەن 18 ـ كۇنىنە دەيىن ورتالىقتىڭ مەملەكەتتى جاپپاي زاڭمەن باسقارۋ قىزمەتى ٴماجىلىسى بەيجيڭدە اشىلدى. ماجىلىستە باس شۋجي شي جينپيڭنىڭ مەملەكەتتى جاپپاي زاڭمەن باسقارۋ قىزمەتى جونىندە بەرگەن ماڭىزدى نۇسقاۋى جەتكىزىلدى.
زاڭ ـ ٴتۇزىم — مەملەكەتتى باسقارۋدىڭ باستاماسى.
2020 ـ جىلى 11 ـ ايدا پارتيا تاريحىندا ورتالىقتىڭ مەملەكەتتى جاپپاي زاڭمەن باسقارۋ قىزمەتى ٴماجىلىسى تۇڭعىش رەت اشىلىپ، شي جينپيڭ زاڭمەن باسقارۋ يدەياسى مەملەكەتتى جاپپاي زاڭمەن باسقارۋدىڭ جەتەكشى يدەياسى بولىپ ايقىندالدى.
بەس جىلدان كەيىن ورتالىقتىڭ مەملەكەتتى جاپپاي زاڭمەن باسقارۋ قىزمەتى ٴماجىلىسى تاعى دا اشىلدى، بۇل ٴدال ”14 ـ بەسجىلدىق“ اياقتالۋ الدىندا تۇرعان، ”15 ـ بەسجىلدىق“ جوبا ورنالاستىرىلعان شەشۋشى مەزگىلگە تۋرا كەلدى.
”15 ـ بەسجىلدىق“ جوبا ۇسىنىسىندا الداعى بەس جىلداعى ەكونوميكالىق، قوعامدىق دامۋدىڭ باستى نىسانالارى ايقىندالىپ، ”سوتسياليستىك زاڭمەن باسقارىلاتىن مەملەكەت قۇرىلىسىن اناعۇرلىم جوعارى دەڭگەيگە جەتكىزۋ“ ورتاعا قويىلدى. جاڭا باستامادا باس شۋجي شي جينپيڭنىڭ ماڭىزدى نۇسقاۋىنىڭ ٴمانى تەرەڭ.
— ەكى ”اناعۇرلىم ٴمان بەرۋ“ ورتاعا قويىلدى.
زاڭمەن باسقارۋ — جۇڭگو ۇلگىسىندەگى وسىزامانداندىرۋدىڭ ماڭىزدى قامتاماسىزدىعى. نازاردى اناعۇرلىم كەمەلدى جۇڭگوشا سوتسياليستىك زاڭمەن باسقارۋ جۇيەسىن قۇرۋعا، اناعۇرلىم جوعارى دەڭگەيدەگى سوتسياليستىك زاڭمەن باسقارىلاتىن مەملەكەت قۇرۋعا شوعىرلاندىرا وتىرىپ، باس شۋجي شي جينپيڭ ەكى ”اناعۇرلىم ٴمان بەرۋدى“ ايقىن العا قويىپ، جاڭا داۋىردەگى جاڭا جورىقتاعى زاڭمەن باسقارىلاتىن جۇڭگو قۇرىلىسىنىڭ ماڭىزدى ٴتۇيىنىن بەلگىلەدى.
”زاڭمەن باسقارۋدىڭ رەفورمامەن، دامۋمەن، ورنىقتىلىقپەن ٴوزارا سايكەسۋىنە اناعۇرلىم ٴمان بەرۋ كەرەك“. مەملەكەتتى جاپپاي زاڭمەن باسقارۋ رەفورما، دامۋ، ورنىقتىلىق، پارتيانى باسقارۋ، مەملەكەتتى باسقارۋ، ارميانى باسقارۋ، ىشكى ىستەر، ديپلوماتيا، مەملەكەت قورعانىسى سياقتى سالالارعا سايادى، ٴسوز جوق، جالپى جاعداي مەن ۇزاق بولاشاقتى تياناق ەتە وتىرىپ ٴبىر تۇتاس جوسپارلاۋ كەرەك.
قازىر حالىقارا جانە ەل ٴىشى ورتاسى نەعۇرلىم كۇردەلى بولعان سايىن، رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ مىندەتى نەعۇرلىم اۋىر بولعان سايىن، زاڭمەن باسقارۋدىڭ رەفورما، دامۋ، ورنىقتىلىق جونىندەگى جەتەكشىلىك، ارناعا ٴتۇسىرۋ، قامتاماسىزداندىرۋ رولىن سولعۇرلىم ويداعىداي ساۋلەلەندىرۋ كەرەك.
پارتيا 20 ـ قۇرىلتايىنىڭ بايانداماسىندا: ”زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋ“ ايقىن ورتاعا قويىلدى. بۇل زاڭمەن باسقارۋ وي جەلىسى جانە زاڭمەن باسقارۋ ٴتاسىلى ارقىلى رەفورمانى ىلگەرىلەتىپ، دامۋدى قورعاپ، ورنىقتىلىقتى قورعاپ، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا ٴتيىمدى بولۋ سىندى قامتاماسىز ەتۋ رولىن اناعۇرلىم ويداعىداي ساۋلەلەندىرىپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋگە بەرىك زاڭمەن باسقارۋ قامتاماسىزدىعىن ازىرلەۋدى تالاپ ەتەدى.
”قوعامدىق ادىلدىك پەن ادىلەتتىلىكتى قامتاماسىز ەتۋگە جانە جەبەۋگە اناعۇرلىم ٴمان بەرۋ كەرەك“. تۋراشىلدىق — زاڭمەن باسقارۋدىڭ جان تامىرى. مەملەكەتتى جاپپاي زاڭمەن باسقارۋ، ٴسوز جوق، قوعامدىق ادىلدىك پەن ادىلەتتىلىكتى قامتاماسىز ەتۋ جانە جەبەۋ توڭىرەگىندە ٴجۇرىلۋى كەرەك.
مەملەكەتتى جاپپاي زاڭمەن باسقارۋدىڭ ەڭ كەڭ، ەڭ تەرەڭ نەگىزى — حالىق، مەملەكەتتى جاپپاي زاڭمەن باسقارۋدى ىلگەرىلەتۋدەگى ٴتۇبىرلى ماقسات — حالىقتىڭ ۇقىق ـ مۇددەسىن زاڭ بويىنشا قامتاماسىز ەتۋ. جاڭا داۋىرگە وتكەننەن كەيىن، اناعۇرلىم تاماشا تۇرمىسقا تالپىنعان حالىق زاتتىق مادەنيەت تۇرمىسىنا اناعۇرلىم جوعارى تالاپ قويىپ قانا قويماي، دەموكراتيا، زاڭمەن باسقارۋ، ادىلدىك، ادىلەتتىلىك، حاۋىپسىزدىك، قورشاعان ورتا سياقتى جاقتارداعى تالابى دا كۇن سايىن ارتا ٴتۇستى.
مەملەكەتتى باسقارۋدىڭ ٴتۇيىنى ادىلدىكتە، تۋراشىلدىقتا. باس شۋجي شي جينپيڭ العا قويعان اناعۇرلىم جوعارى تالاپ زاڭمەن باسقارىلاتىن جۇڭگو قۇرىلىسىندا قوعامدىق ادىلدىك پەن ادىلەتتىلىك سىندى قۇن تالپىنىسىن مىقتى يگەرىپ، قۇلشىنا حالىق بۇقاراسىنا ٴاربىر زاڭ ـ تۇزىمنەن، ٴاربىر زاڭ اتقارۋ ۇيعارىمىنان، ٴاربىر ٴادىليالىق دەلودان ادىلدىك پەن ادىلەتتىلىكتى سەزىندىرۋگە جەتەكشىلىك ەتەدى.
— ەكىنى ”جاپپاي ىلگەرىلەتۋ“ باسا دارىپتەلدى.
مەملەكەتتى جاپپاي زاڭمەن باسقارۋ سىندى ايبىندى جوبا ورنالاسىمىن قايتكەندە ناقتى امالياتتا ونان ارى تياناقتاندىرۋعا بولادى؟ باس شۋجي شي جينپيڭ ماڭىزدى نۇسقاۋىندا بىلاي دەپ باسا دارىپتەدى: ”عىلمي جولمەن زاڭ شىعارۋدى، زاڭدى قاتاڭ اتقارۋدى، ٴادىليادا ٴادىل بولۋدى، جالپى حالىقتىڭ زاڭعا بويسۇنۋىن جاپپاي ىلگەرىلەتۋ، مەملەكەتتىڭ ٴار جاقتاعى قىزمەتتەرىنىڭ زاڭمەن باسقارىلۋىن جاپپاي ىلگەرىلەتۋ كەرەك“.
عىلمي جولمەن زاڭ شىعارۋ ارقىلى تاماشا زاڭمەن شەبەرلىكپەن باسقارۋدىڭ نەگىزىن قالاۋ، زاڭدى قاتاڭ اتقارۋ ارقىلى زاڭنىڭ بەدەلىن ورناتۋ، ٴادىليادا ٴادىل بولۋ ارقىلى ادىلدىك پەن ادىلەتتىلىكتى قورعاۋ، جالپى حالىقتىڭ زاڭعا بويسۇنۋى ارقىلى قوعامدىق سالتقا جەتەكشىلىك ەتۋ... زاڭ شىعارۋ، زاڭ اتقارۋ، ٴادىليا، زاڭعا بويسۇنۋ بۋىندارى ٴوزارا ساباقتاسىپ، ٴبىرىن ـ ٴبىرى جەبەپ، مەملەكەتتى جاپپاي زاڭمەن باسقارۋدا ۇزدىكسىز تىڭ تابىستارعا قول جەتكىزۋدى ىلگەرىلەتەدى.
مەملەكەتتى زاڭمەن باسقارۋ مەن پارتيانى ەرەجە بويىنشا باسقارۋدىڭ ورگانيكالى بىرلىگىنە تاباندى بولۋ، تاماشا زاڭمەن شەبەرلىكپەن باسقارۋ ارقىلى ەكونوميكانىڭ، قوعامنىڭ جوعارى ساپالى دامۋىنا كەپىلدىك ەتۋ جۇڭحۋانىڭ تاڭداۋلى ٴداستۇرلى زاڭ مادەنيەتىن جالعاستىرۋ، كورىكتى جۇڭگونى قورعاۋدىڭ زاڭمەن باسقارۋ تورىن بەرىك توقۋ... مەملەكەتتىڭ ٴار جاقتاعى قىزمەتتەرىنىڭ زاڭمەن باسقارىلۋى جاپپاي ىلگەرىلەتىلىپ، زاڭمەن باسقارۋ ارناسىندا مەملەكەتتى باسقارۋ جۇيەسى مەن باسقارۋ قابىلەتىنىڭ وسىزاماندانۋى ىلگەرىلەتىلەدى.
— ”زاڭمەن باسقارىلاتىن جۇڭگو قۇرىلىسىنىڭ جاڭا جاعدايىن كۇش بىرىكتىرە اشۋعا“ ۇندەدى.
ادام مەن زاڭ بىردەي ماڭىزدى، ەكەۋى ٴبىرىن ـ ٴبىرى تولىقتاپ، ٴبىر ـ بىرىنە سايكەسكەندە عانا مەملەكەتتى ٴساتتى باسقارۋعا بولادى. باس شۋجي شي جينپيڭنىڭ ماڭىزدى نۇسقاۋىنداعى ”كۇش بىرىكتىرۋ“ دەگەن ٴسوزدىڭ ٴمانى تەرەڭ.
زاڭمەن باسقارىلاتىن جۇڭگو قۇرۋ كوپ جاقتىڭ سايكەسۋىن، ٴبىر نيەتپەن سەلبەسۋىن قاجەت ەتەدى. جەر ـ جەر، تاراۋلار جوعارى مەن تومەن بىرلەسىپ قيمىلداپ، اركىم ٴوز مىندەتىن ادا ەتىپ، تۇتاس قوعام جاپپاي ات سالىسىپ، زەيىن ـ زەردەنى، كۇش ـ قۋاتتى شوعىرلاندىرعاندا زاڭمەن باسقارىلاتىن جۇڭگونىڭ بەرىك نەگىزىن بەكەمدەۋگە بولادى.
ٴار دارەجەلى پارتكومدار (پارتيا باسشىلىق گرۋپپاسى) تۇلعالىق جاۋاپكەرشىلىكتى ارقالاۋ، ”شەشۋشى ازشىلىق“ زاڭمەن باسقارۋدى باستاماشىلدىقپەن قاتاڭ اتقارىپ، ٴىستى زاڭ بويىنشا ىستەۋ، زاڭمەن باسقارۋ قىزمەت تاراۋلارى قىزمەت جاۋاپكەرشىلىگىن ادا ەتىپ، جاۋاپكەرشىلىك ارقالاپ ىسكەرلىك كورسەتۋ، قالىڭ بۇقارا زاڭعا قۇرمەت ەتىپ، زاڭعا بويسۇنىپ، ٴمورالدى قاستەرلەپ، ىزگىلىككە تالپىنۋ... زاڭمەن باسقارىلاتىن جۇڭگونى بىرگە قۇرۋ كۇشى ۇزدىكسىز توپتالىپ، سوتسياليستىك زاڭمەن باسقارىلاتىن مەملەكەت قۇرىلىسىنىڭ ۇلى جوباسىنىڭ بىرتىندەپ رەالدىققا اينالۋىن ىلگەرىلەتەدى.
زاڭمەن باسقارۋ كوركەيسە، مەملەكەت كوركەيەدى، زاڭمەن باسقارۋ كۇشەيسە، مەملەكەت كۇشەيەدى.
جاڭا داۋىردەگى جاڭا جورىقتا مەملەكەتتى جاپپاي زاڭمەن باسقارۋدى ىلگەرىلەتۋ دابىلى قاعىلدى، باس شۋجي شي جينپيڭ كورسەتكەن ايقىن بەتالىس بويىنشا جۇڭگوشا سوتسياليستىك زاڭمەن باسقارۋ جولى، ٴسوز جوق، جۇرگەن سايىن كەڭەيە تۇسەدى.
(شينحۋا اگەنتتىگىنىڭ 11 ـ ايدىڭ 18 ـ كۇنى بەيجيڭنەن بەرگەن حابارى)
